王祖藍同李亞男喺2015年拉埋天窗，婚後一直積極造人～
終於喺今年7月報喜！宣布佗B女～
唔少網民都估BB究竟會似爸爸定媽媽？答案終於公開，個樣同祖藍相似度達八成！
今日25號就係李亞男嘅34歲生日，踏入零時零分王祖藍喺社交網留言：「老婆辛苦了，生日快樂」
佢仲PO咗張B女嘅4D超聲波照畀大家睇，張相最突出嘅都要數個鼻，因為同老竇祖藍一樣有個大鼻仔，再配埋厚厚嘅嘴唇，真係好似翻版小祖藍！
佢哋仲擺埋同B女一樣嘅側頭甫士相上社交網，等網民自己睇吓似邊個多啲。
好多網民都話個鼻同爸爸似到十足，不過下巴尖尖就似媽咪。
(綜合報道/on.cc)
歌手吳雨霏（Kary）自從生咗囝囝Asher之後，一直都專心相夫教子，佢前排產後復出，話要慢慢適應工作。呢日佢趁得閒，帶埋囝囝去旅行，仲喺ig story上載咗張埋身餵奶相，成個畫面好有愛同好溫馨！
好多人都話同小朋友去旅行要帶好多嘢，呢點Kary都好認同，但就話其實一切都係值得，並以英文留言：「他們提醒我們放慢腳步，我們打破常規，記住真正重要的事情。我們不僅僅是為了建立他們的記憶，而是為了建立他們的心靈。」
Asher肥嘟嘟超可愛！
(ig / on.cc)
藝人麥明詩、麥美恩及陸浩明現身電視城，為新節目《一帶一路一狀元》錄影。三人齊齊受訪時，當記者連聲恭喜麥明詩獲提名本屆視后時，她靦腆回應：「尋日咪問咗囉。（父母係咪覺得你好叻？）冇傾過，我爸爸同哥哥尋日就入咗嚟錄影《#後生仔傾吓偈》。」
在旁的麥美恩即說：「我入圍嗰時好想攞㗎！」自知資歷尚淺的麥明詩謙虛回應：「我冇你咁刻意，有啲獎好難攞，明知未夠資格，無謂呃人同欺騙人感情啦！大家唔好提咁多。」陸浩明笑謂：「咩呀？我哋訂咗枱（12月）16號同你慶功。」麥明詩說：「尋晚錄《後生仔》時錄影你明明唔係咁講，嗰集差唔多聖誕先播，所以你係恭喜定我落選喎！」
談到主持《一》節目，麥明詩笑言對嘉賓翟威廉另眼相看：「問咗條好深嘅問題，好似係中國嘅海上航導由邊個城市開始，佢竟然識答，即刻覺得佢好有才華。」陸浩明即表示該節目讓他更加了解身邊同事：「包括佢哋經營好多副業，好似黎諾懿原來有開車房，嚟緊又會染指BB用品界。」
(綜合報道 / on.cc)
藝人李麗珍出席李居明新片《豬年運程》首映，對於被指該片乃其復出之作，珍妹聞言即否認，表示閒時也有客串電影，更指今次為電影到日本拍攝，過程似足遊埠，問到李師傅有否贈言幾句？她謂：「成日都有，都係話明天會更好，明年會更好。」
談到女兒尚有兩年便大學畢業，珍妹坦言現時正處於十字路口般：「因為就嚟可以甩難，咁之後應該係退休定繼續拍戲？定係揀發展畫畫興趣？我仲諗緊。」
更指女兒已拍拖，亦見過其男友，印象尚算不俗，惟對方生活在香港，故二人要展開遠距離戀愛。
問到女兒有否也着她拍拖？珍妹謂：「又冇，我都唔覺有人追，感情事隨緣啦，唔想刻意去諗（舊愛潘源良都結咗婚啦！）希望佢開心，不過我哋都冇聯絡，如果有嘅話，都唔會唔知佢結婚啦！」
舊愛潘源良
(on.cc)
早前英超球隊卡迪夫城班主陳志遠的女兒陳雪鈴在京都舉行婚禮，身為好友的何超盈也親自到賀，更偕同新歡一起參加婚禮，惟其好友Elly在社交網分享婚禮照片時「洩蜜」，上載了何超盈和男友Thomas Xin的親熱照，令戀情曝光！
賭王何鴻燊四房長女何超盈被爆有新男友！
相中以大露背晚裝上陣的何超盈靠在Thomas的胸膛，而男方則閉眼吻着其秀髮，非常甜蜜恩愛！何超盈接受東網訪問時大方認愛：「多謝！我哋係最近先發展。（好友洩蜜有冇唔開心？）係開心事，我唔介意，只係覺得有少少突然。」
而四太梁安琪接受傳媒訪問時，大讚超盈的男友靚仔：「我見過呢個男仔，之前有飲過茶，佢斯斯文文、後生靚仔。佢哋啱啱開始發展，大家畀啲空間佢哋啦！最緊要佢哋慢慢互相了解，睇吓夾唔夾。」
據知，何超盈和Thomas是在朋友介紹下認識，對於這段剛萌芽的感情，超盈保護得小心翼翼，故一直採取低調保密作風。
惟今次婚禮上的來賓大多是超盈的好友，故她也放下戒心，在現場大方介紹男友Thomas給朋友認識。其實何超盈對上一段公開的戀情已是六年前，當時和設計師男友Greg拍拖四年，更去到談婚論嫁的階段，惟最後分手收場。
（on.cc）
藝人黃智賢（Ben）出席台慶頒獎禮候選名單公布活動，身為鄭嘉穎的老友的他，被問到對方空i快做爸爸一事時… 
Ben坦言一早知喜訊，他說：「我比大家早少少知，之前我哋去嘉穎屋企食飯，佢哋好開心，話有個好消息話畀我哋知，我就升呢做契爺。」
Ben隨即又大爆嘉穎笑料。
他謂：「嘉穎陪陳凱琳（Grace）照超聲波，一望到個螢幕時佢話『嘩！咁大條嘅！』，醫生話佢知，呢條係臍帶嚟㗎喎！」
「佢當晚同我哋講時，我哋笑咗好耐，我識佢咁耐，都知佢好想做Daddy，我都係第一次做契爺，都要問啲長輩要送啲乜。（想收契仔定契女？）仔定女就等佢哋自己講啦！」
「我做契爺就好開心，見到佢哋恩恩愛愛又開心。」
(綜合報道 / on.cc )
最近在社交網宣佈順利誕下囡囡，是她第4個子女。
她上載B女的小腳仔報平安，留言表示B女是11月18日出世，同米奇老鼠同一日生日，適逢今年是米奇老鼠迎接90歲生日，非常有紀念性，而媽媽就表示家族增添新成員感到好開心，希望大家為她打氣。
出名多仔婆的34歲日本混血女星土屋安娜經歷3段婚姻，她於2004年奉子成婚嫁給首任混血模特兒老公Joshua，同年11月生下長子澄海，但婚姻維持2年離婚收場，而前夫Joshua亦於2008年逝世，終年25歲。2009年土屋再嫁給設計師菊池大和，生下次子心羽，雖然這次婚姻維持較久，但無奈於2016年離婚。
同年土屋火速結識圈外男友，並未婚懷第3胎，同年第3度結婚，翌年3月誕下女兒星波。
（綜合報道 / on.cc）
談到「胡說八道會」有四名成員角逐視后，當中有已是視后的胡定欣，以及出爐星馬視后黃智雯，問到如何與她們鬥？
她笑謂：「加入埋佢哋。（佢哋好嘈喎！）咁都要平均，佢哋嘈，我靜少少就可以聽佢哋講嘢，等我召集晒佢哋嚟我屋企食飯拉吓票先。（邊個係最大對手？）」
「智雯同李佳芯都係大對手，所以要睇觀眾口味。（會否喺網上拉票？）我喺香港嘅親戚唔多，希望鍾意我嘅人、身邊嘅人都會投票。」
藝人陳煒她出席《萬千星輝頒獎典禮2018》入圍記者會。 
、
原定兩劇在手的她，最終憑劇集《宮心計2深宮計》角逐視后及最受歡迎電視女角色，陳煒認為此舉可集中票數。對於被指呼聲高，她自言亦為角色付出努力，寄望得到大家支持。
李佳芯於貼地劇集《BB來了》演技亦非常出衆！
（綜合報道 / on.cc）
之前奪得「亞洲卓別靈成就獎」嘅梁朝偉，今日被傳媒捕獲。
約中午12點，穿上一身運動服裝、戴住cap帽同口罩一個人現身養和醫院。
佢從樓梯行上正門時，見在場有傳媒守候，傳媒問佢係咪唔舒服嚟睇醫生，佢擰晒頭話︰「唔係。」之後就入咗大堂等電梯上樓。
偉仔大約逗留45分鐘左右就落樓，離開時問佢係嚟探病，佢答︰「係。」
臨離開時，佢有禮貌同在場傳媒講再見。
（綜合報道）
王菲與李亞鵬所生嘅女兒李嫣，天生患有兔唇。
李亞鵬日前接受大陸主持楊瀾訪問，透露李嫣喺今年8月再次入院接受手術，當時李嫣表現堅強，冇任何恐懼同緊張，反而自己喺囡囡進入手術室後，落樓下嘅馬路邊擔心到喊咗出嚟。
當年37歲嘅王菲喺懷孕4個月時，胎兒已被確診患上先天性唇顎裂（兔唇），不過佢哋都堅持將囡囡生下來。李亞鵬話：「我的信仰不允許我這麼做（墮胎）」。
李嫣出世後，待王菲坐完月就帶女兒赴美國接受漫長嘅治療，據悉李嫣第一次接受手術時，只有3個月大，令父母非常心痛。
李亞鵬直言因為擔心女兒心靈受創，諗過要將女兒一輩子藏美國，佢話：「嫣兒剛出生的時候，其實我有想過，要不然就把她一輩子藏在美國吧！至少可以保護她！」
可幸李嫣一直都好堅強，早前為雜誌拍攝封面，充滿陽光氣息，還會跟爸爸一起為「嫣然基金」做探訪，與同樣患有兔唇嘅小朋友給予鼓勵。
大部份致病原因不明，部份是受環境或遺傳因素影響
A. 環境因素
B. 遺傳因素
由不正常的因子，染色體或細 胞形成-若父母本身其中一位有唇顎裂或生有一名唇顎裂子女者，得病的機會高達二十分之一；若雙親是唇顎裂患者或育有二名唇顎裂子女，得病的機會更高達四分之一。
裂唇-外觀異常、吸吮困難及發音不準確
裂顎-發音不準確、吸吮困難、牙齒生長及排列不正常、面頰骨生長受阻
其他-中耳積水／發炎及心理問題等
（綜合報道 / 香港兔唇裂顎協會 / apple daily）
