「退隱咪神」雷凱欣於社交網上載放一歲兒子於洗衣機入面的相片，指為了可以邊化妝邊睇實囝囝，對此，不少網民指她無腦及黐線！而一些圈中媽媽級被問及對事件看法時，都有不少回應及感受。
剛生了第二胎B仔的葉翠翠謂：「其實可以買一啲圍欄，之前未買之前，我都成日要追住個仔，再大肚之後真係頂唔順，買個圍欄擺啲玩具入去，都係一個唔錯嘅方法。（覺唔覺得佢好過分？）我諗佢都係影張相搞吓笑㗎啫！呢個世界唔會有人緊張個仔過佢自己。」
而現時懷中第二胎的張名雅指自己一定不會這樣做，她謂：「平時都有媽咪同傭人姐姐幫手湊B，不過試過有一次喺Cam見到阿仔自己一個人喺廳，傭人姐姐好似行咗去廚房但關埋門，我已經覺得好危險，因為阿仔可以一秒已經趴咗上椅子或沙發，好容易就會跌親，啲小朋友歲幾，未有危險意識，所以我會特別緊張。」
(on.cc東網)
Bob嫂喺Instagram上載五人大合照，留言：「服侍四位主子，係我畢生嘅任務！😂
（希望我老咗佢地（哋）都會照住下（吓）我」
「多女公」林盛斌（Bob）有三女一子，雖然好熱鬧，但照顧起上嚟真係一啲都唔容易！不過佢老婆Pearl就向極限挑戰，趁住小朋友放暑假，一拖四去旅行，去多倫多咁遠不特止，仲要去成個月，月尾先返港添！
Bob嫂喺Instagram上載五人大合照，留言：「服侍四位主子，係我畢生嘅任務！😂
（希望我老咗佢地（哋）都會照住下（吓）我」相中近1歲細仔同二女坐喺購物車上，相信係應該瘋狂Shopping緊，網民都留言讚佢哋好幸福，叫Bob嫂加油，「四位主子一定知恩圖報」！
除咗阿Bob，陳浩民老婆蔣麗莎（Lisa）早前又係一拖四去旅行，不過佢哋小朋友年紀較大，相對Bob嫂下可能比較輕鬆，不過其實帶小朋友出埠已經唔簡單，仲要帶四個，兩個都係超能媽媽呀！
(on.cc東網)
其實她一直恨做媽咪，她試過抱朋友的BB愛不惜手，自言好想有自己的孩子，希望30歲前可以做媽咪。今日下午更新Instagram社交網，公開與愛人大晒婚戒的照片，並感謝各界祝福。
現年27歲的日本女團AKB48前一姐前田敦子，昨日驚爆與拍拖不足半年的31歲男星勝地涼經已於本月30日註冊結婚！雖然有指敦子並非奉子成婚，但今日有報章爆料，懷疑敦子似有餡。
有日本從報章從電視台相關人士得悉，她原定演出即將開拍的新劇，但最近已辭演，好可能已懷有身孕。記者向她所屬的事務所求證，事務所回覆未有聽過此事。另有報章指敦子辭演新劇，是希望好好享受新婚生活。其實敦子一直恨做媽咪，她試過抱朋友的BB愛不惜手，自言好想有自己的孩子，希望30歲前可以做媽咪。而勝地涼今午更新Instagram，公開與敦子大晒婚戒的照片，並感謝各界祝福，但未有回應敦子的大肚疑雲。
AKB48前一姐前田敦子
至於婚訊公開後，敦子的前隊友元祖級「神7」成員大島優子、板野友美等紛紛向她祝賀，但惟獨欠小嶋陽菜。不過陽菜今早在NTV電視台的節目《PON！》解畫，稱昨日瞓到黃昏才起床，她那時才知道婚訊，所以遲了送上祝福。
她表示一個月前在AKB之父秋元康的60歲生日派對同敦子見過面，當時敦子容光煥發，就覺得對方離結婚日子不遠，而當時敦子亦漏口風話，想快點結婚，不過昨日她知道婚訊時仍然嚇了一跳。
另外，註冊前幾天，敦子帶勝地涼同秋元康吃飯，報告將結婚一事，秋元康更在結婚申請書上簽名做保證人。
而敦子與勝地涼再結片緣的新片《食女》將於9月21日在日本公映，並於本月30日舉行試映會，一對新人好大機會一齊亮相同粉絲見面。
前田敦子 （資料圖片）
(on.cc)
去年確診大腸癌的他最近透露完成抗癌療程，並宣布與女友於今年10月結婚，他表示已完成「過大禮」，並會與雙方家長決定。。。
現年38歲的韓國諧星劉相務前年捲入性侵案後成功洗脫嫌疑，去年確診大腸癌的他最近透露完成抗癌療程，並於早前宣布與作曲家女友金妍智於今年10月結婚，他表示已完成「過大禮」，並會與雙方家長決定舉行婚禮的日子及地點。
而消息人士今日透露劉相務與金妍智將於10月28日中午12點在首爾汝矣島Conrad Seoul酒店舉行婚禮，據指二人是特別選了近汝矣島KBS電視台本館的酒店行禮，因劉相務是於2004年以KBS 19期公開招募諧星身份出道，汝矣島對他來說另具意義。
(on.cc東網)
上月再榮升為母親誕下女兒的前港姐陳倩揚，今日在社交網上載多張一家五口的全家褔，雖然相中的她還未完全收身，但精神甚佳。
抱着女兒時盡顯其慈愛一面外，她留言時更大爆女兒「大食」：「大家好 我叫陳希桐 Aurella，每日我都飲好多，飲完有時會同兩個哥哥玩一陣，有時會瞓覺，醫生都話我同媽媽配合得好，我會錫住媽咪，夜晚畀佢瞓多啲覺，多謝大家嘅祝福，各位Auntie Uncle滿月飯見#轉眼妹妹快滿月#媽咪亦都就嚟可以出關啦！」
(on.cc東網)
日前在深水灣大宅設豪門夜宴款待貴婦們，令6,000呎豪宅曝光，原來呢間豪宅係佢送畀未來奶奶嘅禮物，認真識做。留言：「豪宅設宴，360度無敵維多利亞海灣夜景。」
38歲吳佩慈為百億男友紀曉波誕下1女2子，獲贈200億新台幣（51.3億港元）、半山區4億港元豪宅、12億新台幣（3.07億港元）股票做獎勵，令吳佩慈擠身富婆行列，未來奶奶紀母崔麗杰對佢都寵愛有加，去年送上10.4卡巨鑽畀吳佩慈做生日禮物。日前紀母在深水灣大宅設豪門夜宴款待貴婦們，令紀母嘅6,000呎豪宅曝光，原來呢間豪宅係吳佩慈送畀未來奶奶嘅禮物，認真識做。
紀母招呼貴婦們到天台欣賞夜景，有貴婦拍下良辰美景短片擺上微博，留言：「紀曉波媽媽豪宅設宴，360度無敵維多利亞海灣夜景。」從短片所見，天台除咗有無敵靚景，更坐擁私人泳池同花園，仲有紀母同美國前總統奧巴馬握手合照，有指豪宅係吳佩慈前年一炮過擲4億港幣買下，包括50樓及51樓兩戶，總面積約6,000呎。
當晚出席豪門夜宴嘅貴婦包括呂良偉老婆楊小娟，佢同紀家私交甚篤，今年5月楊小娟生日，紀曉波帶埋吳佩慈到賀，吳佩慈更大晒手上巨鑽。
(蘋果日報)
待嫁新娘陳凱琳（Grace）將於8月12日同鄭嘉穎於峇里舉行婚禮。
早前Grace在社交網公佈婚訊。
自7月28日喺Instagram正式宣布婚訊後一直未有再更新社交網，不過今日8月第一天佢終於再有更新，仲上載一張疑似肚凸凸泳照！
相中嘅佢坐喺沙灘中戴上太陽眼鏡，着上一件黑白色泳衣，不過隻手就有啲刻意遮肚。
加上早前傳過佢有喜，而且佢仲tag住「junebaby」，令網民都猜測佢係咪有好消息宣佈！
(on.cc)
香港男演員吳彥祖相貌英俊、身材高挑壯碩，是許多女性粉絲心目中的男神，與中法美三國混血老婆Lisa S.於2010年步入禮堂，兩人育有一女「Raven」。
2010年4月6日，吳彥祖與交往8年的Lisa S.於南非舉行婚禮。
吳彥祖對妻兒相當保護，很少讓女兒吳斐然（Raven）出現在幕前，30日罕有曬出愛女正面照，只見5歲的Raven乖乖坐在車子的兒童座椅上，手上還拿著一本雜誌讀得相當起勁。
網友驚訝留言話「咁細個就關注時政」、「長大一定似爸爸係學霸」。
吳彥祖則只露出半張臉偷拍女兒看書的模樣，開玩笑說女兒很擔心貿易禁運對她玩具價錢的影響，雖然畫面有些模糊，但仍能看出Raven遺傳了爸媽的高顏值。
對於教育孩子，吳彥祖表示：「我希望他能在一個安全的環境長大，沒有恐懼感。我希望成為他的朋友，中國人的教育裡，父親跟孩子關係有點遠，我想用中西方兩種教育方式來教育他。」
之前兩公婆經常曬出女兒的背面照，可見他們非常保護愛女！
吳彥祖曾說過不會帶女兒上節目，因為不想讓她在鏡頭前曝光，而這次難得上載出女兒可愛的模樣，讓粉絲直呼「終於看到小公主了」、「長大一定是學霸」。
兩母女的感情要好，Lisa S. 曾為剛上學的女兒停工陪伴。
（綜合報道）
近日黎姿（現名馬黎珈而）趁三個寶貝女放暑假，上星期飛咗去外地度假，前幾日佢仲同對孖女慶祝8歲生日。
噚日黎姿喺佢IG貼咗幾張新相，相中嘅佢頭戴草帽，着住件桃紅色襯衫，而背景喺藍天白雲，同埋好多棕櫚樹，應該佢身處緊一個度假勝地，黎姿仲留言寫住︰「你們知道我又愛又恨的是甚麼嗎？」唔少網民都回應話︰「曬太陽？」雖然黎姿冇答，但有眼利嘅網民就話嗰度係夏威夷。
之後黎姿仲貼咗張，佢一拖三個女嘅背脊相，三個囡囡都T恤、短褲、束辮同人字拖，而且佢哋三個高度都差唔多，至於黎姿除咗草帽、襯衫外，下身穿咗條白裙踢住拖，仲攞住個滕織嘅沙灘袋，真係好溫馨呀！
(蘋果日報)
昨晚係黃子華《金盆o浪口》26場棟篤笑尾場演出，真真正正係黃子華最後一場棟篤笑喇，有不少圈中人前來捧場，星光熠熠！
黃秋生
佘詩曼
農夫、Do姐鄭裕玲
吳君如、陳可辛、黃偉文
一班好姊妹湯盈盈、周家蔚、梁靖琪、姚樂怡
容祖兒、周慧敏、倪震、古巨基
準夫婦苟芸慧、陸漢洋
喺謝幕嘅時候，子華就忍唔住抹一抹眼淚，始終最後一場，都一定有啲感觸，之後全場觀眾大叫：「多謝你！」有啲嘉賓包括古巨基、古太等等都企起身拍手。
之後子華將佢飲水嗰隻杯拋落台俾觀眾，仲話：「一隻杯，萬幾人分咩，真係最後時間喇！」之後子華就講出佢13個會做棟篤笑嘅原因，然後就唱出佢首《幻海奇情》，唱完之後唔少觀眾企起身拍手。
子華：「睇下當年呢個咁樣嘅傻佬，喺做呢樣嘢嘅時候嘅原因係咩呢？以下係我做棟篤笑嘅原因，排名不分先後時間或重要性，總共有十三點。」
第一：一個朋友患了腎病
第二：時常失眠。子華：「都唔係一個好開心嘅人啊下呢條友。」
第三：做咗一個唔係喜劇嘅個人表演，卻引來不少笑聲。子華：「嗰個個人表現我其中一部份係做《哈姆雷特》嘅添啊，即係『To be, or not to be: that is the question: Whether ＂tis nobler in the mind to suffer The slings and arrows of outrageous fortune, Or to take arms against a sea of troubles And by…』然後有人覺得好好笑啊，邵國華直情話『你應該做stand up comedy，因為你夠賤，一個最賤嘅《哈姆雷特》』」
第四：下班後不想回家，回家後不想上班。
第五：搞笑騷流行起來。
第六：第一場多謝過嘅葉潔馨小姐話『你應該做stand up comedy』。
第七：讀咗一本邊緣棟篤笑嘅書。子華：「佢唔講人地淨係講自己，唔係幾好笑。」
第八：睇咗Eddie Murphy（愛迪梅菲）嘅棟篤笑。子華：「好好笑。」
第九：迷惘，書都唔想睇。
第十：儲蓄咗好耐嘅小量金錢，一下子又被借光。子華：「淨憑呢句說話你就知呢一條友係好戇居啦，你分明唔想借你咪鬼借囉。」
第十一：看見許冠文在Sam嘅演唱會中做棟篤笑。咁係咪我都得呢？我都唔記得。
第十二：太寂寞，養咗隻狗。
第十三：快三十嵗。
子華亦不忘鼓勵大家：「我唔知邊啲朋友捱緊生活好難捱，話你聽，我個時睇嚟都唔係容易捱，我睇呢十幾點。好啦依家竟然做完添，係做完勒各位，真係《幻海奇情》，我唔知呢個故事係勵志定摧毀你，定係會乜嘢，大家可以返去諗下，但係我真係覺得係，係好豐富的虛幻過程，送最後一首歌畀大家。」
完場之後，子華就喺後台出嚟，有成三百個fans等緊子華，子華出嚟嘅時候，fans即時大叫，仲送上禮物，又有播出古巨基嘅《子華說》，fans仲話等子華反口，記者問到子華攰唔攰，佢就話：「ok啦。」之後一直揮手，直到上車都同fans揮手。
（綜合報道 / apple daily）
