前港姐季軍何艷娟今年7月被爆與澳博營運總裁吳志誠入紙登記註冊結婚，日前以貴氣look行名店時，自爆兩人已簽字正式成為夫妻。吳志誠家底豐厚，手上有好幾個豪宅單位，而且收藏唔少古董，12年更豪擲七千幾萬在法國買酒莊，現時身家保守估計超過30億港元。
「升呢」做吳太的何艷娟周身名牌不在話下，仲成日周圍玩。之前和吳志誠拍拖時，已經開始享受闊太生活，身邊的朋友也是「重量級」，她曾在社交網上載與鋼琴家李雲迪的合照，二人位處高級餐廳，手持紅酒，原來一行人在外國的酒莊品酒，同行還有賭王何鴻燊四太梁安琪，何艷娟似乎已完全融入上流社會生活。
(蘋果日報)
葉翠翠誕下細仔小小王子後今日首次復工，現身灣仔會展BB展，雖然未完全修身，不過精神好飽滿。
翠翠透露未有節食減肥：「生完一定唔可以減肥，所以我冇節食。原本呢條裙都拉唔到拉鏈，諗過唔嚟，直到上星期著到條裙，我都係靠按摩同食補充品。」
記者提議佢再生就唔使減肥，翠翠笑謂：「我依家都無左半條人命，再生連嗰半條都無埋。」另外，提到早前於網上投訴工人搣大仔嘅鼻哥引發網民對罵，佢話：「工人都有道歉，佢有繼續做，其實好少事啫。唔緊要，大家諗嘢唔一樣，有人認同，亦總有唔同人嘅意見。」
(蘋果日報)
身為準媽媽的她似乎正執「走佬袋」，等待BB出世。照片中佢正在收拾東西，肚子恰好被遮住，有網民猜測，從相片中的BB物件看來，今胎可能是生。。。
內地女星張嘉倪於社交網上載相片，現時腹大便便的她，更留言：「Hi，你準備好了嗎？我已經在準備了！」身為準媽媽的她似乎正執「走佬袋」，等待BB出世。
照片中，張嘉倪正在收拾東西，肚子恰好被遮住。有網民猜測，從相片中的BB物件看來，今胎可能是生女，之前已育有一子的她，正好湊夠「好」字。而張嘉倪於現時熱爆的劇集《延禧攻略》中，飾演順嬪一角。
(on.cc東網)
問到楊卓娜會否教對方生仔心得，已有一女的她笑言：「我識生女，唔識生仔喎！」見楊怡面部長滿暗粒，她解釋是皮膚敏感：「已經好番好多，之前敏感到成面紅晒，唔可以周圍去，去探（老公）班都唔得，皮膚敏感好長手尾。」
藝人楊怡與胞姐楊卓娜以姊妹檔上陣出席奶粉活動，問到楊怡是否有好消息要宣布？她笑言希望很快會有，但老公羅仲謙忙於工作，沒有時間造人：「佢之前唔喺香港，去咗拍電影三個月，啱啱先至返嚟。休息一陣，佢又要離港開工，我都有嘢做，大家時間未必夾到，不過呢啲冇得催，冇得急。（係咪已經ready做媽咪？）心理上係，但順其自然。（大家夾時間休息？）希望嚟緊有時間，我哋要夾吓時間表。」
楊卓娜想拍古裝《BB》
另外，談到楊卓娜有份演出的劇集《BB來了》今晚大結局，她表示：「希望收視過30點，已經好開心，35點就更加好。如果過50點就全香港巿民一齊食飯，大家自己畀錢食飯，哈哈！（劇集係happy ending？）唔知呀！（你喺劇中最後會同徐榮一齊？）冇必然。」
至於問到會否想開拍續集？她坦言想原班底拍攝另一個題材，並提議可能是古裝版《BB來了》。問到屆時她要由陪月變奶媽？她笑謂：「做奶媽囉，可以整大個胸（去演），或者做『媽姐』。」
(on.cc東網)
台灣藝人徐熙媛（大S）與丈夫汪小菲最近參演內地真人騷《幸福三重奏》，兩人喺鏡頭前恩愛又搞笑，簡直羨煞旁人！其實汪小菲不但係一個好老公，而且仲係一個勁錫仔女嘅老竇。一向相當保護仔女嘅佢，呢日喺微博罕有晒出4歲大女「小玥兒」嘅正面相，仲留言：「玥兒的小夥伴叫小米，玥兒長大了，她們還是好朋友。」
汪小菲一次過上載咗兩張相，但就冇明示邊位相中人先至係女兒，搞到唔少網友紛紛喺度競猜，有人將第一張細路女相同當年大S演出「杉菜」嘅相作出對比，結果發現兩人五官相似，簡直係複製人一樣，網友仲留言：「mini版杉菜」。
不過亦有人估第二張細路女相其實都係小玥兒，留言指：「我看第二張覺得好像爸爸啊」。
另外，有網友就突破盲點，指小玥兒個同伴其實係佢身邊隻銅像松鼠，並指出兩張相嘅細路女都係小玥兒，只係唔同成長階段嘅佢！
(on.cc東網)
狄波拉同老公鬍鬚Kong、陳淑芬等，噚晚出席圓方出席一間泰國餐廳嘅開幕禮。狄波拉話十多年前霆鋒帶佢去到泰國幫襯呢間餐館，拉姑話：「霆鋒話我係泰國人，有冇嚟過呢間餐廳食嘢，令我好難忘。」拉姑今次就推薦朋友將餐廳引入香港。
拉姑話霆鋒o依家成日整嘢食，未正式做《鋒味》之前，經常到拉姑朋友嘅餐廳廚房玩烹飪，拉姑話：「霆鋒一有時間就整嘢俾我哋食，佢整俾我哋食嘅嘢，我都唔識煮，所以冇得唔滿意。」
大孫仔謝振軒(Lucas)噚日11歲生日，問到拉姑有冇同孫仔一齊慶祝，拉姑話：「有見到，會同爸爸慶祝，送乜唔使講，見到佢哋快高長大就開心，佢哋好有禮貌，好有規矩 ，教得好好，凡事講唔該，我同霆鋒都覺得媽咪(栢芝)教得好好，好有禮貌，好有家教。」
陳淑芬表示隨後會忙於籌備音樂劇，之前做《風雲》音樂劇亦會考慮做國語版，對於鄭嘉穎忙結婚，問有冇時間演出？陳淑芬話：「未知，如果真係(結婚)叫佢請我。」
(蘋果日報)
噚日驚爆佢哋發展姊弟戀，不過當時兩人否認戀情。事隔一日，突然轉口風認戀情，當中並直認已拍拖兩年，表示：「想對一直支持我哋嘅粉絲坦白，以後亦能夠堂堂正正。」
韓國26歲「馬舞女」泫雅去年孖同門師弟團PENTAGON嘅Hui及E’Dawn組成「Triple H」，「Triple H」早前攜新碟回歸，泫雅孖師弟團頻頻上節目宣傳。
噚日韓媒驚爆泫雅同24歲嘅E’Dawn發展姊弟戀，不過當時兩人所屬嘅事務所就否認戀情。事隔一日，泫雅同E’Dawn所屬事務所就轉口風認戀情，當中並直認已拍拖兩年，表示：「想對一直支持我哋嘅粉絲坦白，以後喺舞台上亦能夠堂堂正正。」
泫雅方面指同E’Dawn係練習生時已認識，之後一齊進行活動而成為朋友，並於前年5月開始拍拖，雙方見面時亦非常小心，又指男友喺音樂上給予好多幫助。泫雅亦有喺Instagram親自同粉絲宣佈拍拖嘅消息，同時佢又指公開戀情係想誠實對粉絲。至於E’Dawn就表示：「我覺得我們會幸福的，因為怕對團隊有影響，所以之前已向隊友交代了，對粉絲真係好抱歉。」
(蘋果日報)
62歲金牌綠葉陳榮峻同58歲吳香倫(Helen)拍拖三年，二人上月10號步入教堂完婚，譜出感人嘅黃昏戀。之後，一對新人之後就出發坐郵輪去歐洲度蜜月，去了法國、西班牙同意大利等幾國，認真識歎兼浪漫。
陳榮峻同Helen就剛度完蜜月返香港，新婚燕爾現身大台嘅《八月星辰》活動，原來兩公婆都係8月生日，即係婚後第一個生日。22號就63歲生日嘅陳榮峻，話自己係潮州人，所以唔會慶祝生日，就算佢高齡媽媽都就快94歲都唔會慶祝，都係簡單食飯。陳榮峻更笑言，Helen嫁咗畀潮州家庭，佢話都唔會特別慶祝，只會同家人食餐飯。
提到去了兩個幾禮拜歐洲蜜月之旅，陳榮峻就話要努力搵錢，更提到此行最難忘就是去了南意嘅龐貝古城。另外，11號生日嘅李璧琦就表示正日會出新歌作為慶祝，更講到冇諗過男友會製造驚嚇，如果冇工作就會約埋一班朋友慶祝，此外，佢就提到拍緊劇集，當中有要着皮褸下水嘅動作戲份。
(蘋果日報)
事後被控3項欺詐罪，案件今日（3日）裁決，被告在區域法院被裁定所有控罪罪成。。。
藝人張智霖由女經理人接洽3個共值逾700萬港元的廣告合約時，女經理人疑向公司少報張的廣告合約酬勞，涉嫌從中私吞100萬，她事後向張智霖及張所屬娛樂公司的老闆蕭定一道歉，並歸還其中92萬港元，公司最終報警處理。女經理人事後被控3項欺詐罪，案件今日（3日）裁決，被告梁雅詩在區域法院被裁定所有控罪罪成。
現年43歲的被告梁雅詩被控3項欺詐罪，指她於2014年間，向由蕭定一任董事的永霸投資有限公司訛稱並少報3份代言人合約的金額。
(on.cc東網)
歌手何韻詩最近推出新歌《極夜後》，對於相隔年半再出新歌，她表示這幾年經常進入創作失衡的情況：「好似未搵得番純粹為創作而創作而狀態，之前可能有各種壓力，成個環境發生好多事，但直至今年年頭有個感覺，好似應該要返嚟創作人同歌手身份，呢幾年自己成個生活、工作甚至個人狀態都有好多變化，希望音樂可以追得上我嘅個人變化。」她表示新歌靈感是來自北極圈地方的故事：「佢哋會經歷24小時黑夜同日光，即係極夜同極晝，兩個自然現象中間嘅過渡就係嗰年嘅第一個日出，挪威年輕人有個習俗係每年都會行上山等第一個日出，首歌就係講極夜極晝嘅嗰種循環，生命好多好與壞嘅循環。」
工作方面，阿詩預告今年會出碟，年尾亦應該會舉行大型演出，其中她表示新碟會是全自己創作，會反映這幾年的個人狀態，問到可會寫歌描述自己的感情生活？她即笑言：「啊，一定要兜個彎㗎喎，唔知喎，總會嘅，如果要講我個人嘅話，乜都有機會涉及嘅，但話題止於這，完！」
講到她現時的感情世界，她繼續落閘笑言：「冇呀，唔講啦，冇人想知。」但講到有指她感情世界都出現變化，有傳她與助手方迦南已經分手，她避談笑言：「唔答啦唔答啦，唔畀反應啦，完！」
雖然感情方面阿詩不願回答，但其他方面她就大方作答，講到她之前到了台灣、加拿大等地開騷，其中特地返回小時候在加拿大的寓所，更巧遇當年的鄰居，她坦言十分感動：「我哋喺88年移民過去直至我離開都係住嗰度，嗰個鄰居係我哋去到第一個識，當時佢見到我哋乜都唔識就伸出援手。」
她坦言每次返去都勾起很多回憶，加拿大亦對她影響深遠：「我所有反叛、唔跟規矩做嘢嘅個性都係嗰邊畀我，因為嗰邊係好自由、開放嘅社會，我喺嗰邊成長令我知道係要發掘自己獨特嘅地方。」問她可有想過不再做歌手後會返回加拿大定居？她坦言：「真係未知，始終香港係我嘅家，直到呢個地方冇我嘅用處同價值時，就可能有機會去……但真係唔知呀，好難依家去講。」
(on.cc東網)
