胡杏兒不時都會同老公李乘德 (Philip)喺IG到放下閃，婚後誕下仔仔Brendan，一家三口溫馨有愛！
早前Brendan一歲生日，杏兒同老公就為佢搞咗個生日P，圈中好友都有嚟同Brendan慶祝~
而今日（6日）就到杏兒嘅39歲正日生日，尋晚就孖住一班佢生命中最重要嘅好友齊齊賀牛一，認真熱鬧！
包括杏兒老公李乘德、「胡說八道會」成員胡蓓蔚、胡定欣、李施嬅、姚子羚、黃智雯，仲有《衝上雲宵2》嘅兄弟楊潮凱、傅嘉莉、周志文等，真係位位都係杏兒摯友！
難得齊人，杏兒又開心又感動！佢喺IG PO咗多張大合照，佢同老公攬到實一實，又獲「胡說八道會」獻吻，真係幸福滿瀉！
佢留言話：「Never been older, but never been happier 😊. Just a simple gathering with some friends is perfect for this year. Thank you for all your wonderful wishes, I’m so grateful. 😘❤️🙏」
杏兒生日快樂！
(綜合報道)
上個月曬靚靚大肚寫真時宣佈一索得男，話咁快B仔已經趕住出世，佢更趁住今日（6日）生日宣布喜訊！
自宣佈懷孕以來，佢都不時都會於社交網更新近況。
Liddy之前透露過BB係大隻B，仲「頂到肋骨都痛埋」，不過只要BB健健康康，媽咪幾辛苦都值得！
佢PO咗囝囝嘅瞓覺相，見BB鼻高高好有李悅彤（Liddy）嘅影子。
坐緊月嘅佢今年慶生方式超特別，佢留言話：「今年最好的生日禮物就是這個出世了6天的人仔。今年最好的慶祝方式就是兩口子輪流換片餵奶掃風！👪 Happy Birthday to me🎂! 飲奶！」認真搞笑！
(綜合報道/on.cc)
早於16歲便相識及拍拖，是大家的初戀情人，後來兩人分別到不同地方留學令感情無疾而終，分開11年後再度相戀，Elaine笑言：「我好難相信人，但佢追咗我11年，所以我最後選擇相信佢。我媽咪向來對佢評價好高，記得16歲嘅時候，佢幫我吹乾頭髮，媽咪見到，佢話咁好嘅，到依家Stephen都有幫我吹頭。」
Stephen自言期間跟其他女生拍拖，也經常想起Elaine，Elaine大爆：「佢一直將我嘅相片放喺佢嘅銀包，搞到佢當時女友好嬲，佢話又同女友因為咁而鬧交，我叫佢拎走我張相，佢真係傻㗎！」
除了有永不放棄的精神，Stephen亦非常有心思，他打扮成Elaine喜歡的忍者向她求婚，而訂婚戒指亦由他所設計，戒指內刻有「TWINFLAMES」，意思是靈魂伴侶。
「扒女」李依琳（Elaine）與拍拖四年的外籍男友Stephen Luk即將拉埋天窗，兩人日前穿上西式及中西婚紗拍攝婚照，他們互為對方挑選婚紗禮服，默契滿分。
Elaine表示婚禮會中西合璧，由於她在外國長大，所以對傳統儀式不太清楚，坦言最近才學了很多中式習俗。Stephen一直在美國居住及做醫生，直至近月才返港，故婚禮都交由Elaine負責，她自言大感壓力及緊張。而婚後，Elaine會跟隨Stephen定居美國，問到會否即時造人？她望住對方笑言：「我已經有一個小朋友，哈哈！唔會咁快生，我哋唔急，遲啲先。」
兩人17歲時嘅合照。
(on.cc)
重6.2磅，樣子似足哥哥Alfie咁精靈可愛，全家都非常興奮，特別是。。。
「媽媽一直好想生女，點知一生就孖仔，之後都想繼續追…所以我今次係幫媽咪圓咗個夢想，佢抱住孫女簡直笑到見唔到對眼，睇得出真係超開心。」
藝人李家鼎個仔李泳漢又再做爸爸喇！
囡囡Charlotte剛在上星期出世，重6.2磅，樣子似足哥哥Alfie咁精靈可愛，全家都非常興奮，特別是泳漢的母親施明。
泳漢指終於感受到前世情人的威力，每次抱起Charlotte時，她都「口擘擘」嘗試和爸爸說話，整個心完全被她溶化，並感激太太Conny送給自己一個小公主。他笑說：「我依家湊成個『好』字，最好不停『好』落力去，但知道太太辛苦，一定要錫晒佢。」
至於再做叔叔的泳豪心情一樣激動，每日都搶住抱B，場面有趣又溫馨。
(on.cc)
樂基兒（Gaile）08年和黎明喺美國秘密結婚，可惜婚姻僅維持四年，兩人於2012年共同發聲明宣佈離婚。
離婚之後二人喺感情路上都有新發展，今年3月黎明被爆撻著唱片公司女助手Wing。
之後Wing為佢誕下B女。榮升人父的黎明，早前還大方在社交網公開女兒肥嘟嘟萌照，成為愛女號之一～
而樂基兒去年8月與圈外男友Ian結婚，再次成為人妻！
婚後不時被追問造人大計的她，一直表示抱順其自然態度，又透露有做瑜伽及運動調理身體，為生B作好準備，希望在一、兩年內當母親。原來近日未有公開露面的Gaile，已經願望成真，同老公lan造人成功！
Gaile過去一年不時香港、美國兩邊飛，但佢都有keep住喺社交網更新近況，好似上月返港探望模特兒好友Rosemary初生B女，佢都有喺Ig Story貼相。
原來近日Gaile都喺香港，日前就發現佢帶同家傭，陪愛犬到數碼港草地玩「放電」，Gaile原來已經腹大便便。
當日早上10點幾，身穿短身黑T恤襯瑜伽褲的Gaile，肚凸凸現身數碼港海濱公園放狗，其肚皮明顯隆起，完全唔似「幸福肥」咁簡單！事後Gaile即透過短訊回覆，開心承認已經懷孕三個多月。恭喜！恭喜！
而樂基兒好友、9月剛誕B嘅混血名模Rosemary，都得知此喜訊：「Very happy for her! It’s the best thing in the world ! So precious! I have shared my birth story with her. She knows that I’m here for her whenever she needs（好開心呀！呢個係世上最好嘅事情！好珍貴！我有同佢分享自己嘅生B經歷。無論佢幾乎需要我，我都會喺度。）」
(綜合報道)
轉攻內地發展的藝人葉璇，2015年與小默先生公開戀情後，二人關係時好時懷，分手消息傳過不停。
今年8月，網上流傳葉璇狀告小默先生前女友呂小姐造謠的判決書，更「意外」揭露葉璇與小默先生正式分手，但二人又不時在社交網有所互動，令二人關係更撲朔迷離。
今日係小默先生的生日，葉璇又在社交網留言送上祝福，她轉載了一段小默先生也有上載、小狗在樹葉堆玩耍的片段，並留言「你快搞一個這樣的樹葉堆給家多寶玩！生日快樂[心][心][心][親親][親親][親親]//小默先生。」令網民再度猜測二人關係。
（綜合報道 / on.cc）
美國密蘇里州一名懷孕14周的40歲高齡產婦蘇富蘭，產檢時意外發現胎兒突然沒有呼吸心跳，醫生決定進行流產手術，但她不捨醫院會將胎兒他當成「醫療廢棄物」處理，特地把他帶回家，埋葬在家中花盆中。
據報，蘇富蘭確診懷上男胎，但兩人母子的緣分，只有短短的14周，醫生發現胎兒心臟已停止跳動，胎死腹中。胎兒已經有10厘米長、20公克重，還能明顯看出有人的形狀，眼、耳、鼻、手指，甚至是指甲都已成形，讓媽媽感到不可思議。
根據當地法例，胎兒年滿20周才能被視為嬰兒，因此醫院對她表示這個死胎可以當作「醫療廢棄物」處理，蘇富蘭不願意讓自己的兒子被當成醫療垃圾，於是向醫院請求將孩子帶回家並獲准。蘇富蘭與丈夫米高商議後，決定把孩子葬在繡球花的花盆內，她說：「花兒會不斷成長，不斷提醒我們記著他。」
蘇富蘭，她將死胎的照片上傳網路，是希望大家能重視每一個生命，就算只在媽媽肚裡活一天，都不能被視為廢棄物，也希望大家能多多關心失去胎兒的媽媽。她還說有朋友因為看到她的照片，打消墮胎念頭。
（singtao）
日前兩人於沖繩舉行童話式婚禮，已為人妻的伊娜對於被稱為「潘太」感興奮，更感謝老公安排如此完美的夢幻婚禮。
令她與家人有個美好的回憶，她說：「我好多次紅住眼，媽咪幫我蓋頭紗、爸爸拖住我進場、神父為我哋送上神聖祝福，我哋對住講Yes, I Do、交換戒指、所有親友講感言，我一直忍住眼淚，直至老公最後喺教室拖住我隻手，望住我唱咗首最動聽嘅歌，我終於忍唔住流出開心感動嘅眼淚。」
更指感謝來自世界各地的親友到來見證其婚禮。
藝人鄭伊娜與唱作歌手潘敬祖成婚
而紅娘可嵐則任其姊妹團，並從新娘手上接到花球，伊娜說：「好快就會到佢，祝佢快快遇上真命天子，幸福美滿！」
(on.cc)
藝人楊洛婷出席護膚品活動透露剛搬新屋，不過過程相當艱辛，適逢老公不在港，再加上傭人爸爸過身，結果要自己一個人收拾衣服及家具入箱，她謂：「個個都成10箱嘢，執完我隻手有晒老鼠仔，好在我媽咪專登飛返嚟幫我湊住個女先，真係唔明點解會咁，明明擇晒日搬屋。」
問到老公如何補償？楊洛婷笑指二人昨晚才因執屋事宜嗌大交，她謂：「佢有話12月結婚4周年同我去旅行，我真係要去馬爾代夫按摩同做spa先得。」
無事無事~~
(綜合報道 / on.cc)
今年31嵗的她自從2013年狠撇拍拖兩年的花心型男後，感情路上一直「Dry」爆至今，不過近日有傳媒收到一張「密照」，有指她已覓得新歡，但最爆的是新歡是一位暱稱DanDan的同性密友，有傳對方從事保險行業，跟她認識多年，對她千依百順、照顧周全，消息指兩人近年糖黐豆般有影皆雙，朋友圈子早就認定兩人的親厚關係。
上月16日糖妹生日，一班好友為其舉行驚喜生日派對，圈中好友陳瀅、曾國祥、王敏奕等到賀，DanDan當然亦有現身，身穿藍色恤衫的她，外形較男性化，有指生日會由她做搞手，落手落腳布置房間，牆上還貼有三張壽星女充滿意境的靚相，而糖妹亦有將當晚慶生照片放上社交網跟粉絲開心Share，但偏偏未有公開這張「密照」，相中的DanDan肉緊地攬住糖妹，兩人頭貼頭狀甚甜蜜，相反拍拖到場的曾國祥跟女友王敏奕卻分開坐。
糖妹於2013年狠撇何浩文後，單身至今。
最近忙於灌錄新歌的糖妹，昨日在社交網上載一張自拍照，眼仔睩睩笑意盎然，她留言：「有生活才會創作，有閱讀才能擺脫無知，最重要的是……有想念的人，便去見他／她。」
最後兩句留言，難道有所暗示？日前她又到山頂工作，結束後在助手陪同下，乘的士到金鐘醫肚，一向慳家的她食飽飽後，獨個兒搭港鐵回家。
(綜合報道 / on.cc)
