組合at17成員盧凱彤（Ellen）於8月5日在跑馬地寓所墜樓身亡，結束32歲的年輕生命。Ellen將於今午在香港殯儀館設靈，家人亦有安排公眾告別禮，讓Fans可以向偶像道別。

Ellen生前摯友何韻詩，今早在ig上載多張與Ellen昔日的私人照片，見到二人感情要好，經常攬作一團，臉上總掛著開心的笑容，及趣鬼嘴臉，令何韻詩勾起無限回憶。

阿詩寫著﹕「Mui G，不用怕。就如平常那樣，緊緊抱著妳，陪妳走到路最後。」

何韻詩和Ellen都是香港少數承認自己同性戀的女歌手，二人感情要好，經常為爭取平權發聲，Ellen的離開，不少粉絲亦叫阿詩「加油」，有網民留言﹕「終於等到你的消息了！懸著的心終於放下，你一定要好好保重，我們都在為妹子祈禱， 希望她走的安心。」

而Ellen拍檔林二汶亦有上載一張光影黑白相，留言﹕「祝你愉快，這裡留白。」

林二汶社交網

相關新聞：

【盧凱彤公眾告別禮】沉痛表示：再見 永遠十七的阿妹 https://goo.gl/VFhusC

【二汶雙手合十見傳媒】遺孀余靜萍首發言：我們都要堅強 https://goo.gl/sTE1s4

(apple daily)

「我覺得自己是最幸運的女孩～謝謝你們成為我強大的後盾！！我只能用十倍的努力去報答你哋的愛，同你哋一齊玩時間會過得好快，希望你地（哋）會鐘（鍾）意我為你哋預備的驚喜。每一張相大家都笑得好開心，幸福好簡單，無條件的愛。」

憑處境劇《愛．回家之開心速遞》深得民心嘅佢即將係今個月17日踏入26歲，呢日佢就獲一大班粉絲為佢大搞生日會慶祝。

佢喺社交網晒出多張靚相，見佢收花又收禮物，仲有一個海獅造型嘅生日蛋糕，真係萬千寵愛在一身！

林凱恩（Iris）
而Iris都好識做，唔只親自下廚整小食回饋佢哋。

仲發文多謝所有粉絲：「多謝每一位團友對我滿滿的愛，感謝你哋讓我覺得自己是最幸運的女孩～謝謝你們成為我強大的後盾！！我只能用十倍的努力去報答你哋的愛，同你哋一齊玩時間會過得好快，希望你地（哋）會鐘（鍾）意我為你哋預備的驚喜。每一張相大家都笑得好開心，幸福好簡單，無條件的愛。」

（ig/ on.cc）

藝人袁偉豪在社交網一直很活躍，昨日突然在社交網留言……

「請私人訊息聯絡，薄酬！謝謝。」有傳媒聯絡上袁偉豪，佢回覆指提供五百元薄酬。及後，袁偉豪表示酬勞加至五千元。

他透露在深水埗某茶餐廳外遺失了銀包，內有多張證件及少量現金。

他寫著︰「本人在今日下午1:15-1:30左右在深水步（埗），醫局街一間茶室門口遺失一個錢（淺）啡色猄（麂）皮拉鍊銀包，內有身分證、回鄉卡，駕駛執照，屋苑住戶證，提款卡、信用卡，及少量現金、如有拾獲者請私人訊息聯絡，薄酬！謝謝。」

不少網民留言慰問，袁偉豪透露相信銀包是他走入餐廳前與粉絲拍照時跌了，又透露已到警署報失及Cut了信用卡。

（ig / 綜合報道 / mingpao）

48歲嘅鄭嘉穎同27歲冠軍港姐陳凱琳（Grace）今日喺峇里舉行浪漫婚禮，一班圈中好友都有去賀一對新人，黎耀祥都有去到觀禮，佢今日同傳媒講話自己都好感動：「成個婚禮都好感動，唔只一對新人感動到喊，好多人都感動到喊，自己都眼濕濕，始終做藝人經歷好大壓力，佢哋都經歷唔少走埋一齊。」

問邊部份最感動，祥仔話牧師同一對新人講嘢，嘉穎同Grace講兩個人相識經過。問邊個接到花球，祥仔透露：「Grace嘅圈外朋友。」祥仔仲話而家進行緊婚宴，佢因為要工作，所以聽日會先返香港。

大會再發出花絮相，見到Grace着起裙褂真係索到爆，但呢個都唔係重點，重點係Grace手上巨型鑽戒，嘉穎見到咁大粒，都忍唔住要咬番啖呀！嘉穎之後喺微博晒相，見佢好似緊啜老婆仔，佢留言：「成家了」

相關新聞：

【4次多謝嘉穎】陳凱琳邊講邊喊：我同你喺埋一齊就變成我哋   https://goo.gl/bjj8JL

【即場向媽咪道歉】鄭嘉穎：你帶畀我嘅喜悅、快樂，係從來未試過    https://goo.gl/2W7JBX

【笑到四萬咁口】準新人鄭嘉穎陳凱琳琴晚已經滿場飛   https://goo.gl/gLg18S

【陳凱琳爸爸給鄭嘉穎100分】傳收無銀碼支票禮金   https://goo.gl/so7BDb

【攝影師大有來頭】鄭嘉穎陳凱琳唯美婚照曝光   https://goo.gl/mvyiqz 

（on.cc）

藝人鄭嘉穎與陳凱琳（Grace）今日於峇里成婚，修成正果！

相關新聞：

【笑到四萬咁口】準新人鄭嘉穎陳凱琳琴晚已經滿場飛   https://goo.gl/gLg18S

【陳凱琳爸爸給鄭嘉穎100分】傳收無銀碼支票禮金   https://goo.gl/so7BDb

【攝影師大有來頭】鄭嘉穎陳凱琳唯美婚照曝光   https://goo.gl/mvyiqz 

Grace穿上一件非常性感的Deep V婚紗，據知一對新人讀誓詞讀到喊，嫁女的陳媽媽與娶新抱的鄭媽媽都亦流淚，十分感動。見證女兒出嫁，陳爸爸強忍男兒淚，表現興奮又開心！其中嘉穎透露媽媽常常問他甚麼時候結婚，他則笑指可能生完BB才會結婚，令媽媽相當失望，所以他即場向媽媽說：「Sorry媽咪，嚇咗你咁耐。」

嘉穎對Grace宣讀誓詞時冧到爆，直言認識她前，未明白之前的想法，因為生命中仍未遇到她！他說：「你帶畀我嘅喜悅、快樂，係從來未試過，你令我想組織家庭，同你拍拖一年左右就向你求婚，但當時時機未成熟而要等到今年，多謝你答應嫁畀我，無論以後條路係點，我哋一齊行落去，我會照顧你一生一世，I Love You So Much！」
  今天早上嘉穎進行接新娘儀式，為娶得美人歸，他有求必應，在Grace要求下，他更唱出自己歌曲《一千個願意》，又抱起Grace由走廊行入大廳，足足200呎路程，向雙方家長進行斟茶儀式！

鄭嘉穎接受訪問，他笑言：「冇辦法啦，為咗娶老婆，乜都要做啦，今次算好簡單，Grace嘅好姊妹好易話為，只係抱咗佢同埋唱咗首歌啫！」嘉穎講到婚禮感受時坦承十分感動：「我見Grace行入教堂我已經忍唔住，都流咗兩滴眼淚，亦都好感觸，大家講咗好多真心話，其實我覺得我哋嘅婚禮比起其他婚禮好唔同，除咗有一段好offical嘅誓詞之外，自己都講咗一段對對方心目中嘅感覺，呢段係我哋兩個都好感動，多謝大家嘅祝福，多謝晒。因為我哋想一切從簡而隆重嘅禮婚，所以之前就唔通知大家（傳媒），亦都唔想大家辛苦。」

鄭嘉穎又感激各位親友遠道而來參加他們的婚禮：「我要好多謝每一位參加我哋婚禮嘅朋友，其實四、五個月前通知佢哋，佢哋因為工作嘅關係都要度期，亦好多謝佢哋百忙中抽空嚟見證我哋婚禮。」

(on.cc)

最近喺大陸劇《延禧攻略》演嫻妃嘅佘詩曼，做奸妃夠出色，獲大陸網民好評。對阿佘嚟講，究竟事業重要啲，定愛情重要啲？

今日係阿佘嘅舊愛鄭嘉穎結婚嘅大日子，唔知係咪想轉移大家視線，約中午時分，阿佘喺佢嘅微博貼咗幾張相。

喺佢參與浙江衛視嘅節目《熟悉的味道》，嗰節目今晚10點播，阿佘hard sell吓呼籲觀眾去睇，重點係佢嘅留言︰「我們遠隔萬里卻惺惺相惜，我們各自感悟人生卻又經常交疊體驗人生，我很享受我們的關係。一個我、一個你，在螢幕我們合二為一！讓我們在熟悉的味道裡穿越螢幕、面對面感知我的你，感知你的我。」

究竟邊個同佢合二為一，答案…唔係男，係女…配音員，原來節目邀請咗專配阿佘國語對白嘅香港配音員蘇柏麗上節目。嗱！之前無綫裁減配音員，更揭露配音員面對不公平條約，今次阿佘以行動嚟支持配音員行業，認真夠吉士。

網民都話最希望阿佘真係早日搵到佢愛嘅人呀！

（apple daily）