歌手鄭融出席新城頒奬禮拉票活動。
講到頒獎禮將至，問到可有信心？她表示：「有啲，今年自己有參與作曲，試咗新曲風，轉變唔容易，但唔可以永遠做舒服同有把握嘅嘢，好彩出到嚟歌迷、自己都好鍾意，自己滿足感都好大。」
她透露其實之前有養狗，但7年前愛犬去世後冇再養，問可是傷心得滯？她表示：「都有啲關係，同埋對其他狗冇乜Feel，但都有去狗場做義工，去學校宣揚照顧動物。」
問到幾時會同男朋友養番個「人仔」？她笑言：「兩樣嘢嘛，玩住朋友嗰啲先啦！（同男朋友傾成點？）有就大家知㗎喇。（有冇共識？）共識就係我會養隻狗先。」
之後開心宣布家中將迎接新成員：「我領養咗一隻狗，係澳門狗場嘅格力犬，之前新聞個單，我幾個月前遞Form申請領養，程序都幾嚴謹，隻狗依家都未嚟到屋企，原來隻狗冇得揀，係派過嚟，我之前有去做義工，同啲狗相處過，但唔知佢會派邊隻畀我。」
她表示格力犬性格好溫馴、好嗲：「我喺屋企做緊功課同整理緊，等佢嚟時有地方住。（同男友一齊養？）我自己。」
(on.cc)
最近於無綫劇《救妻同學會》擔正女主角。
去年與「巨聲幫」的謝東閔傳出緋聞，但二人從來沒有承認。
不過，日前他們被指穿上情侶裝在銅鑼灣拍拖行街。
對此，朱智賢接受訪問時說：「行吓街、食吓飯啫，邊有着情侶衫？完全唔同款㗎！」
但她稱讚謝東閔是一個很好的行街良伴：「佢好有耐性陪人行街，有咩需要搵佢幫忙會幫手嘅。（你哋究竟乜嘢關係呢？）好朋友。」
(on.cc)
周潤發（發哥）家姐周聰玲日前接受港台《舊日的足跡》節目主持車淑梅訪問，分享同發哥嘅姐弟情。玲姐經常會同朋友提起呢位令佢覺得非常自豪嘅細佬，除咗因為發哥憑努力成為一位國際巨星，光宗耀祖之外，仲係一個非常顧家、照顧家人、人品好、性格隨和嘅人。
玲姐話：「南丫島呢啲窮鄉僻壤出咗個國際巨星，我當然好開心，佢光宗耀祖。能衝出香港發展亦都係佢個人嘅努力，能夠去到荷李活，數埋香港冇幾多人。佢全世界嘅獎項都有，錢又有，今時今日仲攞埋四個字『反璞歸真』，要生活簡單並唔簡單，平凡中見不平凡，呢啲叫做超然、逍遙自在，佢昇華到活出咗般若智慧。」
蜻蜓攝影師玲姐本身亦過得好簡樸，佢仲話唔會因為有個巨星細佬而有壓力，因為每個人都有自己嘅生活方式。為影相經常周山跑嘅玲姐，同發哥都係攝影發燒友，發哥晨早五點就會起身，試過去大帽山影晨光第一線，近年就愛上跑山，好多市民都以山頭野生捕獲發哥兼自拍為目標，玲姐笑話因為發哥手夠長，最鍾意同大家自拍：「發哥仲話戲迷係佢嘅米飯班主，所以會視佢哋如家人一樣打成一片。」
發哥重親情，對於發哥為佢置業，玲姐坦言心中有一句說話好想對細佬講：「我想講無言感激，一個親人照顧得自己咁好係一種福氣，好感恩。每個星期屋企人都會出嚟食飯、飲茶，都係由佢召集兼買單。對於佢人生中遇到嘅唔如意事，我唔會出聲，甚至唔會打電話畀佢，因為佢身邊有好多顧問、精英、高人，我畀佢安靜已經足夠。」
玲姐大發哥八歲，但兩姐弟好投契，又鍾意講笑，玲姐自爆有次用咗《Happy Birthday》首歌做電話鈴聲，點知發哥一聽到就叫佢唔好再用，因為有啲場合唔方便，例如有人喺靈堂三鞠躬，電話突然唱生日歌實畀人炳。
發哥講過將來百年歸老會將所有身家捐晒出去，玲姐亦都好贊成，佢認為能夠做善事，令更多人受惠係福報，好似諾貝爾一樣，呢種博愛精神係永垂不朽，佢話:「有錢要回饋社會，一個人叻有咩用，世界係應該共融。我今年71歲，媽媽都已經97歲，我再冇咩特別追求，因為精英向前衝，耆英退一步海闊天空，我只希望能日日好時光，快樂又健康。」
(Apple daily)
現年30歲歌手裕美去年與意大利籍男友Alex撻着後，經常在社交網放閃，唔單止不時喺網上晒出甜蜜照，兩個仲開埋一個ig賬號，總之就Sweet到爆！
不過早前佢似乎預告會分手：「其實近排都少見，佢依家成日唔喺香港。」
更坦言指不接受異地戀：「我唔係要成日黐住，但可能我成長背景問題，由細到大好驚人哋離開我，細個要捉住表哥、表姐手指瞓覺，所以我知自己係冇可能異地戀。（好似唔抱希望？）人大咗順其自然。」
兩年前離婚的她依然相信愛情，更希望再婚生B，她說：「我喺破碎家庭長大，最希望有個完整嘅家，因為我冇，所以我要有。經歷咗咁多我都有所領悟，坦白講上一段婚姻我係為結而結，因為我好想，但其實唔得。」
裕美坦言離婚後沒留下陰影：「好多人問我驚唔驚結婚？其實每個經歷令我更明白自己有咩唔好，有咩我係想要。你問我依家呢個係咪到最尾？我唔會答你係。以前一拍拖就諗結婚，但我依家唔會，尤其經歷咁多嘢點知！我都話我唔可以Long Distance（遠距離），話唔定唔知幾時唔得，尤其你同外國人一齊，你預咗有一日要抉擇，一係跟佢去第二度，一係就算。」
而今日佢就喺網上話出發去吉隆坡：「寄情工作，一個人也能好好過！」
唔少網民都話難道佢同男友已分手？紛紛留言為佢打氣加油，仲話叫佢要堅強！
(綜合報道)
噚晚喺facebook貼出情侶飾物相片，仲tag埋音樂人男友Edward後留言：「Thank you baby……I love you!」友人紛紛留言恭喜！不過。。。
佢話喺工作上認識Edward，男方係大台節目《流行經典50年》嘅band leader，Edward仲寫過首《小街燈》送Ophelia，又做過佢處女演唱會音樂總監，佢哋拍拖兩年。
12年工展小姐冠軍，後轉投樂壇發展嘅蘇慧恩（Ophelia）喺電話訪問中話：「畀人誤會我同佢結婚，連我屋企人都以為係，唔知點收科。」Ophelia貼出情侶飾物大特寫，驟眼看以為係情侶戒指，其實係情侶手鈪。
問到咁有冇結婚大計？Ophelia再話：「佢細過我，28歲咋……細我4年，佢應該冇咁快想結婚啦，要努力賺下錢先。佢做音樂好成熟，但好多時我要成日就佢，佢有藝術家脾氣。」
(Apple daily)
劉青雲噚日喺九龍塘出席活動，原來今年7月係青雲同太太郭藹明結婚20周年，青雲喺台上話冇特別慶祝，但係會好好珍惜，20年唔係簡單嘅時間。
講到慶祝活動，青雲話：「我哋同啲朋友食餐飯慶祝吓，不過時間過得真係好快，我一啲都唔覺得過咗咁多年，有冇初戀感覺？咁又冇，真係唔覺得。」唔知會唔會送一份大禮物畀老婆？青雲就話：「城市人嘅嘢，見到鍾意又買得嘅嘢，已經買咗喇，唔會等乜嘢特別日子先送。就算係特別日子，買唔起就係買唔起。不過聖誕節就唔同，周圍都減價，可以去吓shopping，但係我未諗送乜嘢聖誕禮物，啱啱先拍完戲，唔一定要禮物，但係一定會有聖誕卡。」
之後大家又問喺張卡寫啲乜？青雲笑笑口話：「簽個名囉，張卡上面都印咗嘢。」再問佢會唔會寫I love you？佢就話：「哎呀！o依家啲男人真係惡做！」
古天樂今年入圍「叱吒我最喜愛男歌手五強」，青雲就話：「吓？古仔唱歌，好呀，多元化發展當然好，不過要注重身體。我喺偶然嘅機會下，好似係有聽過佢唱歌，我覺得都OK㗎。」唔知有冇覺得古仔唔做歌手好嘥？佢就話：「嘥咗我囉，但係最緊要係做自己鍾意嘅，唱歌都好，不如索性做歌手，留番啲嘢畀我哋撈吓！」之後再問會唔會鼓勵古仔去紅館開騷？青雲又笑笑口話：「佢咁醒目，古老闆自己識計，識得自己諗，係時候就會上。」
查實青雲曾經同古仔、張家輝喺電影合唱過，於是問佢哋會唔會搞番個組合？青雲即刻話：「唔好破壞樂壇喇，老實講，佢兩個係得，張家輝個樣都似係唱歌，我就唔得，冇天份！」佢仲話：「我點會唱歌呀，生日咪唱歌，哈哈，又要情話綿綿，你哋想點呀？o依家做男人做到好似考試咁，男人真係惡做。」
(Apple daily)
大陸女星楊冪同劉愷威一直盛傳婚變，而10月老公生日時，連續5年都會喺微博凌晨時分發文祝賀嘅楊冪，今年竟然斷纜！
而最近楊冪接受雜誌訪問時，講到有指佢掛住工作而忽略家庭時，佢就話事業同生活各佔自己人生一半，但工作係必須要去做，做嘅時候就要快樂做好，不過佢就表示如果今年元旦唔使開工就會同家人跨年，但係目前仍未確定行程安排，有網民就好奇「家人」包唔包括劉愷威，有冇份一齊呢？
佢又透露女兒小糯米近況，好鍾意唱英文歌畀佢聽，而每次聽到囡囡可愛嘅歌聲時，就覺得好溫暖！
而日前楊冪出席活動後，被網民拍得佢未P圖前嘅激瘦照片，更透露目測只有35公斤，非常誇張！
照片所見，楊冪唔只雙頰凹陷，手臂仲係皮包骨，網民都驚呼：「媽呀她的腰」、「再瘦就像骷髏啦」、「真的好瘦呀」！
(on.cc)
一直喺大台默默耕耘，早幾年憑飾演處境劇《愛·回家》一角而開始令觀眾認識，12年同拍拖8年女友黎芷珊分手後，喺前年11月同圈外女友兼中學同學Kimmy結婚。
憑處境劇《愛·回家》律師「嚴謹」一角入屋。
雖然張達倫拍劇經常日夜顛倒，但佢一有時間都會陪囝囝享受吓親子樂。好似日前就捕獲到佢同老婆及囝囝去旺角波鞋街行街，但佢今次係做湊仔公，用孭帶孭囝囝，等老婆可以專心揀波鞋，呢個老公真體貼。
當晚7點幾，張達倫孭住囝囝陪老婆睇波鞋，佢哋喺櫃窗望完一輪之後，老婆Kimmy就走入舖頭試鞋。點知試鞋期間Zachary有啲唔耐煩，要落地行，張達倫於是放低囝囝行幾步，然後小心翼翼扶住個仔，繼而再放手畀個仔行幾步後又扶住，由舖頭裡邊行到舖頭外面，睇張達倫個樣，係好enjoy成個過程。
期間有人認得張達倫，都主動同張達倫打招呼及同佢個仔玩。
至於Kimmy試鞋試咗10幾分鐘，但最後因為冇size而空手離開。
(Apple daily)
前港姐李美慧（Vivi）今年10月為老公曾文豪誕下囡囡「小糖心」。
日前囡囡滿月，佢哋兩公婆就大擺滿月酒宴請親朋一齊賀一賀佢～
爸爸仲學B囡咁皺眉超搞笑！
綁了一條粉紅色頭巾在頭上嘅B囡超可愛！其中一張相仲見到佢兩邊手仔戴咗唔少金器，真係萬千寵愛在一身呀！
今次就輪到Vivi嘅一班好友包括有份擔任Vivi結婚姊妹團嘅藝人楊埕、郭千瑜等，親自上門探「小糖心」。
楊埕喺社交網上載多張合照以及「小糖心」嘅可愛片段，見佢哋輪住咁抱BB，而BB就好乖咁畀大家抱，完全唔怕生保而扭計，認真叻女！
五個女人一個墟呀！
楊埕（右二）及郭千瑜（最右）當日有份做李美慧（最左）姊妹！ 
楊埕仲話抱到唔捨得放手：「誰家寶寶這麼可愛漂亮，抱住唔想放手啦，佢太香，四個女仔一晚真的不夠。」
(綜合報道/on.cc)
透露除了自己之外，還有大批苦主：「加埋我有23人，我哋班苦主喺Facebook成立咗個群組大家互通消息。」金額更涉及六位數。佢希望古天樂能伸出援手！
斯洛伐克名模Lea T.近年有意由模界轉戰大銀幕，早前因仰慕男神古天樂，不介意酬勞多少，接拍電影《掃毒2》跟對方合作試水溫，最後卻慘被走數！原來連Lea在內，被走數的苦主多達23人，金額涉及六位數。她希望古天樂能伸出援手！
今年中，Lea在一個電視廣告的工作場合上認識名為Michael的中間人，對方透露正為電影公司物色外籍模特兒在戲中客串，Lea得悉該片是大製作，加上可跟古天樂做對手戲，認為機會難逢，不虞有詐下答應。
六月底，她興致勃勃為電影客串，每晚由凌晨12時拍至早上8時，更以內衣上陣，不過完成工作後，接洽工作的中間人恍如人間蒸發，故至今仍未收到酬勞，她坦言：「拍完之後就搵唔到嗰位中間人，打電話畀佢，佢冇接，傳短訊又唔覆，所以都唔知可以點做。」她稱今次是首度跟對方合作，沒想到電影拍了，但被欠薪，她亦大感無奈。
Lea透露除了自己之外，還有大批苦主，在片中客串的模特兒及演員亦跟她同一遭遇：「加埋我有23人，全部都係外籍人士，大家都係由同一個中間人聯絡，但都收唔到酬勞，我哋班苦主喺Facebook成立咗個群組大家互通消息。」估計共涉及六位數金額。
據知，不少演員酬勞低廉，兩日戲份由早拍到晚，只收五千元，可謂血汗錢。
她自言若得到身為演藝人協會會長古天樂伸出援手就最好，因為一班苦主都是外籍人士，對香港法律並不清楚，亦不認識本地電影人，深感求助無門：「大家初時都有考慮過報警，後來有人去勞工處求助，不過勞工處就叫我哋搵小額錢債審裁處。其實我聽聞被走數嘅情況好普遍，不過今次係我第一次遇到，雖然對方欠我嘅錢唔多，但我覺得係公義問題，都好想討回公道。我認為香港電影業需要有所改善，唔可以容許有人咁做，亦唔可以因為我哋唔係本地人就覺得冇問題。」她有感追回欠薪機會渺茫，聽聞該中間人已將所有錢花在賭枱上，所以就算找到對方，相信對方也無力歸還。
余安安會先了解事件，希望可以幫到苦主！
(on.cc)
