【琴日啱啱過完大禮】Oscar蕭潤邦今日忍痛宣佈…

2018-10-30

蕭潤邦（Oscar）今年底娶江若琳，兩人跟足傳統，昨日進行過大禮儀式。（https://goo.gl/5ZWeJH）

準人夫Oscar於今年3月，斥資百萬在深水埗開了一間食肆送給未婚妻江若琳。

鼎爺都有出席撐場

Oscar當日籌備新店送贈未婚妻江若琳，他大讚未來老婆有生意頭腦，想未婚妻學做生意：「新店以佢想法為主，佢從冇做過飲食生意，佢雖然係門外漢，但佢好有煮嘢食天份。」當時Elanne都說自己第一次接觸飲食業，所以心情緊張又興奮。新店開幕當日，Oscar和Elanne兩人都異口同聲說計劃半年內再開分店。

不過，有傳媒最近收到風，江若琳的麵點即將摺埋，因為該店近日低調賣盤，有不少買家都感興趣，並到場洽商。

其實麵店的生意不錯，絕對可以開設分店，沒想到開業不夠一年就要面臨倒閉，傳媒向Oscar求證，他直認不諱，更指這個是商業決定。對於要忍痛宣佈麵店將會結業，他坦言：「係好可惜，但呢個係一個生意決策，我哋嚟緊想統一番個名，咁會集中啲，係商業決定。」

問到這個決定有否跟未婚妻Elanne商量？Oscar說：「有呀，佢百分百支持，其實呢個場，我哋試咗好多新菜式，所以嚟緊呢啲新菜式都會放番入其他店。」

問到麵店的生意額好不好，有沒有虧損？Oscar續說：「生意額理想㗎，好多朋友嚟支持，但統一咗品牌，對公司將來發展會更好。」預計做到幾時？Oscar坦言：「未預計會做到幾時，有啲嘢安排緊，總之多謝一班擁躉支持。」

那就希望Oscar和Elanne事業更上一層樓！期待他們的新店~

（綜合報道 / apple daily）

【懷孕21週】宮頸壓力太重：未來五個月都要躺着或坐着

2018-10-30

結婚冇耐就造人成功報喜，仲影咗輯靚靚孕照！佢留言：「終於可以安心同大家講啦：我懷孕了！，今天去照了結構，清楚地見到BB的眼耳口鼻、手仔腳仔、脊骨、器官…醫生話BB陀得好靚，好健康！感恩一切都正常，這是我和Adrian聽到最開心最感動的消息，謝謝各位的祝福，我會定期報告我嘅近況㗎啦！」

今年4月嫁圈外老公何駿杰（Adrian)。

但係張珮汶（Grace，前名張家瑩）啱啱就話自己連街都唔出得，原來係為咗BB可以健健康康出世：「BB最近真係大咗好多呀，胎水也愈來愈多，所以宮頸壓力也相對重咗！為了BB足月出世，未來五個月我要聽話乖乖在家好好休息了，大部分時間都要躺着或坐着，如果一定要出街也只能點到點。

老公影低我這個樣子安慰我説：『你這樣好看，懷孕媽媽真美⋯⋯』我對老公說：『其實懷孕真的很累呢，但這是我們的孩子，我一定要堅持下去的』」

依家懷孕21週嘅佢胃口好好，之前先同老公去咗美食節，不過就唔係樣樣都食得，要忍下口啦。佢喺IG留言：「今晚不能Wine只能Dine，見人哋飲得好開心，勁葡萄！」

為咗BB戒口、唔出街留喺屋企養胎、調整所有生活習慣，媽媽真係唔易做！

(綜合報道/IG)

【由緋聞女友到不和反目】貼破冰照網民嘆十六年來世紀破冰

2018-10-30

現在蕭正楠有個拍拖多年、感情相當穩定嘅女友黃翠如，而她都已經結婚，還生了一個可愛囡囡，生活相當美滿。

藝人蕭正楠（Edwin）、關心妍（Jade）和鄭希怡（Yumiko）三人都是2002年同期出道的樂壇新人。Jade和Edwin當年還合唱歌曲《特別鳴謝》，兩人曾經傳出過緋聞，最後二人更有傳鬧不和反目、不歡而散！

當年拍攝MV《吻了再説》有咀嘴場面

可能是同期新人的關係，兩人經常出雙入對！

同時間出道，又經常合作，一齊獲獎，在樂壇共同進退，令外界認爲兩人「有嘢」~

早前，這三位同期出道歌手因為拍攝無綫節目《美女廚房》而再次碰頭。

昨天關心妍在社交網分別上載張同蕭正楠、草蜢和鄭希怡嘅合照，網民紛紛嘆謂「十六年來世紀破冰」。

Jade帶點感觸留言説道：「我和蕭正楠Yumiko都是同期出道的新人，以前因爲剛出道的緣故，所以經常見面。一晃眼16年了，好耐沒有同場工作，今次好開心可以在　#美女廚房聚一聚！當然不少得有草蜢一起做節目，更加精彩！」

關心妍社交網

（綜合報道 / 關心妍facebook）

【朱晨麗胡諾言陳山聰等到賀】傅嘉莉：祝新婚快樂

2018-10-30

朱晨麗、關楚耀、傅嘉莉(Kelly)、陳山聰、方紹聰等都有到賀，即將結婚嘅林師傑同歐陽巧瑩都有拍住拖一齊去觀禮，不過就獨缺。。。

一齊拍攝大台劇集《特技人》。呢套劇用心製作，獲唔少網民讚賞！

兄弟姊妹團都好型呀！

胡諾言、陳山聰等等都有到賀，場面十分熱鬧。

婚宴上，一對新人亦有切蛋糕儀式，在賓客起哄下熱吻。

Kelly喺IG上載與一對新人合照，留言﹕「Thank you for letting us share in this joyful day. People say that real love must go through many tests. And I wish you from all my heart to stand these tests and keep the love till the end. Congratulations on your wedding, my beloved bride and groom @marahung and @hincalvin #特技人 #thestunt」（感謝您讓我們分享快樂的一天，人們說真正的愛必須經過許多考驗，我衷心希望你能夠經受住這些考驗並將愛情保持到最後。祝新婚快樂，我親愛的新娘和新郎）

恭喜哂一對新人～

《特技人》導演Mara昨日小登科，一班劇中演員朱晨麗、關楚耀、傅嘉莉(Kelly)、方紹聰等都有到賀，即將結婚嘅林師傑同歐陽巧瑩都有拍住拖一齊去觀禮，獨缺劇中男主角譚俊彥，唔知係咪要趕拍《法證先鋒IV》太忙，所以嚟唔到。

(綜合報道/Apple daily)

【為孖女千挑萬選】熊黛林揀學校超緊張：佗住嘅時候就要睇定

2018-10-30

名模熊黛林（Lynn）今年4月為老公郭可頌誕下一對可愛孖女Kaylor同Lyvia，一家四口幸福美滿～Lynn時不時都會喺社交網曬湊孖女嘅得意相同趣事，張張都勁吸Like！

早前一齊慶祝Lynn38歲生日，Lynn仲約定兩個囡囡每年都要陪伴媽咪過生日，真係超溫馨～

Lynn昨晚出席活動，講到佢呢排經常曬一對萌爆孖女，Lynn就笑笑口咁話：「係呀，佢哋每日都有唔同嘅事發生，所以每日都有影相，今日會叫爸爸、媽媽。（咁快識叫？）其實三、四個月就開始發音，係冇意識嘅，兩個BB又會講BB話，好得意，佢哋成日傾偈，可能兩個互相練習，講得快啲。暫時未打交，推埋佢哋一齊，會錫一啖。」

問到孖女係咪真係會有心靈感應？佢指兩個囡囡都知道對方係同類，現時囡囡亦開始留意家中小狗，咁囡囡會唔會同狗仔玩？Lynn就表示：「有一日隻狗仔突然跳上去錫妹妹一啖，嚇死我，不過佢係冇惡意嘅，只係想錫吓佢，其實狗仔都係我嘅BB。（睇到呢一幕係咪好放心？）係呀，狗仔同BB都令我好放心，都好乖。（兩姊妹性格係咪好唔同？）家姐好淡定，咩都望住你先，妹妹就會嘩嘩咁叫，雖然妹妹大隻好多同高家姐好多，但一睇就知邊個係妹妹，因為佢好嗲。」

此外，問到現時是否已幫6個月大的孖女留意學校？Lynn坦言：「睇緊，原來已經遲咗好多，原來佗住嘅時候就要睇定。（諗住報幾多間？）唔知，睇老公報幾多間啦，同埋睇吓啲朋友，因為一齊會開心啲。（報十間？）咁多？」

至於怕唔怕同郭富城囡囡報讀同一間學校？

Lynn尷尬地笑一笑說：「我冇諗到咁遠，我唔知喎，唔知有咩學校。（名校來來去去得嗰幾間？）睇吓有咩學校收啦，始終兩個人同一間係難啲嘅。（係咪揀國際學校？）都想係國際學校，因為見到有好多幾歲嘅BB就要補習，好驚佢哋咁細個就咁辛苦，家姐（郭可盈）個女都係讀國際學校，好開心，我都想個女咁開心。（你問咗佢意見？）其實一路都有講開，雖然本地學校學中文都好開心，但係都好辛苦，我有少少驚，我壓力重大過BB。（你係緊張媽媽？）暫時未知道，不過都有少少，我買衫都要買兩套，壓力就已經係雙倍，好恐怖，報學校已經好大壓力。」

城城昨晚都有出活動，真係橋～

(綜合報道/on.cc)

【哥哥勁呷醋】成功兩年抱兩：希望太太越生越多

2018-10-30

有心有力，六月時宣佈懷孕，成功兩年抱兩，全家都替他們好高興！太太現時預產期已到，隨時生得!

雖然再度為人父，但他形容心情依然緊張，並大爆兩歲囝囝Alfie勁呷醋：「佢一見我錫媽媽個肚就即刻扭計，做啲嘢引大家注意，已經不停同佢講就快做哥哥，以後要幫手照顧妹妹。」

藝人李家鼎（鼎爺）大仔李泳漢有心有力兩年抱兩，太太Conny預產期已到，隨時生得。

鼎爺又多個孫女喇！不知道鼎爺會不會向兩個孫傳授煮餸秘笈呢？

他又稱已替就快出世的囡囡改了英文名叫Charlotte，跟英國小公主夏洛特撞名。

問到會否繼續生？

泳漢表示爸爸與母親施明開心抱孫，不過明白現今養小孩負擔好重，所以沒有給予壓力，反而他很希望有個大家庭，已向太太表明愈多愈好。

他說：「其實生小朋友係一個好大動力，放工返到屋企Alfie望住我笑，已經抵番晒。」

為了鼓勵太太的努力，他表示已準備了一份神秘禮物，當追問是否送樓揸手，他自言暫時不能透露，總之會「終身受用」。

（綜合報道 / on.cc）

【傾計傾到餐廳閂門為止】陳凱琳：對我哋嚟講係正常

2018-10-29

藝人陳凱琳（Grace）、龔嘉欣、譚凱琪同沈卓盈組成嘅「少婦聯盟」一向感情要好，雖然佢哋各有各忙，但係點都會抽時間見面。

早前就係凱琪生日，Grace就喺社交網上載多張同凱琪補祝生日照，見到佢哋就去咗食美食，當然仲唔少得一個靚靚蛋糕，四位美女笑得超甜。

Grace仲話：「傾到間餐廳閂門為止⋯⋯對我地（哋）來講係正常嘅 Happy Belated Birthday Zoie dear! ‍#少婦聯盟」而嘉欣亦有留言話：「少婦聯盟嘅傾計（偈）能力，真係唔可以低估，每一次聚會都傾足六七個鐘，無間斷嗰隻，今次仲傾到餐廳閂門先肯走，冇辦法啦，真係太多嘢傾！」網民都搞笑話一班女仔圍住一齊談天說地，真係口水多過浪花，口水多到可以淹沒間餐廳！

（ig / 綜合報道 / on.cc）

【坦言當了19年外賣夫婦】伍詠薇：冇人信我

2018-10-29

藝人伍詠薇（伍姑娘）出席美容院開幕，提到丈夫練海棠於本月26日生日，她笑言從未試過跟同一個關係19年（不計親人），拍拖初時好多驚喜，但現時已經很難會再有…”

「我本身唔識煮飯，多年來都係外賣夫婦，以前搞生日都搵埋班朋友出去食，我老公話不如靜靜地兩個人喺屋企食，唔知係咪佢年紀大咗，我哋兩個都加埋294歲。但我唔識煮飯，所以就整日式火鍋，由下午四點食到十二點幾（晚上），覺得好舒服，價錢唔重要，最重要係生活質素。蔡一智話我哋咁孤寒㗎，唔搞食飯，我雙重性格，其實我個人比較『宅』，我鍾意靜，但冇人信我。」她突然自爆恭喜練生，希望他繼續乖乖的，賺多點錢給她。

問之後伍姑娘生日是否也會在家中過二人世界？她坦言：「應該都走唔甩，不過如果我唔使做嘢，我計劃去旅行，我超愛日本東京，主要係去食同買。其實都想去歐洲，但治安唔係咁穩定。」