問到佢驚唔驚？唐詩詠手按心口、驚魂未定咁話：「好驚！我好驚係個女人…」

昨晚約10時，唐詩詠駕駛座駕途經觀塘，在apm對出嘅觀塘道發生三車連環相撞交通意外，據現場目擊人士透露，事發時有名女子突然由欄杆跳出馬路，由於當時馬路上交通繁忙，幸而唐詩詠前面嘅車輛趕及緊急煞車，並冇撞到衝出馬路嘅女子，不過，第二架車嘅唐詩詠煞掣不及，結果撞向前面座駕，唐詩詠嘅座駕車頭被撞凹了，而在佢後面嘅第三架車，亦因收掣不及撞花車身，幸好事件冇人受傷。

有途人目擊意外發生報警，唐詩詠在意外發生後，表現驚慌，呆坐車內一會兒後落車視察情況，見佢拍晒心口，驚魂未定，記者即上前慰問有冇受傷，唐詩詠說：「冇事！冇事！」並跟其他兩位車主商討情況。由於現場頗大風，唐詩詠一頭長髮被吹起，搞到「頭髮亂了」。

警察到場後，分別為唐詩詠等人「吹波波」做酒精呼氣測試。

事後問番唐詩詠，佢講番事發經過：「就係我哋行緊嘅時候，突然間前面有個女人衝出嚟，我隱約見到唔知係唔係嘅時候，開始dup車嘅時候就dup唔切，咁我哋就3車撞咗。（車頭撞毀嚴唔嚴重？）都…算啩！少少凹咗。」問到佢驚唔驚？唐詩詠手按心口、驚魂未定咁話：「好驚！我好驚係個女人…係我架車撞到前面嗰架，我驚隔籬嗰啲撞到佢，好驚呀！因為我係第一次咁樣撞車咋，即係有個人衝出嚟咁樣。」

唐詩詠又話，已經settle咗啲嘢，佢苦笑住表示：「都已經settle咗啲，好彩我唔係第一架車，如果唔係我諗我會嚇死。」

之後佢喺社交網發文報平安留言話：「大家唔使擔心，我冇事，好彩其他人都冇事，過馬路記住要用斑馬線啊，唔好貪方便貪快，真係好危險㗎！#係好驚」

睇佢咁講，應該係有途人唔跟斑馬線亂過馬路導致交通意外發生，顧己及人大家真係要小心呀！

(綜合報道/Apple daily)

31歲的洪卓立（Ken）跟女友湯怡（Kathy）同步在社交網甫文宣布「分」訊，結束11年愛情長跑，令人感到可惜。

上月中，立立在旺角麥花臣場館開騷，湯怡以女友身份現身撐場，估唔到短短1個月後，卻宣布情已逝！

有知情者透露情變對Ken打擊至深，10月中立立在旺角麥花臣場館開騷，Kathy雖以「女友」身份支持，但他唱《回到最愛的那天》已感觸落淚，緊接《帶着骨灰去旅行》的昔日愛歌，也因喊得太厲害而唱不到，當時他亦沒在台上感謝女友，騷後Kathy到後台跟Ken和吳浩康留影，成為這對分手男女的網上最後合照。

一直以來，兩人都十分恩愛，惜感情自今年7月現危機，一向樂於晒愛的Kathy突然拒談男友，又轉口風指買了樓也無意跟男友結婚，當時Ken第一時間闢謠：「畀佢激死，其實我哋感情好好，只係有共識少提感情。」

但事實是做慣背後小女人的Kathy，以往多數做「串星」、演配角，早前卻突然有機會擔正電影《某日某月》女主角，廣告和商演工作激增，激發了事業心，加上拍拖太久欠激情，故萌「獨立」之意，Ken雖曾極力挽留多陪女友，可是女友去意已決，鮮有緋聞的她與合作夥伴陳家樂頭貼頭影相傳緋聞也不介意，Ken無奈接受被分手事實，但私下雙方約定由情侶變成「仍會為對方赴湯蹈火的知心好友」。而分手後，據悉Kathy在人前亦表現無異。

由於兩人忽然分手引起好多揣測，有網民甚至拉同公司藝人陳家樂落水，指近期英皇安排湯怡孖住陳家樂搵銀，拍戲、廣告都一齊，猶如營幕情侶，不少網民偵探上身，懷疑湯怡移情戀上陳家樂。

公布分手後，Kathy昨日傍晚現身西環為英皇電影開工，頭戴Cap帽、穿黑衫和牛仔褲的她，狀態明顯跌Watt，有啲憔悴，落車後企定定拍照，欲伸手接訪問咪的她被助手阻止，之後開口說：「唔好意思，今日唔回應喇！」之後再一句「多謝關心」便上樓工作。

據知，上月中立立開騷湯怡捧場，當時兩人感情已經危危乎，雖然經過一番努力，可惜最後都是無力挽，於上月尾決定忍痛分手！本月2日，立立在Ig貼獨站在玻璃窗前嘅相片，仍未從情傷中康復的他留言：「Wait and see」有粉絲已察覺到他心情低落，留言慰問：「感覺你憔悴咗好多，係咪冇休息好吖？」、「瘦咗唔少」！

有消息指兩人感情決裂，其實只是這半年間才發生，今年5月尾，立立還在Ig力谷女友新戲《某日某月》，開宗明義寫道：「#我係賣緊廣告 #但都係真心推薦」；6月中，有人更見到他們拍拖到紅館睇張敬軒演唱會，想不到短短5個月已極速生變認分手！

此外，有另一個版本指湯怡和洪卓立近年情轉淡，湯怡早前拍戲獲一位幕後熱烈追求，但湯怡未有接受，卻成為跟洪卓林之間的漣漪，兩人關係更沖淡，最終協商下決定分手。

立立將於明日（16日）出席公司旗下品牌珠寶義賣活動，到時不知會否回應傳聞呢！而霍汶希回應表示：「家樂、湯怡、Ken（洪卓立）同一team，廣告活動會一齊配搭，好離奇畀網民誤會咗，以為佢哋好多情侶檔，我哋覺得好笑，佢哋真係和平分手，絕對冇第三者，家樂根本冇諗過呢段時間去拍拖。」

(綜合報道)