去年9月跟大三歲嘅圈外男友結婚，早前更宣佈懷孕嘅好消息。目前陀B 6個月嘅佢近日就去咗海外旅行，連日來佢於Instagram公開新相。。。
韓國混聲組合Sharp嘅38歲前成員李智慧，去年9月跟大三歲嘅圈外男友結婚，早前李智慧更宣佈懷孕嘅好消息。目前陀B 6個月嘅李智慧近日就去咗海外旅行，連日來佢於Instagram公開新相，當中包括穿上貼身連身裙晒肚嘅照片。
今日，李智慧再更新Ig，公開穿上泳衣嘅性感照，而且大方公開6個月嘅孕肚。照片公開後，網民都大讚李智慧陀B後身形依舊好弗，令人非常羨慕。
(蘋果日報)
藝人李蘊（Renee）早前誕下囝囝，不過囝囝日前患上蠶豆症，需要入院照燈。Renee連日來都喺社交網不停更新囝囝嘅最新情況，之前仲表示就算囝囝照緊燈，都堅持每日泵人奶拎去醫院畀囝囝，真係廿四孝媽媽。
呢日Renee再喺社交網晒出一張手抱囝囝嘅自拍照，並發文報平安，指囝囝終於出院：「仔！我地返屋企啦！！」相中見囝囝比起之前明顯精神咗好多，而Renee亦展露微笑，相信囝囝嘅情況已無大礙。
另外，見囝囝情況穩定，Renee都放下心頭大石，佢尋晚就同今日踏入27歲嘅G.E.M.慶生，並透露自己正在坐月期間，所以只係偷走出嚟兩個鐘。
(on.cc東網)
捕獲到大肚嘅佢，見佢笑容滿面，鬆身衣服打扮得如鄰家女孩一樣，全程護肚！據了解，佢為咗養胎已推掉所有工作。。。
35歲台灣女星陳意涵和導演男友許富翔未婚懷孕，她昨天在社交網發布了一條手繪視頻，並甜蜜表示：「是的，人生下一篇章，就這樣開啟了，謝謝你們的祝福，我很幸福哦！」還附上一「一家3口」的手繪。原來計劃明天才公布喜訊，但因為被爆懷孕的消息，不得不提前把喜訊公開，她還確實已有近4個月身孕，將於明日七夕情人節登記結婚。
內地媒體在北京機場捕捉到陳意涵的孕照，見她笑容滿面，鬆身衣服打扮得如鄰家女孩一樣，全程護肚，大媽年齡少女心！據了解，陳意涵為了養胎已推掉所有工作。
陳意涵曾大方承認前男友的數量多到可以組成「籃球隊」，而她的目標是「足球隊」，每當分手後，她都能與前度保持良好關係，而擄獲美人的許富翔亦好有料，憑借電視劇《16個夏天》獲得《第50屆台灣電視金鐘獎戲劇節目》最佳導演獎。2016年導演執導美版《蛇蠍女佣》、2017年執導新版《流星花園》。
(on.cc東網)
但點解發文話喜事連連？因為佢都疑似有喜呀。另一張相見到佢摸住自己個肚，在旁嘅鄭丹瑞亦都用手指住，唔通真係兩個靚女都有喜訊咁開心？
曾參選2012年港姐選美的無綫小花陳華鑫（Gloria），今年一月入紙申請結婚，下嫁圈外男友周國榮（Darryl）。
今日藝人郭千瑜喺社交網上載咗第26期藝員訓練班同學嘅聚會相片，藝人郭千瑜用手托住陳華鑫個肚，仲留言：「我哋又有喜事要宣布喇，喜事連連，Yeah yeah yeah，so happy。」
另外陳華鑫亦曾上載過佢老公用孭帶孭住毛公仔嘅相片，仲話老公等唔切要做爸爸了。
但點解郭千瑜發文話喜事連連？因為佢都疑似有喜呀。另一張相見到佢摸住自己個肚，在旁嘅鄭丹瑞亦都用手指住，唔通真係兩個靚女都有喜訊咁開心？
不過原來郭千瑜只係扮大肚同鄭丹瑞合照留念。
陳華鑫受訪時報喜指正佗B五個月，預產期在12月：「多謝，多謝，啱啱五個月可以講，之前未佗定唔講得住。（仔定女？）仔女都冇所謂，都算佗得舒服，冇嘔吐不適，但係因為宮縮，醫生建議留喺屋企休息。」她指隨著肚子越來越大，做媽媽的感受更強烈，但暫時不想透露BB性別，希望保持神祕，並表示正開始準備BB車、BB床等日常用品。
曾經為無綫藝員訓練班出任校長的鄭丹瑞，與一班學生感情深厚，陳華鑫更是他第一年入無綫做校長時的學生，對於陳華鑫有喜，他笑不攏嘴：「係呀，我就快有契孫喇！好開心，我第一年做校長，就係第廿六期無綫藝員訓練班，一班學生好似何廣沛咁，到依家都仲經常有聯絡，畢咗業五年，佢哋有乜嘢問題都會走嚟問下我嘅意見，大家嘅感情好深厚，陳華鑫喺布吉結婚都有請我去。」
(on.cc東網)
今日就喺Instagram公佈再懷第三胎嘅好消息，其實去年8月喺節目上時已透露妻子想追第三個BB，今次兩夫婦終於如願以償，網民都留言祝福二人。。。
韓劇《我係金三珣》、《犯罪心理》嘅36歲女星李允美，同48歲男歌手朱英勳於2006年結婚，結婚12年，兩人現時育有兩名女兒，當中兩名女兒分別於2010年及2015年出世。
而今日李允美就喺Instagram公佈再懷第三胎嘅好消息，當中李允美就上載噚日佢喺節目中嘅片段，並指係最後一次現身節目，又指自己暫時唔能夠同大家見面，同時又透露自己已懷有第三胎，承諾之後會以健康嘅樣貌再見觀眾。
其實朱英勳去年8月喺節目上時已透露妻子想追第三個BB，今次兩夫婦終於如願以償，網民都留言祝福二人，同時亦希望已育有兩女嘅佢哋，可以追到個仔，咁就可以為朱英勳繼後香燈。
(蘋果日報)
「心中總一直記住一句說話，嗯。懂了。『就是專注於眼前該做的』，mi抓緊了這字說話的意義。聽她分享當年是如何每天。。。」
今個星期日(19日)就係鄭秀文(Sammi)嘅46歲生日，噚晚佢就約咗今日40歲生日嘅昔日「跳水皇后」伏明霞一齊慶祝生日，Sammi就喺ig度貼咗佢咗慶祝生日嘅相，佢話好多謝朋友每年都會安排佢同小伏一齊慶祝生日，Sammi仲話：「人大咗，唔洗咩狂歡，簡單食餐飯已經好感恩。」
即將踏入46歲嘅Sammi，同伏明霞一齊慶祝生日，佢仲講到自己好記得對方與她的一席話。Sammi話：「心中總一直記住小伏（Michelle) 跟mi分享的一句說話。她說：『我當刻什麼都不去想，只儘全力把眼前的一跳跳好。』結果，她再奪下了當年的奧運跳手冠軍。嗯。懂了。『就是專注於眼前該做的』，mi抓緊了這字說話的意義。聽她分享當年是如何每天操錬(練)和克(刻)苦， 實在太有意志和堅忍，相對她的毅力和付出，mi只能說我仍得好好加把勁，繼續努力。」
另外，Sammi將於明天推出精選專輯「Believe in Mi」，佢仲話自己就快46歲，直到o依家仲可以為大家唱歌，係一種幸福同幸運喎！佢亦相信擁抱住「相信自己」呢四個字，就能喺心中生出力量，讓自己喺唔同階段拼發出一個又一個新的自己！
今次Sammi揀咗喺花園拍唱片封套，佢話因為自己最愛自然陽光：「我都鐘意花草樹木，而且想搵一個自然環景拍攝，今次啲衫係都有啲啲性感，係女性化中有啲中性感覺，無論著咩都好，係要將自己風格放入去，唔係衫『稱』住個人走，而係人帶住件衫嘅感覺出嚟，今次啲服飾組合我好鐘意，係我自己腦中係有啲槪念，各方面都配合得好好。」
至於服飾同化妝，Sammi都著重自然感覺，佢笑話：「我想拍出嚟有皮膚質感感覺，所以事前要好好咁保養皮膚，做咗好多功夫架！」
(蘋果日報)
台灣女星徐熙媛（大S）與老公汪小菲最近參演內地真人騷《幸福三重奏》，喺近期播出嘅節目中，大S聽到日本乒乓球國寶福原愛為台灣乒乓球選手老公江宏傑剝蝦時，即場露出不可思議嘅表情。
之後講到佢唔食蝦時，佢解釋：「從小到大，都是我爸幫我剝蝦殼，我爸不在之後，我就不吃了。」更指媽咪曾經同佢講過：「吃蝦一定要男人幫你剝！」因此只要汪小菲唔剝蝦殼，佢就唔食蝦。
呢番言論除咗令汪小菲滴晒汗之外，亦令其餘在場嘅2位老公，包括江宏傑、陳建斌勁震驚，立即提起精神幫老婆剝蝦殼，就連平時食飯由福原愛服侍嘅江宏傑，亦爭住幫老婆剝蝦殼，認真搞笑！
(on.cc東網)
喺14年周永恒(Roy)因為同前助手Ruby(劉依靜)搞婚外情，仲試過手打老婆趙頌茹(阿Yu)，結果被網民封為世紀賤男，自稱係「人渣」嘅阿Roy，試過寫咗封信，喊住同阿Yu道歉，希望對方可以俾一個機會重新開始，最終阿Yu決定單方面提出離婚，帶住兩個女走出家暴陰霾，重過新生活。
雖然阿Roy同阿Yu嘅離婚案件喺17年先了結，不過其間阿Roy戀事一啲都不愁寂寞，先係搭上o靚模黃芊詠，之後又搭上強國女Britni，今年5月底仲入紙同Britni結婚！
今日有周刊報道，原來阿Roy今次係奉子成婚，9月將會再做老竇，喺訪問到佢又喊晒同阿Yu講Sorry，仲話同兩個女已經有4年冇見，覺得欠咗佢哋好多嘢，o依家知道自己好錯，又話自己會分擔兩個女嘅生活費！
阿Yu接受周刊訪問，反應平淡，佢話辦妥離婚手續之後，只係叫到2個月嘅生活費，咁啱得咁橋，訪問出街之前，收到呢個月嘅錢，阿Yu仲話唔知佢以前冇俾錢嘅原因，但係佢會靠自己努力賺錢養兩個女。至於同太太嘅關係，阿Roy話係太太話俾佢知，自己係一個值得被愛人，雖然o依家有新家庭，但係有啲嘢唔係過咗去就可以唔理，佢都驚兩個女因為多咗個細佬而唔開心。
（蘋果日報）
情路崎嶇嘅廖碧兒（Bernice）今年3月被《蘋果》踢爆戀上富二代盧啟賢（Calvin），後來又有讀者向《蘋果》爆料指Calvin並非單身貴族，指佢仍未與泰籍女分手，搞到Bernice被指為第三者 ，之後Bernice就去咗加拿大讀書，上月27日佢仲突然喺ig留言話已經同Calvin分手，但就話同男方分手亦是朋友喎！
回復單身嘅Bernice亦不愁寂寞，不時見佢喺ig度貼出同家人耍樂嘅相，今日佢又喺ig度貼咗一張收花相喎，佢留言話：「Fresh flowers will put a smile on any girl any day！」
收花對女仔嚟講就當然開心啦，但唔知邊位有心人送花嚟分手未夠一個月嘅Bernice，而令佢咁開心呢！？神神秘秘令到網友都估送花人身份，唔通Bernice咁快又有啱心水嘅追求者？
(蘋果日報)
峇里島，一個靚景嘅好地方，仲係鄭嘉穎同陳凱琳、霍建華同林心如、劉愷威同楊冪等星級夫婦舉行婚禮嘅「吉祥地」，嚟緊，可能再多一對星級夫婦都會喺峇里舉行婚禮。
講緊嘅係現年43歲嘅台灣女星賈靜雯，佢同男星修杰楷喺2015年註冊結婚以來，一直未舉辦婚禮，而佢哋婚後先後生咗兩名寶貝女，分別係3歲嘅「咘咘」及1歲嘅「Bo妞」，加上修杰楷前年去當兵，可能因為呢堆原因，令佢哋一直未有時間搞婚禮。
賈靜雯雖然喺2005至2010年間曾與孫志浩有過一段婚姻，但賈靜雯今年3月出席婚紗活動時，亦曾透露自己私下未試過着婚紗同舉辦婚禮，但佢話老公修杰楷叫佢唔好問，要等驚喜，所以佢對婚禮係充滿好奇同期待。而修杰楷亦多次公開表示，一定會舉行婚禮。
不過，賈靜雯終於唔使再等，日前有傳修杰楷將於11月24日喺峇里島補辦婚禮，而賈靜雯喺今年6月更帶同佢同孫志浩所生嘅女兒「悟恫妹」先行到峇里睇場，所以當台灣《蘋果》向佢求證時，賈靜雯只哈哈大笑話：「謝謝大家這麼關心我們的婚禮。」並未否認。
消息指，賈靜雯同修杰楷嘅婚禮將搞4日3夜，女方好友高圓圓將出席，而婚禮已有名牌、珠寶等贊助，亦有大陸平台全程側拍獨家轉播。而賈靜雯嘅經理人對婚禮傳聞回應稱：「謝謝大家提醒，這件事講得也很久了，一直都在計劃當中，時間都還沒訂，工作很忙，還是會辦，看大家有空的時間。」
賈靜雯近年帶住佢同修杰楷所生嘅兩名女兒咘咘及Bo妞上大陸親子真人騷，而令一家四口人氣急升。
(蘋果日報)
