今天出席Now TV 2018年第三季度全新節目巡禮，更收到大會送予她們今季巴塞隆拿的BB球衣，上面更有球星古華特簽名，認真有心思！她們指今次是首次媽媽Group一齊出席活動，非常高興。
兩位媽媽又透露因為要照顧小朋友，所以看電視就是她們的最大娛樂，Ana說：「Maya好鍾意睇卡通片，特別有關公主系列，亦會睇足球節目。」又透露有差不多兩年半沒到戲院看戲，最後一次是在生第一胎前，還笑言：「睇睇吓仲穿羊水，之後仲好鎮定打畀醫生，先知生得，我仲慢慢返屋企沖涼同執嘢。（當時睇緊咩戲？）睇梗James Bond（占士邦）嘅戲。」而JC則指除了出街吃飯外，很多時間會留在家中：「我鍾意唔打扮，就咁喺屋企着睡衣睇戲，感覺好舒服。」
名模Jessica C.（JC）同Ana R.
問到會否培育小朋友做足球員？JC指囡囡Tessa非常活潑：「佢成日追住個波周圍走嚟走去，仲會叫老公扮龍門，好搞笑！」Ana就指囡囡Maya好喜歡和爸爸一起看足球。
（on.cc）
黃玉郎近日透過律師正式發出公開聲明，向監護委員會緊急申請患嚴重自閉症的18歲兒子Royce的監護令，並聲稱多年來曾給倪詩蓓達8位數字港元作養兒之用，更指她有自殺念頭。
被好友爆有財政困難的倪詩蓓，今早於微博留言：「昨天一早接到很多朋友的電話，關心我……夫妻離異後，互相再有聯繫，大多數就是為了孩子了。很多時候當初兩人愛的結晶，離婚後卻變成了雙方爭奪的對象。我是末（未）婚生子，兒子也患有重度自閉症，所以根本沒有爭奪這回事，我是單親媽媽，母兼父職，好辛苦湊大只有兩歲智商的寶貝兒子，今年剛18歲，我才來面對這些應該在14年前的『搶』子風雲！只是因為了連牛奶錢都省😭」
(on.cc東網)
已訂婚的鄭嘉穎與陳凱琳（Grace）傳本周日（8月12號）在峇里島舉行浪漫婚禮。
惜近日印尼龍目島一星期內兩度地震，最近一次的七級地震令鄰近的峇里島震感也非常強烈，機場交通大受影響。
據知，嘉穎和Grace為安全起見，目前正考慮將婚禮改到泰國布吉舉行，但由於仍未落實決定，所以尚未通知一眾獲邀的親友及兄弟姊妹團成員。
（明報）
曾傳因為工作繁忙緣故，與比佢年輕4歲嘅男友聚少離多而分手，不過在一月時二人被拍到當街咀嘴，隨即打破分手傳言。
可是，二人最近分別透過工作室發聲明，表示「人生聚散終有時」，二人已經分手，現為朋友關係：「朋友們：有幾句話想代表純純（馬思純）與小歐豪向大家坦誠說明，人生聚散終有時，兩人已決定回到朋友關係。相逢無悔，過往無憾。願未來前路各自珍重，祝好！感謝大家關心。感恩。」而馬思純及歐豪嘅微博則未有更新。
兩人於2015年因拍攝《左耳》一片而擦出愛火。
金馬影后、內地女星馬思純與《快樂男聲》歌手歐豪剛宣佈分手~
有網友稱讚他們挑選了最佳的分手時間，因為今日是2018年8月8日，普通話「88」就拜拜！
(on.cc)
「別離沒有對錯，要走也解釋不多，現代說永遠已經很傻…..」許秋怡憑著同張智霖嘅合唱情歌《現代愛情故事》走遍大江南北，有大陸傳媒曾經形容秋怡係娛樂圈隱形富婆，每個月會走訪大陸中小城市登台15場，月入近百萬，廿年收入達億元人民幣。
秋怡喺中港都有好多登台演出，噚日下午喺亞洲博覽館做完騷，晚上即同囝囝Cody慶祝15歲日。
秋怡同老公王書麒去年自爆擺咗酒，但一直未註冊，但兩人感情廿年如一日咁恩愛。
噚日秋怡一做完嘢就趕返屋企，同老公一齊陪囝囝切生日蛋糕，見佢哋一家好齊心，一人舉起五隻手指，加埋就代表Cody今年已經15歲喇！睇番書麒同秋怡啲舊相，佢哋當年擺酒時抱住仲係BB嘅Cody一齊影相，兩公婆個樣真係冇乜點變，反而囝囝就大個咗好多。
秋怡喺微博留言﹕「轉眼便15年了，時間過得真係快，Cody今天15歲啦，大個仔啦，祝阿仔你生日快樂，身體健康，天天開心呀！」十分溫馨。
(蘋果日報)
藝人汪明荃力撐的《中國戲曲節2018》，這幾天正公演西秦戲與傳統粵劇聯篇演出，當中有羅家英、尹飛燕、李沛妍等參與，其中家英哥則擔演古腔粵劇《六郎罪子》。
台前精彩，後台熱鬧，因為尹飛燕兒子阮德鏘帶埋未滿月的BB來接嫲嫲（尹飛燕）收工，白雪仙到後台探班，抱着只得15日人仔的「灰鼠B」，人人都很興奮，B女表情多多，十分可愛，氹得個個都開心不已。
(on.cc)
最近帶咗三個仔女返加拿大探親嘅陳茵媺，不時喺社交網開心Share近況。
今日佢就上載張大合照，留言問大家：「Rainy day in Toronto…. How do you guys celebrate it?（在多倫多的雨天……你們怎麼慶祝？）」
原來慶祝方法係「getwet」，相中見佢哋四人都着上雨褸喺戶外，完全冇畀落雨影響心情，仲笑得好開心，細女Camilla仲揸住個好似水彈嘅物體，網民都大讚佢哋好可愛呀！
(on.cc東網)
女神湯洛雯（靚湯）早前就同舊愛羅天宇不約而同上載夜景照，唔少網民都覺得「有啲嘢」！
而今日凌晨4、5點佢就好感觸喺ig story寫咗幾句嘢，究竟係講緊邊個呢？
佢寫上：「如果你認為當初我不願意跟你一起過苦日子，那你怎麼就認為我現在願意跟你過你認為的好日子？後來的我們什（甚）麼都有了，卻沒有了我們？」呢句說話係愛情電影《後來的我們》嘅金句，套戲係講「錯過了的愛情」，睇嚟靚湯有啲感受喎！
而佢尋晚另外上載一段片，就係佢隻愛貓同狗都咬佢，搞佢到嬲豬咁話：「個個都咬我！」
真係慘慘豬喇！
(on.cc東網)
林芊妤（Coffee）早前正式簽紙成為翟志榮太太，而佢仲係雙喜臨門，宣佈佗B。雖然Coffee已經佗咗7個月B，但佢身形仲係好fit吓，繼續有出席公開活動，又會如常做瑜伽，仲開始喺社交平台講吓懷孕媽媽嘅生活。
Coffee近照 （資料圖片）
Coffee今日喺Instagram貼相，仲寫咗段長文分享心情，稱胎盤低，需要加倍小心護理：「不是所有懷孕過程都是順利的，孕婦經常會遇上不同問題，原因不一定是因為媽媽問題，很多先天和後天的因素影響……其實我也是胎盤低的媽媽，有很多媽媽告訴我她們要一直睡床，而我屬於較幸運還可以自由活動，但為免出血，還是要比正常孕婦小心。」
(林芊妤 Facebook)
Coffee提到，如果懷孕32週後，胎盤仍未上升的話，就係胎盤前置，好大可能要開刀生B。由於Coffee一直打算自然生育，所以難免感到失落，不過好彩佢態度積極：「明白到不是所有事情也能控制的，現在的生活節奏也要慢下來了，做做簡單的孕婦瑜伽，乖乖安胎。」
同樣都係佗緊B嘅好姊妹李悅彤（Liddy）都有留言話：「可能你之前活動得太多，太操勞，始終懷孕係需要多休息，跟普通人就是有分別，現在要好好休息下啦，為自己、為BB一起加油！」
好姊妹李悅彤（Liddy）
傳媒揾過Coffee，原來佢今日本來同老公飛歐洲度蜜月，但日前檢查發現胎盤前置問題，決定留港。Coffee話：「醫生都話留喺香港休息吓好啲，不過佢有講一定唔關我做運動事，反而話可能因為我之前做過子宮手術。」
（apple daily）
大角咀揭發母親攬女燒炭俱亡慘案，現場詩歌舞街83號亮賢居，一名44歲姓馮，獨力照顧姓何7歲女兒的單親媽媽，近日與男友感情生變，疑因此不堪打擊，萌生與愛女一起輕生念頭，早前故意着外傭放假，3日前外傭返回，惟不得其門而入，致電女僱主的手機卻無人接聽，其時不以為意，並返回外傭中介公司借宿。
至昨日(7日)傍晚再折返，驚覺屋內傳出異味報警，警方破門入屋，發現母女相擁倒臥睡房床上，床邊放有盛載已熄滅炭堆的鐵鑊，救護員證實母女已死去一段時間。警方經深入調查後，於今日(8日)凌晨1時左右，召來黑箱車將母女2人遺體舁送殮房，並檢走大批證物，包括馮用作燒炭的鐵鑊及多件衣服。
旺角警區助理指揮官（刑事）鍾志明警司表示，女傭於傍晚時分放假返回，因無法入屋，並發現有臭味傳出，報警揭發案件。案中家庭無涉及家暴紀錄，現場留下遺書，女死者表示因感情煩惱，決定輕生，但不想留下女兒，遂帶同女兒一起自盡，相信母女是用鐵鑊燒炭，估計死去超過3日，屍體開始腐爛，將由法醫剖驗死因，案件列謀殺及自殺案處理。
防止自殺求助熱線：
香港撒瑪利亞防止自殺會： 2389 2222
生命熱線： 2382 0000
明愛向晴軒： 18288
社會福利署： 2343 2255
撒瑪利亞會熱線(多種語言)： 2896 0000
東華三院芷若園： 18281
醫管局精神健康專線： 2466 7350
利民會： 3512 2626
