型男吳尊趁住暑假帶埋家人去旅行享天倫樂，佢喺社交網上載幾張相，留言問：「正在旅行中，能猜到我的第一站在哪，跟哪些愛人在一起嗎 ？」
雖然相片以吳尊嘅獨照為主，但其中一張加咗特效嘅相就隱約見到吳尊太太同一對仔女，不過之前吳尊去俄羅斯睇世界盃時就只係帶咗囡囡（Neinei），所以有網民就留言「Max說終於帶上我啦」。
吳尊就笑言：「Summer Vacation （暑期旅行）不帶Max，我還是個SuperDaddy（超級爸爸）嗎？」亦有眼利網民見到4歲半嘅Max仲坐緊BB車，所以問吳尊點解咁做，吳尊亦超級有耐性回答：「等你有小孩就知道推車比街上走路安全多了。」
(on.cc東網)
藝人單文柔（Phoebe）最近與陳展鵬公開戀情，甜蜜蜜的她又有好消息。
藝人陳展鵬及女友單文柔近年越愛越高調，不時孖公仔現身，日前還情侶檔出席活動，更談及結婚組織家庭問題，似乎已經一早計劃好？
兩人曾於節目《美女厨房》現身，陳展鵬擔任評判，單文柔則是美女學徒。
記者昨在掃桿埔駕駛考試中心採訪考牌官遇襲事件期間，適逢無線電視女藝人單文柔（二十八歲）亦在該中心應考，她表示不知有考官被考生襲擊，並匆匆向記者說聲「多謝」後，未有交代其駕駛考試是否及格，便跳上由教車師傅駕駛的輕型貨車離去。
直到今午她到銅鑼灣掃桿埔駕駛考試中心考駕駛執照，記者往採訪時遇見單文柔。她當時行色匆匆，未知其考試結果。
傳媒再聯絡單文柔，她開心報喜成功考獲車牌。單文柔稱這是她第2次考車牌：「之前無時間練，第1次pass泊車，第2次先pass埋路試。」問是否已計劃買車？單文柔安全為上，表示要再練熟些才買車，坦言駕車對她而言有難度。
(mingpao)
婚後兩年已經斷斷續續傳出過兩人離婚嘅消息，但兩位當事人都係否認。不過，最近收到消息，佢兩公婆確實係搞緊離婚，據知情者稱，其實佢哋已分居兩年幾。。。
現年43歲、敢愛敢恨兼性格很爽朗嘅周迅，2014年嫁美籍華裔演員高聖遠後，婚後兩年已經斷斷續續傳出過兩人離婚嘅消息，但兩位當事人都係否認。
不過，《蘋果》最近收到消息，佢兩公婆確實係搞緊離婚，因為佢哋喺杭州領證，所以要搵日去當地簽番紙先可以完成離婚手續。據知情者稱，其實佢哋已分居兩年幾，高聖遠依家都係住台灣同美國兩邊，好少留喺大陸，兩個人都知文化唔同，溝通有問題，所以已經同意辦離婚，只待適合時機，方正式向外公布。知情者稱，高聖遠已經有自己打算，佢喺台灣生活了一段時間，識咗好多朋友，所以不愁寂寞，其中有個靚仔洋人同佢都好夾，大家都玩得好埋，經常會相約一起飲酒。
至於留喺大陸發展嘅周迅，一樣唔使愁，因為近年佢同王菲囡囡竇靖童嘅忘年之交，關係真係仲親過屋企人，有時童童都會喺周迅屋企過夜，反而唔返媽咪王菲屋企瞓。所以想像到佢哋感情有幾好。其實2013年周迅戀上高聖遠時，隔年就話要結婚，有朋友已經擔心會唔會太衝動，畢竟一個長居美國，一個長居大陸，一個係講英文，一個講普通話，溝通已經係一個問題，唔好講其他生活習慣同唔同啦！
不過當時沉醉愛河嘅周迅點會理呢啲勸阻，結果婚後呢啲問題就浮現晒出嚟，佢哋兩個都有努力去嘗試去遷就對方，但發現真係唔得，男方兩年前就提出不如分居俾大家諗清楚可唔可以再喺埋一齊，到咗上年高聖遠就直接提出不如簽紙離婚，但周迅一直未諗好，所以始終未肯去辦手續離婚。
直至佢同童童「姊妹感情」越嚟越好，開心同唔開心嘅時候都可以有童童同佢分享，好似今年頭過農曆新年，原本應該係由佢老公高聖遠陪佢返鄉下探父母，結果老公冇影，反而係童童捱義氣，陪佢返老家陪兩老過年。如果周迅想放假去旅行，只要童童有時間，都會陪佢去，周迅開始發現冇咗老公喺身邊嘅日子一樣過得去，所以最近終於諗通，肯下定決心搞離婚啦！
蘋果今日問周迅嘅經理人徐時芬，周迅同老公高聖遠係咪搞緊離婚？而高聖遠喺台灣係咪有新對象？佢答：「我在開會，這個事情我不太清楚。」再問佢周迅同童童係乜關係？佢依然係話：「我在開會。」
周迅傳出同老公高聖遠搞緊離婚手續嘅消息，雖然就嚟回復單身，不過周迅唔愁寂寞，皆因佢有位細22年嘅「好姊妹」，現年21歲嘅竇靖童陪出陪入，唔少網民都好好奇佢哋年紀相差咁遠竟然可以做到閨蜜，但係講到奇，點都唔夠佢同童童阿媽王菲之間咁「有緣」。
周迅同王菲均貴為天后級藝人，不過一個喺影視圈，一個喺音樂界，理論上係冇乜交疊，將佢哋拉埋一齊全因一個「情」字。90年代周迅喺一個音樂節入面認識咗竇唯嘅堂弟竇鵬，佢哋就係咁樣開始拍拖。
期間王菲就同竇唯拍拖，96年佢哋奉子成婚仲生咗童童，之後周迅同王菲先後與竇氏男兒分開。
2003年套《射鵰英雄傳》劇集，周迅演黃蓉，郭靖則由李亞鵬飾演，佢哋日久生情撻着咗，但係當時李亞鵬已經有同為演員嘅女友瞿穎，最後李亞鵬放棄咗瞿穎揀咗同周迅一齊，到佢哋公開晒關係，正當大家都以為佢哋會行入教堂時，中途突然殺出個王菲，上一次佢哋前後腳睇中咗一對堂兄弟，今次佢哋直頭揀咗同一個男人李亞鵬，「劇情」嘅發展同之前瞿穎一樣，舊人周迅輸咗畀新人王菲，王菲同李亞鵬喺2015年仲結埋婚。
雖然結咗婚，但係佢哋都唔可以走到白頭，王菲與李亞鵬喺2013年離婚，而喺同一年，周迅突然傳出同王菲拍過拖嘅謝霆鋒秘密拍拖一年，仲話佢哋已經喺香港住埋同一幢大廈，雖然呢個傳聞最後不了了之，隔咗冇耐，王菲傳出同謝霆鋒再次翻撻嘅消息，喺2014年影到謝霆鋒喺王菲屋企嘅相，終於證實咗佢哋復合。
兜兜轉轉，周迅與王菲因一個情字處於敵對位置多年，但係周迅竟然可以同「敵人」個女竇靖童做到好姊妹，上述嘅「橋段」仲勁過電視劇集，唔知周迅同王菲會唔會都好似啲劇集咁，最終因為童童嘅關係，握握手做埋好朋友呢？
(蘋果日報/on.cc東網)
最近宣佈有喜，預產期在12月。日前她與老公在烈日當空下現身銅鑼灣區，身形尚算纖瘦的她早有準備，除了戴帽，還拿着風扇仔。二人走到地產舖門口看資料，又不時手指指，當店員現身介紹時，他們索性入內詳談。
逗留了大約十分鐘，兩人又走進另一間地產舖再問，為找心水單位十分落力！經過該區一間著名幼稚園時，34歲藝人吳日言（Yan）和老公Barry先在門外觀察，然後直接走進去拿單張。
Yan當年的讀書成績只屬一般，估不到一成為孕媽媽就學業至上。
酷熱天氣下的Yan有點心急，快將轉紅燈時，她寧願快步行過馬路，也不願意停下來等，之後更不理孕婦禁忌，買凍飲消暑。
而Barry就不時搭着老婆膊頭，又主動為她擔遮，盡顯愛妻之情。他們到了一幢商廈樓下，看到百日宴餐單即研究一番，然後乘電梯上樓。
記者發現該廈有學前兒童教育中心，看來兩人已打算幫BB報playgroup。
事後Yan接受傳媒電話訪問，她直認想搬到港島：「銅鑼灣同灣仔區校網好啲，不過啲樓價好crazy！兩、三萬蚊一呎！」
提到似乎太早找學校，她自言對幼稚園的概念不多：「上網有好多資料，但親身落去睇係唔同啲，做好準備要好長時間，同埋遲啲可能有新學校，依家攞定資料差唔多啦！」她否認是怪獸家長，只覺得身為家長一定要為子女安排學業：「希望佢將來順利啲，不過其實我仲未買佢啲衫、褲、鞋、襪同日常用品。大肚婆可能跳掣啲，近排熱到我都冇心機諗，連去邊度生都未知！」
（on.cc）
藝人鄭嘉穎與女友陳凱琳父女戀開花結果，下月12日將會在峇里舉行小型婚禮，計番條數，唔夠兩個星期佢哋就會成為正式夫妻真係恭喜晒！
不過近日喺網上就有「贈興」嘅消息流出，指陳凱琳不停關注鄭嘉穎舊愛周麗淇嘅IG，不時會點讚但冇follow對方，有網民推測佢嘅舉動，話係因為鄭嘉穎一直都放唔低周麗淇，兼且喺心目中佔有一席位，所以陳凱琳先至會呷醋，默默咁留意住未婚夫深愛着嘅前度女友！
查一查資料睇番，陳凱琳的確冇follow周麗淇嘅IG，亦都有點讚過，不過次數都係好久唔久先至發生一次，相信有咁嘅傳言，都係部分覺得鄭嘉穎同周麗淇好襯嘅人諗出嚟嘅情節啫！
(on.cc東網)
葉翠翠今日開心喺facebook貼相，宣佈小小王子今日滿月，唔少佢嘅fans都留言恭喜。
不過，連日翠翠都在其facebook專頁同網民「唇槍舌劍」，有網民仲覺得翠翠同網民對罵，涉網絡欺凌同人身攻擊添！
還原番件事先啦！其實成件事始於上周二翠翠喺facebook指家傭用手搣大仔「小王子」的鼻，令佢好唔開心。
唔少網友都留言撐翠翠，但亦有網民批評翠翠，認為佢過份緊張，有人甚至批評她「香港小姐冠軍咁無品」、「做藝人做到咁小家」，翠翠亦不甘示弱，還擊回應「o依家網絡都有好多病患者」。
翠翠今日接受傳媒電話訪問，佢認為做藝人唔代表要任意俾人攻擊。佢話：「其實網民一直講嘅嘢我都唔理，之前有網民叫我夠膽就去唔知邊個討論區回應，但係我點解要去回應？今次唔同，你喺我個page度留言，就預咗我會回應啦，咁點解回應你，你就要咁玻璃心呢？」
對於有人認為佢直斥網民涉網絡欺凌，佢又點睇？翠翠話：「好多人為咗攻擊而攻擊，我講個仔畀工人搣都唔得？平時我post下個仔嘅相又話我晒命，係咪好奇怪？你話我就得，我話你就唔得？我覺得係低B，我咪話佢低B囉，我覺得佢有病，咪話佢有病囉！」
翠翠仲話：「藝人唔係人咩？唔係人嘅類別？好似我做30分鐘直播就畀人鬧唔自己照顧個仔，我已經為咗佢哋無返工，劇都冇拍啦，咁唔通請工人嘅就唔啱？最搞笑係有人話我，點解叫個仔做小王子，我真係覺得好好笑，係咪我畀人欺凌呢？」
睇完成件事，只可以話大家上網可以揀啱睇嘅嘢，唔啱睇就唔好睇！睇完又要嬲，何必呢！
(APPLE DAILY)
張寶兒和妹妹張寶欣首度姊妹檔出席活動，對於酬勞方面，張寶兒表示沒有提問過，更認為各人有不同粉絲齊齊現身會有更多人支持，又大讚妹妹好叻毋需她教路出席公開活動的秘訣。
問到可想妹妹像她找圈中人當男友？張寶兒說：「睇緣份啦！佢都好識睇人。」妹妹張寶欣大讚姐姐的男友袁偉豪值好高分，認為最緊要兩人覺得相處得好、表現甜蜜。
她謂：「我妒忌多少少，因為搶走我家姐。不過佢對我都特別好，最近佢出書，對我全家都好好，個個有送書，佢身形都好fit。」她表示若有機會也想跟姐姐張寶兒拍劇演兩姊妹，不過可以調轉由她演姐姐。
談到跟男友袁偉豪合作演新劇《鐵探》可以攞正牌談情，張寶兒笑言日日對住劇本就真，男友有指點她，亦對後輩好，所以一起開工有團隊感覺，又稱家人喜歡煲湯水，也會預埋男友一份。
（singtao）
近日趁住生日月份出外玩，今日仲喺社交網多張相片。相中見佢着上背心長裙，喺窗台前擺出多個甫士兼晒出巨肚，真係唔經唔覺佢仲有1個月就生得！
呢輯相簡直係大肚寫真一樣，相信一定係由其老公親自操刀。
即將「卸貨」嘅李蘊仲開心話：「生日冒險地去澳門玩兩日，雖然未足月，但個肚真係好大，幸好過程平安，現在回程了，呢幾星期會乖乖在香港待產。」
好多網民都大讚啲相影得唯美，仲話睇見佢咁幸福嘅樣，就知道佢幾咁期待新生命嘅來臨呀！
（on.cc）
在職媽媽每天忙碌工作，回家後還要跟進孩子的學習和家務等，即使疲累不已，還是擔心自己的工作會否影響對孩子的照顧，亦會想辭職專心照料家庭，讓子女有更好發展。
不過，美國哈佛大學近日有研究指出，在職媽媽對孩子的成長發展有不同正面影響，其中女兒在事業上較為成功、兒子成年後亦願意花較多時間照顧家庭。
哈佛大學商學院的研究團隊，參考了International Social Survey Programme以及一項有關Family and Changing Gender Roles於2002至2012所作調查的數據，再補充不同國家的就業機會及性別不公平之數據。接受調查的受訪者包括1.3萬名女性及1.8萬名男性，來自24個已發展國家。
帶領研究的哈佛大學商學院教授Kathleen McGinn表示，問卷的內容涉及性別態度、家庭生活、事業發展等，亦有問及在受訪者14歲前，母親是否有從事受薪工作。
媽媽在子女小時候無論工作多長時間，又或是否從事專業的工作，這些都不重要，重要是子女有沒有一位同時兼顧工作和家庭的榜樣。
研究結果發現，在職媽媽的女兒比全職媽媽的女兒在職場上較為成功，前者投入就業市場後獲聘用的人數，是後者的1.21倍，相信是在職媽媽擁有較大的人際網絡，可幫女兒尋找更多發展機遇；而受聘的女生當中，有在職媽媽的女生擔任主管職務的機會，亦是全職媽媽女兒的1.29倍，她們的年收入普遍亦較高。
做在職媽媽的兒子又有何優勢？研究顯示，在職媽媽的兒子在結婚後，對家庭事務及自己的孩子，會付出更多時間，每周會多花50分鐘照顧家庭及孩子，相信因為媽媽要工作，令兒子能參與做家務的機會增加，培養良好習慣。
McGinn認為，父母同時兼顧工作和家庭都能讓子女知道，對兩者作出貢獻同樣重要，這對孩子來說是一件好事。
（Topick）
前陣子，大連姑娘小劉無意中發現自己右手的中指長了倒刺，看得她心裏痒痒想馬上拔掉，但當時身邊沒有指甲鉗，她索性直接用手撕掉了。
小劉拔了倒刺以後，當時感覺有點疼，但是沒往心裏去，當天還把衣服洗了。可是，到了第二天，小劉驚訝地發現自己的中指有疼又腫，而且之前長倒刺的地方還個小眼，已經開始化膿了。而且，隨着時間的推移，疼痛沒有絲毫緩解，小劉這才趕緊到醫院就診。
經醫生診斷，小劉得了指頭炎！還好小劉就醫及時，才避免了更可怕的後果。醫生給小劉進行了切開引流，並進行了抗感染治療，小劉緩解了疼痛感，目前仍在回覆中。
手上長了倒刺，如果直接用手撕或用牙齒咬掉，可能會引起感染、化膿。輕則是輕度的皮膚感染，重則會導致甲溝炎，或者是皮下膿腫、甲下膿腫。皮下膿腫、甲下膿腫如不處理，可發展成膿性指頭炎甚至引起指骨骨髓炎，可能需要手術，嚴重甚至要截肢。所以，大家以後千萬不要圖一時爽快，直接把倒刺拔掉。
處理倒刺的正確方法：最好的辦法就是用指甲鉗剪掉。先把長倒刺的手放入溫水浸泡5分鐘左右，等指甲及周圍的皮膚變得柔軟後，再用指甲刀或者小剪刀，將凸出來的倒刺剪掉。之後最好再抹點護手霜，能滋潤皮膚，也不會長那麼多倒刺了。
再提醒一句，在天氣比較乾燥的時候，洗完手最好用護手霜，尤其是指甲周圍要多抹抹，護手霜能讓角質層保持濕潤狀態，能預防倒刺。此外，還可以用含維生素E的營養油，按摩指甲四周及指關節，有去除倒刺及軟化粗皮的功效。
手上的倒刺是很常見的皮膚現象，引起倒刺的主要原因是皮膚乾燥。
手部皮膚內皮脂腺較少，在乾燥寒冷的天氣下，過多接觸洗潔精、洗衣粉等刺激性液體，搬過重或粗糙的物品，都會使手部皮膚變得乾燥或長倒刺。如果皮膚乾燥，或經常用肥皂、洗滌劑等洗手，除去了皮膚表面的皮脂，容易讓角質層失去保護，出現乾燥和剝離。
此外，倒刺太久不癒合，則是機體缺乏維生素或微量元素的一個表現，例如維生素Ａ、Ｂ、Ｃ、Ｅ，鋅、鈣、銅和必需氨基酸等營養素。
為防止這種現象，除了讓手部皮膚保持滋潤外，還應調理好日常飲食，多吃一些富含維生素和礦物質的食物。如動物肝臟、胡蘿蔔、哈蜜瓜、雞蛋、芝士（含豐富的維生素Ａ）、乾果特別是杏仁、水果、綠色蔬菜（富含維生素Ｅ），及豆類、殼物（富含Ｂ族維生素和維生素Ｃ）、海產品和牛奶（含有硒及鋅）等。
（每日頭條）
