會繼續努力為大家帶來更多笑聲，談到新娘子為結婚而減磅，新郎就話：「無論是減了66磅，還是沒有減肥，她都是我最珍貴的愛人。。。」
現年30歲的韓國女諧星洪允和與35歲男諧星金民基將於今日結婚，結束8年愛情長跑，一向肥嘟嘟的洪允和為結婚成功減了66磅，而二人今日公開婚照，見洪允和比之前瘦了不少，站在金民基旁邊顯得十分可愛。
二人將於今午在首爾瑞草區一間酒店舉行婚禮，諧星梁世亨將擔任第一部分的司儀，第二部分的司儀則會由金英擔任，Flower的蘇有珍及VOS的金景錄將演唱祝賀歌曲，二人會於12月底赴夏威夷度蜜月。
金民基受訪時表示收到友人及粉絲，還有大眾的關注和愛戴真的很感動，會成為健康的模範夫婦，今後作為喜劇夫婦，會繼續努力為大家帶來更多笑聲，談到洪允和為結婚而減磅，金民基就說：「無論是減了66磅，還是沒有減肥，她都是我最珍貴的愛人，並不是考慮美的方面，而是在健康方面，真的很多謝她，很為她感到自豪。」他又對即將榮升人夫表示緊張。
(on.cc)
鍾欣潼（阿嬌）今日喺銅鑼灣出席聖誕宣傳活動同fans玩遊戲，fans祝福佢下月正式出嫁，阿嬌幸福地唱出《下一站天后》。
阿嬌話仲未準備聖誕禮物俾老公，而嚿年棵聖誕樹仲喺台灣，今年係佢哋兩人一齊度過嘅第二個聖誕節，阿嬌希望可以同老公一齊重新佈置呢棵聖誕樹。至於結婚後係咪即往台灣生活？阿嬌話：「唔知去向，都未知道。」依家佢正忙於整理賓客名單，暫時四十圍以下 ，男方台灣親友都會嚟香港，仲話越請越多人，小學中學同學都被邀請。
阿嬌指老公都一齊減肥：「佢好衰，佢有健身習慣，平時係我陪佢去，有次我哋臨出門口做運動佢就話好攰，係打擊緊我自信心，我問佢係咪想到時我肥你瘦？因為平時我好好多藉口，依家要逼自己減肥，老公逼唔到我。」
(apple daily)
問到擔唔擔心趕走fans？佢就話﹕「其實拍拖係每個人必經階段，係令人成長嘅其中一環，唔係殺人放火，又冇乜嘢會令人驚嚇嘅。」
最近喺台慶劇《兄弟》中飾演女保鑣，與王浩信做一對歡喜冤家。
劇中王浩信經常拿江嘉敏嘅身高來取笑，笑佢係中童身材，戲外就傳二人有曖昧關係，指江嘉敏明知王浩信有家室仍主動獻殷勤，又私下與對方傳短訊。
為證明「清白」，24歲「宅男女神」江嘉敏近日接受周刊訪問時決定公開戀情，承認與一位圈外男士拍拖兩個多月，宣佈女神封盤！據悉江嘉敏嘅男友Anthony年約30歲，係電競公司高層，二人在麻雀枱上認識。江嘉敏指今年農曆新年，在朋友聚會中認識Anthony，由於自己唔識打麻雀，江嘉敏一直坐喺Anthony身邊「學嘢」，仲好運財童子，令對方食咗一鋪嚦咕嚦咕。江嘉敏自認脾氣差，係男友嘅耐性同細心改變咗佢。
對於與王浩信嘅緋聞，江嘉敏亦感到好無辜，拍劇以外，一度與劇集所有人拒絕交談，自知唔夠專業，最後要劉穎鏇安慰，先唔再鑽牛角尖。
江嘉敏今日接受傳媒訪問時大讚男友話﹕「佢份人係幾細心同幾有耐性。」江嘉敏話男友好怕羞，所以自己嘅ig就冇放同男友合照，反而男友嘅私人ig就不停放閃，連頭像都係用同江嘉敏嘅頭貼頭合照放閃。據聞Anthony家底都唔錯，家住太子道西價值千多萬港元豪宅，平時以寶馬房車代步，可以做江嘉敏嘅柴可夫司機，隨傳隨到。
而在《兄弟》中，江嘉敏終於唔使做學生妹，當然好開心，佢話﹕「我唔使打得好犀利，算係輕鬆嗰個，主要工作就係逃跑，我就嚟可以練成短跑選手，哈哈。」
(apple daily)
7月底驚爆閃婚，婚後不久即宣布懷孕，奉子成婚！將於明年春天做媽咪，佢近日已減少工作專心養胎。
日前約好朋友聚會，對方在Instagram公開二人合照，更拍下佢雙手捧住大肚嘅照片。。。
現年27歲嘅AKB48首代一姐前田敦子今年夏天宣佈閃婚，丈夫係同佢拍拖唔夠半年嘅演技派男星勝地涼。
佢已經開始停工，準備迎接小生命來臨。
日前，敦子約埋模特兒好友中田早保見面聚舊。中田早保在社交網公開兩人合照及拍下敦子雙手捧住大肚嘅照片，更透露有輕撫敦子的巨肚，但她其後又將敦子的大肚相刪除。
至於將為人父的勝地涼，早前出席活動，透露已為BB改好名，但他拒絕透露BB的名字及性別。
(綜合報道)
很多人應該都覺得香蕉是一種特別容易變黑的水果，不只是表皮，果肉也容易黑，有時候才多放了一天就變成爛香蕉。對此，有專家撰文指出，其實只要簡單3招，就能讓香蕉多堅持一會兒。
大陸的醫療健康服務平台「丁香醫生」刊登一篇文章，教大家如何防止香蕉變黑，撰文者是天津科技大學營養與食品衛生學碩士李園園。文章一開頭先解釋，香蕉的細胞中含有豐富的酚類和多酚氧化酶，正常情况下，它們被分隔在細胞的不同區域，但當香蕉表皮受到損傷，細胞會破裂，它們就會相遇，如果正好有氧氣，那多酚氧化酶就會幫助多酚類和氧氣發生一系列化學反應，生成黑黑的物質。
李園園指出，上述就是「酶促褐變」反應，反應時間越長，顔色就越深，香蕉也就越來越黑，果肉也一樣。她表示，簡單來說，讓香蕉變黑的敵人有兩個，就是受傷與氧氣。
李園園建議，可以將香蕉用保鮮膜包起來，一方面阻隔外界的氧氣，一方面形成了一個密封空間。「香蕉自身呼吸會產生二氧化碳，高二氧化碳低氧氣的環境，可以一定程度上抑制香蕉自身的有氧呼吸，因此能大大延長保存期。」
另外，很多人習慣將香蕉平放，也就是凹面接觸桌面。不過，李園園指出，這種放法忽略了一個問題，就是香蕉自己有重量。她進一步解釋，人坐久了都會屁股痛，更何况是永遠保持一個姿勢的香蕉，平放會使最底部的香蕉承受很大的壓力，出現壓傷和表皮破損，表皮一旦有傷口，就會給多酚氧化酶和多酚創造了見面的機會，因此建議將香蕉倒著放。
李園園也提醒，香蕉是一種熱帶水果，如果突然進入冰箱這種溫度低於10度的地方，細胞會被凍壞，不僅果皮變暗，催熟後果肉也不能變軟，不能正常成熟。她表示，香蕉的最佳儲存溫度是12至16度，但一般情况下不用那麽精準，室溫放置就可以。
(ETtoday)
懷有第二胎嘅無綫藝員沈可欣依家佗B八個多月，呢日佢同老公楊證樺以及大仔一齊影大肚寫真相，並上載至社交網同大家開心Share！
雖然今次係沈可欣第二次大肚，但原來影大肚相都係第一次，佢留言表示：「影了一輯很漂亮嘅大肚相！回想佗大仔嘅時候，原先已約好日子影相，但是大仔早了出世，影唔到！我十分失望在產房前喊了。但是有心唔怕遲，今次終於影到啦！仲要係一家四口一齊影！」
相中見佢哋一家四口勁溫馨，其中一張相囝囝坐上爸爸膊頭，沈可欣錫住囝囝，而楊證樺就錫住老婆嘅孕肚，真係warm到爆！
楊證樺接受訪問，講到寫真相中，佢剝衫上陣，佢笑言：「其實係即興嘅，我見太太影得咁開心咁過癮，所以就即刻除咗件衫影埋一份。」
(on.cc)
1992港姐冠軍盧淑儀尋日46歲生日，究竟老公李克勤有咩表示呢？
克勤喺Instagram上載照片，原來佢哋尋日去咗睇羽毛球比賽，又落場打波，之後就簡簡單單食個蟹粉拌麵，克勤再送上蛋糕慶祝，雖然冇咩華麗生日派對，但李太依然心滿意足，不自覺露出幸福笑容！
而當中嘅亮點就落喺克勤嘅祝福上，除咗祝老婆：「生日快樂，身體健康，每天開心！」
仲勁有心機tag住「食極都瘦」「瘦完再瘦」、「keep住靚」、「叉燒唔打落網」、「老闆默書全中」，而最搞笑嘅係佢話「我搵多啲錢」，呢個廿四孝老公兼老竇真係抵錫呀！
陳貝兒（右）早前為盧淑儀慶祝！
(on.cc)
「壽星女」岑麗香（香香）今日34歲生日，她騷長腿出席活動。講到她生日正日都要工作，她笑言是開心事，因為早開工就可以早收工，又冧爆指老公強強今早親自整炒蛋牛油果，又獲同事送贈Surprise Cake，所以感到好開心和滿足。問到今晚可會同老公二人世界食燭光晚餐？香香Keep住大笑謂：「要睇吓點先！我好易滿足，其實一齊睇吓電視、去散吓步都開心，簡單是福！」
問到老公送了甚麼生日禮物？香香興奮指「願望成真」：「之前講過想去夏威夷，依家有機會去啦！買咗12月嘅減價機票，仲正！呢份就係生日禮物。（老公會有驚喜？）之前多啲嘅，但佢有呢個舉動都開心、滿足，不過結咗婚都幾年，簡單已經好開心。」全程將「開心」、「滿足」掛喺嘴邊，可見香香幸福滿瀉！
她表示生日之旅會在聖誕節之前去，問到可會兩個去、三個返？香香怕醜話努力中，坦言亦準備好生B：「向住呢個方向進發。（會影比堅尼相？）睇心情啦！（老公畀你Sexy？）佢肯揸機幫我影即係批准，唔揸機即係唔靚！」
(on.cc)
大圍成興街命案，警方今（17日）晨將案件列作兇殺及刑事毀壞，交由沙田警區重案組跟進，初步調查所得，事件涉及車房與客人之間的修車糾紛，警方正追緝涉嫌扑車的3名在逃男子。
沙田警區助理指揮官（刑事）陳昕在現場表示，案發於昨日（16日）傍晚6時半，一輛銀色私家車駛至成興街，3名手持棍狀物的男子下車，進入車房破壞一輛跑車的車身及擋風玻璃，車房內3人追出，其中2名兇徒登上私家車，由第4人駕車逃走。
陳續稱，案中姓何42歲死者被人追至成運路制服，再被撳在地上，並發生糾纏，衝鋒隊警員於接報7分鐘後到達，發現事主已無呼吸脈搏，頭部嚴重受傷，膝蓋亦有擦損，警員即場為他急救，其後由救護車送院搶救，至晚上8時55分證實死亡。
警方在場拘捕3名制服死者的男子，包括一對姓陳(32及40歲)男子，其餘一人姓鄭(29歲)，俱涉嫌與兇殺案有關被扣查。警方其後在現場檢獲一支棍狀物，相信與刑毀案有關。警方正追緝3名男子，其中2人年約30至40歲，案發時戴黑色口罩，身穿黑色長袖T恤及黑色短褲，分別着黑色及白色鞋。
其中2名姓陳疑兇為兄弟，據悉，車房則由陳父及2兒子經營，細仔為車房東主，亦是賽車手，他曾參加多項大型賽車活動，2012年勇奪香港路車挑戰賽全年總冠軍，第59屆澳門格蘭披治大賽-香港汽車會盃–香港賽車手銀獎。他曾在微博介紹2006年創立車房，以改裝車及賽車為主。
陳已婚，與妻子育有3名年幼子女。其妻為無綫前藝人，參與多部電視劇，擔當無名角色如護士、陪酒小姐等，她在2005年後退出娛樂圈。在陳的社交網站，上載不少賽車活動、汽車照片，也有很多家庭照片。
(on.cc)
無綫藝人黃智賢（Ben）、王君馨主演的台慶劇《是咁的，法官閣下》口碑相當不俗。
而昨晚一場二人的法庭戲中，當中的對白更令不少人回味及引起共鳴，例如君馨講「我們之間甚麼都有，就是沒有愛」、「我與你的相遇，從來都不是我主觀意願可以控制，一切都是天意」等，都演繹得非常好。
君馨的演技出色，就連譚詠麟（阿倫，譚校長）都大讚！他Cap晒圖並上載到社交網，仲留言：「剛剛踢完球回家看到一場好戲！」
之後，君馨接受訪問時坦言好開心、驚喜，又指冇諗過譚校長會有時間睇電視劇。她亦坦言昨晚工作後一邊打邊爐、一邊看劇集，助手更幫她拍了短片。而她看完那一幕戲後，更指住電視鬧黃智賢係衰人，認真入晒戲！她謂：「多謝譚校長，多謝佢支持同讚賞，編劇寫得好好嘅一場戲，亦都係我同Ben好鍾意嘅一場戲，希望觀眾繼續支持。」
而黃智賢接受訪問時謂：「呢場戲，編劇李茜寫得好好，啲對白寫得好正，我哋一個字都冇改，我同君馨都演得好投入，多謝大家支持。特別一提係配樂同剪接都好好，各人反應都好好。」
(on.cc)
