台慶劇《是咁的，法官閣下》雖然冇乜大卡士、大製作，但貼地題材，觀眾反而幾buy。
當中飾演實習律師潘琪嘅陳華鑫（Gloria），為咗呃like，竟然喺庭上偷影相兼偷竊，最後被判罪名成立，罰款二千蚊，有機會影響獲取大律師資格。
Gloria今日喺IG貼咗一張大肚相，穿上一件白色內衣配薄紗外套，用手輕托巨肚，流露幸福笑容。
Gloria留言：「期待小生命的來臨，寶寶乖，瞓多一個月先出嚟玩。」陳華鑫回覆傳媒時承認，因為醫生診斷出宮頸開始短，令佢心情緊張，佢又話希望可以順產，但最終要等醫生決定。
其實Gloria入行已經六年，佢係2012年落選港姐，今年1月嫁畀生意人周國榮，婚後二人極速造人成功，8月宣佈有喜。
Gloria早前透露預產期係12月尾，但由於子宮頸短，BB有機會早產，所以都要臥床休息。
(apple daily)
大美人李嘉欣出席商場聖誕亮燈活動，講到她與許晉亨本月23日結婚十周年，問到會點慶祝？她說：「應該會喺香港，唔知佢有咩安排，我諗非常簡單咁慶祝。（二人世界？）老公有預埋個仔，我聽完都忟，嗰陣時佢都未出世點解會預佢，諗起一啲都唔浪漫，不過佢應該檢討咗。（有冇咩禮物想要？）保持依家咁已經好好，佢係好爸爸又係好老公。」
同阿仔有戀愛感覺
問到阿仔乖唔乖？佢話：「一半一半喇，我當然希望佢樣樣都好，但好難，咁自己都會有情緒，小朋友都係，面對佢哋都唔可以太順從，佢有事求你時就會好Sweet，佢會話我係佢女朋友，好似頭先喺車度同佢Face Time，佢不停對住電話錫我，佢話返屋企要攬我，補償番，同佢有種戀愛嘅感覺，可愛時好似天使，但唔係經常。」
過單身聖誕都得
問到早前老公許晉亨陪兒子參加學校活動，點解冇去？嘉欣話：「爸爸好偉大，等佢兩父子曬吓太陽。（你驚引起混亂所以唔去？）畀機會佢哋兩個人，我平時都會參與，我係以小朋友立場去睇，佢開心我會去做，我個身份係媽咪。」她又透露聖誕節未必會去滑雪：「五勞七傷，都想變吓，不過小朋友鍾意。（會遷就小朋友？）我可以一個人過單身聖誕都得，等佢哋知道我唔喺度會掛住我更加愛我。」
(on.cc)
回復單身嘅唐詩詠與異性約會都好正常，前晚與「四眼吳卓羲」一齊食飯，全程眉來眼去，男方摸詩詠頭，詩詠就嘟起嘴，個樣好冧。
原來「四眼吳卓羲」名為Samuel Chan 陳思銘，年約30歲，都幾叻仔㗎，喺英國大學畢業後，短短三年創立Britannia Study Link(英識教育)，成為數一數二的升學顧問中心。有指佢每年收入超過八位數字，因為外形唔差，被行內人稱為「教育界王力宏」。
問係咪同詩詠拍拖？Samuel以短訊回覆﹕「It was really just a dinner with friends.(我只係同朋友食飯)。」問到覺得詩詠係咪好女仔，會否展開追求？佢答：「I don’t know her enough to comment.As a friend, she is great. That’s all I can say.thank you.(我對佢所知不多。作為一個朋友，佢好好，呢個係我唯一可以講，多謝)」。
睇番Samuel嘅ig，經常都會同網民分享自己生活同小秘密，經常上載跑步相，與麥明詩和林作亦認識。今年5月，Samuel透露與讀大學時期嘅索女友分手，直言公司是二人艱苦創立，但當Samuel事業有起色，二人卻分手。
Samuel慨嘆謂：「男人就是這麼幼稚和膚淺，以為錢可以彌補之前欠了對方的一切。她加入健身中心，我幫她付了錢，她發現後全數退還；我買甚麼她都堅持不要，在那個時候我才明白，原來人生有一種無力感叫做無以為報。」
(Apple daily)
香港Rapper火炭麗琪噚日喺IG動態貼文字圖鬧人，矛頭直指向來形象斯斯文文嘅王敏奕(相關新聞:https://goo.gl/3dNFa2)。
火炭麗琪亦有喺王敏奕男友曾國祥Ig留言問「do u know ur girlfriend cheat u before？Lol（你知道你女朋友之前有欺騙你？）」直中要害問曾國祥有「帽」事。
接受傳媒訪問時，火炭麗琪更直認王敏奕嘅前男友就係佢男友，不過啱啱分咗手。
沉默咗一日，曾國祥今日終於畀「反應」，喺Ig貼咗一張同女友王敏奕坐喺機艙嘅相。相片由戴住黑超嘅曾國祥負責拍攝，王敏奕就閉目冧爆咁攬住男友，一副無聲勝有聲嘅樣子。
曾國祥續留言：「寬容笑著面對世間喧噪…台北見！」以簡單一句說明對女友的信任。唔少網民都即刻留言表示支持，仲叫佢唔使理其他人講無謂嘢。
(Apple daily)
54歲張曼玉，近年鮮有現身公開活動。而佢3、4年前出活動時，因為過瘦顯得有點憔悴，加上臉部紋路明顯而被指「變殘」。對上一次見到佢蹤影都係靠網友喺香港偶遇甫出合照，不過原來佢尋日（15日）已經飛咗去上海出席品牌活動，成為全場焦點！仲要由頭到腳潮味十足，隔住個Mon都Feel到佢幾咁有型！
着上黑色貼身皮褸嘅張曼玉，身形依然以纖瘦，襯上一頭微微爆炸嘅曲髮，望落非常Rock，加上佢喺活動中左右穿插，舉手投足都似影緊劇照咁，氣場強勁，狀態大勇，輕易成為全場焦點。
在活動紅地毯上，張曼玉透露最近工作計劃，忙於音樂方面，望今年可以出EP。其實張曼玉的演技是華人影壇傳奇，佢先後獲得康城同柏林影后，還有5次金馬影后及5次金像獎影后等多個影后殊榮。
但近年佢對音樂充滿熱誠，自從佢2004年拍前夫執導嘅電影《錯過又如何》後，開始接觸獨立音樂人，並在電影中演唱四首歌，此後佢開始用電腦軟件製作音樂，2012年佢曾與樂隊在北京首次公開現場獻唱。2014年張曼玉以搖滾歌手身份，獲邀在上海草莓音樂節中獻唱《甜蜜蜜》等，其低沉嗓音雖然遭到批評，不過佢始終有一顆搖滾心，2015年佢仲為電影《戀愛中的城市》創作兼主唱主題曲《如果沒了你》，仍在追音樂夢。
（綜合報道）
周汶錡(Kathy)有兩個仔仔，一個3歲大、一個20個月大。Kathy之前提過兩個囝囝都開始返學，細仔喜歡返學，好動同鍾意游水，反而大仔Jacques開初不太願意上堂，比較斯文，還未融入到校園生活。
模特兒劉雯、周汶錡及王賢誌等，噚晚去咗尖沙嘴出席時裝品牌活動。
Kathy話：「因為我想佢學廣東話，Jacques讀全廣東話學校，所以佢未係好同到同學仔溝通。不過佢嘅廣東話進步咗好多，我之前飛咗去外地兩個星期，佢識講多咗好多嘢，仲識唱唔少學校嘅中文歌，都叫有啲成績。」
「我喺屋企都會同佢講廣東話，佢同爹哋就會講英文，我想佢讀本地小學，識聽識寫中文，到佢讀中學嘅時候再自己選擇。」
(apple daily)
阿嬌有感而發：「對我來說，能有人說出來，去share這一個訊息，是很重要的。有一定的支持，還有陪伴，我覺得很重要。」
藝人鍾欣潼（阿嬌）到中環出席英皇鐘錶慈善義賣活動，她提到容祖兒也有提出過做慈善義賣的想法，阿嬌說：「我以前好鍾意買嘢，但未必用到、好嘥，依家工人退咗休，冇咗佢我搵唔到好多嘢，之前祖兒都要派人上嚟執貨。」
講到早前在大陸綜藝節目自爆有閱讀障礙，她表示一直睇書睇唔入腦，寫筆記較慢，老師抹黑板也未抄完筆記：「平時唔會分享，係今次嘅節目有老師，本身係講小朋友，我未有就講番自己，其實主要係諗點樣解決，原來做多啲運動可以協調返，都係第一次聽，依家成個人好正面，好似搵到答案咁。」
問到是否準備做媽咪，所以特別緊張？她說：「之前都有諗如果將來有小朋友點算，我來自單親家庭，未必識做媽咪，咁依家老公家人嗰邊好多都係醫生、教授，可以問佢哋意見。（你話要多啲陪小朋友，係咪生完BB後做全職媽咪？）首先要有緣分生BB，我認同生完係要多啲陪伴，但係到時先算啦！」
阿嬌在內地真人騷節目《爸媽學前班》中自爆自己亦係問題兒童，有「閱讀障礙」，她說：「可能孩子的領域未必是自己認知的，或許他是個天才。對哪一方面有探索的欲望，就找相關專業很厲害的人進行輔導、碰撞。」之後她更用自己的經歷做例子：「小時候非常喜歡畫畫，但因沒有在專業的指導下深入學習，水瓶座豐富的想像力並沒有在畫畫方面得以發展，所以保護孩子的好奇心非常重要。」
在溫習早上的課程時，阿嬌表示原來閱讀障礙係有得「救」，賴弘國爆料說：「像你就是呀！你可能有點閱讀障礙，但是你現在還是一個很成功的……」話未完，阿嬌就笑說：「還活着！」賴弘國忍唔住爆笑：「就是你現在事業發展得很成功，它並沒有對你的發展造成很大的影響。」然後阿嬌有感而發：「對我來說，能有人說出來，去share這一個訊息，是很重要的。有一定的支持，還有陪伴，我覺得很重要。」
（綜合報道/on.cc）
藝人洪卓立（Ken）與湯怡日前突然在社交網宣布結束11年情，令粉絲大為震驚。
相關新聞:
【宣布分訊後首現身 洪卓立強顏歡笑 急賣…】https://goo.gl/dH8Ubh
【傳佢係第三者…爆洪卓立湯怡分手內情】https://goo.gl/S1FczK
【唔係陳家樂 湯怡同佢着埋情侶鞋一齊跑山！？】https://goo.gl/2BqEds
今日Ken首度現身出席英皇鐘錶活動，提起湯怡時更抖大氣，之後激動落淚！
Ken受訪時，主動向記者朋友講分手一事，佢指二人公布分手決定後，外間好多反應，直接影響到大家對湯怡嘅睇法，所以想為前女友澄清：「例如話佢（湯怡）紅咗少少、同我有距離就飛咗我……（開始哽咽、落淚，工作人員遞上紙巾。）完全唔存在嘅，我哋11年前一齊時，我第一隻碟都未出，都未有《彌敦道》，中間我有大病，如果佢係咁嘅人，都有好多機會同我分開，遇到好多難過嘅事情，佢都可以好輕易咁走…」之後更否認二人之間出現第三者，二人只係因了解而分開。
Ken又指自己同湯怡都覺得佢有女主角做係一個好機會，但都唔算大成功。佢續澄清逼婚一事，指兩人一早有共識35歲先考慮，所以唔存在逼婚。問到係咪心痛Kathy受盡攻擊而所以主動澄清？Ken就話作為朋友或男友都會唔開心。問到點解要公開講分手？佢話因為大家同佢哋一齊見證呢段感情，所以出個Post同關心佢哋嘅人交代聲！
Ken表示：「每段愛情都好獨特，唔好因為我哋呢段關係，而唔相信愛情，起碼我自己依然相信愛情。」對分手一事繼續發酵，甚至有傳陳家樂係「第三者」，佢話：「我私底下都有同陳家樂講唔好意思，拉埋佢落水，其實湯怡post相十張有九張都係工作嘅嘢，我就覺得冇問題，如果真係有第三者呢啲嘢就唔會咁張揚，我就明白大家都愛錫先有呢啲誤會。（係咪唔講分手原因？）冇第三者，細節唔講，始終11年感情，好難用11句或11分鐘令大家去明白，好老土但亦都係真嘅，大家因了解而分開。」
講到心情，佢坦言還好：「始終唔係開心事。（你哋同公司會經常見到？）其實我哋關係仲係好好，好和平，所以唔會尷尬，上個禮拜大家喺公司見到有聲Hi，大家都係做嘢。」
(on.cc)
藝人洪卓立（Ken）與湯怡日前突然在社交網宣布分手，結束11年情。
今日Ken首度現身，出席英皇鐘錶活動，他與歌手泳兒及許靖韻傍實見傳媒，雖然大受情傷的Ken收起哀傷神情，不過他仍強擠出笑容，紳士地讓泳兒及許靖韻翹住雙手，表現敬業！
他亦有向現場記者揮手示好，又停低畀記者影相。
強顏歡笑嘅佢再次出場時，明顯心不在焉，當佢喺台上聽住好友泳兒同許靖韻講解拍賣物品時，佢個樣都睇得出若有所思，雖然佢都有露出笑容，不過就似乎未能投入活動。
到佢講解自己嘅拍賣時，佢拎出一件早前與歌手吳浩康（Deep）在麥花臣場館開騷時着過嘅披肩，及一件藍色西裝外套。講到件披肩，Ken笑言保可以平安，又與主持人阿Bob（林盛斌）有講有笑，表現自然：「呢個勁呀！佢保我家宅平安！本身我都唔係唱得咁好，不過一戴咗佢就唱得好好。我估戴咗佢嘅朋友都可以保佢一世平安！」
其實開騷時，Ken喺台上忽然有所顧忌未有多謝「女友」湯怡，當時已令不少人懷疑二人關係是否有變，未幾二人就在社交網宣布分手。今次拍賣出披肩，唔知會唔會係怕睹物思人而快快手轉讓呢？
(on.cc)
天氣轉冷，大家愛打邊爐，營養師提供健康火鍋小貼士，提醒大家留意3點之餘，更要注意揀火鍋湯底或食材時的Dos and Don’ts (宜與不宜)。
健康火鍋3貼士
1. 先菜後肉
先吃蔬菜或澱粉質食物，有助減少吸收過多油分的機會，亦可避免吃太多。由於蔬菜、菇菌、米粉、粉絲容易吸收油分，先涮蔬菜或澱粉質食物，可避免食物從湯汁吸收肉類油分。餃子、芋絲等可產生飽肚感，較易控制食量，亦可減低脂肪攝取量。
2. 湯底撇油
當湯的表面出現一層油時，可用湯匙將油撇走，減少脂肪吸收量。
3. 少用醬料‧選鮮薑蒜 棄現成醬汁
調味醬料宜盡量少用，倘若要用的話，可以選擇以葱、薑、蒜、鮮辣椒混和適量豉油，不宜選擇現成醬汁 (如沙茶醬、芝麻醬、花生醬、辣椒油) 。
湯底食材 宜 vs.不宜
湯底
宜選：清雞湯、豆腐鮮魚湯底、瑤柱海鮮湯、冬瓜盅湯底、番茄薯仔湯、粟米竹蔗甘筍湯底、豆乳湯底、無花果雪耳湯底
不宜選：豬骨清湯、沙嗲湯底、醉雞窩湯、麻辣湯底、味噌湯、全脂牛奶湯底、芝士湯底、朱古力湯
肉丸/餃子類
宜選：白魚蛋、瘦牛丸、鯪魚球、龍蝦丸、瘦豬肉丸
不宜選：貢丸、炸魚片、炸魚蛋、魚皮餃
肉類
宜選：去皮無骨鮮雞肉、羊肉、牛肉、牛腱、鴕鳥肉
不宜選：肥牛、豬青肉、午餐肉、動物內臟
豆製品類
宜選：豆腐、鮮腐竹
不宜選：豆腐泡、油麵筋、炸腐竹、炸枝竹
麵食類
宜選：烏冬、芋絲、粉絲、米線、生麵、上海年糕
不宜選：即食麵、伊麵、油麵
(明報)
