離巢三年，咁多年嚟拍咗超過70部無線劇集。
喺《尖子攻略》、《桌球天王》、《古靈精探B》、《五味人生》嘅角色更深入民心，人氣急升！
近年來多次獲提名《萬千星輝頒獎典禮》「最佳男配角」一獎，當中《潛行狙擊》更打入最後五強。
育有兩個囡囡，離巢後多咗時間陪屋企人，有女萬事足！
於娛樂圏中人緣極佳，同唔少演員都係好朋友！所以佢生日個個都嚟賀一賀佢～
包括有佘詩曼（阿佘）、陳山聰與女友Apple、馬德鐘、吳卓羲、梁烈唯、苗僑偉（三哥）、洪天明等等。。。
郭政鴻今個月18日生日，佢就約埋成班圈中好友一齊慶祝，場面十分熱鬧！難怪佢咁開心，仲喺社交網PO咗好多生日P嘅相，佢留言話：「今年生日醉開心。」
寫到明「醉」開心，睇嚟郭政鴻都預咗同一大班朋友飲到不醉無歸！
有佘詩曼（阿佘）、
陳山聰
馬德鐘
吳卓羲
搭哂膊頭超Friend！
仲有三哥！
梁烈唯
群星到賀超熱鬧！
(綜合報道)
31歲「靚湯」湯洛雯與拍拖4年幾嘅羅天宇在今年3月宣佈分手。
之後都有傳過佢哋復合，不過靚湯一直話自己係單身。
月初靚湯出席黎國輝（阿感）婚禮時即刻搶花球，好似好恨嫁咁。
同場嘅龔嘉欣亦好受男士歡迎，有位男士突然出手搭住嘉欣膊頭，搞到佢個樣有啲驚，即時聳聳肩將雙手放喺心口，隔一陣終於「耍得甩」，就望住企對面枱嘅湯洛雯露出一副好慘情嘅樣。
而莊思敏都有同朋友玩飲酒game，思明較乖，全晚只係坐定定睇人玩，臨走前仲同靚湯goodbye kiss。約凌晨二時，嘉欣拉住靚湯準備離開，與同行友人前後腳一齊坐電梯走。
湯洛雯日前接受傳媒訪問時否認有新男友，被指與一男子好close，佢話﹕「No la.有朋友生日，一班朋友去慶祝，龔嘉欣、莊思明、思敏都喺度，全部都係朋友，之後去咗思敏舖頭坐咗一陣咋嘛。Still single,冇男朋友。」咁有冇追求者？靚湯都好坦白﹕「都有認識緊嘅新朋友，不過真係好初步啦。」
從片段所見，與湯洛雯纏綿一晚嘅男士，原來係姚子羚嘅有米前度男友鄭子邦（的士邦）！在IG發現，當晚其實係皮草太子爺王大業（Andy）嘅生日，一班朋友食飯開party，丁子高、周汶錡、陳靜(DaDa)、周啟邦兒子周國豐等都有出席，之後年輕嘅一班朋友再有下場，齊齊落酒吧狂歡。
的士邦坐擁逾億身家，擁有過百部的士，之前與無綫當家花旦姚子羚拍拖3年幾，正當大家等候姚子羚宣佈婚訊，最後卻是「分訊」！子羚喺今年3月7日，在ig證實分手消息，因為唔想外界太多揣測和假設，佢決定一次過講：「謝謝大家的關心～這是我們共同的決定，這些年我們共同經歷的，也就只有我們最明白，也感恩有他在我身邊～我們仍然很好～仍會彼此關心、支持、愛護對方。一段關係的完結並不代表就是結束～愛其實可以有更多不同的方式～我相信無論我們是什麼關係，仍會守護、祝福對方，也希望大家給予空間讓我們去處理我們的事～」。
有指子羚早已搬入男友位於赤柱嘅豪宅同居，一心等住做鄭太，點知男友對結婚嘅興趣唔大，因為鄭子邦本身離過婚，加上雙親已離世，再無婚事壓力，最終與子羚不婚即分，十分可惜。
另一邊廂，湯洛雯與羅天宇因為合作拍《愛·回家》時撻着，拍拖4年幾一直恩愛，讓人感覺似兩小無猜。但今年3月9日，即姚子羚同的士邦宣佈分手後兩日，湯洛雯同羅天宇又被雜誌爆分手。羅天宇承認同靚湯在生活上出現問題，分開大概4個月。而靚湯就表示大家係和平分手，當中唔涉及第三者。
(綜合報道/Apple daily)
藝人黃智雯與袁偉豪於《萬千星輝賀台慶》齊齊獲得《TVB馬來西亞星光薈萃頒獎典禮》及《星和無線電視大獎》視帝、視后，成雙料視帝視后！恭喜恭喜！
袁偉豪憑《棟仁的時光》勇奪星、馬雙料視帝。
黃智雯憑《三個女人一個「因」》贏得星、馬雙料視后。
《三個女人一個「因」》劇照
《三個女人一個「因」》劇照
兩人最特別的地方是於《三個女人一個「因」》結緣，均是劇中的男女主角，可謂一同磨練成長。
昨晚雙雙獲得豐厚的演藝成果！
對於齊齊獲獎，智雯表示雙倍驚喜，她謂：「其實全日都好忙綵排，因為擔心自己表現唔好，所以冇諗獎項嘅嘢，到坐上台嘅時候，宣布嗰一刻就開始緊張，有啲發緊夢咁，但好開心嘅。」
袁偉豪奪指拍此劇時的確是一個很難忘的時刻，因為每日最早開工，亦是最遲收工，眼袋相當大，他承諾會拍更多好劇答謝觀眾。當連奪兩個獎項時，袁偉豪坦言會珍惜這個時刻，入行廿年，今年亦很多經歷，他表示會努力，演到生命耗盡一刻都會做演員。之後，司儀訪問其女友張寶兒，之前已開心到落淚的寶兒說：「你好叻！你真係好叻！」之後鄭裕玲爆出一句：「結婚啦！」
而袁偉豪則笑指獲獎總算還了心願：「其實現場氣氛都好好，當攞完一個之後再攞第二個，真係冇諗過，So far自己都係平常心，但因為呢兩個獎喺香港頒，令到成件事都好似好近咁（你攞獎是女朋友表現激動，鄭裕玲催婚喎！）佢叫啫！咁唔會住，相信身邊人都信任我嘅決定，畀啲時間我喺工作上（對香港頒獎禮多咗信心？ ）都係平常心啦！」
黃智雯得悉拎埋馬國視后後，即眼眨淚光並與身邊的拍檔袁豪偉抱抱，她發表感言：「多謝！多謝！原來真係會咁緊張，我要多謝Lisa姐（汪明荃），我記得第一套拍嘅劇係同Lisa姐合作嘅《東山飄雨西關晴》，我知自己演得好差，佢當時都話：『咁做戲，今日出場時佢同我講你近幾年進步好大，原來努力係有人見到，我要多謝TVB十年來嘅栽培，畀我好多機會去進步，多謝樂小姐（樂易玲）、Sandy（余詠珊）、珍姐（曾勵珍）同所有合作過嘅監製，多謝家人，胡說八道會嘅好姊妹、Crazy Runner，我會努力做好自己，繼續進步。」
黃智雯則表示對香港下個月的頒獎禮爭視后多了一份信心，更謂：「佢哋成日話我冇乜信心，所以我特別要多謝啲兄弟姊妹，因為自己都好大壓力，呢排又忙台慶綵排，月尾仲要去韓國拍一個跳舞節目，要準備啲嘢，不過都好，等我唔使咁緊張。」
2007年參加無綫「香港先生」贏得冠軍入行的袁偉豪，於無綫拍劇機會不斷，經過十一年的努力，憑《棟》中的打工仔角色成功入屋，昨晚勇奪雙料視帝。
至於黃智雯同樣於2007年選港姐入行，一直嘗試拍攝不同劇種，昨晚憑《三》中的「三重人格障礙症」的大律師角色贏盡口碑，一人分飾三角，非常考驗演員演技。
（綜合報道）
組合農夫成員陸永及C君近日喺旺角麥花臣場館舉行一連六場十八歲生日演唱會，尋晚已經嚟到最後一場。
先前陸永老婆Reina都有帶埋一對寶貝女Hannah同Simsim到場支持，呢日Reina就問囡囡：「今晚去唔去睇baba呀？」點知囡囡竟然十分掃興話：「Enough喇，媽咪！已經睇咗啦……」
Reina喺社交網大爆囡囡「不孝」，搞笑指囡囡為咗同啲朋友仔出去玩，竟然講啲咁「大逆不道嘅說話」，仲叫大家估吓係邊個為咗玩而拋棄爸爸。
好多網民都留言估一定係古靈精怪嘅細女Simsim。
點知Reina開估竟然係平時十分迷戀爸爸嘅Hannah，令到唔少網民大跌眼鏡。
（ig / on.cc）
於社交網上載一張瞓喺病床、隻手插咗針嘅相，原來佢啱啱做完手術，仲以英文留言：「The operation went well this afternoon and I’m recovering now. Remember to always take care of your health and at the first sign of something wrong see your doctor asap. Thanks for all the prayers & support！（個手術非常順利，我已逐漸康復，大家要記得好好照顧自己身體，同埋當發現身體有任何不適嘅地方，請立即睇醫生。）」大家見到都非常擔心，留言送祝福畀佢，仲問佢發生咩事，懷欣就話做完一個膀胱瘤切除嘅手術，總之真係要小心保重呀！
歌手許懷欣（Ryan）早前就喺網上指自己接受膀胱瘤切除手術，手術相當成功，身體亦逐漸康復。
今日Ryan再度喺網上發文感謝各界嘅祝福同支持，仲話當佢發現屙血尿嘅時候已立即搵醫生檢查：「醫生就發現我有一個早期嘅膀胱瘤，所以立即為我切除，依家都要定期去做檢查，同埋需要食多啲健康食物同做運動。我知道上帝會保守（守護）同埋感恩有咁多位親友嘅祝福，最後大家記得發現身體有任何毛病時，要立即看醫生。」
歌手許懷欣 （最左）
（ig / on.cc）
佗緊B嘅藝人陳嘉寶（Anjaylia），老公黃頌祈對佢一直都呵護備至，Anjaylia仲不時化身撒嬌的妻子。
日前佢喺網上載回眸一笑嘅相。
並留言：「一早爬起來去吃早餐，沒有化妝。吃完早餐後整個人精神來了！因為又飽又暖，外加呼吸着晨早的清新空氣，就突然hyper起來，一邊旋轉着一邊走。然後逼問黃先生我沒有化妝美不美。求生欲很強的他只好回我『不化妝當然更美！』。於是呀，我就更hyper（不要臉）了…感覺偶爾發發瘋也不錯嘛～」
最搞笑嘅係Anjaylia一班好友留言，個個都笑話佢老公唔敢答唔靚，好友Cheronna更爆料表示：「黃先生好清楚知道唔咁回應，下場如何，因為我見過佢瀨嘢。」好多網民留言問Anjaylia老公究竟做咗啲咩！
好友Cheronna似乎知咩事喎…
（ig / on.cc）
英國廣播公司（BBC）公佈年度具影響力的百大女性，前年有歌手何韻詩及足球教練陳婉婷（牛丸）上榜。
歌手何韻詩
足球教練陳婉婷（牛丸）
今年則有鄧紫棋（G.E.M.）成功入選，她被列入中國創作歌手，獲讚揚以其影響力致力發展音樂、支持教育、慈善活動。
另外，G.E.M.在本月初亦成為首位華人歌手，應邀擔任在矽谷NASA舉行的《2019 Breakthrough Prize Ceremony》頒獎及表演嘉賓，顯示她的國際地位似乎有提高。
G.E.M.超勁呀！
BBC形容G.E.M.為暢銷女音樂人：「以她的影響支持改善音樂、教育與貧困的慈善組織與機構。」
G.E.M. 又為港爭光!
洗米嫂陳慧玲今個月1號38歲生日，全家總動員慶祝，當然包括洗米華周焯華都有在場，洗米華除咗率領家庭成員唱生日歌。
仲親手為洗米嫂戴上一套花型圖案嘅鑽石頸鏈及戒指。
相隔約兩個星期，佢哋又有合照喇！琴日澳門舉行格蘭披治大賽車決賽日，呢個活動係由洗米華間公司冠名贊助，一家人理所當然有去睇比賽。
洗米嫂晚上喺社交網貼咗好多相，除咗有同Paco合照，仲見到楊千嬅、袁偉豪、胡定欣。
不過最最最重要係同屋企人合照，雖然大女唔喺度，但就有洗米華、大仔同孻女，甜蜜程度一啲都唔比上次生日會輸蝕!
洗米華同洗米嫂兩個好親密啊！細女又越來越cute!
（apple daily）
藝人莊思明與男友楊明自2016年拍拖以來，一直非常甜蜜，雙方早已視對方為結婚對象。
今日思明在社交網上載了兩張手拿香檳杯的相片，莫非有喜事慶祝？
看到她的中指戴了鑽石戒指，並寫道：「一個女人最好的嫁妝就是一顆體貼溫暖的心，你們找到那顆心了嗎？」
並加了一個紅色心心圖案，未知是否暗示男友向她求婚！不少網民紛紛留言恭喜她。
（ig / on.cc）
早前老公丁子高同老婆去完冰島旅行回港，承認有乘機造人。（相關新聞：https://goo.gl/GRzeQe）
但無正面回答老婆是否再有喜，他只是說有孕得話就要完全讓千嬅停工。
千嬅出席童裝店開幕禮，她表示已大手入貨，因為之後要出席百日宴、又有朋友剛生B，加上換季都要幫仔仔Torres買衫，趁機將他不合適穿的衣服轉贈給表弟妹：「童裝有啲都冇分性別，咁就唔好浪費，有啲用品都已經傳咗幾代，好似阿仔張床都已經傳咗4代。」
問為何不考慮留低將來自用？她自爆其實都想生，但奈何已經太遲：「年紀大喇！你估我仲係廿幾歲咩？（之前同老公丁子高去冰島冇造人？）咁凍點造呀？（凍咪可以取暖！）都貼到成身暖包啦！冇造人，依家人大咗，加上有經驗，如要再生係要計劃，都想生個女可以同佢扮靚。」
問到Torres可曾提出過想要細佬妹？千嬅笑言有，不過會同仔仔講再生是「天意」：「佢話自己一個有啲悶，又話成日都淨係同自己講嘢，一聽到佢咁講就帶佢出去同朋友玩。」她續打趣指仔仔走在潮流尖端：「佢地依家玩爆旋陀螺，我唔玩都唔知自己蠢！真係會追唔切，咁老公都會陪佢玩，同埋佢依家大啲可以玩Family Game。」
（綜合報道 / on.cc）
