「生煎包王」蕭潤邦（Oscar）和江若琳（Elanne）將於12月23日舉行婚禮。

而今日就進行過大禮儀式，一對新人亦跟足傳統，未有在儀式中岀現，完成後才與家人影合照留念，事後兩人表示：「一個過大禮程序已經複雜到頭暈。」而大禮中，除有大量中、西式禮餅外，還有乳豬、生果、椰子、山珍海味，還有兩對金龍鳳鈪、大豬金牌及金器等。

準新娘Elanne表示：「今次過大禮我哋盡量都跟足傳統，結果攰爆Oscar，每日有好多濕濕碎碎嘢準備，有時我會突然彈起，問佢買咗呢樣、嗰樣未，佢話我終於有一個新娘嘅狀態。」

而Oscar則謂：「傳統嘢我真係乜都唔識，好彩今次搵咗金牌大妗姐麗姐幫手，我每日好似小學生交功課咁，不停WhatsApp佢，我今日買咗咩。到今日過大禮嘅時候，因為傳統新郎哥係唔岀現，所以我只係負責做柴可夫，全靠一班兄弟同麗姐。」

至於問到禮金金額，Oscar則表示心意最重要，而且今日自己是第二次畀禮金，希望未來岳父岳母感受到十足誠意，Oscar：「之前求婚嘅時候，好驚世伯伯母唔嫁個女畀我，所以一求完婚即刻畀禮金，到準備過大禮先知，原來禮金係應該今日先畀，世伯伯母話畀咗唔使再畀，但係我堅持，我希望畀佢哋見到我嘅誠意，相信我一世都會對老婆、對佢哋好。」

(綜合報道 / on.cc)

前港姐朱千雪 （Tracy）有「民選港姐」之稱，自2012年當選港姐季軍後即備受無綫力捧，被指「三高」的她高學歷、高收入、高顏值，一直被網民視為女神！

但年前她毅然向無綫請假回歸校園，力求上進的她於中大修畢企業傳播管理碩士課程後，近年再於香港城市大學攻讀法律博士課程。有傳最近已獲全港五大律師行之一，位於金鐘的著名律師行聘請，為她預留職位，看來已經逐漸淡出娛樂圈，暫時最後的劇集作品為《踩過界》。

怎知道又有港姐師妹效法朱千雪，一邊在TVB發展事業，賺學費，一邊讀書，那麽會不會又慢慢退出娛樂圈呢？

前港姐張寶欣現身明珠台劇集《好醫生》宣傳，她表示現正修讀國際科技管理碩士課程，認為科技仍全球發展大方向，無論電視及很多行業也有需求，所以考取專業資格以備不時之需，由於要兼顧演藝工作，故現在是半工讀學生。

問到同班可有俊男？寶欣笑指有男有女，但每個同學均是功課厲害之人，她也不時詢問功課，單身的她可有遇上合眼緣男同學？她謂：「冇呀，順其自然啦。（你高要求？）未有合眼緣啫！」

(總合報道 / on.cc)

阿嬌（鍾欣潼）昨日同賈曉晨、凌文龍、余安安等為電影《失蹤》銅鑼灣舉行煞科宴。

阿嬌和未婚夫賴弘國今年五月在美國舉行了婚前派對，最近正式入紙結婚，她就大方宣佈12月18日簽紙，20日擺酒。

阿嬌透露早前到了八仙嶺及烏蛟騰外景，當日37度，曬到不得了，幸好未有中暑，問到有否發生靈異事件？

她坦言：「係日抖戲，冇太陽就收工喇，冇遇到。司機畀恐怖片我睇，我冇睇，冇理到，我好驚靈異事。」

她自爆之前去武漢開Twins演唱會試過鬼壓床：「仲要係唔止一次，我好驚，當時一個人喺酒店，即刻call老公，本來佢嚟唔到，雖然佢喺大陸，但佢都即刻搭高鐵趕過嚟，當時仲有大雪，好多嘢都delay，遠水不能救近火。（有冇同拍檔蔡卓妍講？）佢都知，不過我無謂嚇親佢。（老公趕過來好感動？）感動都冇用，佢都救唔到我。」

（綜合報道 / on.cc / apple daily）