岑麗香以Deep V性感打扮現身眼鏡宣傳活動，笑稱老公不會介意，最緊要靚，並透露現很享受二人世界，但也有努力造人。
會否跟苟芸慧鬥快生仔？
她大笑稱不用鬥，誰有喜先都會互相恭喜，一切順其自然，她不會心急，保持正能量。
搞笑是話口未完，提到本月17日的34歲生辰，香香表示希望與老公旅行慶祝，特別是一直想去夏威夷和台灣十份放天燈；聽到記者指可放天燈許願求子，她即說可以考慮。
(綜合報道 / singtao)
【好姊妹苟芸慧…】岑麗香話會互相恭喜！
【正印張馨月宣示主權！？】林夏薇坦言…
藝人林夏薇到觀塘出席環保活動，坦言愛吃海鮮，可惜自己廚藝唔算叻：「但老公鍾意食！佢封我係網絡廚神，我鍾意喺網上搵新菜式同新廚具。佢煮得好食過我好多，我嗰啲就係一份心意啫。」她表示煮過杏仁雞、Pizza及親子丼等，笑言會親自試吃過沒事才會給老公吃。
工作方面，林夏薇透露正在上堂學商業英語，並在看劇本：「好多人Send嚟，好開心有荷里活嘅導演約見。睇劇本對我嚟講係好有趣嘅學習過程，好似睇故事咁。」她稍後會跟老公飛到外地工作，如果有時間會到美國見導演。
談及堂哥林峯，她坦言間中有見面。
提到對方的緋聞女友張馨月最近宣示主權 （相關新聞：https://goo.gl/9MCr95），林夏薇表示不知情：「你問番佢，我上次答過，唔敢亂答。（佢話你？）佢唔會，不過佢嘅私人嘢等佢答番好啲。」
(on.cc)
【最近被起底】《跳躍生命線》女主角張曦雯：我都只係普通人
藝人馬德鐘與張曦雯（Kelly）出席無綫劇集《跳躍生命線》飯敍，大會安排了假髮給眾演員佩戴，場面非常搞笑。
馬德鐘解釋：「因為套劇畀大家感受到香港情懷，七、八十年代係最濃郁，所以就戴假髮畀啲香港情懷大家。」至於最新收視，他稱仍未知，但一直都非常理想：「大家睇埋呢兩集，今晚有好緊張嘅劇情，Kelly會畀車撞，唔知佢死唔死得，佢嘅生死關係到我嘅感情有冇着落。個結局幾特別，大家意想不到。」Kelly笑言觀眾可能睇到崩潰。
另外，Kelly最近被起底，指她出身一般，她表示：「我都唔係好神秘，向來都係話自己香港出世，其實畀人知仲開心，因為我出嚟個形象係畀人覺得好高（高貴）咁，我都只係普通人。（媽咪被曝光，佢介唔介意？）佢冇嘢，爸爸媽媽成日都陪我開工。我反而想講吓我點解改名，我原本叫張詠欣，因為媽咪話同我睇醫生嘅時候，發現好多人叫呢個名，所以兩歲嘅時候爸爸就幫我改咗名，但冇搵相士，不過幾年前我同蘇民峰合作節目，我問佢使唔使改名，佢話我個名好好、唔需要。」
對於收視有好成績，馬德鐘坦言未有機會問監製會否拍續集，Kelly謂不少網友大表不捨，未結局已跪求開續集，馬德鐘笑言：「拍續集要睇你死唔死得先，可能拍前傳。（你有冇期拍？）個期大家可以將就。」問到有否信心攞獎？馬德鐘直言比起個人獎項，更想劇集攞獎，又指看好何廣沛及Kelly。
（on.cc）
【撻著星二代！？】陳家樂不時對住佢冧笑：係呀！佢係幾好！
二人接受訪問時，《逆緣》爺爺陳家樂全程化身「怕醜仔」，又不時望住對方冧笑…
藝人陳家樂與「最強星二代」林愷鈴（Ashley）出席服裝品牌活動，二人接受訪問時，家樂全程化身「怕醜仔」，又不時望住Ashley冧笑，他笑話終於可以見到對方，認真是久仰大名：「都有聽到啲人話佢係最強星二代，覺得佢好好、好叻、 好聰明、記性好好、笑容又好甜美。（好多個好字喎！）係呀！佢係幾好！」單呢一句說話就已經有8個「好」，看來家樂對Ashley大有好感。
問Ashley是否符合他的「條件」？家樂即怕醜話唔好，更自稱是叔叔：「係照顧啲小朋友，你哋唔好嚇親人，遲啲我會同佢媽咪（龔慈恩）一齊拍戲，之前都有拍過。」輪到Ashley「回禮」：「媽咪都話佢戲好、又靚仔！」二人互笠高帽，搞到家樂不禁大叫好緊張。
問Ashley之後可會去探媽咪班？家樂抵死搶答「都好呀」！而她都表示可以，不過要遷就返學時間，家樂即關心地問幾年級？得悉大學一年級後又說：「仲以為只係中三、四。（知道幾大啱唔啱？）唔會諗呢啲嘢啦！」
轉頭又繼續「查家宅」追問Ashley幾多歲：「佢得18（歲），我30幾（歲）啦！（年齡唔係重點。）最近忙拍戲已經忘記呢啲事。（同人哋媽咪相處吓先！）係囉！同佢媽咪拍多幾年戲先。（行外母政策？）拍吓戲先啦！」家樂坦言好想合作拍戲。問是否想飾演情侶？他抵死話可以做兄妹，甚至是父女，當被催促搵女友時，他含羞邀請Ashley得閒去露營，二人互望冧笑，充滿粉色泡泡！
（綜合報道 / on.cc）
【賴弘國大爆阿嬌缺點】二人相差8年 阿嬌：我等他長大
藝人鍾欣潼（阿嬌）同未婚夫賴弘國入紙結婚，擬結婚通知書曝光，兩人相差八年即惹網民紛紛討論。
兩人最近參與內地節目《爸媽學前班》，在最新一集兩人在日常生活方面顯得默契十足，睇到其他三對夫婦大嗌羨慕。例如食早餐時，口中塞滿食物嘅阿嬌噏咗幾句，賴弘國即刻知道老婆想點。飯量少嘅阿嬌只要一個眼神，賴弘國就變身「食物回收機」，即刻「回收」阿嬌食唔晒嘅飯餸。
下午茶時段阿嬌亦同大家分享佢同老公呢段感情嘅甜酸苦辣。阿嬌坦言賴弘國勁溫柔，唔會畀自己拎重嘢，冇佢喺身邊會勁唔習慣，而佢對病人嘅細心亦係自己心動嘅原因之一。
阿嬌又話自己從來都唔會同人嗌交，但係間唔中會同賴弘國嘈幾句，講到人生話題時，兩公婆有時會產生矛盾，阿嬌表示：「Michael是可以改變的，我等他長大。」
而喺互動環節入面，心理學家叫四對藝人夫婦互相寫低對方嘅缺點，拎住支筆係咁寫嘅賴弘國直言：「雙手拿滿了東西時，阿嬌還會要求我幫忙『倒一杯水』！」當賴弘國要求阿嬌改進時，阿嬌就嘟晒嘴撒嬌：「沒辦法改，這是習慣啦～」兩人互動Sweet到爆~
（綜合報道 / on.cc）
【哀痛發悼文】游生袁文傑：一切停頓了……
過檔TVB的袁文傑，自劇集《不懂撒嬌的女人》「游生」一角人氣反彈。
即頻頻拍廣告出席活動。
去年他與拍拖7年的女友張潔蓮齊齊出席除夕倒數活動，更謂不想家人等得太久，故計劃2018年與女友拉埋天窗。
但可惜他的媽媽已經等不到。
今日凌晨時份，袁文傑在社交網貼了一張小時候由媽媽抱著的黑白相，還寫了一篇長文，悼念剛離世的母親，還感謂當年若不是母親懷了他，那她可能有更好嘅生活。似是自責，但字裏行間充滿思念！
袁文傑原文︰
「近半世紀前照片，那時，弟弟仍在媽媽肚子裡……翻看媽媽的舊照，很感慨。她年青時，如果選了其他的路，今後的人生，自不一樣。曾經，她可往英國待上好一陣子、也曾有模特兒星探追著她上電車仍被婉拒，之後，過了一段不長不短的時間，便有了我，否則，也不會有我！
「我和弟弟仍是小學階段，媽媽已病痛纏身，每次均大傷元氣，但她仍是沒有想過停下來……事無大小也親力親為，勞碌一番！
「歲月不饒人，加上兩年多前一次街上跌倒意外，經過詳細檢查，令我們有了心理準備，自始，時好時壞，也繼續走下坡。諷刺的是，媽媽奮力堅持的去做治療，偏偏不知治療過程中哪裡處理得未夠仔細，就此，一切停頓了……
「我知道，那一刻，媽媽有過極短暫的『痛苦非常』。辛勞幾近一生，命運卻如此，若是，沒有我，你或可開啟另一個時代，擁有可能更健康的生活。」
願袁媽媽，一路好走。
（ig / 綜合報道）
【反覆咳嗽】可能已經患上哮喘
天氣逐漸轉涼，很多人都會出現咳嗽、流鼻涕、喉嚨痕癢等類似感冒的症狀，雖然其中大部分是上呼吸道感染所導致的，但也有些群體是源於哮喘。醫生提醒，反覆咳嗽不可忽視，當心發展為典型哮喘。
如何識別變異性哮喘引發的咳嗽？
你以為哮喘都會出現急促喘息？其實，僅憑喘息症狀不能區分這兩者，更多的輕中度哮喘患者只是喉嚨癢想咳嗽，或者僅表現為咳嗽。
持續時間：
通常普通感冒引起的咳嗽一般一周左右就可緩解，而哮喘引起的咳嗽反覆發作可持續1個月甚至更久。
咳嗽症狀：
哮喘引起的咳嗽是以乾咳為主，常常在吸入刺激性氣味、冷空氣、接觸變應原、運動或上呼吸道感染後誘發，多在夜間或凌晨加劇。有的患者發作有一定的季節性，以春秋為多。
藥物療效：
哮喘引發的咳嗽經止咳化痰藥和抗生素治療幾乎沒有療效，輕症的可能會緩解誤以為是感冒，而應用糖皮質激素、抗過敏藥物、β2受體激動劑和茶鹼類則可緩解。
過敏體質請注意：
如果自己本身就是易過敏體質，如過敏性鼻炎、濕疹等，出現慢性反覆咳嗽症狀就需要更加警惕是否是哮喘惹的禍。
咳嗽持續多久需要引起注意？
有一部分哮喘患者可能僅以咳嗽為臨床表現，所以往往容易被忽視。這類以咳嗽為唯一症狀，持續或反覆發作大於1個月的疾病被稱為咳嗽變異性哮喘，也稱過敏性咳嗽。由於50%-80%的咳嗽變異性哮喘兒童可發展為典型哮喘病，10%-33%的成人咳嗽變異性哮喘也可發展為典型哮喘，許多專家將咳嗽變異性哮喘視為哮喘病的前驅表現，因此咳嗽變異性哮喘的早期診斷和早期治療對預防哮喘病是非常重要的。
規範用藥很重要，千萬不可隨意停
如果肺功能檢查確診哮喘的病人必須長期堅持規範用藥，減藥的過程更是需要綜合評估後逐步遞減，有的病人經過一段時間治療後症狀明顯緩解就擅自停藥，很容易出現病情反覆，再進行治療時又要回到治療的起始點，而且病情反覆對自身的肺功能也會造成傷害。
因為兒童哮喘咳嗽的發生率更多，很多媽媽認為小孩子用藥不咳嗽後，就不適合再多用藥物了，因而減量甚至停藥想讓其利用身體的抵抗力自行恢復的做法更是錯誤的，因為兒童正處於生長發育階段，一旦治療不規範加重病情反而可能引起終身難愈的隱患。
(上海交通大學醫學院附屬瑞金醫院呼吸科黃靚雯 / kknews)
【一直傳整容的兩姊弟】范冰冰范丞丞童年照被揭！
上月初承認逃稅的內地女星范冰冰，雖然暫時無公開現身，但隨住逃稅風波一事慢慢凋淡，早前被指受事件影響嘅細佬范丞丞都密鑼緊鼓返出嚟出show。
除了逃稅風波之外，冰冰兩姊弟都一直受整容傳聞圍繞。
姊弟合照
出國前的范丞丞，同而家已經有好大分別，根本係兩個人~
出道後係咁樣
最近二人的童年照都突然被一衆網民討論，仲要網友紛紛好評，真係估佢唔到。
近日有網民上載咗一輯冰冰嘅舊家庭照，相中冰冰都仲係幾歲細路女，不過就已經睇得出佢眼大大，眉清目秀，加上唇紅齒白，被網友大讚係天生一副明星相。
冰冰於照片中左望右望，表情精靈活潑，又真係幾靚女，身旁嘅范爸爸范媽媽同依家對比，都係無點變過，個個都保養得宜！
而同冰冰年紀相差19歲嘅丞丞，出世時曾被網友傳係冰冰私生子，不過冰冰一直強調對方係親細佬。
睇番丞丞同樣都係得幾歲左右嘅舊相，離奇變咗矇豬眼，面圓圓襯冬菇頭，帶點可愛又呆呆哋，仔大十八變，同而家嘅韓仔Look反差勁大！
(on.cc)
【之前巧妙成功遮肚】今日忽然晒孕肚！
早前宣佈第二度有喜，本身瘦瘦的她雖然懷孕，但仍然是臉尖尖、手腳纖幼，果然得天獨厚！
大約在兩星期前，她都分享過這一輯的相片，相中她好巧妙地遮孕肚，相片風格充滿少女味，不說也不知道她懷上了寶寶！
今日藝人楊愛瑾（Miki）就上載了同一輯的另一張相，側身肚凸凸的她終於有少少孕味！她留言：「有甚麼健康的菜式和湯水可以介紹我這位大肚婆嗎？平常慣吃的已經滿足不到我了😅」
熱心網友紛紛留言推介，睇嚟Miki可以大飽口福喇！
同仔仔玩得好開心呀！不過佗緊B要小心…
(facebook / 綜合報道)
【暗示…】《跳躍生命線》張曦雯突上載黑白照
TVB大熱劇集《跳躍生命線》中有很多角色都死去，首集就有李佳芯撞車…
之後輪到陳榮峻兩公婆…
就連演救護員「雄姐」嘅張彥博都因工殉職…
仲有馬神救唔番遇溺嘅細路，而飾演細路老竇嘅曾偉權，因為死咗個仔，老婆又遇車禍，萬念俱灰之下，喺在哥屋企拮大髀自殺而死。
之後，在哥要返屋企清理血跡……
昨晚劇情講到馬神馬德鐘演嘅在哥（麥在田），向飾演阿Man表白，叫對方留低喺佢身邊︰「我是命中注定要從你的世界路過。」
可惜表白完，阿Man決定留底之際，就遇車禍，唔通在哥真係天煞孤星？
今晚將會播出大結局，而大台就上載咗一條「內有劇透，慎入」大結局搶先睇嘅預告片。片中又提番第一集時，演在哥老婆嘅李佳芯，遇車禍死咗；到尾二個集講到在哥搵到第二春，又講阿Man遇車禍，夠晒首尾呼應。阿Man死唔死得仲未知，但唔少網民留言鬧爆個編劇，使唔使咁殘忍。
網民留言謂︰「馬神得罪了編劇？」、「最應該死嘅係編劇」、「唔要你BBQ時你就BBQ，依家想你BBQ時你就…」、「得，明晒，導演真係黑心。」等。
不過呢段片嘅片尾，就留咗一句︰「結局，有無人可以改寫？」
不過劇集女主角張曦雯 (飾演阿Man)昨晚在社交網上載了一張和馬神的黑白合照…
唔通暗示劇中會死？今晚即將分解！
（綜合報道 / apple daily）