天后王菲三母女將會首度同時亮相《幻樂之城》，節目總導演安德勝尋日接受大陸媒體訪問：「竇靖童作為唱演人的那期節目，很快就要和大家見面，屆時觀眾將會看到一個前所未有的王菲，而李嫣也將以觀影人的身分作客《幻樂之城》。」
《幻樂之城》官方微博亦啱啱發布咗下星期五、即下月10日嘅預告，片中見到王菲與竇靖童、李嫣三母女喺台上擁抱！童童被主持人問到點解會上節目，童童就答：「我媽叫我來的」，王菲聽到即刻笑到成個少女咁！
後來佢又被問到覺得阿媽係咪一個好嘅幻樂體驗官嗎，未知道童童點樣答，但王菲就表現得好大反應回咗一句：「胡說」，唔知童童係咪爆咗啲唔爆得嘅嘢。
另外，內地一向對有紋身藝人有出鏡限制，而預告片中未見竇靖童臉上嘅紋身，未知係用化妝遮蓋定係靠電腦執走。
(on.cc東網)
楊思琦在商場舉行活動，預祝其8月7號的40歲生日，6歲囡囡楊卓穎及楊媽媽也有現身，卓穎送上她繪畫的巨型生日卡，更帶領全場唱生日歌。
生日卡上的楊思琦與家人齊齊變成肥豬，楊思琦解釋︰「女兒為我改了個花名，叫我『豬媽媽』﹗」
楊思琦透露寫真集推出後，獲得不少廣告商和劇組的邀約。她表示其生日願望是身體健康、活在當下、青春常駐，愛情就隨緣。推出寫真集後，身邊可多了追求者？楊思琦︰「我收到很多朋友的鼓勵和問候，我認為是時候多社交，認識新事物。」
今屆港姐只到西貢拍外景，她說︰「香港也幾好﹗我當年在日本、韓國拍攝，凍到我流鼻水。佳麗易適應香港的天氣，表現會更加好。」
(明報)
國際影星成龍正身處內地寧夏拍攝電影，但尋日就發生驚險事，原來拍外景時突然遇上山洪暴發，佢喺微博上載幾張照片，從中可見有幾架貨車都陷入洪水中，其中一架車頭更已經嚴重損毀，另外仲有幾個工作人員被困車上，非常危險。劇組幾個工作棚下部分及設備亦已經被淹沒。不過有驚無險，劇組人員沒有傷亡。
成龍留言：「今天在外景地拍攝，遇到突發山洪，劇組的車輛全都陷進泥石流中，現場很多工作人員都受到了驚嚇，幸運的是，虎克車隊聞訊第一時間趕來現場，幫助我們往外拖車，最終化險為夷。在此想跟所有來支援我們的人說聲感謝，謝謝你們的慷慨幫忙！也跟所有受驚的同仁們說聲抱歉，劇組將會以此為鑑，加強各項安全防範措施，保護大家的工作環境安全。大家都辛苦了！」
(on.cc東網)
楊丞琳昨日在IG貼文說：「腫瘤化驗出來是惡性的並擴散，手術無法切除乾淨。我的世界崩塌了。」但之後佢要飛去成都做嘢，此刻心情，可以想像。楊丞琳說：「我一刻都不想離開他。」
養寵物係一時嘅決定，之後就係一生嘅承諾，同生命入面多咗隻寵物陪住自己，就好似多咗個親人咁，所以佢哋出事嘅時候，傷心都係一定。楊丞琳喺2005年養咗狗狗Yumi，今年13歲，當係自己個女咁，但日前，Yumi被診斷出罹患肥大細胞瘤。
楊丞琳昨日在IG貼文說：「Yumi的腫瘤化驗出來是惡性的並擴散，手術無法切除乾淨。我的世界崩塌了。」但之後佢要飛去成都做嘢，不能照顧Yumi，此刻心情，可以想像。楊丞琳說：「我一刻都不想離開他。」楊丞琳嘅fans都好關心佢，就連飛去成都嘅時候，仲有地勤人員送咗張卡畀佢，為楊丞琳同Yumi打打氣。
今日楊丞琳再喺IG出po，分享Yumi嘅近況：「其實Yumi本身非常地正常，吃好睡好，傷口也恢復得不錯，依然跳上跳下的，精神活力都100分。只是她手術後的報告很不好，而且癌細胞沒有清除乾淨，因此還得去多了解該怎麼為她著想，選擇最好的治療方式。謝謝每個看到限時動態後替她打氣的人，大家都給了好多建議，我都看到了！真的很感謝你們！」
「Yumi目前一切ok，她也13歲，不是小狗了，所以我會努力使她的傷害降到最低，讓她開心地過每一天，在這也代替Yumi跟大家說聲謝謝！我們母女和家人都感激不盡。」
肥大細胞瘤是在狗隻中最常見的惡性皮膚腫瘤，可通過手術切除進行治療。肥大細胞瘤分為三個等級，嚴重者比較難徹底清除，或有機會經由淋巴系統轉移到其他器官，故手術後可能仍需使用化療藥或放射治療醫治。肥大細胞瘤症狀包括：在皮膚或是皮下腫瘤、本來變化不大的腫塊突然快速增長、皮膚或是皮下腫瘤突然變紅，或有明顯液體的蓄積、在身體各部位都有腫瘤同時發生等等，一定要注意，馬上帶狗狗求診。
(蘋果日報)
一手攬實佢條纖腰，而佢就好似小鳥依人咁挨實男友個心口，兩個人都笑得勁甜蜜，加上太陽喺厚厚嘅雲層中滲出少少光，成張相嘅構圖充滿愛亦好有意境！
現年30歲嘅前港姐冠軍陳庭欣（Toby）早前被爆出撻着擁逾億身家老闆級的楊振源（Benny），消息一出卻被指踢走正印硬撬牆腳，更遭批評是拜金女，當時佢話冇辦法阻止人哋點講，既唔反擊亦冇晒恩愛證地位，繼續低調拍拖！
估唔到凌晨時段，Toby突然一反常態，喺社交網晒出拍拖相，睇個環境佢哋係齊齊做運動去咗行山，Benny一手攬實佢條纖腰，而佢就好似小鳥依人咁挨實男友個心口，兩個人都笑得勁甜蜜，加上太陽喺厚厚嘅雲層中滲出少少光，成張相嘅構圖充滿愛亦好有意境！
而喺Toby嘅hashtag都話係人生中第一次放閃，終於明白有咩感覺。唔少網民都留言話開心見到佢拍拖，仲祝福佢要幸福！另外佢就話多謝尋晚所有關心佢同問候過佢嘅朋友，唔通係遇到啲唔開心嘅事，所以受到刺激一反常態喺社交網發相晒恩愛？定係佢哋已經認定對方好事近所以唔介意公開呢？
(on.cc東網)
對於有指他氹得定欣開心非常，振朗聞言即耳仔紅晒謂：「怕醜囉！」
藝人張振朗現身無綫節目《美女廚房》錄影，對於被指「收復」緋聞女友胡定欣，他否認二人戀情，更謂：「其實由《愛．回家》開始到依家，每一套劇都有一個緋聞出現，所以平常心，笑吓囉！（話謝東閔係中間人喎！）啲知情人都唔知情嘅，當日我係同東閔睇單立文個騷。」
對於有指他經常於劇組玩小玩意，氹得定欣開心非常，振朗聞言即耳仔紅晒謂：「怕醜囉！我冇特登氹開心，真係搞笑，咁我、定欣、姚子羚、東閔好似兄弟姊妹咁！（緋聞有冇影響你同定欣關係？）不嬲唔會特別去搵，係正常朋友。（影響你溝女？）不嬲冇女溝，我事業為重，冇時間諗其他嘢！」
(on.cc東網)
早前就話王菲以3億人仔接咗大陸湖南衛視嘅音樂節目《幻樂之城》，第一集王菲已經好落力演出，又唱又跳又流淚，今日大陸傳媒就報道話，王菲將會同兩個女竇靖童同李嫣一齊亮相。
早前有網民已經踢爆王菲三母女將會首度同時亮相《幻樂之城》，話童童會演繹作品《幻月》，當童童演唱後，李嫣就會亮相，到時佢哋三母女就會一齊喺台上相擁，《幻樂之城》節目總導演安德勝噚日接受大陸媒體訪問時，對於呢啲傳聞完全冇否認，佢仲劇透話：「竇靖童作為唱演人的那期節目，很快就要和大家見面，屆時觀眾將會看到一個前所未有的王菲，而李嫣也將以觀影人的身份做客《幻樂之城》。」
(蘋果日報)
一位日本媽媽平日愛把自己女兒的醜相放到instagram上，兩位小女孩卻憑著有趣搞怪的模樣深得網民歡心，現時Instagram的追蹤人數已經超過1.6萬！
▲ 兩姊妹憑著搞怪的模樣深得網民歡心。
這位日本媽媽叫Kana，她有兩名女兒，分別是6歲的Himari和4歲的Tsumugi。她們兩個都有著冬菇頭，而且表情十分生動搞怪。
▲ 兩姊妹有著十分相似的外貌，她們經常擺出相似的表情，十分搞怪。
Kana在instagram上的相片都以日常生活照為主，都是兩姊妹的一些生活片段，包括她們吃飯、一起玩水、到公園玩耍，當然還有過節時穿著和服拍的照片。有別於其他網紅，大部分的相片中，兩位小孩都擺出展示搞笑的姿勢和表情，展露出小孩平日最真實可愛的一面。
▲
除此之外，Kana也不時分享自己為女兒準備的便當，當中有不少卡通人物模樣的飯團，例如《冰雪奇緣》的雪寶、麵包超人，還有各種動物，賣相十分吸引。
（Topick）
藝人陳國邦與羅敏莊的女兒陳禛，與名模周汶錡的兒子Jacques，獲護膚品牌垂青拍攝宣傳短片。拍攝當日陳國邦、羅敏莊及周汶錡亦有現身打氣。兩位小朋友一手拿着零食、一邊聽從導演及父母的指示，很快便投入拍攝。
拍攝途中，5歲大的陳禛更以「大師姐」的身份幫忙指導剛滿3歲的Jacques交戲，場面愉快溫馨。
但拍攝期間發生了小插曲，在讀對白時Jacques不斷打斷陳禛的說話，氣得她面紅耳赤更聲淚俱下。
嚇得得羅敏莊及周汶錡立即上前安撫陳禛情緒。最後兩位小朋友和好如初，繼續拍攝。
(on.cc東網)
鄧麗欣(Stephy)上月中公開認戀台灣偶像組合Lollipop成員、29歲嘅邱勝翊（王子）譜出姊弟戀，王子更秘密來港陪女友，認真sweet爆！
Stephy雖然口中就話想低調咁保護呢段戀情，但係佢都不時會喺社交網度放閃，同王子隔空調情，Stephy更試過貼出紐約街道建築物靚相，但亮點就係路牌上寫住「Prince St」，咪即係王子囉！
愛得甜蜜嘅Stephy，最近佢喺ig進行大清洗行動時，就將自己先前follow開嘅人全部刪掉，留下嘅只係三個戶口，咁呢三位幸運兒係邊個呢！
登登登櫈…佢啲好姊妹Kary(吳雨霏)、Miki(楊愛瑾)、Angela(區文詩)全部都一筆勾銷，冇得留低，留低嘅只有男友王子、慈善機構點滴是生命同佢嘅歌迷會，Stephy真係好專一。
反觀王子就對女友冇特別嘅優惠喇，佢ig就follow咗405人。
(蘋果日報)
