【山頂影婚照】宣布18號正式拉埋天窗！

2018-11-03

決定咗喺本月18號正式拉埋天窗！恭喜恭喜～日前兩公婆就去到山頂影婚紗相，短短兩個鐘就完成，認真犀利！

中、德混血名模貝安琪（Ankie）即將喺本月18號同加拿大籍男友Simon van Damme拉埋天窗，喺香港舉行婚禮兼註冊，日前兩公婆就去到山頂影婚紗相，Ankie點名由攝影師Ali Ghorbani操刀拍攝，用咗短短兩個鐘就完成，捕捉日落前嘅magic hour，拍攝出自然唯美一面。

早前透露會在香港影婚紗相的她表示要保密，其唯美婚紗造型終於曝光，上身以碎花加喱士為主呈現裸背效果，端莊亦不失性感，與筆挺西裝的未婚夫鼻貼鼻流露一臉幸福。婚照中即將兩歲的兒子亦有現身，見他在草地上踢足球，Ankie與未婚夫望着兒子，一家三口滿載溫馨。

Ankie去年2月誕下囝囝Sebastian（小龍），婚紗相除咗兩公婆，緊係唔少得小龍一份，喺車度瞓晏覺叉足電後，小龍出現嘞！但係近排特別黐身嘅佢唔係搵爸爸就係要搵媽媽，搞到大家喊笑不得，不過熱愛足球嘅小龍一見到足球心情好快就平靜落嚟，仲同父母玩到癲晒，乖乖完成一家三口合照。Ankie話：「加埋小龍，特別有意思，3個一齊特別開心，小朋友係好活潑。」

仲有兩星期就真正成為人妻，Ankie話：「好開心，就嚟到、就嚟完成，其實一路籌備都唔太辛苦，但最後係因為家人同朋友嘅意見就辛苦少少，不過我依家都唔係好理，我哋兩個先最重要，媽咪話我係太西方嘅諗法，我始終喺德國長大，但都好尊重中國傳統文化，一定會擺酒嘅，18號會係好細嘅party，先註冊，我哋決定明年再搞一次中式同一次自己嘅婚宴，中式嘅媽咪全權搞晒，咁樣個個都開心。」

(Apple daily/on.cc)

【14歲女孩被迫接客198次】梁靖琪心痛到喊

2018-11-03

藝人梁靖琪（Toby）出席醫學美容活動，剛與男友Jon從柬埔寨探訪返港的她一臉倦容，透露於當地逗留一星期，除了為居民油漆，還與小朋友互動。

面對一名僅小女孩被迫「賣初夜」，令她大感難受，她謂：「啲媽咪見係女仔出世就會好開心，因為可以賣出去，其中一個14歲女仔畀媽咪賣畀人，佢喺酒店陪同一個客人3日，出嚟之後因為已經冇價值，結果賣畀妓寨之前，個女仔向慈善機構求助，但等待嗰22日，一共被迫接客198次，即係每日畀9個唔同嘅人強姦，真係聽到我毛管戙。」說罷Toby更心痛得眼紅紅。

Toby坦言看見一眾女孩受如此遭遇，即致電母親及家姐，建議稍後帶同姨甥女一起到當地體驗，問到會否再去？她謂：「會，都想一年去一次。」

(on.cc)

【似足媽媽咁靚女】眼仔睩睩超可愛！

2018-11-03

初時被爆拍拖戀情不被看好，但最後佢哋仍然堅守呢段感情，2015年排除萬難拉埋天窗！婚後兩年更成功造人，去年誕下囡囡升呢做爸爸媽媽！

雖然幾經波折，但最後都修成正果。

之後佢哋喺囡囡半歲時公開「小飯兜」正面，唔少網民大讚B囡似足媽咪咁靚女！

真係超可愛～

依家「小飯兜」就嚟一歲啦，身為媽咪嘅賈曉晨（JJ）自然既興奮又激動，佢喺微博PO咗兩張囡囡嘅近照，綁上頭巾嘅「小飯兜」眼仔睩睩超可愛！佢留言話：「寶貝小飯兜，你快一歲了，媽媽好激動」。

網民都留言大讚B囡係「小美人」、「基因太強大」，又話覺得個鼻似爸爸樊少皇，細細個就咁靚，大個仲得了？果然有其母必有其女呀！你哋又覺得小飯兜似媽媽定爸爸多啲？

(綜合報道/weibo)

【老公拖實恩愛現身】徐子淇三個仔女中哂招都堅持：唔覺得大問題

2018-11-03

徐子淇與李家誠於2006年拉埋天窗，二人婚後育有兩子兩女，有仔又有女，生活幸福美滿！

徐子淇噚晚喺尖沙嘴以智行基金會親善大使身份出席慈善籌款晚會，老公李家誠亦有到場支持，同場仲有鄺文珣、汪詩詩、汪圓圓。

活動中，徐子淇代表智行基金會接受一張88萬元嘅支票。

李家誠拖實太太徐子淇恩愛現身

一直對慈善工作不遺餘力嘅徐子淇，憶述10年前到安徽探訪一個家庭：「好貧窮，耕田都唔可以養活一家人，於是爸爸去賣血，但因為咁而感染愛滋病，成條村都怕咗佢，爸爸受唔住就自殺，留低嘅媽媽又有重病，兩姊弟當年只有10、11歲，今日見番佢哋，我好開心，細佬讀書成績幾好，就嚟考大學，佢希望讀法律，姐姐有咗自己家庭，佢3歲嘅囡囡又係叫子琪，同我好有緣。」徐子淇希望外界唔好對愛滋病有誤解：「有次帶小朋友去參觀一間大學，諗住去canteen食午飯，當時有學生知道佢哋係受愛滋病影響嘅小朋友，跟住就趕佢哋走，但係校長就話唔好趕佢哋走，不過就轉咗用即棄餐具，呢啲都係有少少誤解，其實正常生活係唔會受感染。」徐子淇指屋企有4個小朋友，自己就好似大秘書，安頓好子女同家庭，就會盡量抽時間做慈善工作。

對於早前帶埋3個子女去柬埔寨探訪，由於當地衛生環境欠佳，佢哋返香港之後，都分別感染沙門氏菌及手足口病，徐子淇話：「係呀，當地係比較污糟，因為佢哋排泄，所有嘢都喺同一條河，佢哋又住喺嗰條河，所以係有好多細菌，但係去呢啲地方又唔想呢樣唔掂嗰樣唔掂，你咁樣唔係真係體驗到佢哋嘅生活，所以我又唔覺得大問題，小朋友病吓，返到嚟休息吓，食吓藥都ok，呢個經驗好寶貴，世界上好多嘢，佢哋都未見過，我希望佢哋能夠曠闊視野，其實今晚佢哋都嚟咗幫手做義賣，最細嗰個都有嚟，希望佢唔好搗亂，我叫姐姐拖實佢，希望佢哋由細開始做起，為慈善出分力。」

(apple daily)

【藍潔瑛逝世】曾國祥點讚引網民瘋狂討論

2018-11-03

藍潔瑛今晨被發現倒斃寓所，網民卻發現曾志偉兒子曾國祥按讚相關新聞，雖然曾國祥事後已取消點讚，但引來網民瘋狂討論事件。

有網民說曾國祥可能是錯手點讚，亦有網友說：「難道在你們心中，點讚就是落井下石的意思？」、「給別人去世的微博點讚，不管是誰，說起來都不好聽」、「網友的惡意滿滿啊，又有多少人是真的悼念而不是發洩呢」、「人家兒子點讚可能是悼念可能手滑，但關注這件事情是真的」。

而曾國祥點讚藍潔瑛死訊，一度秒登上微博熱搜第一名，藍潔瑛第二名。

2013年，曾流出一段影片，藍潔瑛親述自己早年曾遭兩位「影壇大哥」強姦，其中一位是在新加坡拍戲時被對方偷闖入房強暴，但當中提及名字卻被消音。今年一月，有大陸傳媒人卓偉突然公開一段聲稱是當年未經剪接的影片，「消失的名字」重現。之後大陸「模特兒教母」韓穎華公開點名，事件涉及曾志偉，在兩岸掀起輿論譁然。

曾志偉覺有損名聲，即發聲明否認與事件有涉，並開記者招待會，親自交代：「針對網絡流傳『曾志偉性侵藍潔瑛』呢個報道，我可以同大家講，係完全捏造。尊重女性係我堅持原則，我願意配合任何形式嘅調查，亦都堅決用法律手段維護自己聲譽。對於個位韓（穎華）女士喺新浪微博不實嘅指控，已經採取法律行動起訴佢。」

當時兒子曾國祥都在場。

曾志偉表示，就網上針對他的不實報道，指控嚴重，影響其個人聲譽，且影響他身邊朋友、摯愛家人及子女，以及明星足球隊。為免他們受不必要的傷害，故他覺得必須回應，並遁法律追究責任，隨後更入稟控告韓穎華誹謗。

另曾志偉好友譚詠麟當時亦有受訪，稱：「睇咗報道，我有打畀佢，佢係咁喺度笑，『點會係真？』我見佢咁開心都唔使擔心。佢哋好friend。」問到係咪指藍潔瑛同志偉好朋友？校長話：「係呀，點會發生咁嘅事！其實久不久呢，我嗰陣時仲喺演藝人協會嗰時，我有時都會聽到有啲委員，甚至係志偉，提出話：『好似話佢（指藍潔瑛）有事喎，我哋關心下佢吖！』都會咁。大家係好朋友。即係咁，呢啲事，事有蹊蹺！」

【講到囡囡⋯】郭羨妮：好大壓力

2018-11-03

前港姐郭羨妮（Sonija）與中國大陸動作導演朱少傑於2011年低調結婚，婚後育有一女Kylie。

結婚咁多年一直都咁恩愛！之前Sonija話過想再追多個B，不過因為老公工作好忙，搞到冇時間造人。

郭羨妮呢日為慈善跑主持起步禮，她透露該活動是受加拿大人Terry Fox的啟發而創立的籌款活動，她說：「原來Terry Fox都係同我讀同一間大學，算係我師兄。」

Sonija指以前有跑步，但自從生完囡囡就未有再跑：「膝頭好易受傷，唔知係咪因為鈣質流失。我有做瑜伽，囡囡都有同我一齊做。囡囡有學Jazz同體操，佢好有跳舞細胞、跳得好犀利，我只係做觀眾，有時佢會迫我哋跳，但我哋個個好老態咁坐喺度。佢以前會掛住跳舞，唔願做功課，依家升上小一就好啲，不過我每日都會幫佢睇功課，睇吓有乜甩漏，好大壓力、好似我讀番小一咁。（安排囡囡好似你咁去加拿大讀書？）有咁嘅計劃，但等大學先。（再去參加選美？）又唔一定要。」

考慮再拍劇

Sonija稱除湊女外亦不時出席活動，問到會否再拍劇？她坦言有戲癮，但要待女兒可以自己處理功課才考慮：「佢剛剛小一，等多幾年，等佢可以自己做功課先。都有人搵過我拍劇，但我推咗，有啲角色都幾好，可惜時間太長。」

對藍潔瑛逝世感到愕然

對於藍潔瑛逝世，Sonija稱未有合作過，亦不認識對方：「我以前都有睇佢拍嘅劇，覺得佢古裝造型好靚，我一直好希望佢出番嚟工作。（覺得可惜？）好愕然，所以身體健康好重要。」

(on.cc)

【藍潔瑛逝世】吳啟華：佢後生時性格比較執着偏激

2018-11-03

藝人藍潔瑛今晨倒斃猝死，與她同是第12期藝員訓練班出身的吳啟華得知藍潔瑛的死訊後大感可惜，並透露二人已多年沒見：「好多年前，當時聽講佢精神有啲問題，去佢屋企探過佢、同佢傾吓偈，當時佢幾令我擔心，佢話見到污糟邋遢嘢，仲話當時喺我後面都有一個喺度，我都畀佢嚇到有啲驚，佢精神真係有問題。」

吳啟華憶述當年訓練班的情況，表示大家經常圍埋一齊，感情深厚：「有段時間走得幾埋，成日一齊玩、一齊拍戲，最多戲係賀歲劇《愛情全盒》。（藍潔瑛個性格係點？）佢喺訓練班、後生時喺班度性格比較執着、偏激，係麻煩啲嘅人，相處耐咗唔係咁舒服，因為佢乜嘢都要彈，所以慢慢少朋友！依家人都走咗，只能夠祝佢一路走好！可能去第二個世界更加適合多啲！」

【一生情路坎坷】藍潔瑛曾爆遭影壇大哥性侵

2018-11-03

藝人藍潔瑛倒斃赤柱馬坑邨良馬樓寓所(相關新聞：https://goo.gl/MXuj6c)，曾與藍潔瑛為藝訓班同期同學的劉嘉玲難掩傷心：「難過…！畢竟她太年輕了，最近接二連三收到自己認識的朋友離開，心情唔多唔少會受到影響，希望佢去另一個地方會生活得開心、自在。」當年劉嘉玲、曾華倩、藍潔瑛關係友好，更被黃霑封為「九龍女」，如今聞得好友香消玉殞，嘉玲亦不禁搖頭嘆息。

藍潔瑛因精神狀態等種種問題，已經絕迹娛樂圈一段長時間，直至2013年她在一段短片中自爆曾先後畀兩位影壇大哥強姦，成為佢一生嘅遺憾，事件隨即引起哄動，紛紛揣測兩位影壇大哥是誰，由於當時短片沒有提及任何人名字，事件之後一度沉寂。

直至今年年初再傳出當時短片內有提及相關人士名字，令藍潔英的名字再次成為熱門搜尋，曝光片段中，她透露曾遭兩位娛樂圈大哥強暴，並透露兩位大哥有黑道撐腰，其中1位曾開設娛樂公司騙取新人賣身，並且性侵多名女星，甚至是工作時的化妝師也不放過，受害者因害怕不敢張揚，該大哥惡名傳遍演藝圈，不過究竟這個人是誰，至今仍沒有答案。

藍潔瑛透露自己被施暴的過程，坦承初夜就是被強暴。（圖／翻攝自《騰訊視頻》）

她表示其中一次在新加坡發生，當時她以旅遊心態到當地探班，晚上獨自在房中睡覺時，不知為何「大哥」會有鎖匙開她的房門，她形容該名大哥喝了很多酒，他是在精神狀況很不自主，很不正常的情況之下做出施暴行為。然而她激動表示：「喝多了酒，是個藉口，酒喝多了是不是會想去睡覺，怎會去找鎖匙去開人家房門做這種事！」

之後她的兩篇親筆手稿曝光，文中引用小時候常從父親那聽到的教悔，疑似在對遭性侵一事作回應。

紙的右下角皆有著她的英文簽名，其中一篇引用自己的座右銘，吐心聲表示：「好人有好報，惡人有惡報，若然未報，時辰未到。」這話同時也是她從小聽父親說的教誨。(相關新聞：https://goo.gl/X4JEjF)

另外一篇手稿，藍潔瑛寫道：「從事幕前的朋友，如被中傷得厲害而又苦無朋友為撐腰（因為請律師很貴），而且又不一定找到幫得上忙的，那只可忠告各同（仝）人，做一日關人隱士吧…」看得出來退隱多年的她，仍有在關心演藝圈的同行。

藍潔瑛一生情路坎坷，曾與11個男人傳出戀情，但最後都無疾而終。她愛得最轟烈的一段情，就是和富豪鄭裕彤二子鄭家成拍拖，當年兩人經常出雙入對去Disco玩，在男方熱烈追求下，兩人火速墮入愛河，藍潔瑛更不避嫌搬入鄭氏家族旗下的酒店物業居住，衣着行頭亦變得富貴逼人。藍潔瑛曾向友人透露，鄭家成是她心目中的理想男人，讚他細心、成熟、穩重。然而，這段情發展並非一帆風順，當年藍潔瑛被指是拆散鄭家成和鄺美雲之間的第三者，令她飽受外間不少壓力，極力否認自己是第三者：「我又唔係偷人老公，我接受鄭家成係喺鄺美雲同佢分手之後，我絕對無錯。」可惜這段情最後經不起考驗，終致分手收場。

公開承認外籍男友

藍潔瑛經歷兩段愛情重創後，往後數年曾先後與爾冬陞、富家子兼賽車手陸淦、劉少君等交往。及與周星馳合作《西遊記之月光寶盒》時，有指兩人經常撐枱腳而傳緋聞。而藍潔瑛最後公開承認的男友，就是一位金髮外籍男友，兩人雙雙出席梅艷芳生日會，但最後亦分手收場。

2004年時，藍潔瑛拍瘦身廣告期間，與年輕她十多年的廣告商高層鄧建明拍拖，可是男方卻否認；至2006年，精神失常兼宣布破產後的藍潔瑛，搭上年屆六十八歲的退休律師曾權威，幫她交租兼支付生活費，有傳曾權威曾向藍潔瑛求婚，但卻遭男方否認，而藍潔瑛亦不承認和他拍拖。終藍潔瑛一生，情字傷人，愛過痛過只餘下遺憾。