藝人楊卓娜（Lenna）今個月10號度過41歲生日，Sweet到爆嘅老公就為佢開咗個生日派對！
佢將派對相片放上微博分享，不過卓娜只係畀細女出鏡，其他親友就被emoji遮樣變成豬同狗，不過妹夫羅仲謙就憑住一身爆肌身形突圍而出，網民又估邊個先係楊怡，非常搞笑！
而現場就布滿色彩繽紛嘅氣球，除咗有Lenna英文字母氣球，仲有印有佢靚相嘅氣球，相當精緻。
卓娜仲冧爆晒鮮花，相信一定係老公送㗎喇，留言：「好開心的一個生日Party！多謝我的家人及朋友為我慶生！也謝謝大家的祝福！」
網民除咗送上祝福，仲大讚佢Keep得好好，一啲都唔似41歲，仲好有少女味呀！
(on.cc)
Karina一開始望實阿哥，喺佢嘅感染下都cute到爆咁揈吓揈吓，Patpat仔搖搖搖，可愛程度簡直爆晒燈！
歌手謝安琪與張繼聰前晚（10日）一家大細現身年度戶外音樂節Clockenflap。
大個仔嘅張瞻同妹妹張靖（Karina）兩個人仔細細，去到咁大型嘅活動都不知幾Enjoy，隔咗兩日，老竇張繼聰就上載咗三個人齊齊「鬥舞」嘅短片，原來佢哋成家人都係「舞林高手」！
片中見到張繼聰做領舞，喺強勁嘅音樂下，張瞻狂Un狂搖非常投入，仲跟住個beat拍晒手，動作型到呢，真係成個翻版張繼聰咁！而先得歲幾人仔嘅Karina，原來都舞得兩下，見佢一開始望實阿哥，喺佢嘅感染下都cute到爆咁揈吓揈吓，Patpat仔搖搖搖，可愛程度簡直爆晒燈！
而睇完騷，張瞻就喺社交網上載一家人去咗附近醫肚嘅合照，今個Weekend真係又充實又溫馨～
(on.cc)
藝人鍾麗淇（Margaret）早前42歲生日，好閨蜜鐵腳「六魔女」包括佘詩曼、湯盈盈、周家蔚同姚樂怡等都有幫她慶生。
慶祝完自己生日，就到細女Michela！
囡囡日前三歲生日，Margaret就為愛女搞咗個生日Party。
仲請埋好姊妹周家蔚、湯盈盈、姚樂怡、文頌嫻同Ana R等都帶埋小朋友一齊玩，認真熱鬧！
壽星女Michela着上色彩繽紛嘅裙仔，打扮成獨角獸，滿場飛非常興奮，而個蛋糕都係獨角獸造型，睇嚟Michela好鍾意呢隻動物噃！
Margaret喺社交網上載生日會相，留言：「Love you love you love you my little one…♥❤!!! Happy birthday cheeky mui mui!!!!!!」
陳展鵬同單文柔呢Pair愈愛愈Sweet，於上月13日拉埋天窗！
結婚未夠一個月即有好消息！恭喜恭喜~
佢哋宣布造人成功，分別喺IG PO相報喜：「Baby is coming。」
展鵬早前出席活動時亦難掩喜悅，將為人父嘅佢全程笑到四萬咁口！(相關新聞: https://goo.gl/pZmRhd)
真係隔住個Mon都Feel到佢有幾咁開心呀~
宣佈佗B之後單文柔都未露過面，而昨晚7點幾就捕獲到佢哋兩公婆拍拖！
原來佢哋去咗尖沙咀行街「搵食」。
現時懷有三個月身孕的單文柔，身材依然纖瘦，而展鵬則全程傍住大肚老婆，期間有說有笑，真係夠哂細心！
相關新聞：
【太突然】陳展鵬發長文：我在此說聲對不起 https://goo.gl/BjQwXo
【宣佈有喜後首回應】準媽媽單文柔：好似唔係好吸收咁 https://goo.gl/TU8gtt
【結婚唔夠一個月】陳展鵬單文柔凌晨宣佈喜訊 https://goo.gl/fNcggH
【無被邀請定自己唔去？】胡定欣無出席陳展鵬單文柔婚禮 https://goo.gl/aLpPpk
【陳太單文柔醉咗？】陳展鵬即刻好大反應 https://goo.gl/oWBhP4
【孖陳展鵬開新婚Party 單文柔：唯一失策係…】https://goo.gl/AX3RTv
【錫足15秒超級甜 陳展鵬單文柔今晚再擺酒！】https://goo.gl/MyUFGK
【單文柔爆喊 陳展鵬唱歌拍MV冧妻：呢個女主角係屬於你】https://goo.gl/tKyV5q
【陳太代佢拎住】新郎陳展鵬太緊張 出動大型貓紙宣誓 https://goo.gl/eYNddK
【陳展鵬單文柔換上婚紗及禮服】海上行禮 衆人見證成婚 https://goo.gl/ygpE4b
【新郎陳展鵬好細心】陳太單文柔差啲… https://goo.gl/DgSVAG
【笑到四萬咁口】視帝陳展鵬今迎娶28歲單文柔 https://goo.gl/SZSF7M
【今日出嫁】準新娘單文柔：我會努力做好陳太呢個角色 https://goo.gl/QM7rVo
(綜合報道/on.cc)
32歲王君馨（Grace）與拍拖11年的Daniel去年6月在美國紐約註冊結婚，婚後甜甜蜜蜜蜜，不時喺IG放下閃咁～
佢曾表示婚後兩年才計劃生B，不過日前被捕獲獨自現身。。。
Grace當年一直被指跑輸同是選美出身的好友鍾嘉欣、李亞男、岑麗香及苟芸慧，隨着她們一個一個離開無綫，紛紛選擇結婚生仔，造就事業心重的Grace可以成功上位，在新劇《是咁的，法官閣下》更首次擔正做女一，在劇中更毫不錫身，搏到以火辣泳裝上陣，盡騷完美身段，又與男主角黃智賢有連場激吻戲，懶理已是人妻身份，幸好劇集播出至今，收視與口碑皆理想，總算不負所望！
由於一眾好友婚後都急於「造人」，Grace都不停被追問何時生育，而她亦明言目前工作為上，同老公Daniel已取得共識。
不過，Grace早前卻相當識趁有空檔安排兩公婆外遊，還心意十足飛到馬爾代夫補度蜜月，逗留當地期間不時分享索爆泳照，連網民都笑言：「兩個人去三個人返？」
而她早前又結束兩年前創立的自家首飾品牌生意，莫非生仔計劃有變？但她一直未有回應。
紙袋遮肚
日前下午4時半，Grace與女助手現身診所林立的中環睇中醫，更刻意穿上鬆身衫褲，打扮同平日分別甚大，見她戴住粉紅色Cap帽、卻穿上粉紅色鬆身Tee及長褲兼腳踏波鞋。
素顏上陣的她，未知是否怕被人認出，全程頭耷耷沒有笑容，反而緊張地用手輕按腹部，樣子顯得心事重重，緩緩地步往附近街頭等車，停下來才放低隻手，最離奇竟以紙袋遮肚，又見她不停低頭撳電話，似是向老公報告行蹤。
之後Grace與女助手密密斟，對方更替她拿着一個載有中藥的膠袋，直至一輛租車駛至，向來身手敏捷的Grace小心翼翼地上車，女助手則尾隨傍實扶住，搞了一輪後才叫司機開車離開上址。
(on.cc)
之前佢就上載囡囡差唔多一歲嘅近照，令網民狂派Like，大讚勁可愛！
藝人賈曉晨（JJ）不時喺社交網分享囡囡「小飯兜」嘅相，佢下午又擺咗囡囡小飯兜相片，然後留言：「看來你們都比較喜歡小飯兜，我被冷落了。好吧，繼續發你們的小飯兜照片給你們看吧！」
今次囡囡戴上一個熊仔頭箍，坐喺床上眼仔睩睩畀JJ影相，似乎年紀小小嘅佢已經好識得面對鏡頭。好多網民都讚「小飯兜」萌爆，一雙精靈大眼睛生得好靚，像極媽咪，白白嘅皮膚、櫻桃小嘴完全係縮細版JJ，睇佢對住鏡頭個認真模樣，就知佢有食娛樂圈飯嘅天份。
(綜合報道)
日前被發現獨自睇樓，即傳出好事近的消息，好快又有網友拍到佢拖住男友逛商場嘅照片，當時二人穿上休閑服。
張恒就攞住大包小包戰利品傍實女友，變咗個快遞小哥咁！
而鄭爽左手拿着吃的右手攞住喝的同替身妍妍邊行邊食邊傾，超萌！
之前鄭爽同張恒拍拖時亦見到妍妍，仲一齊食火鍋，網民：「兩人傻傻分不清，看來關係真的很好鴨！」
兩人在一起之後經常被網民拍到拍拖照，當她在日本拍戲的時候，張恒就專程飛過去陪她，鄭爽除了貼過二人「蜜照」外，又曾爆男友的私隱，說男友在如廁時愛踎在馬桶上，嘲笑男友「好娘」。
鄭爽男友是電競節目賽事總監張恒，由於鄭爽曾參與該節目演出而相識，張恒畢業於常青藤大學，是個90後尖子，公司的總監，上海富二代，重要的是兩人非常合拍。
(on.cc)
問到大女可有呷弟弟醋？佢就話有少少：「但佢好錫細佬，成日話細佬好得意，全世界最錫嗰個係細佬。佢呷醋但唔會表現出嚟，試過匿埋喊，因為佢知道唔應該咁，我見到仲心痛，會辛苦啲陪佢多啲。」
名模蔣怡到旺角出席孕婦產後護理中心開幕活動，今年5月誕下細仔的她身形弗爆，透露全身上下共減了42cm！
問到可會再生第三胎？她即表示要封肚：「有兩個好健康嘅小朋友就夠，依家我仲要擔心BB視力點、識唔識轉身同坐。」她認為最辛苦是頭4個月，因為當時BB仍未戒夜奶，又透露第二胎是不小心，之後不會再發生：「我年紀唔細，生BB好大冒險。」
至於可想繼續工作？她直言想，但現時心境跟生上一胎有所不同：「之前好想快啲過番之前嘅生活，依家好想多啲陪吓BB，但完全唔做嘢喺屋企會癲！好想同大人講嘢，唔係淨講BB話。」
(on.cc)
尋晚《美女廚房》搵嚟三Pair閨蜜包括姚子羚及胡蓓蔚、蔚雨芯及鄺潔楹、許靖韻及曾樂彤落廚，當中合拍度同廚藝最好嘅唔使睇都估到係「姚胡」喇！
一開始三組要整亞枝竹椰汁五穀米，入世未深嘅許靖韻係咁話個亞枝竹入面有好多毛，清唔到，嘉賓洪天明就突然問子羚：「裏面啲毛呀，有冇清毛呀？」淡定嘅子羚神回：「清咗㗎喇，同我一樣都剃咗，放心！」估唔到尺度咁大，搞到全場男士嘩然！嚇親大家嘅子羚就補番句：「我講胳肋底毛啫！」
而子羚仲親餵張振朗食嘢，仲大爆對方鍾意姐姐，即刻令人諗起佢緋聞女友胡定欣呀！
而「姚胡」仲大晒甜蜜，話錫就錫，化身接吻魚當眾咀嘴，最後就以118.5分大幅拋離對手，穩奪美女廚神寶座！
(on.cc)
拍拖5年，去年行禮拉埋天窗，火速進行造人大計！結婚未夠一年就造人成功！今年7月宣佈有喜，日前已為丈夫誕下千金。粉絲紛紛留言派心心兼送祝福！
去年11月嫁拍拖5年嘅Justin Verlander，婚後幾個月已造人成功，26歲嘅Kate Upton香港時間今日早上就透過Instagram公佈喜訊。佢上載BB女的黑白照，透露囡囡改名叫Genevieve Upton Verlander，於美國時間11月7日出世，與老公各自上載B女黑白大特寫，以及拍下兩夫妻捉住B女小手嘅照片，十分溫馨，獲廣大網民送上祝福。
(綜合報道)
