當年20歲嘅梁洛施未婚生B，佢喺2009年為小小超李澤楷誕下大仔李長治後，翌年再添一對孖仔，可惜一年後(2011年)，梁洛施宣佈已經同李澤楷分手，結束三年情。
分手之後梁洛施一直都好低調，甚至搬到外國專心湊三個仔仔，幾年之後終於高調復出。
最近佢參加咗由蔡康永、高曉松等主持嘅綜藝節目《奇葩說5》，咁啱呢集嘅內容講到有關婚姻上出軌行為，期間佢仲一度忍唔住落淚。
《奇葩說5》係一個類似辯論形式嘅節目，而每次都有4組人去為已設定嘅題目辯論，而梁洛施有份參與呢集，題目就係「伴侶在婚姻中開小差（偷食），我要不要容忍他？」
梁洛施係喺單身家庭長大（爸爸喺佢出生冇耐就過身）、同媽媽家姐相依為命。所以當佢聽到呢條題目嘅時候諗都唔使諗就答：「唔容忍！」，非常決絕。
難得梁洛施上節目，蔡康永就問佢覺得自己做媽媽嘅年紀，同想像中係早定係遲嘅時候，梁洛施就回答「早。」
再問佢若遇到最愛嘅男人，生多幾個B係咪都會覺得開心嘅時候，話自己「曾經選擇過、但唔會後悔」嘅梁洛施，就不斷點頭地答：「我係覺得值得嘅。」佢更表示：「我覺得當你愛一個人，你就盡情投入的去愛。」
睇番梁洛施同李澤楷嘅一段愛情，當年20歲嘅梁洛施未婚生B，2009年喺冇名份下為小小超李澤楷誕下大仔李長治後，翌年再添一對孖仔，可惜一年後(2011年)，梁洛施宣佈已經同李澤楷分手，結束呢段三年嘅童話式愛情。
當節目中的辯論者喺節目嘅尾聲講到：「婚姻是兩個道德、性格、外貌、行為都有瑕疵的人的結合，我結過婚、也議離過婚，如果有機會，我有勇氣再結一次婚。」、「只能把自己當成是外人，才要事事都要容忍，我覺得愛情是什麼都要介意，但是，它還是愛情，還是美好的。」等呢啲個人對婚姻嘅睇法時，一直強忍眼淚嘅梁洛施，最後都忍唔住落淚。
而事後佢喺接受節目訪問時，更直認大家講嘅「刺了我的心」，所以先忍唔住喊。
(綜合報道/Apple daily)
看到他們開心約飯局，相信他們和觀衆一樣，對新劇終於有期播出都十分開心，且非常期待。
