藝人吳若希（Jinny）2017年4月生咗囡囡淼淼，但當時佢未有公開淼淼樣貌，不過就竟然被「出賣」，囡囡正面相喺網上流出，令佢焗住再晒正面全家福！
之後Jinny為咗保護女兒，都會刻意用Emoji遮住囡囡樣貌，或者只有側面相，不過佢呢日竟然激罕晒淼淼全相仲冇打格噃！
佢喺Instagram上載《森美旅行團》聚會大合照，見到淼淼坐喺佢大髀，啜住奶嘴！唔少網民都大讚非常可愛，又笑問Jinny：「做乜唔打格？」
而拍檔丁子朗都有上載佢同Jinny兩母女合照，不過佢就為淼淼用Emoji遮住對眼，真係好細心呀！
(on.cc東網)
Yan今日接受電話訪問，佢話：「其實我上個星期去檢查身體，佢本來要我即時入院，但因為有嘢做，所以延遲咗幾日先入。」
34歲吳日言(Yan)懷孕23周，早前去醫院做檢查，發現血糖過高，醫生建議留院觀察，結果一住便4日。今日佢喺facebook上載新相，笑得好開心嘅佢留言：「這是重獲自由的笑容。話說前幾天在醫院留院觀察血糖指數，去到第四日，真係崩潰，再唔出院我真係會發癲，因為喺醫院真係好悶好悶，幸好終於可以回家。大家不用擔心，我會按時為自己打針，直至BB出世。」
但就喺文尾加hashtag寫「媽媽唔易做」、「媽媽真偉大」、「妊娠糖尿病」、「打針唔洗驚」等字句。
Yan今日接受《蘋果》電話訪問，佢話：「其實我上個星期去檢查身體，佢本來要我即時入院，但因為有嘢做，所以延遲咗幾日先入。」Yan續指，「依家每日要拮七次手指，打四支針，自己學識咗返嚟屋企自己打，但要幾準時打，每餐之前要打，打完就要即刻食，唔係驚會暈。」
Yan留言後有唔少朋友同佢打氣，叫佢加油，佢自己就話都唔係太擔心，因為知道BB無事，純粹因為佢懷孕令荷爾蒙變化有呢個問題，但就要一直打針打到BB出世為止。佢笑住話：「我相信自己頂得住，係要戒食甜嘢慘啲囉，因為都好鍾意食甜嘢，同埋食咗開心啲，其他方面都會食清淡啲，食嘢唔可以過量。」
(蘋果日報)
馬國明與唐詩詠等約9時check in後大方企定定任由記者拍照，但當問到婚禮詳情時，他們異口同聲表示：「去飲飲食食囉，詳情未知，佢哋好保密，冇劇本㗎，話『去到你哋就知㗎。』（係咪真係有咗BB？）呢樣更加唔知，如果係遲啲就知啦。」
藝人黎耀祥及太太、曹永廉、唐文龍、馬國明、唐詩詠、黃嘉樂及女友等，早上紛紛現身機場，出發往峇里出席鄭嘉穎及陳凱琳婚禮。祥仔表示：「買咗飾物送畀新娘子，祝佢哋以後開開心心、白頭到老、連生貴子！」由於正在拍攝新劇《殺手》關係，他預算後天便返港：「我凌晨3點先收工，返屋企沖過涼同休息咗一陣就嚟機場喇。」
曹永廉與太太一同到機場，他會合唐文龍飛峇里，而太太則與子女飛到日本旅行。他受訪笑謂：「我哋去飲飲食食。能夠參加呢個盛事，我帶埋唐文龍去當禮物，講笑咋，我準備咗禮物，返嚟先送，帶過去唔方便。」唐文龍則感性謂：「嘉穎搵咗咁多年，先搵到佢人生中最重要嘅人，好戥佢高興。」當問到會否趁機叫嘉穎介紹好女仔，阿廉代唐文龍解圍：「佢都搵咗咁多年先搵到，邊有得介紹？靠自己啦。」
而林子善就忽然避開記者，由另一邊閘口入閘，不過依然被記者發現，他才停低影相，但就未有透露更多。
馬國明與唐詩詠等約9時check in後大方企定定任由記者拍照，但當問到婚禮詳情時，他們異口同聲表示：「去飲飲食食囉，詳情未知，佢哋好保密，冇劇本㗎，話『去到你哋就知㗎。』（係咪真係有咗BB？）呢樣更加唔知，如果係遲啲就知啦。」由於大家都有工作在身關係，今次只是約兩天的行程，馬國明更搞笑謂：「嗰邊地震呀，所以我去已經係最好嘅禮物。（唔帶埋心穎BB去？）講埋啲衰嘢。（去取經？）咁我未去過嗰邊旅行嘅，取經第二時同屋企人去玩囉！」
問到唐詩詠是否想接花球，她笑答：「都好喎。」她又望向黃嘉樂女友問：「需唔需要妳先？」黃智賢即幫手解圍：「肚餓喇！」詩詠又表示自己有準備泳衣，希望能夠有時間碧波暢泳。而黃嘉樂則笑指女友唔需要接花球，但當問到是否已求婚，他卻連聲否認，又笑謂：「我淨係知啱啱地震完，能量冇咁快再令地殼郁嘅。」
(on.cc東網)
鄭嘉穎在15年拍劇集《殭》跟27歲的港姐陳凱琳譜出「父女戀」，兩人拍拖三年終開花結果，明日將於印尼峇里的Bulgari Resort舉行婚禮，嘉穎升呢人夫後，更會在當地慶祝婚後首個生日。早前有傳Grace是雙喜臨門，更有讀者爆料指曾看到Grace由媽咪陪同下到一間私家醫院做產檢，但Grace否認奉子成婚。Grace早前即在Ig直認鄭嘉穎是「The One」，並用英文留言表示去年聖誕已答應男友嘉穎求婚，並直言對方是自己的真命天子。婚前兩人更被本報讀者「爆相爆片」拍到他們坐廉航到布吉預支蜜月。
距離大喜日子還有一天，Grace雙親昨日早上大概10時15分現身機場，準備出發到峇里出席囡囡婚禮，陳父連聲感謝大家關心，他接受訪問時大爆Grace跟未來女婿鄭嘉穎前日已先飛峇里打點婚禮。問到可捨得女兒出嫁？陳父笑道：「嫁咗都會喺度㗎嘛！」印尼連日地震不斷，陳母坦言有點擔心，陳父則說：「婚禮係個女負責，唔關我事。」至於婚禮形式和賓客數目等問題，陳父再說：「全部係佢哋安排，唔到我哋話事，我係被動。」那到底陳父知道甚麼？他答：「我真係冇乜嘢知。」有傳Grace稍後會在加拿大補擺婚禮，陳父一句No，會否在香港補擺喜酒？陳父又再說：「唔知道。」
陳父會給未來女婿嘉穎幾分？他笑謂：「一定100分，唔係100分都唔畀個女嫁。」陳母同樣喜歡未來女婿，一提嘉穎，未來外母表現風騷兼笑到四萬咁口，這次可是對女兒第一次放手？陳母答：「唔係，不嬲佢都有自己做。」陳母還叫大家「加油」！
峇里附近的印尼旅遊勝地龍目島近日頻頻發生震，更曾一度發出海嘯警告，Grace一直都有密切留意情況，前日如期出發，已身在峇里的Grace昨日以英文回覆傳媒說：「對不起，我最近很忙，沒有時間回覆。我們在峇里很安全，謝謝。」還付上一個心心emoji。
另外，Grace昨日在Ig限時動態貼出與嘉穎的早餐相，並寫道：「Hello Bali。」又言是這段時間最好的早餐，不過照片只見食物不見人，準新郎嘉穎嘆煎雙蛋和煙肉，Grace就吃麵包、煙肉和飲橙汁，非常健康。
(蘋果日報)
藝人余德丞（Dickson）踢波期間不適被送入院，仍留在深切治療部（ICU）留醫。余媽媽昨日到醫院探完Dickson後，在經理人及親友陪同下離開，問到余現時情況如何？她說：「多謝晒，辛苦大家，多謝大家關心。」隨即送上兩盒蛋糕慰勞現場記者，Dickson經理人亦表示「唔該晒」，然後便乘電梯離開。
余媽媽透過Dickson經理人發公開信，透露Dickson已大步檻過：
「連日來感謝媒體，Dickson好友朋友們，影迷等對Dickson 關心及祝福，大家辛苦了。作為Dickson 家人，得到這樣支持，非常感動。今天傳來醫生的好消息，Dickson已經跨過難關，初步甦醒，邁向康復最重要的一大步。目前Dickson須聽從配合醫生指示接受治療，我們也須要跟從醫院建議，避免Dickson和在ICU內其他病人受到額外感染，令病情惡化，所以現階段無法接待大家探訪。情非得已，希望愛錫Dickson的各界好友明白體諒，多多包容。等日後Dickson 能康復痊愈，才跟大家見面。我兒Dickson 一向有非常正面能量，鬥心頑強，一定會再跟大家見面。多謝大家祝福。」
日前余德丞（Dickson）踢波暈倒送入瑪麗醫院深切治療部（ICU），昨日余媽媽向各傳媒發公開信指余德丞已初步甦醒，消息令人振奮！今日，余媽媽戴上口罩於今早9時45分現身醫院，一見記者就說：「唔好影啦，我掛住佢咋！」
然後秒速步入ICU，期間記者向余媽媽叫：「加油呀！好快冇事㗎！」余媽媽雙手合十以示謝意。余德丞康復邁進一步，余媽媽的心情亦見輕鬆得多。
(on.cc東網)
公院迫爆，一床難求。為省床位，東區醫院在日間醫療部增設16張俗稱飛機椅的半躺臥式病床，完成局部麻醉和內窺鏡手術後，病人只可半躺休息，即日出院。
71歲的蔡婆婆，大便出血持續一年，今年5月於日間醫療服務接受腸鏡檢查後，發現2.5厘米的腸腫瘤，短時間內安排照腸鏡檢查，完成後即日出院，她表示︰「 檢查完成後不用住院就能歸家很好，因在家去廁所更方便，出院後院方仍有繼續跟進我的情況，所以不會擔心。」
63歲的陳先生於日間醫療服務接受全身麻醉的小疝氣手術，早上7時入院至下午1時完成手術，經醫生評估後當晚出院，他指：「住醫院壓力較大，但在家休息壓力小。」
▲ 蔡婆婆（左）和陳先生（右）指出院後有護士致電跟進情況，所以對即日出院不感擔心。
東區醫院外科日間醫療服務的服務需求日增，病房求診人次每年遞增約16%，故2016年向醫管局申請撥款以擴展服務，擴建工程今年3月完成。診症及治療室由6間增加到11間，服務配額增6成，每月有2,100人次。
該院為港島東聯網中首間引入飛機椅的醫院，以減低病床不足壓力，椅子主要供接受小型手術，如超聲波檢查，局部麻醉和內窺鏡手術後的病人使用。術後於椅上休息至感覺良好便可即日出院，醫院亦會作術後跟進。
東區醫院外科部門主管鄧宗毅表示︰「日間醫療服務適合患有痔瘡、痔漏、小腸氣和靜脈曲張的病人，（我）想不到任何原因，病人經過一個小傷口，得到合適治療卻不即日出院，而住院時間少接觸惡劣環境和交叉感染的機會亦更小。」
鄧續指，聯網醫護人員流失約5%，最大挑戰為聘請支援性人員，如病人助理工作和文員等，因最低工資訂立後，工作的選擇更多，加上醫院工作要接觸病人和風險高，會較難請人，另外日間醫療服務，將增聘一名醫生、一名註冊護士和登記護士、兩名支援人士及一名文員。
東區醫院的臨床腫瘤科和急症內科將分別增設10張和20張病床，預計明年7月完成安裝第二部磁力共振掃描造影機，以提升放射科服務量。
（Topick）
謝安琪今日喺中環出席Guerlain 150周年活動，仲親自設計香水瓶做善事。以露肩連身裙現身嘅謝安琪，身型更見纖瘦，佢話：「我真係有做運動架，無呃你架。Juno（麥浚龍）好緊張我嘅工作安排，畀我好多時間休息、健身同創作。」
謝安琪仲大讚Juno呢位老闆好貼心，而且大家喺創作上好多相同諗法：「新碟佢幫我做監製，安排哂成個團隊，我好似演員咁等埋位就得，係一件好幸福嘅事。」另外，謝安琪仲話而家嘅體重同產前差唔多，笑言威過老公張繼聰：「佢要增肌，我拋離佢（體重）好遠，佢重到一個地步唔係好適宜跑步，有啲妒忌我，佢都有今日啦。」
(蘋果日報)
不管怎麼休息，每天一早起來就覺得眼睛酸澀，常常覺得眼睛很乾……現代人的生活型態上班盯電腦、中午吃飯休息滑手機，回家看電視，長時間曝露在電子產品的刺激之下，普遍有用眼過度的問題，不僅會連帶產生頭痛或肩頸痛，長期下來容易視力衰退，甚至進一步產生白內障等眼疾！除了適當修養之外，不妨透過常見的天然蔬果來保護眼睛！ 
日本女性健康生活網站作家前田紀至子表示，胡蘿蔔是黃綠色蔬菜中β-胡蘿蔔素最高的蔬菜，β-胡蘿蔔素進入體內會轉化為維生素A，50公克的胡蘿蔔就含有成人一天維生素A必須攝取量的營養。
維生素A能保護眼睛的黏膜，是讓視網膜保持健康的重要營養素，攝取維生素A不僅能消除眼睛疲勞、恢復視力，還對視網膜剝離等重大疾病有幫助。不僅能預防眼病，還具有改善夜盲症的效果。
奇異果中含有豐富的維生素C，能夠確保黏膜和皮膚的健康，此外抗氧化作用很強，能夠去除造成老化的活性氧，特別有助於預防白內障和老花眼，因為年歲增長而感到眼睛衰退的情況，特別適合吃奇異果。
牛油果中對於眼睛健康有益的營養成分很均衡，除了維生素C之外，還含有抗氧化力強的維生素E以及葉黃素。維生素E能促進血液循環，對於改善眼睛疲勞、乾眼症以及預防老花都具有效果。
菠菜中對於維持眼睛健康具有極高效果的葉黃素含量豐富，葉黃素存在於視網膜和水晶體中，是能夠從有害光線中保護眼睛的營養素。此外由於抗氧化作用強，能預防黃斑部病變以及白內障。葉黃素體內無法合成，會隨著年齡增長逐漸流失，因此有意識的多攝取含有葉黃素的食材是很重要的。
西蘭花中的葉黃素含量也很豐富。葉黃素容易融進油脂中，而且耐熱效果高，加熱也不會流失，因此可採用炒菜、淋醬汁的沙拉等調理方式，和油一起攝取吸收率更高。
（早安健康）
女星苟芸慧今日出席護膚品牌活動時，大方透露和賽車手男友陸漢洋的婚期，指會在今年10月19日於上水雙魚河鄕村會所簽字註冊，並會分兩日筵開酒席，每天邀請大約二百名嘉賓，她說：「日子係老公揀，因為佢傳統啲，想擇個好日。會分開兩日搞，第一日下午簽字同邀請我哋嘅朋友同同事，第二日就係邀請親戚。」
她透露姊妹團包括老友岑麗香、王君馨及李亞男等，問到鍾嘉欣會否出席？她說：「佢生完要休息，應該唔會嚟。（有冇安排玩新郎環節？）佢（陸漢洋）好醒目，取消咗呢個環節。已經準備晒大利是畀兄弟姊妹！」
至於會否搞Bridal Shower？她說原本打算在外地旅行時搞，但要視乎懷孕中的好友李亞男的狀況而決定舉行地點，因不想對方舟車勞頓。
(on.cc東網)
公院迫爆，一床難求。為省床位，東區醫院在日間醫療部增設16張俗稱飛機椅的半躺臥式病床，完成局部麻醉和內窺鏡手術後，病人只可半躺休息，即日出院。71歲的蔡婆婆，大便出血持續一年，今年5月於日間醫療服務接受腸鏡檢查後，發現2.5厘米的腸腫瘤，短時間內安排照腸鏡檢查，完成後即日出院，她表示︰「 檢查完成後不用住院就能歸家很好，因在家去廁所更方便，出院後院方仍有繼續跟進我的情況，所以不會擔心。」
63歲的陳先生於日間醫療服務接受全身麻醉的小疝氣手術，早上7時入院至下午1時完成手術，經醫生評估後當晚出院，他指：「住醫院壓力較大，但在家休息壓力小。」▲ 蔡婆婆（左）和陳先生（右）指出院後有護士致電跟進情況，所以對即日出院不感擔心。
東區醫院外科日間醫療服務的服務需求日增，病房求診人次每年遞增約16%，故2016年向醫管局申請撥款以擴展服務，擴建工程今年3月完成。診症及治療室由6間增加到11間，服務配額增6成，每月有2,100人次。該院為港島東聯網中首間引入飛機椅的醫院，以減低病床不足壓力，椅子主要供接受小型手術，如超聲波檢查，局部麻醉和內窺鏡手術後的病人使用。術後於椅上休息至感覺良好便可即日出院，醫院亦會作術後跟進。
東區醫院外科部門主管鄧宗毅表示︰「日間醫療服務適合患有痔瘡、痔漏、小腸氣和靜脈曲張的病人，（我）想不到任何原因，病人經過一個小傷口，得到合適治療卻不即日出院，而住院時間少接觸惡劣環境和交叉感染的機會亦更小。」鄧續指，聯網醫護人員流失約5%，最大挑戰為聘請支援性人員，如病人助理工作和文員等，因最低工資訂立後，工作的選擇更多，加上醫院工作要接觸病人和風險高，會較難請人，另外日間醫療服務，將增聘一名醫生、一名註冊護士和登記護士、兩名支援人士及一名文員。
東區醫院的臨床腫瘤科和急症內科將分別增設10張和20張病床，預計明年7月完成安裝第二部磁力共振掃描造影機，以提升放射科服務量。
（Topick）
