宋熙年（Sarah）今年8月為老公陳智燊（Jason）剖腹誕下囝囝Damon，Sarah都坐完月，呢排開始出關，活躍社交。為咗獎勵老婆辛苦陀B餵奶，廿四孝老公Jason日前同Sarah撇下囝囝，拍住拖去咗日本大阪旅行，過二人世界。
Sarah陀B時，乖乖戒口，坐完月出關旅行，佢當然大解放，喪食補番數，Sarah日前喺Instagram貼出喺酒店房間享用二人早餐，佢哋叫咗成枱食物，好豐富，Sarah仲企高櫈上「高炒」。
佢留言：「Camera eats first, Sarah eats second, hubby eats last!! One of the best eggs benedicts I’ve had…」
霸氣嘅Sarah話要相機食先，佢食第二，老公排包尾，錫老婆錫到燶嘅Jason當然好聽指示啦，兩公婆恩愛閃到暈。Jason就喺Ig貼咗一張雨中撐傘相，呢張咁靚嘅相，當然出自老婆視覺。
Jason話呢次係Sarah首次去日本，亦係佢第一次去大阪，仲話期待下次一家三口去旅遊。
(Apple daily)
他指媽媽因癌症過身後，自己大受打擊，很想寫套關於媽媽的戲，而對方亦經歷過短時間有3位親人離開：「成個劇我哋得一場對手戲，最後見面呢幕好感人，到時一定爆喊。」
藝人馬浚偉與顧美華到電台宣傳舞台劇《生前約死後》，他指售票情況理想，有機會加場，顧美華則坦言緊張，但故作鎮定：「加場我戥佢開心，但戥自己擔心，因為我係舞台劇新人，好驚做得唔夠好。」
馬浚偉直指顧美華壓力大，而且愈來愈瘦，因此他重操廚師故業煲湯給顧美華及同事飲。問到為何邀請顧美華飾演自己媽媽？他表示初中看電影《似水流年》已覺得對方跟自己媽媽很似：「佢好有仙氣，好似自備外景燈咁，去到邊都有道光。」
他指媽媽因癌症過身後，自己大受打擊，很想寫套關於媽媽的戲，而顧美華亦經歷過短時間有3位親人離開：「成個劇我同顧美華得一場對手戲，最後見面呢幕好感人，到時一定爆喊。」
顧美華大讚馬浚偉勤力、乖、聰明和孝順，不介意現實也有這個兒子，沒想到他這個年紀可以寫出這樣感人的劇本。他稱當中包括對死別的不捨與難過：「佢個角色除咗安撫個仔，亦都安撫觀眾。有啲對白例如『要接受媽媽離開好難，你愈愛媽媽就愈痛』，我好想我媽同我講，所以顧美華講我都驚我頂唔順，我話如果我喊到失控唔使理我，排戲嗰陣連執行導演都喊到豬頭咁！不過都有啲場面笑到趴喺度。」
(綜合報道/on.cc)
台灣藝人隋棠婚後誕下一對可愛的仔女Max和Lucy後，在9月時宣布家裏有「大變動」，就是懷上第三胎。
如今預產期在即，她在社交網甫文，透露內心其實有着「惡夢煩惱」！
她留言：「因為你要來了，家裡（裏）睡不下了，我們決定要搬家了。搬家噩夢本月正式開始。」
隋棠因為搬屋搞到好頭痕，又要考慮新家電的購置，她說：「誰能告訴我液晶電視和液晶顯示器的差別？直立洗衣機和滾筒洗衣機的差別？怎麼價錢差那麼多？」
她坦言夫妻倆對家電都不熟悉，因此趕緊向網民求助。
(on.cc)
佢哋喺11月10號結婚，前晚去咗一間酒吧慶祝，一對仔女同朋友都有出席，仲有劉愷威驚喜現身。原來愷威當年。。。
唔少人都喺「11月11日」呢個日子放閃，繼林嘉華同太太劉寶珍慶祝結婚34周年紀念後，噚日又輪到張崇德同劉美娟放閃喇！
張崇德同劉美娟嘅結婚周年剛巧係嘉華哥嘅一半，但甜蜜指數依然爆燈！佢哋喺11月10號結婚，前晚去咗一間酒吧慶祝，一對仔女同朋友都有出席，仲有劉愷威驚喜現身。原來愷威當年有份做兄弟，得27歲，個樣仲係好young，一臉稚氣笑得非常燦爛；反觀現在笑不露齒，收歛好多。
前晚愷威單拖出現，冇帶囡囡同經常傳婚變嘅太太楊冪，顯得有點形單隻影。
崇德留言﹕「這陣子要籌備演唱會，實在太忙了。昨天是我和太太@劉美娟Eugina結婚17周年，沒有特別去慶祝，只即興叫了幾個朋友去自己有份開的酒吧relax一下，特別是當日在婚禮幫手的兄弟@劉愷威。」劉美娟則感性留言：「17年前和你牽手進入教堂，期待未來的日子繼續牽手向前。」
(Apple daily)
01年嫁給任職金融界的男友，婚後退出娛樂圈。見到佢情緒冷靜下來後，體貼地陪在老公身邊，還為他整理衣衫。。。
今早9時許，王馨平（Linda）和老公李家輝現身域多利公眾殮房，同行還有幾名親友，戴了黑超的Linda跟老公一身白衫黑褲素服，眾人入內一會兒後，走出門外跟親友傾談，只見Linda不停用紙巾索鼻和用手拭淚，有時又愁眉深鎖傾電話，表現傷感！
媒體致電慰問Linda是否有親人離世？她說：「我老公嘅媽咪、即係我奶奶，前兩日喺屋企瞓覺中過咗身，89歲高齡，睡夢中辭世都係非常有福氣，我哋都有心理準備，因為佢呢兩年身體都係非常之弱，長期卧床。」Linda指奶奶的喪禮一切從簡，低調處理。
Linda是邵氏影星王羽和林翠的女兒，曾江是她的舅父，Linda於93年加入樂壇，跟劉小慧、湯寶如、黎瑞恩合稱「寶麗金四小花」，01年嫁給任職金融界的男友李家輝，婚後退出娛樂圈。
(Apple daily)
單文柔宣佈有喜後首公開現身活動！
兩位靚太陳凱琳（Grace）和單文柔（ Phoebe）齊齊現身活動，大肚的Phoebe今日穿平底鞋現身，非常穩陣，Grace見到她即上前擁抱祝賀，更摸她肚沾旺氣。
問到可想快些佗B？Grace說順其自然，又讚陳展鵬和Phoebe在宣布喜訊一刻很美，低調得來又開心。
問到Phoebe懷孕後可有不適？她指有作嘔和比較疲累，半夜時腳會抽筋，老公展鵬亦為其按摩，大讚手勢不錯！問到出活動老公可會擔心？她謂：「唔會，我狀態都ok。」她指今天帶備兩對鞋前來，但最後都決定着平底鞋。
問到BB性別，Phoebe坦言想生一個Mini Pan（展鵬）：「但諗吓又唔想兩個男性格一樣，性格唔同會易Handle啲。（一個Pan已難Handle？）唔會，只係佢都鍾意女，其實生男生女都開心。」
問到身旁的Grace想生男還是女？她說如果生男可以陪嘉穎打網球，生女就嗲啲似公主。 可有找尋秘方生B？Grace笑言：「仲未有時間請教Phoebe。」Phoebe稱不要有壓力或者去下旅行。Grace笑言都想去旅行，但嘉穎要忙工作，12月還要去北京，想跟着老公一起去。
(on.cc)
或許年輕一代只會記得邵音音是一位演靈異片居多的老戲骨，但想當年，就連巨星李小龍都想簽她為同門女星。邵音音日前接受商台《1圈圈 星光背後》訪問，剖白當年無奈不斷除衫接拍風月片的因由，怎樣成為70年代風月片的艷星！
1975年，音音姐憑吳思遠執導的《十三號凶宅》一脫成名，但自此，她就被標籤為肉彈艷星，不少人認為她為錢出賣身體，但真正的原因並非如此：「記得拍《十三號凶宅》之前，從沒有人跟我交代這齣戲要裸露，我只跟從導演的指示去做，當時年青，根本不知鏡頭可以zoom，那『公仔佬』（影劇照的人）用長鏡頭影了很多相給周刊。結果這部戲上映後，幾乎所有工作都要我剝衫，唔除就冇戲拍。我找過其他工作，人工低沒有問題，但做清潔都冇人請！恬妮就遊說我不要接觸外界為錢繼續拍，我是為了生活拍，每次都很難過，所以我從不看我的電影，出街會戴帽，很怕人認到我。」
1978年，邵音音因為《官人我要》一片成為首位華人女星出席康城影展，頓成傳媒焦點艷震康城，怎料一夜之間就由事業高處跌入谷底：「當年康城影展，我穿著肚兜亮相，外國傳媒以China Doll來形容我，華語媒體就把China Doll翻譯為中國娃娃，我就被台灣質疑為什麼要寫『中國娃娃』而不是『中華民國娃娃』，我被指是地下共產黨員、是間諜，就立即被台灣當局封殺，因為當年台灣巿場對香港很重要，之後沒傳媒敢採訪我，沒有人找我拍戲，其實我猜是台灣當局找來一個藉口把香港電影封殺，我就成了祭品！」
音音姐坦言回港後曾為此事自殺：「我吃了很多死貓，覺得人生沒意義，就連朋友和家人都覺得我是間諜，和我斷絕來往，我很氣餒，我覺得活下不去了！」邵音音透露因07年復出影圈接拍郭子健執導的《野良犬》首獲金像獎最佳女配角後，才令她重新得到肯定，亦令她對電影及人生的態度有所改變，子女也不再介懷她曾當過脫星，現在的她，才是人生最快樂的時候。
(Apple daily)
黎諾懿與前落選港姐李潔瑩(Nicole)拍拖三年後，於2014年拉埋天窗，一直都非常恩愛～
二人愛情結晶「小春雞」（黎峰睿）於上年四月出世，黎諾懿時不時都會喺社交網上PO仔仔嘅得意相！
而昨日係佢同太太結婚4周年，佢哋同小春雞去完公園玩之後，晚上就過二人世界～
李潔瑩喺IG大曬禮物，係一隻綠色嘅鑽戒，原來黎諾懿每年都會送戒指畀佢，真係超Sweet啊！
而黎諾懿就表示：「四年前今日，我跟你進入人生另一個階段，多謝你給我一個咁完整的家庭，老婆我愛你 結婚週年快樂」
李潔瑩喺IG留言：「nicgogo#放閃系列 之第四年結婚週年紀念 慶祝活動有下午家庭樂，晚上二人世界撐檯（枱）腳！謝謝老公每年送我戒指，今年第四年是綠色，愛不惜（釋）手 一切很美、只因有你 #放閃 #小心慎入 #閃光彈 #Iloveyou」
(綜合報道/IG)
秋意漸濃，有些人開始變得懶洋洋、無精打采，感覺沒有精神或整天累累的、沒元氣，即使睡很多，一樣睡不飽，特別容易想吃甜的或澱粉類的食物，除了擔心體重會上升，也發現工作及學習成效都變差。
有研究發現，在北歐及其他高緯度地區，在秋冬來臨時，憂鬱症患者會增多，原因和日照時間變短有關，因此又稱為冬季憂鬱（winter blue）。
冬季憂鬱的盛行率約在4％-10％。導致憂鬱的原因，和日照時間減少以致腦中的血清素（serotonin）降低有關。血清素為重要的神經傳導物質，具有舒緩、鎮靜的作用。沒有足夠的血清素，會造成心情低落及疲勞、碳水化合物的渴求，和體重增加的症狀。
亞熱帶地區四季分明，季節轉換時，可明顯感受到日照時間及氣溫的變化，季節性憂鬱症容易悄悄上身，未能及早辨識出憂鬱症而接受治療，可能惡化而有嚴重自責、退縮、無望感、無助感，甚至想自我了斷的念頭。
別輕忽睡眠、情緒、飲食習慣變得無法控制所要傳遞出來的訊息，因生理因素所造成的身心困擾，很難用個人的意志力，或由外人的三言兩語鼓勵，就有辦法改善。
季節性憂鬱症目前採用SSRIs或SNRIs藥物治療都有很好的療效，且這類藥物沒有成癮性的疑慮，依照醫師指示服用，可感受到身體的元氣慢慢在恢復，會漸漸有動力去做事及克制食慾，並改善睡眠品質。
家人及朋友的關懷是很重要的，有憂鬱體質的人，在秋冬季節容易復發，但沒有人願意變得如此，所以請不要用懶散來責怪當事人，或試圖以強迫方式讓他們步入生活正軌，這反而會讓他們挫折感加重而自我放棄。
陪伴他們就醫，並在白天時常到戶外走走，更可以幫助他們找回原來的自己。
(自由時報)
大美人李嘉欣（Michele）於08年與中建太子爺許晉亨拉埋天窗，結婚十年依然恩愛如昔。
婚後誕下兒子許建彤(Jayden)，兩公婆都勁錫仔仔！有時都會曬下同仔仔嘅溫馨moment~
佢哋兩個對囝囝嘅學業都相當緊張，細心鋪路為佢考入本地Band 1名牌小學男拔萃，Jayden今年已升讀小二。
平時見亨亨打扮都係公子哥兒，西裝骨骨，昨日佢就換咗藍色男拔活動制服tee、卡其色褲、cap帽波鞋打扮，相當causal，估唔到來自過百億資產嘅許愛周家族嘅佢，做開許家少爺幾十年，呢幾年做咗老竇，湊仔又幾貼地，更融入囝囝嘅學校做義工！
相中見亨亨好有耐性，畀一大班小朋友圍，面帶笑容，似乎好享受做呢份義工。
周小姐就報料佢負責坐喺操場遊戲櫃位賣活動遊戲劵，佢表示：「呢個嘉年華每年都有，學生家長會幫手做義工，許生就係負責幫手賣遊戲獎劵，佢戴咗帽都唔係好認得佢，冇諗過平時見佢咁公子哥兒，都會坐喺操場，見佢真人都係高高瘦瘦，但係冇平時咁靚仔，同埋都無乜人認出係佢，因為行去攤位買飛都係小學生多，不過見佢都做得好投入。」
周小姐就透露每個家長做義工都係大概做一、兩小時，亨亨就做咗大概一個小時義工，就起身走人搵返Jayden，佢話：「見佢個仔大部份時間都係同同學仔玩，好活躍行嚟行去，最後見到佢拎住飲品跟咗許生走，就見唔到有李嘉欣。」
(綜合報道/Apple daily)
