「覺得係時候咪去做，冇乜特別，我之前都講過隨時會（結婚）啦。」問到點樣求婚？他表示很簡約：「戒指係基本啦，冇特別去求，花暫時都未送。」
現年55歲嘅型男黃德斌，與細佢16年嘅圈外女友Joyce Wong相戀十幾年，兩人更曾傳已秘密生仔。黃德斌早前亦公開講過想事業有成後先至迎娶女友，為達成理想，佢除努力賺錢外，亦相當慳家。東網發現兩人近日已秘密入紙申請註冊結婚，真係恭喜晒！
黃德斌接受東網訪問時，笑言：「覺得係時候咪去做，冇乜特別，我之前都講過隨時會（結婚）啦。」問到點樣求婚？他表示很簡約：「戒指係基本啦，冇特別去求，花暫時都未送。」他還透露不會擺酒以及度蜜月，婚事一切從簡，他謂：「都係喺香港簽紙，然後同屋企人食飯。（會唔會去度蜜月？）睇時間啦，旅行耐唔耐都會去。」
談到造人問題，他直言這是一個很重要的問題，要深思熟慮：「生BB一定要諗清楚，暫時我未諗。」至於之前不時有傳他已有小朋友，他否認：「係我嘅，一定會認，網絡世界咁多資料、消息，可以喺好多年之後搵番，我點可以唔認自己嘅小朋友，將來點去應對呢？係嘅，冇可能唔認。」
(on.cc東網)
TVB男神 昨晚踢波昏迷入院，現留醫瑪麗醫院深切治療部。
(相關新聞：【突發 TVB男神昏迷 留醫ICU命危】 https://goo.gl/LNcKxA )
今早11時10分，余媽媽戴口罩、垂着頭現身醫院，由一名男親友陪同抵達，他們到ICU門外撳鐘，裏面的醫護人員指現未到探病時間。
余媽媽回答：「醫生叫我嚟！」記者問余德丞情況？余媽媽沒有回答，醫護人員開門予余媽媽進入深切治療部。
星期日（8月12日）就係陳凱琳（Grace）同鄭嘉穎嘅大日子，兩人本來喺峇里舉行婚禮，但最近印尼發生地震，婚禮都可能受影響，Grace先前就話會「密切留意」，今日佢就上載一張陽光與海灘風景相，仲打埋卡，唔通真係改咗地方？
Grace喺Instagram（ig）上載喺酒店影嘅相，不過就唔見佢，但佢就打卡自爆身在泰國布吉，相中有好多人喺泳池邊曬太陽，佢留言：「Peaceful！」
而佢ig story亦上載壽司相，非常豐富，一啲都唔怕肥，睇嚟待嫁新娘心情真係靚到爆呀！
而Grace入住嘅呢間酒店，係布吉一間五星級酒店，房間價格最少港幣1,300蚊，真係好識享受！
但大家都以為Grace飛咗去泰國嘅時候，轉個頭佢就甫出一張月餅照，原來係收到朋友送嚟嘅奶黃月餅，佢仲留言話「正到冇朋友」，咁睇法、Grace似乎仲係身處香港喎。
(on.cc東網)
她透露近日把握時間與老公二人世界出街看戲：「因為好多朋友分享之後要湊小朋友，就唔會有時間。」問到臨盆在即，心情如何？她指既緊張又興奮：「我都有問其他朋友傾湊B心得，而老公就話最緊要大小平安同健康。」又直言希望可以自然分娩，不過她指醫生表示要看情況，再作決定。
「卸貨」在即的她穿上薄紗裙同高跟鞋出席活動。席上她獲大會贈送今季巴塞隆拿的BB球衣，上面更有球星古華特的簽名，她直言非常珍貴，又指期間獲古華特摸其肚子送祝福，希望BB將來是一位出色足球員，隨即令人猜想她佗仔，但Rosemary笑言：「女仔都可以做足球員。」
問到是否已執好所有BB用品？她表示屋企現時非常混亂：「因為又要搬Office，所有嘢都擺晒喺廳，不過老公叫我放心，生完返到屋企就會執好晒。」至於差一個月就到預產期，Rosemary話：「心情又緊張又興奮，今次係第一胎，好彩身邊嘅朋友都俾咗好多意見我，老公首要著重嘅係媽咪同BB健康，我會嘗試自然分娩。」
講到Baby Shower，Rosemary表示喺預產期前幾日舉行，到時可能突然作動出世，好姐妹JC笑說：「咁就變成real shower。」問到Rosemary有冇聯絡媽咪Julie通知就榮升為婆婆？佢話：「佢都有自己嘅生活，如果佢想見到小朋友，我都唔會say no。」
(on.cc)
62歲金牌綠葉陳榮峻剛啱再做新郎哥，上月10日與拍拖3年女友、58歲嘅吳香倫結婚，黃昏戀有個圓滿結局。新郎陳榮峻嘅93歲媽媽、三名子女及兩個孫仔，仲有陳榮峻嘅哥哥專登由新西蘭返港為佢證婚，四代同堂，十分熱鬧。
不過結婚當日，《蘋果》收到一封手寫匿名信，長達三頁紙，斥責陳榮峻是「偽君子」。爆料人似乎對陳榮峻家事瞭如指掌，指陳榮峻長子陳穎霖年輕時與一名未成年女子生咗個仔，但婚後不足一年分居，孫仔最初由陳榮峻太太鄭安麗負責照顧，但太太於2010年去世後，陳榮峻以「一屋男人」為由，交畀孫仔嘅何姓婆婆照顧。爆料人稱，當時孫兒年約5歲，而何婆婆本身正進修神學院課程，兩邊奔忙，非常吃力，但最後仍答應照顧。
爆料人續稱，陳榮峻最初都有每月給予一千蚊生活費，但俾咗一年幾就冇再畀。爆料人稱不值其所為：「婆婆住土瓜灣公屋，佢（指陳榮峻）就住馬鞍山獨立屋地下；又有錢成日出埠旅行，但阿爺就一蚊都唔肯去負責，係咪過橋抽板？！」
記者致電陳榮峻了解事件後，佢都好有耐性解釋番件事，承認兒子與前妻已離婚，但並非未成年結婚。佢話：「當年我太太走咗，一個男人，我根本點教，又要返工。所以交畀婆婆湊，咁婆婆係要返學，所以太婆都有幫手湊。」有冇畀贍養費？陳榮峻表示：「可以話冇特定一個費用，佢哋當初離開（分手），女方又冇要求任何嘢，近年佢（大仔前妻）想攞返撫養權，法庭方面都判咗，係零贍養費，所以都唔可以怪我個仔，係大家去傾，而我個仔現在另外都有頭家。」
陳榮峻稱多年來都有為孫仔支付學費：「好老實，我有能力，孫仔讀直資學校我都俾到佢六年班，仲有每月一千蚊。咁佢（大仔前妻）好似（孫仔）三年班攞番撫養權，但我都有俾孫仔小學開學買書簿、校服同過年買衫錢，係到佢中一之後就冇畀，孫仔今年好似讀中二喇。」問到係咪經濟出現問題？陳榮峻嘆謂﹕「我經濟都OK，但講實話，關我哋老人家咩事吖？！」
陳榮峻坦言與孫仔嘅婆婆關係良好:「我到依家都係叫佢襯家，結婚當日，孫仔婆婆同太婆都有嚟飲，如果關係唔好點會嚟？」問到知唔知係咩人寄匿名信？陳榮峻掛線後一會再回覆﹕「我都有同襯家了解，佢話估到係咩人做，估計係教會一位好鍾意理事嘅人，但已冇聯絡，婆婆仲叫我唔使理。」
(蘋果日報)
昨日(8日)晚上10時許，與友人在西區中山紀念公園足球場踢波時，疑身體不適到場邊長椅休息，豈料昏迷，友人報警將他送院急救，至今晨仍在深切治療部搶救，親友已紛紛到場探望，憂心不已，希望他能大步檻過。
無綫劇集《誇世代》中飾演「尚浩洋」、被稱為男神的無綫藝員余德丞（28歲）
據悉，警方初步調查，相信事件無可疑，列為有人暈倒案，不排除余打波時病發，但仍需醫生診斷確定。
藝人譚永浩獲悉事件後，漏夜趕往醫院探望余德丞，余的經理人及2名女子相繼抵院，其中一名女子神情凝重。
藝人譚永浩（左一）蕊蕊（左二）徐玟晴（左三）及余德丞經理人(右)抵院了解事件。
余德丞好友蔡思貝到達醫院了解。
余德丞母親由余德丞經理人陪同步出深切治療病房。
余德丞（左二）
余德丞（Dickson）早前曾與蔡思貝主持旅遊節目，深受歡迎，人氣急升，成為新一代螢幕情侶，他更被譽為新一代男神。
他曾是香港游泳代表隊成員，有42吋巨胸，是主持人、體育評述員及演員，現為無綫電視經理人合約藝員。
余在香港華仁書院畢業，在香港城市大學修讀工商管理學系，加入娛樂圈前是做廣告公司，2013年加入無綫電視主要擔任體育台主持，前年才參演劇集，去年在劇集《誇世代》中飾演「尚浩洋」，嶄露頭角。
《誇世代》同劇演員
Dickson與媽媽 （資料圖片）
（on.cc）
二人拍拖五年多，男方更因她住粉嶺，怕她返工辛苦，於是搬去將軍澳，直至「姊弟戀」新聞一出，才知自己「被分手」。。。
前港姐、無綫娛樂台主播蘇可欣（Eunice）拍攝節目《3日2夜》後彈出，之前被傳與《出貓特攻隊》泰國演員Nonkul（賓爺）做訪問而撻着，二人更大玩「姊弟戀」，「賓爺」不時都會來港跟女友密會。
疑派綠帽
件事本來就冇咩特別，不過東網收到讀者爆料，指Eunice原本有個韓國混血男友Jeffery，二人拍拖五年多，男方更因她住粉嶺，怕她返工辛苦，於是搬去將軍澳。直至「姊弟戀」新聞一出，Jeffery才知自己戴綠帽，更慘「被分手」。之前Eunice成日話自己有幾忙，Jeffery約親佢都推，原來有人「一腳搭兩船」。
否認拍拖
對此，東網聯絡Eunice，她受訪時坦言沒有與「賓爺」拍拖，一直只是朋友，暫時亦沒有發展機會。
至於問到「被分手」的Jeffery，她謂：「我同佢係朋友，大家認識十年，對上一次見面已經係一年幾之前。（講到佢為你搬屋，又拍拖5年幾！）冇可能，我同佢冇拍過拖，佢亦冇追求過我，兩日前Jeffery都打畀我，話有記者問佢呢件事，大家都覺得好奇怪！」問現時有否拍拖？Eunice說：「其實我拍拖以來都未試過同人同居，我已經三年冇拍拖，對上一個男朋友都已經有家庭！」對於今次被指一腳踏兩船，她真的大感莫名奇妙。
(on.cc東網)
不幸於本月4日因心臟衰竭離世，終年78歲。據指，他的葬禮經已低調完成，稍後時間會舉行告別會。今年5月他就愛妻離世舉行記者會，本身患有肺炎的他，當時要插着氧氣喉並坐在椅子上見傳媒。
原名加藤雅彥的津川雅彥，家鄉位於京都，他出生於藝能世家，祖父是有「日本電影始祖」之稱的導演牧野省三，父母分別為演員澤村國太郎和牧野智子，其兄長則是演員長門裕之。
日本影視泰斗津川雅彥經過童星年代後，1956年以電影《瘋狂的果實》正式入行，演出的影視作品超過160部，包括大島渚導演的《日本的夜與霧》，及至1980年代，他成為著名導演伊丹十三的御用演員，參演《葬禮》和《女稅務官》等，其代表作還有《一片雪》，並曾奪得多個男主角和男配角獎項，他亦於2006年首度擔任電影導演。電視劇方面，津川雅彥先後在1987年的NHK大河劇《獨眼龍政宗》及2000年的《葵 德川三代》扮演歷史人物德川家康，大獲好評，近年作品有《華麗一族》、《BOSS》及《相棒》等，而衛星電視劇《鬥牌傳說～鷲巢麻雀完結篇～》成為了他的遺作。
私生活方面，津川雅彥在1973年與女演員朝丘雪路結婚，翌年經歷當時5個月大的演員長女真由子被拐走的事件。雖然津川雅彥3年前患上肺炎，仍獻身照顧患腦退化的愛妻。隨着朝丘雪路於今年4月27日離世，津川雅彥於5月舉行相關記者會，亦是他最後一次公開現身。
(on.cc)
講到與劉心悠拍攝追逐戲時，心悠不慎拉傷，藝人吳卓羲（Ron）說：「寧願跑快啲一Take過，就唔使NG，其實好多時都一次OK！佢好專業。（拍呢套戲辛唔辛苦？）熱囉！同埋多人，但拍呢類本土戲都幾好，附近檔口都合作。（你黑眼圈好勁喎！）都日以繼夜！好多夜班戲。」
Ron表示戲中角色是睇賭檔的古惑仔，曾夢想是做警察，問到有否感情線？他說：「我中學暗戀心悠，係鬥氣冤家咁。（有冇親熱戲？）冇呀！少少失望，拖手已經好親熱喇！拖咗成日，好夠喇！但點知一拖佢，佢就拉親喇！真係唔好意思，之後梗係要對佢好啲喇！如果唔係我就千夫所指喇！心悠BB畀我拉親喎！」Ron表示拍畢此戲後返大陸拍戲，之後再返港拍《飛虎極戰2》，之後再返大陸開工，工作已排到明年底。
講到舊愛張馨予將嫁人，Ron大方送祝福：「恭喜佢！（你急唔急？）冇時間，識人同拍拖都要時間，唔通食餐飯都趕住開工咩？」對於張馨予老公是名特工……
經常拍劇演警察的他笑說：「我夠係警察咯！總之恭喜佢啦！」即醋意濃濃…
張馨予 (資料圖片)
(原文：on.cc)
庾澄慶(哈林)上月台灣傳媒爆佢將會再做爸爸，當時佢嘅經理人就話無法回應，日前哈林就認咗太太張嘉欣懷了第二胎，今日佢喺台灣出席活動時，就公開佢嘅生仔秘方。
年屆57歲嘅哈林，去年太太張嘉欣為佢誕下一女「哈蜜瓜」，日前佢就承認太太再度懷孕，兩年抱兩，真係可喜可賀！今日佢出席戒煙公益活動，講到生仔秘方，哈林就話戒煙25年神清氣爽，一直「硬朗」到o依家。佢再話：「這種事能教嗎？只有一招就是『戒煙』。」
連同佢同前妻伊能靜所生嘅囝囝，哈林即將迎接第三個小生命，問到佢可需要延遲退休？佢就好坦白咁話自己冇經濟壓力，仲話自己將會停工陪產，至於會否考慮結紥？哈林就話：「 等塵埃落定再來研究。」已有一仔一女嘅哈林，被記者問到今胎BB嘅性別，佢就大賣關子：「暫時不方便告訴大家，反正（生肖）屬狗。」
被問到1歲多嘅囡囡「哈蜜瓜」會講些什麼話？哈林話：「只會叫爸爸。」至於大仔小哈利知道家中再添新成員，哈林話囝囝都替佢感到驕傲，並透露小哈利好有藝術天份，經常送畫作俾佢，仲好開心話阿仔送乜俾佢都好。今日係台灣父親節，哈林話打算做完運動，就會一家人喺屋企食飯慶祝，避開人潮喎！
(蘋果日報)
