尋日係郭富城53歲生日，佢經理人小美幫佢喺前晚搞生日party慶祝，仲請埋城嫂方媛（Moka）、好兄弟沈嘉偉同張智霖等為佢慶祝。］
城城噚日喺微博亦破天荒貼夫妻合照。
咁多好朋友同合作團隊同佢慶生，當然令得佢好開心。
噚日正日，城城就留番俾老婆同囡囡，一齊去咗一間酒店食生日大餐。
今日Moka擺咗兩張噚晚為老公食飯慶祝嘅相上Ig，一張係一家三口全家福。
不過為咗唔想個女曝光，佢專登搵公仔遮住囡囡塊面。相中兩公婆一齊攬住個女笑晒，幸福甜蜜。Moka為城城準備咗生日蛋糕，個蛋糕都整部跑車喺度，相當貼心。
一張係喺前日生日會嘅二人合照，Moka小鳥依人咁挨實老公甜到漏！
仲有一張係Moka為城城準備嘅生日蛋糕，蛋糕上仲有架跑車！
(Apple daily)
林峯同吳千語年紀相差14年，今年3月正式宣佈分手。
雖然佢哋已各自找到另一半，千語被爆與全國政協施子青長孫施伯雄Brian拍拖，林峯亦戀上大陸o靚模張馨月，但話晒有5年感情，關係又真係好難話斷就斷。
阿Sa蔡卓妍都有喺ig祝福壽星女生日快樂，千語即轉載後留言﹕「Xiexie my dearest jiejie(謝謝，我親愛的姐姐)。」
咦，乜咁啱嘅，林峯噚日先認咗周勵淇做姐姐，今日又輪到千語叫阿Sa做姐姐，一人嗌一個，誰也搶不了誰的風頭。
近日千語在微博不時會轉帖點讚有關愛情嘅文章，其中一篇講述一對戀人分手，其中一人想重新來過，可惜一切已成定局。
「就好像我喜歡你的時候你不喜歡我，你喜歡我的時候我身邊已經有別人了。我對你好的時候你不珍惜，等你回過頭來後悔的時候我已經被別人寵成小公主了。我需要你的時候你都不在，別人已經出現在我的生活裏替代你了。
「你說不如我們重新來過，我說來不及了，真的來不及了。……我錯過你了，你也錯過最好的我了。」由於故事情節似層相識，有網民就大膽猜測﹕「千語BB對林峯的真情流露」。
(Apple daily)
兄弟團包括羅天宇、楊潮凱、周志康、麥秋成、張明偉、翟威廉，溫家偉就同麥美恩、劉佩玥、蔚雨芯、陳婉衡、王子涵做姐妹團。。。
林師傑和歐陽巧瑩（Tammy）拍拖4年一直都超Sweet！去年林師傑向女友求婚成功，佢哋將於11月22日拉埋天窗。
目前忙於籌備婚禮，準人妻Tammy自爆上星期情緒爆煲：「我今日生日，呢段時間真係好感動，喺我心目中，一直覺得自己處理情緒叻過佢，自己一個人生活咁多年，對自己控制情緒好有自信，有信心解決問題。就係因為好有信心，令自己走咗去一個不斷壓抑，情緒爆煲。
上星期情緒崩潰，喺屋企好似喪屍爆喊，將自己唔舒服壓力嗌晒出嚟，嗌到自己喉嚨發炎聲沙，冇諗過自己處理情緒渣過林師傑，佢幫我解決問題，因為我要面，佢真係陪我喊咗成晚，我郁身郁勢爭扎，佢睇住我唔畀我整到自己，佢睇到我瞓着，佢先夠膽瞓，又幫我同屋企人講解決件事，嗰日起身，我收到爹地媽咪message，我真係好感動，自己冇嫁錯人。
本來婚禮搞到半途，成日問自己係咪唔應該搞，咁煩，我哋係咪做錯決定呢？但上星期發現係啱，上天畀機會我哋經歴呢個問題，如果唔係呢件事，我覺得佢渣過我，依家唔係佢冇咗我唔得，係大家冇咗大家唔得，冇話邊個欠邊個，邊個付出多啲，真係感受到真愛！」
昨日被爆一對準新人已經入紙排期註冊，佢哋申報嘅地址仲係一模一樣，明顯已經過緊同居生活。
其實昨日仲係Tammy嘅26歲生日，真係雙喜臨門！Tammy喺ig貼咗一張三年前嘅舊post，話等緊男友買牛扒返嚟一齊慶祝生日，唔經唔覺，佢哋快將踏入人生另一階段，Tammy留言：「噢~原來林先生陪我過第四個生日嚕~時間真係過得快，感恩嘅係……就算世界怎麼變，綿綿千載此心不變#每年一度屋企燭光晚餐。」真係sweet到震呀！
問到Tammy係咪患咗婚前恐懼症？佢回覆傳媒表示：「我唔係婚前恐懼呀！呢個係一直都有嘅問題，只係冇去面對，人生梗有一啲自己未夠膽面對嘅問題，又唔關婚唔婚前事，純粹呢段時間有好多嘢搞，所以呢件事被林師傑發現到，強迫地令我對自己坦白、對佢坦白、對屋企人坦白，解決咗都好，解開心結嘛！」
木偶哥則體貼地表示：「其實呢個關乎成長，家家都有本難唸的經，最主要透過搞結婚呢件事，我做咗佢哋一家人溝通嘅橋樑，依家我享受緊做一個仔、哥、細佬、丈夫，點樣喺舒服底下保障到自己屋企之餘，亦令到佢屋企舒服。」
能夠幫未婚妻解決同家人嘅問題，木偶哥覺得好開心，大晒幸福話佢哋兩個人活緊一條命：「依家自己好有成功感，亦見到Tammy對我越嚟越有信心，係覺得正嘅，覺得好似天跌落嚟可以當被冚，冇乜大壓力，兩個人係活緊一條命，所有嘢係冇問題，係搞得掂！」
木偶哥仲多謝一班圈中好友幫手，兄弟團包括羅天宇、楊潮凱、周志康、麥秋成、張明偉、翟威廉，溫家偉就同麥美恩、劉佩玥、蔚雨芯、陳婉衡、王子涵做姐妹團，伴郎係木偶哥圈外老死Samuel，伴娘係Tam妹妹Bubu。
(Apple daily)
藝人袁詠儀（靚靚）同老公張智霖不時都要出外工作，少不免要離開囝囝張慕童（Morton），亦因為咁而自小培養佢獨立嘅性格。
唔好睇靚靚平時對Morton好似好嚴厲咁，其實佢好錫囝囝！
因為當輪到Morton離開屋企一段時間，最唔捨得嘅唔係Morton，竟然係靚靚！
靚靚喺社交網發文，指Morton要跟學校飛去北京，令佢大感不捨，佢留言：「Morton前幾天離開了父母保護的安全區，跟隨學校到了北京，看到他能有條理的處理行李和證件，看到他跟朋友的背影，真的要說他長大了！突然有點酸酸的，媽媽也要學會放手。 Love u Morton」
不過睇番啲相，見囝囝由寄行李、過關以至搵登機閘口等，都可以自己一手包辦，睇嚟靚靚都唔需要太擔心啦！
(on.cc)
佘詩曼、周家蔚、林奕匡太太李靄璣等，昨晚喺中環出席一個品牌活動，阿佘着住條貼身裙出嚟，騷長腿。
之前阿佘接受大陸《魯豫有約一日行》節目訪問時，曾經提到有一年台慶，阿佘同佢個對手一齊企，當時阿佘見到前面發生咗一樣好好笑嘅嘢。
於是佢就擰轉頭同佢對手講：「嘩，你睇！」
但對手完全唔理佢，直頭當阿佘透明一樣。
雯女到灣仔出席頒獎禮，受訪時被傳媒追問佢是否就係嗰個「白眼對手」，雯女笑：「係咩？我散光0架喎！就算有人白眼我，我都唔知。」亦否認係白眼／無視阿佘嗰位女演員。那平時同阿佘有冇偈傾？「其實我哋係學姐學妹嚟0架，因為我哋係協恩嘅校友，有時都會同我聯絡，講有關學校嘅嘢，早前有個老師想搵我，阿佘都有同我講。」否認不和。
昨日輪到阿佘回應，佢話：「嗰個一定唔係雯女，因為佢係我一個好欣賞嘅演員，加上亦係我師姐，同我一間學校，所以大家唔好有咁多誤會。」
咁點解忽然重提舊事？阿佘稱：「因為自己上個清談節目，主持問我有冇類似遇過咁嘅情況，所以我先至講呢件事，但目的唔係要傷害任何人。因為你上到個節目，如果乜都話冇冇冇，咁唔係一個有趣嘅訪問。」
阿佘再謂：「成件事已經咁多年前，自己亦唔係要開名講邊個，咁多年之後，依家同『嗰個人』好好關係。人總係有成長嘅，大家後生嗰時可能都唔懂事。」咁『嗰個人』有冇合作過？佢話：「有合作過。」
咁依家係咪冇人敢對你白眼？阿佘笑道：「如果你想人點對你，首先就要你點樣待人。要善待任何一個人。」如果你依家畀人白眼，會點？佢話：「我會整到佢笑為止。」
此外，阿佘憑《延禧攻略》角逐華鼎獎最佳女配角，阿佘話好開心，係意料之外嘅事：「自己覺得攞唔攞獎唔重要，第一次演奸角，得到大家認同，之前最擔心大家會討厭個角色，但知道大家中意就開心啦。」係咪事前擔心演奸角反應唔好，阿佘話:「依家時代唔同。」
阿佘曾謂因拍《金枝慾孽》做奸角而痛失月餅廣告，咁依家拍完《延禧》係咪多咗廣告？阿佘笑住話:「OK啦。」咁會唔會再演奸角：「見好就收啦，唔好住。」
(Apple daily)
台灣藝人陳建州（黑人）同范瑋琪（范范）係圈中模範夫妻，出哂名恩愛。
范范四年前冒着生命危險生下孖仔飛飛翔翔，由於係高齡產婦嘅關係，佗B時幾辛苦。
因為當時范范打了數十次排卵針才造人成功，懷孕過程更出現頻尿及掉髮症狀，就連晚上也無法正常入眠，飛飛同翔翔更提早咗1個半月出生，可說是歷經艱辛才生下雙胞胎兒子。
黑人最近愛上健身，嚴格控制體重，日前他上節目時坦言過去不是不想行時尚路線，只是礙於體重限制，很多衣服都塞不進去，更常常在借衣服時被品牌公關用歧視眼神傷害，於是他訂下目標，就是要塞下這些衣服。現時黑人已瘦到人生新巔峰87.4公斤，他笑言：「連呼吸都沒有那麼油膩。」還自爆被老婆范瑋琪的閨蜜懷疑：「你老公練那麼壯，是不是外遇？」
其實范范較早前接受訪問時已提過，老公最近熱衷健身，狂瘦10公斤，合共減去38公斤肥肉，還每天在家噴得香香的，令她忍不住想：「他是有外遇嗎？」她續爆料指：「而且黑人在家閒聊時還會刻意手臂用力，偷瞄後方鏡子欣賞自己的肌肉線條，連聊天都不專心，我超無奈，他真是自戀到不行。」
(綜合報道/on.cc)
藝人陳豪今日出發到台灣為無綫劇集《殺手》拍外景，他表示今次會在當地逗留三星期，家中小朋友適逢有幾天學校假期，所以太太陳茵媺稍後會帶三個小朋友到台灣會合他。
昨晚Aimee PO相，原來佢哋一家五口已提早慶祝萬聖節，齊齊着上牛仔打扮，陳豪話：「因為會所有派對。提早都好，我可以一齊參加。個打扮當然係我聰明又有智慧嘅太太諗出嚟，我太忙搞唔到，啲衫好靚，佢搵到五件一模一樣嘅衫。」
另外，有傳茵媺再懷孕，陳豪否認：「啲人恭喜我，我自己都未知。多謝大家，但係大家心急咗。唔會排除再生嘅可能性，但唔會咁快，雖然太太好鍾意小朋友，但依家已經好忙去湊同去教，要遲啲先再生。」
至於有指古天樂及蕭定一公司曾向陳豪招手，他笑言：「唔知有人向我招手，有嘅話好開心。但我已經同無綫續咗約。我同TVB合作關係好好，合作模式好開心，見唔到有轉換環境嘅需要。（公司畀好好條件你？）一直以來好開心。（畀好高自由度接工作？）開心囉！」
陳豪為劇集而要操肌，問他到台灣拍劇美食當前也要忍口，他自言已經習慣：「我唔會視為忍口，無論係為健康定精神狀態，我又鍾意健身，我唔係當短期嘅減肥，而係當長跑咁。」
他笑指自己雖然不用像同劇的黎耀祥一樣除衫騷肌，但自己比對方更有難度：「除衫見肌肉唔難，我要隔住件衫都見到肌肉，咁先難呀！」
(on.cc)
當時佢著住黑色衣服，肚就明顯隆起，目測肯定已經懷孕。之後佢曬出一張近照，留言：「謝謝你，歡迎你。」正式向大家宣布太太再佗B嘅喜訊！
有報道指佢今年一直飲中藥調理身體，6月證實懷孕，一直喺屋企養胎，等情況穩定先出門。
其實佢之前喺17年曾傳懷孕，但因為健康問題要忍痛放棄，當時佢暗示留唔住BB，故今次二人造人成功，身邊人都替佢兩公婆開心！
有指其經理人已將老婆有BB消息開心同工作人員分享。
49歲台灣歌手陶喆同細佢16年嘅五金行千金江姵蓉（Penny）喺2014年再婚，結婚4年終於造人成功！今年5月Penny傳出懷孕，但陶喆否認，到7月再傳懷孕，佢依舊否認。
根據《台灣蘋果日報》報道，有讀者爆料昨日晏晝見到Penny同友人去整蛋糕，當時佢著住黑色衣服，肚就明顯隆起，目測就肯定已經懷孕。又據台灣雜誌報道，陶喆經理人已將Penny有BB消息開心同工作人員分享。
上年太太被傳小產，當時陶喆更憑新歌《Mars Baby》寄意，歌詞中提到「Baby告訴我到底要怎麼留你在身邊」，暗示留唔住BB。
陶喆之後更新社交網，佢晒出一張近照，相中除咗有刻上佢同太太英文名字嘅杯之外，仲有一個奶樽，佢留言：「謝謝你，歡迎你。」正式向大家宣布太太再佗B嘅喜訊。
(綜合報道)
阿嬌同「醫界王陽明」賴弘國，今年五月喺美國舉行浪漫婚前派對，至於婚禮，阿嬌曾講過今年12月，地點係香港。
依家已經十月底喇，係時候要plan好婚禮細節，兩人日前亦已正式入紙，排期註冊。擬結婚通知書上，阿嬌用本名「鍾嘉勵」，兩人申報嘅地址，男嘅填台灣，女嘅填香港。
阿嬌同賴弘國爆出戀情之初，曾傳女方係大過男嘅四年，亦有傳係九年。擬結婚通知書就提供清晰答案，阿嬌大過賴弘國八年多。賴弘國係1989年5月28日出生，阿嬌就係1981年1月21號。
擬結婚通知書曝光，阿嬌終於鬆一口氣，可以同大家宣佈婚期——分兩日搞呀！佢話：「好開心終於入咗紙，終於可以公佈幾時簽紙，會喺12月18日，咁12月20日就擺酒，好開心終於可以講出嚟。依家婚禮準備得如火如荼，請緊人，其實大部份朋友都會嚟，亦好開心，可以同朋友親戚一齊慶祝重要嘅一日，現在好開心呀，多謝大家！」
賴弘國同阿嬌之前舉行婚前派對時，曾同賴生有一段短暫婚姻嘅「華航林依晨」趙筱葳都有「發功」——晒幸福，貼下同小朋友去英國旅行嘅相；之前爆出賴弘國向阿嬌求婚成功時，趙筱葳都有「贈慶」寫道「幸福會循環，悲傷也會循環，當我們想要自己愛的人快樂平安幸福時，就要在幸福的循環中盡一點心力。」
又真係咁啱得咁橋，呢頭賴生同阿嬌入紙結婚，趙筱葳亦有喺IG貼一輯攝於夏威夷嘅泳衣照，盡現豐滿上圍。
賴弘國同趙筱葳曾喺節目《康熙來了》放閃，二人拍拖2年，於2016年4月結婚，同年10月宣佈離婚。
(Apple daily)
其實四年前楊冪同劉愷威喺峇里結婚時，佢係唯一一個伴娘，當時楊冪仲親手將手上花束送畀對方，希望好姊妹快出嫁，但今次。。。
據大陸傳媒爆料指，楊冪已經收到佢哋嘅結婚邀請，但佢因為工作關係，去唔到維也納見證姊妹結婚。
今年8月嚟香港同梁朝偉出席《歐洲攻略》首映。
大陸女星唐嫣同大陸小生羅晉，日前已飛抵維也納，為後日（28日）舉行嘅婚禮做準備，婚禮場地日前亦曝光。唐嫣結婚好姊妹楊冪會唔會去呢？答案係︰唔去。
其實四年前楊冪同劉愷威喺峇里結婚時，好姊妹唐嫣係唯一一個伴娘，當時楊冪仲親手將手上花束送畀對方，希望好姊妹快出嫁。
楊冪同唐嫣早於09年因拍《仙劍奇俠傳3》而成為好友，2013年唐嫣被爆同邱澤分手，楊冪仲喺微博發文暗寸男方，一腳踏兩船；楊冪仲喺自己婚禮上，將花束交畀對方，兩人仲被封為「中國好閨密」。
不過呢對「中國好閨密」早前盛傳不和，去年被網民發現兩人互動減少；今次好姊姐出閣，楊冪唔出席，難免令人聯想。有心水清嘅網民話，楊冪話有工作在身只不過係借口，如果係好閨密，就算幾山長水遠，都可以排除萬去赴會。
其實楊冪鮮有出席圈中好友婚禮，甚至可以話係冇——除咗去年出席合作咗十五年嘅經理人趙若堯婚禮之外。呢個已是公開的秘密。霍建華、劉詩詩、安以軒嘅婚禮，楊冪都係「禮到人不到」。外間估計原因有幾個，一個係楊冪太忙，一個係楊冪唔想搶風頭，另一個係——楊冪根本冇乜朋友。
依家就連唐嫣婚禮都唔去，真係忙成咁？
不過，話說回來，趙麗穎同馮紹峰已註冊結婚，有傳年底舉行婚禮。有傳媒問馮紹峰前女友——即係楊冪：你回去參加趙麗穎的婚禮嗎？楊冪答：「時間允許的話，一定會去。」
(Apple daily)
