據台灣傳媒報道，昆凌身價即刻水漲船高，暴漲足足六倍，由本身僅約6.4萬港幣（25萬新台幣）代言費升到約39萬港幣（150萬新台幣），終於身價都襯番「天王嫂」個名，真係唔講得笑！報道又指，昆凌拍新片前，只係得《我愛黑澀會》成員同「天王嫂」頭銜，尚未有演藝事業代表作，曾被圈內人質疑佢憑咩收高價，依家佢進軍荷里活，身價即刻唔同晒。

台灣天王周杰倫嫩妻昆凌有份參演由荷里活動作巨星狄維莊遜（Dwayne Johnson）主演大片《高凶浩劫》（Skyscraper），據報《高》成本約1.29億美元，而開畫票房單日就已經收930萬美元。做Cool爆殺手一角嘅昆凌，瞓晒身拍打鬥場面，出盡力展示實力，仲畀狄維大讚有霸氣添！

昆凌（右二）就係憑《高凶浩劫》一片，成為佢嘅代表作。

之前宣傳佢都拉埋老公周杰倫（右一）齊齊合照。

仲畀狄維莊遜狂讚。

而當時昆凌去《高凶浩劫》試鏡時，原來佢啱啱開刀生B三日，就算身體不適，都要坐住輪椅完成試鏡，認真敬業！

(on.cc)

當中在劇中一角剛剛走紅的演員被指對前女友家暴兼劈腿。
其所屬公司發出聲明，澄清家暴傳聞後，他亦發文回應家暴一事：「我做錯的每件事兒，我都承認。有爭吵、有撕扯，有推搡，不是家暴。」

演員許凱前度大金早前上載被家暴的照片到網上，即時引起關注。

許凱發聲明。

「有分手後復合再分開，我曾經是壞男生，所以更渴望有一天成長為一個好男人。」他並表示希望和前女友「一別兩寬，願二人各自都好。」

（on.cc）

藝人張美妮與老公結婚5年，一直都好恩愛！

二人於2013年結婚，（資料圖片）

最近兩人齊齊到泰國布吉旅行，今次同行的還有她的妹妹一家，盡享家庭樂。

日前，美妮於社交網大晒「老公視覺」水着照。

美妮接受傳媒訪問被問到有否順道努力造人時，她笑言：「都冇話特唔特別努力，今次一家人住喺Villa入面，有個專人廚師煮嘢畀我哋食，日日游水同我個姨甥女玩。」

美妮表示與老公已有兩年沒有旅行，因為老公之前都很忙，故今次沒行街，純粹休息享受一下。

（on.cc）

原來已經懷孕7個幾月，呢日佢舉行baby shower（迎嬰派對），仲邀請咗班姊妹包括同樣大肚嘅李亞男、靚媽胡杏兒、陳爽、高海寧（高Ling）、同埋前華姐冠軍朱璇一齊玩，而佢哋有個共通點，就係都係港姐或者華姐出身！

而場地就擺咗藍色氣球布置，仲有個波衫型氣球上印有「Baby Boy!」，而枱上就擺滿食物，簡約又精美！

早前宣佈有喜嘅宋熙年（Sarah）搞baby shower，今日就唔見老公陳智燊，但就有一班好姐妹現身支持！

大肚李亞男喺Instagram上載多張相，見到主角Sarah着上橙色露背長裙，雖然好大個肚，但手腳依然纖幼，真係羨慕死人！

唔係大肚，而係都係選美出身，港姐或者華姐！

宋熙年（右二）同亞男（左二）都係肥肚唔肥人！

而穿上鬆身衫嘅亞男微微凸肚一樣咁靚，佢留言話：「Congrats again to my dearest @rahrahsong　I can’t wait to meet your baby boy ! Wonder who is he going to look like（恭喜Sarah，好想快啲見到你嘅囝囝，唔知係咩樣呢）」而Sarah又開心到搖晒肚，高Ling都大讚係「hot mama」呀！

（on.cc）

他說：「好開心，因為大家都好歡迎我返嚟，真係好似返屋企咁，同埋好鍾意拍攝呢個感覺，因為有呂慧儀呢個好好嘅對手，同佢演戲係好好玩，因為佢真係畀到好多嘢出嚟嘅一個人，每日對戲時都有好多即興嘅嘢，令到我每日都好期待，所以能夠返去真係好開心。」

「係啱啱添食前返嚟嘅，已經拍咗幾集，公司想保持神祕，所以之前唔講得，第幾集出場都唔講得住，希望大家留意每一集，總之暑假會出場，如果係粉絲就一定會知嘅。」

藝人張景淳飾演「龔燁」一角早前於劇集《愛．回家之開心速遞》而人氣急升，但因為工作關係，當時佢要暫時離開劇組，搞到成班網友大呼不捨，發起「工業行動」要求景淳快回家！

當時只係加入劇組短短四個月就深得網民喜愛！

估唔到網民呢股力量咁快就成功，景淳向傳媒透露即將回家，繼續同飾演「熊若水」嘅呂慧儀再擦出火花。

講到網民好期待佢返嚟，佢話好似圓咗粉絲嘅願望咁：「因為我走嗰陣就話有工業行動啦，講咗咁多個月，終於發生咗，令到我拍攝時好有動力，好期待出街時粉絲嘅感覺同埋回響。上次我係比較傷感咁離開，今次我繼續會同呂慧儀做冤家，故事亦有唔同嘅走法，希望大家留意！」

張景淳大讚呂慧儀係一個好好對手。

兩人戲裏戲外都好老友。

(on.cc)

新城DJ葉文輝（啤梨）同女友Michelle今日喺尖沙嘴Hotel ICON舉行婚宴。
被發現今日單拖到賀，笑言係嚟偷師睇吓佈置同食物。

他謂：「我都籌備婚禮，見到佢哋（啤梨）每一part都花好多心思，要挑選去揀，其實我都不時會問對方鍾意啲乜，但佢每日都改變緊，所以依家問定都係搜集資料，可能到11月先至落實。」

講到同啤梨友情，Oscar話自己初初搞生煎包生意時，真係忙到斷六親，啤梨成日放工嚟同佢出去打冷食宵夜，兩個人成日見，但之後佢本人忙到都冇時間見面；而啤梨嫂Michelle，Oscar都話今日第一次見。

女友唔喺身邊，  將於今年12月23日同江若琳(Elanne)結婚嘅「生煎包小王子」蕭潤邦Oscar就開始忍唔住呻……幾句咁啦。

呢位小王子話：「Elanne成日問我會畀乜嘢驚喜佢。唔通我同佢講會畀呢啲嗰啲驚喜佢咩？反而近排發生咗件事，我同Elanne講呢排成日影結婚相，自己口快快同Elanne講呢排成日見到你着婚紗嘅樣，我會唔會到時唔識感動，Elanne就落命令：『你到時見到一定要喊。』其實喺男人眼中，婚紗一定係心口多個窿少個窿，最緊要係唔好太多窿就得0架喇！」

講到呢度……Oscar唔知係咪驚未來老婆大人又有新指令啦，最尾兜番：「不過最感動未必係望到套婚紗，而係嗰吓佢步出嚟，望到佢嗰個感覺終於出現喺自己前面。」

記者笑指Oscar到時要做足戲一定要喊，Oscar無奈：「我儘量啦。你哋知我戲又屎，唱歌又差，所以先至嚟做呢行，我到時會儘量做㗎喇！」相信Elanne聽到肯肯定生蝦咁跳~~~

(apple daily)

其實早在前年，網民對二人合照已引起討論，剛剛被踢爆蜜運中，今次終於斷正，更被公開同居消息，唔少粉絲都隨即議論紛紛。。。

8月即將來港開騷嘅31歲動畫界歌姬LiSA，被《週刊文春》踢爆秘戀34歲日本著名聲優鈴木達央，二人更被發現已在世田谷愛巢同居。

其實早在前年，網民對二人合照已引起討論，而今次終於斷正，更被公開同居消息，唔少動漫迷都隨即議論紛紛，《週刊文春》記者大前日追訪從家門步出嘅鈴木達央時，呢位緋聞男主角未有承認及否認。LiSA近年深受亞洲動漫迷歡迎，8月11日將會再會港迷，假旺角麥花臣場館舉行演唱會。

(蘋果日報)