出爐雙料視帝袁偉豪出席品牌活時表示，頒獎禮後逐一回覆朋友祝賀的短訊，超過200個，直至凌晨四時才休息，故尚未與女友張寶兒慶祝。
女朋友張寳兒表現激動，眼有淚光！
對於網民戥馬國明又失落視帝不值，袁偉豪不諱言對自己連奪兩獎感到驚訝，賽後也有留意網上留言，明白角色未能獲所有觀眾認同。
他謂：「有人話我唔deserve（值得）呢樣嘢，睇到有少少唔開心，亦批評我木口木面、面癱，但都多謝呢啲朋友，可以令我更加努力，其實馬國明都有短訊恭喜。（佢好大方？）佢不嬲對獎項都隨心隨意，所以都想再合作。」
對於司儀鄭裕玲於頒獎禮上向他催婚，袁偉豪自言已經37嵗，身體荷爾蒙也告訴他是成家立室了。
「等適合嘅時候會一氣呵成，唔需要大家費心，但都希望畀另一半多啲自由時間投入工作，但都要配合公司，唔會閃婚，到時如果真係有呢一日，想請只係做證婚人，我會將婚禮時間喺10點鐘之前完成。」
（綜合報道 / on.cc）
藝人胡定欣與胡杏兒到尖沙咀出席活動，定欣與胡杏兒齊齊穿上紅色服裝，預早交換聖誕禮物，問到是否已經開始買聖誕禮物？杏兒說：「都要啦！我有擺聖誕樹習慣，會同小朋友影吓相，相信好多係佢嘅禮物。」
講到去年胡說八道會一班好友玩交換禮物，她們投票選誰的禮物最差，定欣說：「好似係豹哥（單立文）送咗隻好似菠蘿咁嘅杯，唔知裝得啲乜。（輸咗會罰？）自飲一杯囉！都係氣氛，其實我哋要聚埋開Party好難，希望今年都夾到。」
講到杏兒再傳有喜，她說：「都係傳啫！有喜訊會講。（啱啱去完馬爾代夫旅行，有冇落力造人？）點都要造㗎啦！特別對住咁靚嘅環境下！」定欣說：「地方咁靚，成功機率一定再高啲！」
提到好姊妹黃智雯在台慶連贏新加坡及馬來西亞視后，問之後有否慶祝？杏兒說：「有話約飲嘢，但佢做完嘢都半夜兩點，會補祝，如果佢贏埋香港個視后就連埋聖誕Party一次過慶祝，到時當然要佢畀晒錢！（當年你攞三料視后有冇包晒所有開支先？）梗係有啦！」
定欣表示今年胡說八道會及Crazy Runner的藝人好友相當旺，希望延續落去，再帶旺姚子羚及李施嬅：「但其實最旺係杏兒，事業家庭兩得意！」
杏兒即表示一直有幫定欣留意筍盤：「但要襯到定欣呢個條件係好難，我每日出街都周圍幫佢望吓男仔，好似尋日見到個好似幾好，即刻望吓佢有冇戴戒指，但佢掛住睇電視，我就冇打搞佢。」
(on.cc)
71歲嘅汪明荃（Liza）最近成為IG紅人，自從佢喺IG自創咗一套獨特手寫Tag人方法後，唔少後輩都紛紛爭相模仿，Liza姐更被封為「汪阿Tag」。（相關新聞：https://goo.gl/PXUNbP）
昨日陸浩明（6號）有幸同Liza姐主持台慶，當然要把握機會向佢請教獨創Tag人技巧啦！6號就拍片同大家開心Share，仲留言：「台慶special 👍 阿姐教你如何Tag相 實用video 💪😍😍」
片中見一班台慶主持如林盛斌、麥美恩、陳貝兒、余德丞等，趁綵排時空檔圍住Liza姐，而Liza姐就揸住部手機好認真係咁督。
原來佢喺張相上揮緊筆寫各人個名！
介紹主持
行頭…
雙料視帝袁偉豪！
點少得雙料視后黃智雯呀！
而家個個一打開個Instagram（俗稱IG），都會畀IG紅人汪明荃自創嘅「汪阿Tag」Tag人方法洗板式咁攻陷社交網！阿姐真係阿姐，可以玩到出神入化！
洪永城上載與蔡思貝及徐榮等人合照
靚媽官恩娜都有加入「汪阿Tag」行列
首先呢排忙於拍戲嘅藝人蔡卓妍（阿Sa），有好友容祖兒同埋關智斌探班，一班老友影完合照後梗係放上社交網Tag人啦！但佢哋就唔係寫自己名，阿Sa自封係「阿傻」，仲Tag容祖兒做「煮鵝」！
而陸浩明就上載同出爐雙料視后黃智雯同埋汪明荃、鄭裕玲影合照，寫住汪明荃係「IG紅人」，而鄭裕玲就叫「靚靚Do姐」，真係好識做！
而歌手雨僑就因為同好多人合照，結果連人都話Tag唔到：「十個人點Tag呀？」
睇嚟雨僑要上汪明荃個IG學吓嘢喇！
（ig / 綜合報道）
有次爭吵後，她走到男方家中跪地道歉，表示以後不會再到夜店，結果他心軟原諒女方。沒多久，女方騙他說自己懷孕，他本打算跟女友結婚，但被該友人太太發現懷孕證明全是造假，他也沒再追究下去。。。
幾年前曾經被稱為「胡歌接班人」嘅27歲大陸男演員蔣勁夫，今年4月去日本留學暫別娛樂圈，仲喺日本識咗個女友中浦悠花，不過今日中浦悠花喺IG貼出三張臉及身上滿佈紫黑瘀傷嘅相，又直指被蔣勁夫暴力對待。
事後蔣勁夫喺微博發言，直認係佢郁手打女友，又向女友道歉講對唔住：「對不起悠花，我衝動的行為傷害了你和你的家人，不論甚麼原因，我都不應該動手，我為自己的行為感到羞愧。」
不過件事其實未完，之後有位疑似蔣勁夫友人「男神梅小胖」喺微博爆料，話蔣勁夫喺日本留學時去飲酒，認識咗個日本女仔(中浦悠花)，女方瘋狂追求男方，個女仔喺美國長大，蔣勁夫渴望同女方有份好單純嘅愛情，但因為蔣勁夫日本同英文相當麻麻，令兩個人溝通造成障礙，「男神梅小胖」與太太便為二人作翻譯。
該友人表示，4個月前蔣勁夫發他一段文字想他幫忙翻譯，文中指蔣勁夫為甚麼要跟中浦悠花分手，因為蔣勁夫覺得女友太愛玩，尤其是夜店，他本人很討厭沒有自制能力的人；其次是自己無時無刻總為女方着想，但女方卻沒為自己做過甚麼，跟他在一起沒花過一分一毫，實在很不公平。
友人又表示，有次蔣勁夫與女友爭吵後，走到男方家中跪地道歉，表示以後不會再到夜店，結果蔣勁夫心軟原諒女方。
沒多久，女方騙蔣勁夫說自己懷孕，蔣勁夫本打算跟女友結婚，但被該友人太太發現懷孕證明全是造假，蔣勁夫也沒再追究下去。
而之後女方被翻出跟蔣勁夫交往期間，被網民翻出她跟其他男性親密照片，顯示女方仍跟其他男性交往。該友人更指蔣勁夫跟女方交往時咗好多錢，認為個女仔疑點太多，不能盡信女方說話。
(Apple daily)
賈曉晨（JJ）同樊少皇於2015年拉埋天窗，婚後兩年更成功造人，去年誕下囡囡升呢做爸爸媽媽！
喺囡囡半歲時公開「小飯兜」正面，唔少網民大讚B囡似足媽咪咁靚女！
囡囡眼仔睩睩超可愛！
日前佢哋兩公婆就喺圓方為小飯兜舉行一歲生日會！
出席嘅除咗JJ媽咪等一眾親友外，仲有呂慧儀同囝囝蟹籽、劉松仁、姚瑩瑩兩母子等等。
JJ話搞生日P係因為之前已經冇為個女搞滿月同百日宴，覺得好對囡囡唔住。而自己結婚亦都冇擺酒，所以好想做啲嘢，等將來有個紀念，最後決定為囡囡搞生日會。
仲令自己諗番起當時生BB嘅情景：「當晚五點幾穿羊水，想打畀老公，但佢瞓覺校靜音，搵咗好耐都搵唔到佢，好彩最終趕得切返香港幫BB剪臍帶，好似拍戲咁，但成件事好圓滿。」
問到會唔會想追多個？JJ話：「暫時唔好，o依家要多時間照顧個女，冇時間照顧其他嘢，用咗我好多精力。」會唔會想追個仔？JJ坦言：「就算追，女係咪會好啲？一個仔一個女，大個傾唔到心事，兩個女似閨密嘛！」樊少皇就話仔女都冇所謂：「阿女幾百厭，大啲培養佢學我嘅興趣，教佢打功夫玩電單車，佢細細個喺床瞓已經會伸隻腳出欄，兩個月大已經想企喺身，好百厭。」
不過樊少皇一邊講，JJ就一邊喺旁邊係咁話唔好啦，睇嚟唔係咁想個女跟隨爸爸嘅興趣，更當住老公面話：「不如你哋勸下佢，唔好教個女打功夫，女仔嚟㗎嘛，唔想將來太過粗魯，我驚第時返學打同學日日見家長，太活潑喇咁樣。」
樊少皇話o依家去外地拍戲都會心掛掛個女，不過同樣都會掛住老婆，JJ即反駁：「我唔覺得囉！係咪呀？阿女已經超越咗我。」樊少皇即話：「我呷醋多啲，你成日掛住個女。」兩公婆不停借住個女打情罵俏。
另外，早排樊少皇被指欠債，但JJ就解釋係自己借錢畀朋友，被反咬一口，問到件事點處理？JJ話已經交咗畀律師處理，有信心打贏官司，經此之後唔會再借錢畀人。
(綜合報道/Apple daily)
憑無綫旅遊節目《3日2夜》而升呢為「女神」的鄺潔楹（Judy）。
在《愛回家之開心速遞》内飾演大學女神Venus，迷倒很多男同學。
又於綜藝節目《學是學非》擔任主持，為「是非精」之一。
人靚聲甜的她又拍綜藝節目又拍劇，可謂多才多藝！
日前她出席義賣曲奇活動。
她透露稍後將和「旅遊達人」周奕瑋（Jarvis）到加拿大兩星期拍攝微電影。
又指Jarvis的節目《周遊東京》大受歡迎，已經成為大紅人：「佢介紹啲日本嘢好平民化，所以好啱啲年輕人口味。」
女神鄺潔楹對Jarvis讚不絕口，屆時一同拍攝節目，問到二人身在異地整整兩個星期可會日久生情？
她哈哈笑說：「其實我同佢識咗好多年，私下都好熟，但冇嗰種感覺喎。」
問到極少緋聞的Jarvis，是否疑是HeHe（男同性戀者）才難有發展，這時她笑得更大聲：「嘩，我冇講過呀，我唔知呀！或者去到加拿大，人在異鄉，天氣又凍凍哋，或者會有啲嘢呢，哈哈！」
（facebook / 綜合報道）
前港姐李美慧（Vivi）與百億富商曾文豪於今年7月結婚，並於10月順產誕下得意B囡「小糖心」！
Vivi佗緊B嘅時候不時都會喺社交網PO相同大家分享生活點滴，就算佗B都仲係咁Fit，佢之前透露自己只係重咗10KG：「個個都問我點解仲可以咁瘦，我好俾心機去Keep㗎☺️每日食一餐有營養的，晚飯沒有應酬的話，就可免則免。不過我好少肚餓，因為有隻‘無影腳’頂住我個胃🤣到依家我一共肥了10kg」
誕下囡囡之後就少咗更新，唔知係咪因為掛住湊B囡太忙唔得閒update呢？
不過早前久未露面嘅馬賽去探佢同BB時，李美慧都有PO合照！
話咁快B囡已經滿月，李美慧「坐月放監第一個活動」就係現身慈善活動。
望落佢面尖尖咁，睇嚟已經極速修身！而噚晚佢再喺IG PO相。
原來噚日係囡囡擺滿月酒嘅大日子！
李美慧PO咗佢同老公、囡囡嘅一家三口照。
佢留言話：「小糖心滿月啦，成晚好乖，輪流招呼客人」
綁了一條粉紅色頭巾在頭上嘅B囡超可愛！其中一張相仲見到佢兩邊手仔戴咗唔少金器，真係萬千寵愛在一身！
李美慧就話:「係呀，BB噚日搞滿月宴，佢成晚好乖，冇扭計，周圍招呼客人，噚晚冇乜嘢主題，都係屋企人食飯，唔想大搞，簡簡單單。」講到囡囡身上嘅金器，佢話係親友送嘅滿月禮物。BB個樣好似媽咪咁標緻，不過好多張相都係皺住眉頭，李美慧就話：「太多人，我冇留意佢點解皺眉頭，但佢成日都皺眉頭。」
(綜合報道)
藝人張智霖與肥媽到機場博覽館，為佛教活動擔任表演嘉賓。談到太太袁詠儀於社交網站發文，否認夫妻倆當眾吵架。
張智霖笑說：「我哋平日為芝麻綠豆嘅事都會嘈，始終係兩個人嘛，不過嗰日又真係冇鬧交。睇嗰啲相知道佢平日行得好快，所以大家成日問當初係咪我追佢，依家真相大白啦，我又點追得到佢呢？」
他又打趣指自己牙尖嘴利，很有當律師潛質：「所以鬧交一啲都唔輸蝕，只係有時覺得嘈嚟冇謂，咪由得佢囉。（阿仔有你遺傳？）佢真係唔差㗎，佢阿媽已經唔夠佢講，佢好有語理，有時對住佢我都語塞。（兩公婆盡量唔喺佢面前嘈？）都會提醒自己，但有時都忍唔住窒兩句，佢都習慣嘞。」
他又指兒子已12歲似足大人，父子倆如今關係是哥兒們。
他坦言除今年遊歷過不丹外，自己與家人更到過不少佛教聖地：「包括尼泊爾及印度等，我仲到過真正嘅菩提樹下。（仔仔跟住去？）佢3個月大時因為有個寧波車圓寂，佢已經跟咗我哋去尼泊爾加德滿都。（有佛緣？）佢好細個聽經已坐定定，今晚佢都有嚟，頭先都有入去見過寧波車。」
兩公婆每年都會到普陀山祈福
今年就與好友蔡一智與太太、名模周汶錡一齊去
本身是佛教徒的張智霖坦言有考慮過短期出家：「但我覺得依家自己仲係心浮氣躁，所以時機未到。其實即使要試3日禁語都好似好難，試吓一日唔玩手機先。」
如果Chilam真的要出家，不知道老婆袁詠儀和兒子魔童會怎樣想？
（綜合報道 / on.cc）
兩個都喺07年參加港姐，之後就成為好朋友！
藝人黃智雯（Mandy）與袁偉豪（Ben）喺《萬千星輝賀台慶》齊齊成為雙料視帝、視后，恭喜哂！
齊齊獲得《TVB馬來西亞星光薈萃頒獎典禮》及《星和無線電視大獎》視帝、視后！
拎完獎之後，Mandy終於有時間同「胡說八道會」嘅姊妹胡定欣、姚子羚、李施嬅攬住合影，慶祝一番！
除咗「胡說八道會」之外仲有個閨蜜！
佢就係趙希洛（Candice）～
黃智雯與趙希洛參加《2007年香港小姐競選》成為好朋友。
佢哋一齊開香檳慶祝，片中見Mandy開香檳時，身邊成班姊妹尖叫歡呼，心情超興奮！
興奮咗成晚，Mandy今朝喺IG PO咗同出爐視帝袁偉豪嘅合照。
佢留言話「：2018年11月19日我會好好記住呢一日😌好好記住呢刻的感覺，雖然仲好似發緊夢咁。。。🏆🏆 Congratulations利東佳+棟仁。」
(綜合報道)
現年33嵗的她於2008年下嫁比她大5歲的網球教練做人妻，之後一直與老公定居美國。
今年4月透過社交網宣佈懷孕消息，由於是婚後首個寶寶，所以新手媽咪難掩喜悅，多次在社交網大晒孕照。
韓國模特兒朴惠昨日再於網上公佈喜訊，指經歷53小時陣痛後，囡囡Lia終於在17號日出世了。
同時亦公開B女相，十分可愛！
歷經53小時女人之苦，囡囡Lia真是得來不易，Lia長大後記住要好好報答父母啊！
老公為網球教練。
（ig / 綜合報道）
