自從宣佈同拍拖3年嘅初戀情人鄭嘉穎今個月12號結婚後，有傳雙喜臨門嘅陳凱琳（Grace）就一直潛水，平時活躍IG出post嘅佢，最多都只係放吓舊相同放吓食過乜嘅相，至於真身，相信得鄭嘉穎先見到。
不過Grace今日終於現真身喇。
今日去咗紅磡某酒店幫朋友慶祝生日嘅佢，啱啱就發佈咗限時動態，除咗仍然係今日食咗乜之外…
其中一條動態係影住生日嗰位朋友，攞住個蛋糕準備吹蠟燭…
而重點係片中仲有Grace好開心地拍手唱生日歌俾呢位朋友聽。
畫面所見，紮起頭髮嘅Grace着住件極鬆身嘅銀色恤衫，不過就只得半身，有冇大肚就真係睇唔到。
而佢朋友嘅另一則限時動態，就有一張Grace嘅全身相，雖然見到Grace下身配黑色短褲，但仍然睇唔到佢有冇肚凸凸。
（ig / apple daily）
陳茵媺（Aimee）現正一拖三，與3個仔女在加拿大放暑假，就算老公陳豪未有同行，Aimee還是應付自如。
今日早上（香港時間）在社交平台分享短片，片中見到陳茵媺駕車接送仔女，搞笑說3個小時的自由已結束，更因為掛住對鏡頭說話，一度疑似兜錯路，露出疑惑的樣子。
Aimee興奮用英語留言：「”Just the 4 of us” daily schedule: 9am : I drop off all 3 kids at summer camp 930: workout or meet a friend for coffee… And man do I need my coffee… 12pm: pick up all 3 kids 3 to 5: the great Canadian outdoors! I really enjoy driving all 3 kids myself in the morning, such great private time! #freedom #crazykids #wheredoesthetimego #」，簡單講述她這日由朝早9時至下午5時的安排，非常享受親自接送仔女。
(明報)
內地女星范冰冰被捲入「陰陽合同」的逃稅風波，至今一直未有現身解畫，但傳聞已滿天飛，一時傳出她被有關當局問話，一時又傳已被釋放，但被扣在賓館以及限制出境。
而她的男朋友李晨亦同樣低調沒有甫頭。但近日有網民指在美國成功捕獲李晨行蹤，照片中所見，他表現得心事重重兼消瘦了一點，一臉愁容的他頭耷耷行路，可能當地天氣炎熱，他整個人看起來沒精打采。
(on.cc東網)
到有否送上驚喜？他冧爆話：「佢成日畀好多驚喜我，都好開心，依家想Focus番喺事業度，因為都要養家活兒。（幾時結婚？）其實依家都算係Daddy。。。」
昨日剛過30歲生日的歌手羅孝勇（Sheldon），今日現身九展出席新城電台舉行的音樂活動，受訪時他大方表示模特兒女友王丹妮（Louise）破費於高級餐廳請他食飯慶生，問到有否送上驚喜？他冧爆話：「佢成日畀好多驚喜我，都好開心，依家想Focus番喺事業度，因為都要養家活兒。（幾時結婚？）其實依家都算係Daddy（因女友育有一女）。（求咗婚？）順其自然啦，依家有好多嘢喺腦入面，同步做啦，雖然未有計劃，但都Ready㗎啦！」
Sheldon又笑言對「30大關」有恐懼，早幾日收到朋友的祝賀訊息都唔敢睇：「去到第二日先敢面對現實睇，不過都有信心嘅，自己比以前都Ready好多，都知有好多男Artist過30歲就更衝，自己都絕對有呢嗰心態，係一個Checkpoint。」
問到恐懼係咪因為驚甩頭髮？他大笑話冇擔心過：「Daddy都仲係好多頭髮，我髮線仲喺呢度（用手指），所以都OK。」
(on.cc東網)
「我曾經想過如果我有一個小孩，我想要他是全天下最特別的小孩。但是當我真的要成為一名父親的時候，我才知道原來我希望他平凡就好。在媽媽辛苦懷他10個月裡的每一次產檢，我都想著。。。」
恭喜！恭喜！
林宥嘉同丁文琪去年1月結婚，今年年初已經宣布造人成功，進度十分快。林宥嘉更加喺facebook發文，再附加一張一家三口照，公告其獅子座兒子已經出生。相片所見，剛生B的丁文琪精神不錯，但左手仍掛着點滴用嘅喉管，她將囝囝放在右邊胸口，架上黑框眼鏡嘅林宥嘉就將頭靠向兒子。林宥嘉在facebook撰長文來表達兒子降臨的喜悅，又表示希望兒子平凡就好。
他寫道：「我曾經想過如果我有一個小孩，我想要他是全天下最特別的小孩。但是當我真的要成為一名父親的時候，我才知道原來我希望他平凡就好。在媽媽辛苦懷他10個月裡的每一次產檢，我都想著：『你一定要像其他小朋友一樣，讓醫生叔叔能輕易地判斷你的健康喔。』在產房裏緊張渡過的幾個鐘頭，我也如此祈禱著。而在那一刻，當我用雙手迎接他的誕生；當我第一次聽見他來到這世界的哇哇哭聲，精疲力盡的太太也哭了。
我感覺時間變得好慢，每一幕就像書本一頁一頁地翻。護理師將他從我手中接過，擦拭身體，一隻一隻清楚大聲地數著他的手指頭與腳趾頭給我們聽：『1、2、3、4、5……』我心中忍不住想：『只要你跟其他大部分的小朋友一樣就好。』多麼幸運，感謝上天，母子平安！平凡真的是一種得來不易的幸運。這是我成為父親所領悟的第一課。在七月尾巴酷熱的夏天，謝謝你來到我們的生命。歡迎你喔，酷比。」
(蘋果日報)
楊思琦01年選完港姐，即加入娛樂圈，同過李泳豪拍拖9年，直到11年佢突然宣佈分手，激到李泳豪父母李家鼎同施明紮紮跳。之後思琦同吳帥發展咗段短暫嘅感情，12年仲突然暫停工作，遠赴美國，未婚誕下女兒楊卓穎（Krystal）。
成為咗單親媽媽，楊思琦呢幾年一直努力賺錢，Krystal都看在眼內，日前楊思琦接受商台節目《1圈圈 星光背後》梁泰來訪問，被問到Krystal有冇打探過爸爸嘅資訊，思琦就坦言女兒一早知道「冇爸爸」呢回事，仲一早已經同女兒解釋過好幾次：「佢思想好成熟，會明白嘅。」
學生讀書時，總有個課題叫做「我的家庭/媽媽/爸爸」之類，楊思琦就話女兒懂事：「自幼稚園開始，佢被問及家庭有乜成員，要畫出嚟、說出嚟，佢都知道我哋係冇爸爸呢個角色的。所以我哋屋企人就盡量俾多啲愛佢，關心多啲。若將來佢想知道生父係邊個，我都會講，呢個係好正常嘅事。」
楊思琦亦有透露，誕女後一直都有追求者，單親媽媽呢個身份冇成為佢感情發展嘅阻力，其中仲有啲追求者有經濟條件供養佢兩母女，不過思琦就覺得，如果可以，都係自己搵錢去養大女兒更有意義。
(蘋果日報)
藝人王祖藍早年開始向內地發展，經常都要返內地工作，但你點會估到，佢係搭港鐵返內地？網上流傳幾張祖藍現身港鐵東鐵線車廂内嘅相，相中見佢戴上頭箍兼踢拖企喺車門附近，造型休閒，亦冇戴帽及口罩遮掩。
有網友大讚祖藍就算近年吸金力咁強，住逾億豪宅都咁貼地搭公共交通工具，夠晒環保，係藝人中嘅典範。
另外，佢喺個人社交網上載踩三輪車嘅相，個Look同搭港鐵被捕獲時嘅衣着一樣！佢仲好認真咁轉彎相當賣力，仲留言問有邊個想搭順風車嘅請舉手！
(on.cc東網)
藝人陳法拉早前講過會同男友Emmanuel Straschnov一齊去法國西面海邊旅行，仲話有可能甫水着照畀大家睇，呢日法拉真係「找數」喇！
見佢喺社交網甫出一張「男友視角」嘅戲水相，以白色三點式上陣嘅法拉，大晒纖腰加美腿，加埋佢嘅招牌笑容，真係靚到爆！
佢仲話：「今年第一次下水#應承過的泳衣照#兌現#跟着法拉去法國」法拉年初畢業後簽約美國經理人公司，忙於穿梭香港美國兩地工作及試鏡，忙個不停嘅佢終於有得休息兼同男友一齊去旅行，見佢哋又行山又去睇海鷗，真係睇相都覺開心呀！
(on.cc東網)
黃宗澤（Bosco）同吳卓羲噚晚去咗將軍澳錄影節目，Bosco之前同陳嘉桓傳緋聞，雖然佢哋否認呢件事，不過好兄弟吳卓羲梗係冇錯過機會笑吓佢！
Recall番大家嘅記憶先，上回講到，陳嘉桓直認試過Bosco廚藝，亦到訪過男方屋企開派對，但否認拍拖，又話feel唔到對方有追求之意。不過陳小姐就被踢爆早前去Bosco位於火炭嘅屋企，座駕連續停泊屋苑幾日都冇開走，咁陳嘉桓就解釋話喇：「唔係，呢個係時間誤會，個個都可以揸車去，我有揸車走。」講講下，佢唔小心爆響口表示知道Bosco行蹤，係呀，佢去咗西班牙拍綜藝節目嘛。
噚晚Bosco現身受訪時，講番今次西班牙之旅有幾辛苦咁啦，傳媒即追問佢陳嘉桓有冇上門執屋，Bosco就話：「乜嘢呀？我有請工人姐姐㗎，真係俾你激死！」之後會唔會搵咗陳嘉桓做嘉賓？Bosco即刻話唔知，點知吳卓羲抵死話：「有份都扮唔知啦！」Bosco笑笑口話：「死仔包呀，夾埋佢哋搞我呀！」
(蘋果日報)
不停勁讚：「初時認唔到佢，因為頭髮短咗，同埋好瘦呀，個樣超後生，真係睇唔出50幾歲，完全冇化妝，平時睇相佢個鼻好大，見到真人唔係咁樣，好靚女，睇樣佢最多40歲，好有活力，着啲衫caual得嚟有氣質。」
香港有星味嘅藝人越嚟越少，80年代嘅天后葉蒨文（沙麗），自從前年為老公林子祥紅館騷做嘉賓後，近年都好少公開亮相，日前56歲沙麗現身銅鑼灣孖女友人開餐，被讀者黃小姐透過「爆相爆片」分享近況，激讚沙麗完全唔似50幾歲：「我覺得佢真係好濃星味。」
黃小姐接受《蘋果》電話訪問表示，當日下晝約1點，喺銅鑼灣某間餐廳見到沙麗：「佢食飯食得好開心，好似好肚餓咁，個樣超後生，同電視上見到完全係兩個人；我哋四個朋友食飯，初時都認唔到佢，係餐廳老闆同我哋講，呢個係葉蒨文，跟住我哋望到，係喎！佢同鬼佬老闆講英文，兩個好熟，打招呼傾偈。」
由讀者提供嘅短片，見到沙麗開懷大嚼享受美食，展現真性情，黃小姐表示：「初時認唔到佢，因為頭髮短咗，同埋好瘦呀，個樣超後生，真係睇唔出50幾歲，完全冇化妝，平時睇相佢個鼻好大，見到真人唔係咁樣，好靚女，睇樣佢最多40歲，好有活力，着啲衫caual得嚟有氣質。」
黃小姐不停勁讚沙麗，問係咪對方嘅粉絲？黃小姐話：「我唔係佢fans嚟，我哋喺香港見到啲明星好普通囉，冇乜星味，但我覺得佢真係好濃星味。我哋四個女仔食飯，個個都讚佢，我平時唔會影明星，喺尖沙嘴撞到陳豪賣咖啡，我都冇上去影相。」問有冇上前同沙麗合照？黃小姐坦言：「我好想呀，但覺得冇乜禮貌，人哋食緊飯，好似打搞人，唔係幾好，我又唔係佢fans。」
(蘋果日報)
