今屆台灣金馬獎有香港人奪獎！（相關新聞：https://goo.gl/WfPe8j）
今屆亦牽涉政治風波。
多位藝人在微博表態並轉發「中國，一點都不能少」的圖文，當中包括內地女星范冰冰、楊冪、胡歌、陳志朋、陳偉霆等，而台灣歌手楊丞琳的中國「樹與天空工作室」官博亦同樣有轉發，不過就被網民發現佢忽然刪去該博文，繼而引發網友熱烈討論。
對於忽然刪博一事，楊丞琳方面指工作室微博是由委託管理的人負責，他們已請對方刪除，並停止楊丞琳個人微博的評論功能，網友不能再留言。不過網友就轉攻楊丞琳Facebook Page，留言狠批佢係「自私藝人」
「為了金錢放棄國家！買過你的CD、看過你的電影，讓我覺得羞恥萬分！」又有網民留言嘲諷楊丞琳傳出與男友、大陸歌手李榮浩好事近，並留言：「好好留在中國當中國媳婦！」亦有網友指今次刪博事件係公關災難。
男友李榮浩
事後，楊丞琳亦在社交網上載多張食物相，仲話：「沒錯，我又要說一樣的話了#減肥是明天的事」似乎心情冇受此事影響！
（on.cc）
71歲嘅阿姐汪明荃一向都緊貼潮流。而上個月阿姐終於加入社交網站Instagram (俗稱IG)嘅大家庭，同一班年輕人齊齊鬥In！
Liza姐一向出名做嘢勤力，自從開咗IG之後，佢一日起碼出兩至三個posts，好多靚相之餘，內容仲相當豐富！
日前，Liza姐出席盆菜宴活動，藝人朱咪咪、區瑞強、蔡康年等都有出席，之後Liza姐就喺IG貼出好多大合照，當然有順便Tag埋一班賓客啦。
區瑞強
不過重點就嚟喇，網民發現Liza姐Tag人(標記好友)嘅方式好獨特，直接喺張相上揮筆寫大家個名，仲好細心加番果個人嘅頭銜！
原本嘅Tag人方式係咁。
有網民見到Liza姐啲相之後就覺得好得意，更大讚Liza姐好有心！今晚台慶彩排相都上載咗~
之後，有份主持《後生仔傾吓偈》節目嘅陸浩明同麥明詩亦即刻技能Get，紛紛學Liza姐嘅獨特Tag人方式，麥明詩留言：「台慶綵排，Liza姐教我哋tag相新方法😜 係愛嘅tag法😍！」
麥明詩同陸浩明即刻學
網民都話好期待Liza姐之後啲posts，仲希望佢上載多啲咁話喎！又有網民讚Liza姐有創意！
（ig / 綜合報道）
歌手謝安琪（Kay）現身迪士尼樂園的活動。
提到位於佛羅里達洲的主題樂園提供喪禮服務，Kay認為葬禮不一定是傷感：「每個人都要面對離別，但點樣去面對愛惜嘅人離開係一個選擇，可以喺嗰個人生前喜歡嘅地方舉行喪禮，可能對面對死亡有正面影響。（但中國人對死亡比較忌諱。）呢個係好好機會去衝破忌諱，死亡一定係傷痛，但咁做可能幫到大家康復。」
Kay坦言也有想過自己的身後事，她希望朋友可以歡送她離去：「我有首歌叫《歡送會》，一個人出世時一個人喊，希望離開時，啲人唔好為我喊太多，我一個人帶走傷痛就得，將開心留畀身邊人。（如果香港嘅主題樂園都可以提供喪禮服務？）我冇諗到太深入，好多方法去面對死亡，葬禮形式亦有好多可能性。」
她稱歲半的女兒張靖受她耳濡目染也愛上樂園的卡通人物，曾經同米奇老鼠合照，起初都好開心。
還與米奇擊掌準備講再見
再攬一攬！
最後太不捨，爆喊！
Kay說：「佢有好多公仔，晚晚都會同公仔傾偈，好多嘢傾，有時我都唔知佢講乜。我唔敢同佢講我今晚入嚟做嘢，因為太夜，佢平時八點半就瞓，我好似出賣咗佢咁，好在佢未到識睇新聞嘅年紀。」
「（囡囡張靖會唔會扭你買公仔？）唔會，佢好滿足，如果有啲公仔冇名，佢會自己改名，有隻叫”OK”，有隻叫”費事”。」
「（你喺佢面前唔敢叫老公張繼聰嘅暱稱？）我同阿聰冇乜暱稱，我會叫阿聰做Lulu，個女有時會叫爸爸做阿聰，叫我做Kay。」
（綜合報道 / on.cc）
一對新人先在紅棉路婚姻登記處註冊結婚，隨後在二人初次約會的日本餐廳舉行婚宴派對，只邀請家人及好友出席，圈中藝人只有名模蔣怡及Rosemary，相當低調。據知，一對新人稍後會補擺中式喜酒大宴親朋。
蔣怡全家都到賀，囡囡著得好可愛！
二人嘅至親好友亦有出席到賀，場面溫馨！
穿上由泰國設計師設計的白色簡約婚紗的女星貝安琪（Ankie），抱住囝囝Sebastian，一家三口合照，露出甜爆笑容，其中一張相仲見到佢哋兩公婆頭貼頭相依相偎，完全感受到他們的幸福感。
囝囝Sebastian都超開心！
恭喜Ankie和老公Simon Van Damme！
而新娘子Ankie就話：「我們的婚禮是如此美麗。有我們的兒子在這裏，是最美麗的事情；加上有我們最親密的朋友出席，讓這個簡單而隆重的婚禮變得更有趣和快樂。我們充滿了愛和幸福，感謝出席我們婚禮的每位親友。」
註冊後，他們就到兩人初次約會的一間日本餐廳舉行午宴，招待親友！
新娘子Ankie人緣甚佳，婚宴上滿場飛與賓客敬酒，接受大家的祝福。雖然她忙住招待賓客，但也不忘照顧一歲多的兒子，不時抱住兒子Sebastian走到吧枱前拿水給他，盡顯廿四孝媽媽的體貼。
大約下午四時，賓客陸續離去，當中蔣怡（Coco）一家四口離開時接受訪問，她透露婚宴派對上賓客一起跳舞和飲酒，非常高興，續說：「見佢哋一家三口好幸福，唔知佢哋未結婚！希望佢哋幸福落去。」
（綜合報道 / on.cc ）
現年19歲的卓林是藝人成龍與吳綺莉的非婚生女。因其私生女的身份，卓林從小就生活在鎂光燈之下，更被傳媒稱為小龍女。
也許從小生活在巨大的輿論壓力下，小龍女與母親吳綺莉的關系也一直浮浮沉沉，兩母女之間更曾報警，出動警察進行溝通。
去年卓林在自己18歲生日的前夕毅然公開取向，向大眾宣佈出櫃，公開自己為同性戀的身份，之後便與年長12歲的女友Andi遠赴加拿大開展新生活，拒絕與母親吳綺莉溝通。
曾被媒體拍到在街上靠拾荒來維持生活
而吳綺莉則通過經理人向媒體傳話，認為女兒卓林目前的生活是失控失序的，母女兩人的關系再次處於膠著狀態。
及後卓林和Andi兩人在當地開設工作室，自己做老闆，自己養活自己。
也許是經過一年的緩衝期，吳綺莉也慢慢接受了女兒的選擇。早前她出席活動時更是心情大好地向媒體透露兩人有短信溝通，女兒也稱讚她選擇的發型和衣品非常合適好看，久違了的笑容再次在媽媽吳綺莉來臉上出現。
而在近日，吳綺莉更在其個人社交網站上曬出自己參加某項同志活動的照片，並寫到「今天的香港好美，我愛有彩虹的香港」。疑似支持女兒卓林與女友Andi的同性戀情，以及兩人的婚事。
吳綺莉除了貼出當天活動的照片外。
更貼出一條彩色塑膠手環，以表示自己對活動的支持，以及對女兒的支持和心意。
卓林終於獲媽咪認同。
有傳卓林將於自己生日前後與女友Andi回到香港，與媽咪吳綺莉一起慶祝自己的19歲生日。
雖然吳綺莉早前不支持女兒卓林的戀情，但於上年卓林明言自己的性取向後，吳綺莉還是和女兒一起慶祝了18歲的生日。而非常疼愛女兒的吳綺莉，其實從沒缺席女兒任何一年的生日，看來兩母女很快就團聚了！
（綜合報道 / 騰訊）
藝人胡杏兒最近和老公李乘德（Philip）及囝囝Brendan一家三口去馬爾代夫度假，多日來都上載不少靚相！
其中一張相片見杏兒腹部凸出，疑似有喜。
此行程的相片有靚人靚景，後來杏兒上載的都是半身照或背面照，更令人懷疑，有網民早就留言恭喜她。
連好友陳敏之都留言叫杏兒「小心點」
最近傳媒拍得胡杏兒一家旅行回港，身形有少少發福，難道傳聞是真的？
胡杏兒現身機場就和老公分開走，然後記者就追著要訪問她。老公李乘德和父母會合後則從另一邊慢慢離開，Brendan跟著爸爸李乘德，他在機場人多的地方也不哭不鬧，非常淡定，而且Brendan的一對大眼睛非常可愛。
問杏兒有否再度懷孕，她沒有承認，首度回應：「懷孕不是這麼容易，你們不要追問了，不要給我太多壓力了，謝謝。」
大家都不要給杏兒太大壓力吧！相信她有好消息就會公佈啊！
（ig）
早前發生疑似「車震」事件嘅前港姐劉穎鏇（Tiffany）首次拍無綫台慶劇《兄弟》。
日前劇集播出第5集，Tiffany嘅打女角色終於登場！
劇情講述曾偉權為考驗阿女劉穎鏇意志，要佢打鬆100隻豬啲肉。但吊起隻豬呢幕狂打，就惹來好大爭議。
有名為關注豬隻團體喺社交網專頁發文公開指摘「TVB新劇打豬屍極噁心」，發文表示：「電視媒體的製作道德水平令人側目。從畫面中的豬屍，豬豬可能不夠半歲。嬰兒被殺後還要被吊打，如此令人心寒的一幕，在劇中卻只是可有可無，只作嘩眾取寵的橋段。尊重生命，如斯簡單。相信作為香港人的電視台，除了娛樂觀眾，亦有一定的社會和道德責任。」
有網民對於打豬屍表示反感，直指行為殘忍~
不過，亦有網友大讚Tiffany打得有型，仲話覺得呢場戲係對荷里活影壇鐵漢史泰龍（Sylvester Stallone）嘅經典電影《Rocky》致敬，因為戲中亦有一場打「豬沙包」嘅畫面。
對於再度成為網民熱話，Tiffany似乎冇點影響心情，佢深夜於社交網貼出自拍照，仲笑晒口透露剛為今晚台慶勤力練完舞。今晚睇你表演喇Tiffany，加油！
（綜合報道）
阿Ben竟然忽然表白：「唔係呀，你我都鍾意呀，因為我知道自己高攀唔起你所以冇追你！」表白對象竟然唔係張寶兒？咁係邊個？
呢個「真心告白」會唔會激嬲Ben女友張寶兒呢？
喺劇集《再創世紀》飾演情侶嘅「Walter」袁偉豪（Ben）同「Ella」周勵淇（Niki）結局好悲慘，所以佢哋喺劇外幫Walter翻生，同Ella拍番一日拖彌補遺憾！
一向好鍾意影相嘅阿Ben化身Niki攝影師男友，不斷大讚Niki「眼神殺死人」、「條腿好長」，搞到Niki都話：「現實中冇試過有男朋友幫我影相！」又大讚Ben係一個好情人！
而阿Ben就話：「係咪淨係星期五、六日見嗰啲？」即係唔使長久，得閒見吓面就得！
最後佢哋仲去食車仔麵盡訴心中情，阿Ben又細心遞上紙巾，冧到Niki暈陀陀！
兩人又重提20年前喺地鐵第一次相遇，Niki問Ben當年點解唔追佢？Ben話：「個銀包得嗰廿蚊點夠膽追你！」Ben再問：「如果我當時真係拎住張地鐵飛嚟，話同你做個朋友咁你點？」
Niki：「可能真係得！」Niki問完Ben鍾意邊類型女仔又自答：「你依家女朋友嗰啲型囉！」不過阿Ben竟然忽然表白：「唔係呀，你我都鍾意呀，因為我知道自己高攀唔起你所以冇追你！」
唔少網民睇段完片都覺得佢哋真係幾襯，又問如果寶兒見到佢哋咁Sweet會唔會呷醋㗎？
（綜合報道 / on.cc）
台灣影壇盛事《第55屆金馬獎頒獎典禮》塵埃落定，部分賽果出人意表，不過要數最受人注目，都要講係台下嘅鞏俐，佢唔肯上台頒獎配埋一張黑面相，火速成為網民熱話！
話說頒最後一項獎座「最佳劇情長片」時，原定係由李安同鞏俐一齊上台頒發，點知最後得李安一個人上台，而鞏俐就坐喺台下，李安曾經邀請鞏俐上台一齊頒獎，不過最終鞏俐都係微笑拒絕，李安在台上表示尊重鞏俐嘅決定自己頒獎。
鞏俐黑面！？
得返李安頒獎…
作為評審團主席嘅鞏俐於賽後竟然冇去傳媒採訪區交待評審過程，要由其他評審代勞，而李安接受訪問時替鞏俐解圍稱：「她想跟他們評審同事坐在一起，就決定不上來了。」
事後即傳出鞏俐嘅種種反常行為全因對賽果不滿，有指她在評審投票時已經唔多高興，投票完得到結果之後更加黑面，不過鞏俐對邊個獎嘅賽果唔滿意就未有提及。
亦有指主持之一的陶晶瑩走到觀眾席介紹評審團時，唔單止冇訪問鞏俐，甚至連佢個名都冇提，而鞏俐咁啱又擰歪面，因此傳出佢哋應該係有過節。網民猜測鞏俐就係因為「被無視」，所以選擇唔上台頒獎作「回敬」。消息傳出後，陶晶瑩即刻喺社交網喊冤，強調：「天啊！冤枉！我在廣告時問鞏俐要不要說幾句話，她說她不想，她覺得自己已經說得夠多了。經過一再確認才不打擾她。」陶晶瑩希望大家唔好再執着一個畫面，等呢個電影界盛事可以圓滿結束。
(on.cc)
藝人袁詠儀（靚靚）向來同老公張智霖（Chilam）係圈中嘅模範夫妻，兩人相知相交17年，恩愛到令人羡慕！
不過近日有指佢哋兩公婆喺機場行到一前一後、疑似嗌交，向來好少主動澄清嘅靚靚，今日就喺微博發文以正視聽。
指呢個傳聞實在太離奇：「每對夫妻都會有相反意見的時候，但我年紀不小了，也懂得兼顧家人及別人感受，有事情回家慢慢處理，又怎能在街大聲吵架，製造聲音汚染了。（以後我會好好檢討走路的速度，不要離老公太遠）祝大家每天健康快樂！」
字裏行間力證兩公婆感情冇問題！
（微博 / on.cc）
