受傷後要叫醒老公蘇浩才陪同去醫院。問到工作有冇受到影響？佢表示：「影響呀，同公司夾緊，別擔心！大家做運動要小心啲啦！」
歌手盧巧音（Candy）今早喺IG上載一張健身轆嘅黑白照，透露自己不慎受傷，尋晚仲去埋醫院縫針：「話說尋日呢個時候我已經喺醫院 因為呢舊嘢 我下巴多左（咗）13針 謝謝醫生護士 尋晚已返歸 唉 D（啲）計劃錯晒 大家唔好擔心 以後刀疤音係我 #自己唔小心 #憎自己呀 #D（啲）工作亂晒plan #休養期 #嚇死老公屋企人公司同事 #落地開花富貴榮華」唔少網友都留言表示擔心！
東網聯絡到Candy，佢表示做運動時冇用瑜伽墊，卻唔小心撼到硬地令自己受傷。佢又指受傷後要叫醒老公蘇浩才陪同去醫院，而佢現時只要動作唔大仍可講嘢。問到工作有冇受到影響？佢表示：「影響呀，同公司夾緊，別擔心！大家做運動要小心啲啦！」
(on.cc東網)
同埋一班好姊妹到當地出席婚禮，佢哋見證住一對新人行禮，佢又興奮撤花瓣，唔知喺現場有冇成功搶花球，成為下一位新娘呢？
韓國女團少女時代嘅29歲前成員Jessica同男友權寧一(K先生)拍拖多年，兩人感情好穩定。
已屆適婚年齡嘅Jessica近日就飛咗去夏威夷，同行就唔見男友K先生，反而佢就孖住模特兒好友Irene Kim周圍行街街。
此行Jessica就同埋一班好姊妹到當地出席好友嘅婚禮，佢哋見證住一對新人行禮，Jessica又興奮撤花瓣，唔知Jessica喺現場有冇成功搶花球，成為下一位新娘呢？
而去到陽光與海灘嘅聖地，Jessica都來個大解放，仲着上白色一件頭泳衣玩水，勁益粉絲。
(蘋果日報)
「大便好嗎？」這是大家看中醫必定被問到的問題。到底這問題背後有什麼意義？其實大便正常與否，能直接反應身體的內在狀況。所以大家沖水前應多花一、兩秒看看大便形態，懂得看，就能大略知道當下自己的身體狀況。
香港極具人氣的美女中醫師梁尹倩認為，健康的秘訣就是陰陽平衡，「平和體質」是最理想的健康體質，但現代人生活壓力大、飲食失調、經常熬夜，造成胃痛、失眠、便秘、月經不順等文明病。於是她把中醫概念融入生活中，提倡日常飲食保健。只要從市場買來新鮮食材，就能輕鬆烹調出又方便又美味的保健湯水，這就是最簡單也最有效的調理體質方法！
她拆解了許多人不知道的中醫養生謬誤，並教大家如何快速分辨自己的體質類型，學會留意自己身體所發出的警訊，按自己的體質來決定什麼食物一定不能吃、什麼可以多吃。
她更針對8種不同體質，量身訂做了60道湯療食譜，就算是廚房新手或對料理苦手的人也能輕鬆完成。只要每個星期喝兩三次，就能幫助你調理體質，改善不適症狀，越喝越健康！
（元氣網）
孫耀威今日喺新城宣傳新歌《最後最後》，早前佢為新歌拍MV：「由故事、拍攝到剪接，我都俾咗好多意見，由第一個鏡頭到最尾嗰個都係我自己剪。」
孫耀威講到新歌係提醒大家要珍惜當下，仲自爆以前與老婆陳美詩嗌交，會企硬唔道歉同據理力爭：「o依家會攬番佢講對唔住，對錯其實好少事，最緊要係想佢開心。我老婆其實唔易嬲，不過一嬲起上嚟好難搞，攬住錫佢都試過晒，我同佢講：『都講咗對唔住啦，你仲想點啫？』，呢個真係要學一世。」記者笑指可以推老婆落床，佢即笑謂：「『等我教訓下你！』？唔會啦，係都係佢教訓我。」
（蘋果日報）
藝人唐詩詠日前去峇里出席老友鄭嘉穎同陳凱琳婚禮，可惜就因工作關係已經極速返港工作，不過佢個社交網就日日都有靚相出爐，睇得出佢真係好Enjoy今次個短trip啵！
繼日前晒吓長腿同露個膊頭仔，今次佢就嚟個「正面攻擊」，罕晒三點式泳衣相！
今次佢就甫咗張着住黑色三點式嘅靚相，雖然遠鏡加半個人浸喺水，不過最有「睇頭」嘅部分就露出水面，真係有網友心。
峇里嘅藍天，加埋個infinite pool，配合詩詠誘人嘅三點式，真係索到爆，難怪網友都叫詩詠晒多啲近鏡，畀大家睇吓呢個靚人靚景。
(on.cc東網)
今日8月17日係七夕情人節，唔少藝人都趁機放閃，喺台灣就有天王周杰倫（周董）喺Instagram上載攬實老婆昆凌嘅合照，點知甜到「漏」低個仔「小小周」，留言淨係講個女「小周周」同昆凌：「大家七夕情人節快樂 也祝我的老婆跟前世情人 情人節快樂」，唔少網民都嘲佢「你忘了還有一個兒子嗎？」、「兒子又被遺忘在角落…」非常搞笑！
而甚少晒恩愛嘅林心如都喺微博晒出同老公霍建華嘅Sweet爆合照，留言：「七夕.快樂 ❤️ 」！相中嘅霍建華箍實老婆仲咀爆對方面珠，而心如就笑晒口望住鏡頭，真係閃死人喇！
仲有天團S.H.E成員陳嘉樺（Ella）都加入戰團，佢上載同老公賴斯翔合照，不過佢就冇周董咁冇心肝，冇唔記得個仔勁寶同埋個「女」（愛犬布丁），佢話今日老公同布丁陪佢開工，囝囝就留喺屋企同阿姨過，不過佢出門前囝囝送飛吻畀佢，冧到佢暈呀！
(on.cc東網)
又指仲未為BB改名，打算生完先至舉行婚禮。問到理想中嘅婚禮係點樣？佢直言：「我要那種超傳統。。。」又大爆拍拖1年就閃婚嘅原因係：「真愛呀！」
35歲台灣女星陳意涵與導演男友許富翔未婚懷孕，兩人趁今日係七夕情人節喺台北登記結婚。據知兩人於今早10點半現身，而陳意涵爸爸與一眾親友亦有出席。陳意涵以桃紅色上衣配牛仔短褲示人，4個月嘅肚睇起嚟唔算太明顯。而佢亦相當識做，即場錫錫許富翔塊面畀傳媒影相，心情靚爆！
另外，陳意涵大方承認腹中BB係男仔，又大爆得知佗B後嘅反應：「當下立刻就罵了一句髒話，沒有啦，其實很開心。」又指仲未為囝囝改名，打算生完先至舉行婚禮。問到理想中嘅婚禮係點樣？佢直言：「我要那種超傳統，封街、搭棚、有桌巾的流水席，請大家來唱歌，還要有流動廁所。」又大爆拍拖1年就閃婚嘅原因係：「真愛呀！」
講到求婚細節，佢表示求婚地點係喺屋企：「另一半該做的還是有做，該給的還是有給。」不過佢就唔係太滿意細節，又大爆老公送咗至少1卡鑽戒。而有咗BB之後，佢肥咗1公斤，依家體重大約48公斤。心情大靚嘅佢仲笑言可以倒立：「我做很多運動都有諮詢醫生，只要媽媽本身沒有不舒服都可以做，現在唯一不能坐的就是滑雪。」
(on.cc東網)
洪欣嘅強國老公張丹峰早前被大陸網友爆佢背妻偷食經理人畢瀅，洪欣同張丹峰都先後為事件澄清，事件曝光後，《蘋果》就影到洪欣同張丹峰帶埋囡囡去銅鑼灣行街街，以行動闢謠，力證婚姻冇問題。
噚日係洪欣同莫少聰所生嘅囝囝張鎬濂嘅18歲生日，繼父張丹峰就喺微博貼咗佢哋一家四口嘅慶祝相，再一次以行動證明佢哋一家生活得好幸福，並未受到之背妻偷食嘅報道所影響。張丹峰留言話：「18歲生日快樂，我的乖兒子！從今天起，你要做一個有擔當的男子漢，為自己的夢想努力奮鬥吧，你是爸爸媽媽的驕傲，加油！」
雖然張鎬濂並非張丹峰嘅親生囝囝，但係佢一向都好疼錫鎬濂，今年5月張丹峰亦有抽空出席鎬濂嘅中學畢業典禮，當時佢亦留言話：「未曾錯過哥哥每一個重要的時刻，中學畢業啦！從幼兒園，小學到中學怎麼感覺一眨眼就過了，時間的去哪了？哈哈，還好我們都沒老。」果然係一個絕世好爸。
(蘋果日報)
要小朋友戒奶對好多父母嚟講都係一大挑戰！好似台灣女星賈靜雯咁，雖然有湊小朋友經驗，不過要幫啱啱3歲嘅二女咘咘戒奶都搞到頭都大埋，仲畀媽咪話佢殘忍！
賈靜雯喺微博發文話咘咘對飲奶樽有太大嘅依賴，喺佢3歲前一個月不斷鼓勵，希望佢可以戒奶成功，而咘咘喺媽咪不停灌輸之下，亦都承諾咗正日生日就會戒！雖然咁講，不過去到生日咘咘因為冇得飲奶即場崩潰爆喊，賈靜雯狠下心腸堅持唔畀，抱住囡囡不停同佢解釋，喊咗一段時間，阿媽都頂唔住出嚟睇吓發生乜嘢事，知道咗原因之後，阿媽都話賈靜雯殘忍！
不過佢仍然冇放棄戒奶行動，佢解釋咁做係想囡囡明白做人「講過就要當真」，唔可以隨便開口承諾自己做唔到嘅嘢，佢仲係社交網問大家對佢咁做有乜意見，唔少網民都留言讚佢做得好，話小朋友就係要從少教育誠信嘅概念！
(on.cc東網)
藝人陳智燊（Jason）離開無綫後向世界出發，下個目的地是歐洲、新加坡及馬來西亞等。向來按部就班的他表示：「其實離開公司都唔係突然之間嘅決定，自己想學多啲嘢。（乜嘢動力推動你？）我同Sarah結婚後係倍數咁成長，依家為咗家庭同個仔，都要見吓唔同嘅世界，唔想再咁被動、停滯不前。以前我好『聽話』，好多嘢都只會跟指示去做，依家我會主動啲，畀多啲意見，多咗一份執着。」
搵英國導演合作
對任何演藝活動都有興趣的Jason，最想嘗試拍電影、演舞台劇，甚至拍網劇。說得一口流利英語的他表示，不少美國製作公司喜歡找英國演員演出，故他早前找了幾位英國導演傾合作：「好似吳彥祖咁，佢都唔係好『地道』，當然我同佢仲有一段好大嘅距離，但都想試吓做其他嘢。」
提到兒子即將出世，若他到外地發展，豈不是要跟妻兒分開？似乎未想過這問題的他想了一會才說：「之後九月尾我要去歐洲拍嘢，但嗰陣阿仔應該未滿月，其實我仲未消化到呢件事，但冇理由推咗個Job唔做，我覺得值得嘅，最多忙完之後多啲陪個仔。」
(on.cc東網)
