歌手鍾鎮濤（阿B）二女鍾懿、細女鍾幗現身《鍾鎮濤故事繼續演唱會》，穿半截裙的鍾懿彈奏Ukulele，三父女與兒童合唱團合唱《Over the Rainbow》。期後阿B拖着細女唱出《What a Wonderful World》，鍾幗先用中文自我介紹，又用英文感謝大家支持爸爸，引來台下歡呼不斷！
阿B跟「升樂人聲樂團（SOS）」演唱後，換上背心黑裙的鍾懿再次出場，阿B笑說一定要拖手：「遲啲佢唔畀我拖㗎啦！」
鍾懿一臉害羞表示怕走音，阿B請觀眾拍掌鼓勵，並笑說：「之前同溫拿一齊，有幾個伯伯等緊，鍾懿淨係可以唱半首，今次點唱都得！」
她感謝爸爸讓自己站在紅館演出，又稱很多人問她是否想做歌手：「我想專心讀書先，但可以同爹哋一齊唱歌係好幸福嘅。」
然後以電子琴自彈自唱《Can’t Help Falling in Love》。
提到太太范姜，阿B感性形容對方是其守護神，當年24歲就離開家鄉跟着自己實在不容易：「嗰時我人又老、錢又冇，老婆又走佬！佢啲廣東話唔好，搭的士梅道講咗『未到』，結果去咗差館！聽落好好笑，其實佢真係為我付出咗好多。」
(on.cc)
藝人胡定欣一向熱愛運動，平時有「胡說八道會」一班好姊妹陪同進出Gym房，不過今次竟然係一位男士！
定欣喺Instagram上載對鏡自拍照，佢着住sports bra同緊身褲，騷出纖腰又大晒馬甲線，身材fit到漏！而佢身後就有一對男人無影腳，究竟係邊個？
原來係佢細佬，定欣喺社交網留言：「今日好多力喎！哈哈，後面對腳係我細佬，佢都努力中，有點成績，加油加油！」
網民都留言話羨慕兩姊弟咁好感情。早前定欣更升呢做大姑奶！
其實定欣甚少公開家人嘅相，早前佢喺IG PO咗同細佬嘅合照恭喜佢畢業！定欣話：「呢位人兄細個唔讀書，懶到岀晒汁，阿媽教到就黎（嚟）嘔血。廿幾年後就黎（嚟）同我講…『家姐，我想讀返（番）個學位，拎返（番）張證書。』……跟住個兩三年佢就日頭返學夜晚返工。今日，佢終於畢業了！！細佬，我想話呢張證書並唔係為左（咗）父母，係為你自己！！係用你份努力堅持得返黎（嚟）！！恭喜您，你做到了！！ 佩服佩服！！」
網民仲話好想定欣搵到位真命天子陪佢做Gym呀！
(綜合報道/on.cc)
藝人陳琪同胡諾言（胡仔）婚後育有兩女一子，包括大女胡芷苓（Jay Jay）、二女胡芷悠（Jacey）同細仔胡澔錕（波波），一家五口非常幸福。
陳琪不時都會喺社交網分享湊仔女日常點滴，既溫馨又搞笑！
呢日佢就喺社交網分享兩個囡囡溫習嘅相，見到佢哋都好認真溫書，相信係為嚟緊嘅考試做好準備！
身為媽媽嘅陳琪見到兩個女咁生性「寒窗苦讀」都好安慰，仲話「求學不是求分數」：
「晚上並不輕鬆，看見她們已盡力了！……結果我們一起面對…… 再一次提醒自己，求學不是求分數。」
網民都留言為佢哋打氣，仲話好好努力無悔咁就得喇！
天王郭富城（城城）與太太方媛（Moka）愈嚟愈恩愛，婚後育有囡囡Chantelle。
早前仲大曬全家福，幸福滿瀉！
盛傳城嫂Moka再度佗B，城城都冇否認傳聞～
之前Moka去坐叮叮遊港島。
日前Moka又PO咗同囡囡去主題公園玩嘅相，畫面十分溫馨～
佢近期更開始融入香港社交圈，昨日榮智健堂姪女Yvette貼了去Ball相，相中就見到Moka大住肚參加，和一班年輕太太齊齊坐。活動名為「2018美麗中國香港慈善晚宴」，為中國山區兒童籌款，同場還有劉嘉玲、被稱「中國女股神」的劉央等，成功籌了4000萬元。
Yvette（後）的ig 相所見，場內還有女股神劉央(前左）。
大肚Moka初去ball場，穿了一條金色喱士幼吊帶，明顯見到肚子帶點圓渾，她沒有珠光寶氣，搭配巨型星星耳環，時尚亦見年輕。
(綜合報道/apple daily)
今日係吳日言（Yan）35歲生日，佢同時喺今日宣佈喜訊，就係囡囡Bea出咗世喇！恭喜晒！Yan今日接受訪問話BB重6.6磅，一直希望順產嘅佢，亦都願望成真。陣痛指數更達到127，難怪佢話好似發左一場惡夢，但夢醒得到一份好大嘅禮物，覺得好值得。
問Yan係咪同囡囡同一日生日？佢就笑住話：「唔係呀！邊日出世就賣下關子，但佢都係人馬座BB，老公都係11月生日，我哋將來呢個月會不停切蛋糕。」
Yan陀B時已發現有妊娠糖尿，故醫生建議佢喺38至39周生比較好，佢話：「可能有好多媽媽會選擇開刀，一了百了，但係如果我唔試催生而直接開刀，Bea就連試順產出世嘅機會都冇。即使我知道Bea有臍帶纏頸問題，催生都未必成功，最尾我可能要食一個大全餐，但係我覺得去試總有機會，唔試就一定冇。」
Yan話佢一直好想感受生孩子嘅痛楚，「我認為人生有好多唔同嘅痛楚，但係呢一種陣痛只有媽媽先知，我要好好記得佢。醫生亦比好多信心我，大前提係BB安全為先，所以如果生產過程有任何問題出現，一切都會聽醫生嘅指示。」
講到入產房到BB出世，經歷咗12個鐘，Yan話好似發左一場惡夢。佢話：「我冇選擇無痛分娩，只靠聞笑氣，老公一直喺旁邊支持我，不停同我報告陣痛數字，陣痛指數達到127，感覺好似死去活來，我一世都唔會忘記呢個數字。」
Yan又透露，陣痛到10個鐘都發生驚險事，佢話：「BB心跳突然跌落80，情況並唔樂觀，再過多幾分鐘都未生，就應該要開刀。我當時冇諗其他嘢，只係諗住用力，就喺千鈞一髮，隱約聽到一班醫護人員同老公為我吶喊，教我忍氣用力倒數10聲。原來BB位置同臍帶問題影響出生，所以真係要多謝醫生嘅經驗同埋佢嘅果斷，幫我順利誕下BB，聽到BB嘅喊聲非常感動，不過我冇喊，因為已經筋疲力盡。」
原來Yan生完血壓指數好低，要先喺產房休息兩個鐘。佢話：「休息咗兩日，感覺仍然好似用咗10幾個鐘，跑左三次馬拉松，全新嘅肌肉都好痛好攰。不過都值得，因為我們母女平安。Bea 係我今年最大嘅生日禮物。」
(綜合報道/Apple daily)
卓林與母親吳綺莉關係決裂，今年4月孖同性女友Andi出走加拿大後，過住顛沛流離嘅生活，聲稱無家可歸嘅卓林，更喺YouTube拍片尋父親成龍，之後，佢又俾人影到拖住買餸車到垃圾站，疑似「拾荒」。
曾被媒體拍到在街上靠拾荒來維持生活
其後有消息指，卓林同Andi喺溫哥華居住其間曾經欠租兩個月，搞到俾屋主趕走。
早前卓林facebook突然改姓氏，由「Etta Wu」變成「Etta Zen」，疑似改姓。
對於卓林在fb改姓一事，吳綺莉僅以心型和花花圖案回覆，記者祝佢開心及身體健康，吳綺莉表示：「大家都要。」
對於改姓一事，有傳媒就向已返港嘅卓林求證，不過卓林就回覆話唔關事，改呢個名純粹因為自己鍾意，間接否認同生父有關。
(綜合報道/Apple daily)
前港姐張名雅於2016年與圈外律師蔡錦豪（Joe）結婚，婚後誕下一子Mario。
今年七月宣佈再度有喜，預產期係下個月！
不過呢位準媽咪冇時停，上個月孖老公飛去泰國度假，仲喺IG大曬泳衣照(相關新聞：https://goo.gl/cNzRD6)，佗住B都咁Fit，真係得天獨厚！
今次張名雅再喺IG PO相。
半裸孕照，大晒靚肚。
張名雅用雙手遮胸，再側身晒肚，佢以英語留言話：「Never stop trying something new! The human body is the best work of art.」（要不斷嘗試新東西！人類身體是最佳藝術品。」佢更笑言呢張相已經係自己嘅極限，其他嗰啲只會成為佢嘅珍藏。
之後張名雅陸續貼相，當中佢大仔Mario都有赤條條咁陪媽咪，另外仲有張名雅同老公嘅甜蜜合照，更加唔少得一家幾口嘅全家福，其中有一張係Mario騎爹哋膊馬，囝囝錫媽咪，蔡錦豪就錫老婆個肚，好鬼sweet。
見張名雅落咗個#babyMilo嘅hashtag，相信Milo就係即將出生嘅BB個名，張名雅喺另一post話：「BB令愛更強、令每日更短、夜晚變長，令屋企開心多一點，以及未來更值得生存下去。開始為見baby Milo倒數中！」
(綜合報道)
今日35歲生日嘅吳日言報喜！Yan宣布順利誕下6.6磅B女Bea！
懷孕期間患上妊娠糖尿，加上產前預測BB有機會出現臍帶纏頸問題，不過吳日言希望感受完整做媽咪嘅感覺包括痛楚：「可能好多媽咪都會選擇開刀一了百了，但係呢一種痛只有媽咪先會知，我想好好記住。」
加上醫生畀咗好多鼓勵，吳日言最終決定嘗試順產，大前提係BB安全為先。
經歷長時間陣痛，期間「陣痛指數」更高達127，約十小時左右，吳日言透露BB突然情況不穩，心跳更跌落80並不樂觀，五分鐘內未能順產便要緊急開刀。
當時佢乜都冇諗，淨係知道要出力出力再出力，最後成功克服臍帶纏頸同埋BB位置等問題，成功誕下愛女Bea。
吳日言指當時好感動，但係已經筋疲力竭眼淚都流唔出，之後更因血壓指數太低要喺產房休息兩個鐘，笑言好似發咗一場惡夢，夢醒之後就收到一份大禮物，雖然好辛苦但係都值得，稱Bea就係佢今年最大嘅生日禮物！
問到Bea幾時出世？吳日言表示想幫囡囡保留一啲私隱，只可以講自己、老公同囡囡都係十一月生日，囡囡趕得切出世同自己慶祝生日。
(on.cc)
已有一子一女嘅前英皇小花何嘉莉（Lillian）早前宣佈懷有第三胎，佢坦言話完全冇諗過自己會再度懷孕。
佗B之後時不時都會喺社交網站update下自己近況。佢早前就PO相透露自己感染咗B型鏈球菌，所以醫生建議佢要一直食抗生素，食到「直到生產為止」，一日食四次藥。唔少網民都為佢加油打氣！
昨日佢喺網上拍咗條片宣布今胎性別，仲話初時同囝囝傾過想要妹妹定弟弟：「已經有了兒子跟女兒，來到第三胎其實男或女都無所謂，但還是會有一點期待的到底家裡（裏）會是Boy’s team Or Girl’s team強一點呢？一直是我和兒子茶餘飯後的無聊話題！」
佢又話仔仔想要細佬多啲，佢話：「至於我呢，從前是非常喜歡生個男寶寶，但自從女兒出生後，就覺得女兒撒嬌很可愛，也特別溫柔。加上老人家常說生女兒長大後都比較照顧爸媽，兒子長大要當家，當然心思就比較少了。」
Lillian宣布今胎係女！
佢最後仲話希望最緊要係寶寶健康最重要，男女都係媽媽嘅寶貝！
(綜合報道/on.cc)
二人育有一子Charles，12年女方向外宣佈離婚，不過到14年，佢哋被傳媒影到翻撻攬腰銅記撐枱腳，感情撲朔迷離！
短暫復合後，再度分開，依家絕少提及感情狀況，不過就被爆原來再度復合！
二人仲被捕獲喺中環蘇豪街頭十指緊扣。。。
曾活躍ball場名媛榮雪梅（Helen）同意大利籍老公Stefano育有一子Charles，二人結婚期間，雙方都各自有婚外情，佢就訴苦因自己「易o氹」，婚姻後期5年分開近9次，而佢更發現丈夫褲袋藏安全套揭發有婚外情。
直到12年女方向外宣佈離婚，不過到14年，佢哋被傳媒影到翻撻攬腰銅記撐枱腳，感情撲朔迷離。Helen同Stefano短暫復合後，再度分開，之後又再結識第二春，不過又係外籍人士，更被傳媒影到同新歡態度親暱，拍拖放狗生活，而自己亦不忘keep fit，保持體態。
48歲嘅Helen已經低調淡出社交圈，就算偶爾出席社交活動都絕少提及感情狀況，原來Helen同Stefano再度復合，日前佢哋就直擊二人喺中環蘇豪街頭十指緊扣，當時大概下午4點幾，身穿黃色碎花連身裙同Stefano喺一商廈行出嚟：
「佢哋兩個喺擺花街一座商業大廈行出嚟，見到佢哋係十指緊扣，佢哋並肩而行，榮雪梅警覺性好高，不時四圍望，好驚有人影相咁，佢哋手拖手向住蘭桂坊方向行。」
(Apple daily)
