大陸一線花旦范冰冰近日頻頻傳出負面新聞，當中有前央視主播崔永元大爆內地娛樂圈潛規則，指有人以「陰陽合同」逃稅，內地導演馮小剛及范冰冰等更牽涉風波。
尋晚網上更有一張朋友圈截圖廣泛傳播，其寫道：「楊錦麟和我說：范冰冰剛被抓了。」令冰冰被拉一事在網上瘋傳。
不過當中提到嘅楊錦麟，係大陸一位知名媒體人，事後佢都極速澄清，並在自己朋友圈發布消息闢謠：「這個人是誰，我不認識，訊息源參考羅昌平（另一知名媒體人）。」
而羅昌平就早在26日喺微博表示冰冰嘅一名經理人泥足其中（涉逃稅事件），，而冰冰本人身在北京家中，透露有冰冰公司人員被調查，不過該篇微博發文已被刪除。
(on.cc東網)
今年5月李連杰被網民野生捕獲喺西藏拉薩大昭寺出席慈善活動，當時就被網民話只有55歲嘅李連杰，已經老態浮現，似一個爺爺，仲有網民以為佢身體抱恙，但當時李連杰嘅經理人Steven Chasman認為只係嗰張相影得差，同埋係觀感嘅問題，重申李連杰身體冇問題。
噚日再有網民影到李連杰去咗青海塔爾寺燒香參拜，同行仲有一名神秘女子，但原來呢位神秘女子就係佢老婆利智喇！網民指，當時喺寺入面見到頭戴Cap帽，戴住太陽眼鏡，一身黑衣打扮，十分低調。雖然利智當時都係一身黑衣，但係話晒亞姐冠軍嘅利智，好快就被寺內嘅人認到佢哋。
網民指當時見到佢哋兩公婆低頭祈福，非常誠懇，當李連杰發現有人認出佢哋後，都好有禮貌咁回報微笑，完全沒架子。而許久不見嘅利智，網民更大讚佢皮膚依然白滑，羨煞旁人。
56歲嘅利智，86年嘅亞洲小姐冠軍，99年同李連杰結束十年嘅愛情長跑結婚，二人育有兩女，婚後鮮有公開露面，做李連杰背後嘅女人，專心相夫教女。
(蘋果日報)
此post一出，唔少網民問歐錦棠發生乜事，佢就冇特別講，只係透露係一個女人做得太過份，而且更留言話「我諗佢不嬲對人態度都係咁惡劣，口出狂言，目中無人！今次我要佢得到教訓」。。。
近年轉戰搞劇團嘅藝人歐錦棠，昨日下畫喺自己嘅facebook專頁度，出post話自己畀康文署職員恐嚇。
個post嘅內容喺咁的：「一個康文署職員竟然對我團作出誣蔑（衊）、無理指控和出言恐嚇！已經向其頂頭上級嚴正投訴，日內若未得到正式交代，定必全盤公開及追究到底！」雖然歐錦棠冇講到底同康文署發生乜事，但留言以紅底白字寫出，可見歐錦棠嗰刻都真係嬲到核爆。
此post一出，唔少網民問歐錦棠發生乜事，佢就冇特別講，只係透露係一個女人做得太過份，而且更留言話「我諗佢不嬲對人態度都係咁惡劣，口出狂言，目中無人！今次我要佢得到教訓」，又反問：「究竟佢哋知唔知公僕嘅職責係乜嘢？依家真係以前做公務員惡晒？」而本報事後亦有搵過歐錦棠了解，不過佢就回覆：「已經交由涉事者頂頭上司處理。所以暫時未能發表太多。」
問及是否涉租場問題，或其他原因，歐錦棠稱：「暫時不可以公開的，不好意思。」翻查資料，歐錦棠其實係「劇道場」嘅團長兼創作總監，而「劇道場」嘅場地伙伴係上環文娛中心，而上環文娛中心就正正係屬於康樂及文化事務署，兩者一直有合作關係。
(蘋果日報)
兩日前（26日）他透過社交網做直播與粉絲互動，同日亦上載他與友人的照片，從直播與照片中完全看不出有異樣，但當晚突然發布取消取消活動行程的訊息，隨後於27日經理人公司發布他離世消息：「很抱歉突然傳來令人難過的消息。。。」
兩個月前以韓國團體SPECTRUM一員身份出道的男星金桐潤，突然傳出死訊，終年20歲！
其所屬經理人公司證實金桐潤已經離世，但未有公布死因。兩日前（26日）他透過社交網做直播與粉絲互動，同日團體的社交網亦上載他與友人在咖啡廳的照片，從直播與照片中完全看不出有異樣，但當晚團體社交網突然發布取消取消團體活動行程的訊息，隨後於27日經理人公司發布他離世消息：「很抱歉突然傳來令人難過的消息，7月27日公司藝人SPECTRUM成員金桐潤從我們的身邊離開了。」聲明中未有提及確實死因，僅透露葬禮將根據家屬意願低調進行：「因為突如其來的噩耗，讓他的家人及SPECTRUM的成員，都陷入悲傷之中，公司全體員工懷着沉痛的心情，為故人哀悼。」
金桐潤曾參加韓國選秀節目《MIXNINE》，當時排名21成績優異，未出道已有大派粉絲追隨，因死因未明，有粉絲指其身高180 CM竟然只有體重56 KG，推斷他有可能死因是「過勞」，亦有不少粉絲留言促經理人公司交代他的死因。
(on.cc東網)
「佢唔係同你玩吓嗰種Feel，如果係梗係冇問題，但唔係嗰啲，係我親眼睇住，咁咪好唔開心囉！原來坐月期間唔開心，係會又暈又嘔嘅！」
育有兩子嘅前港姐葉翠翠，現時主力相夫教子，但點知佢喺社交網大吐苦水，話竟然目擊家傭搣大仔個鼻，令佢感到十分心痛之餘，仲唔開心到又暈又嘔，她說：「我真係好唔開心！昨天比（畀）我親眼見到工人搣小王子個鼻仔，我問佢點解要咁做，佢話係細細力，細細力咁又點？係咪就可以搣？我細細力搣你個鼻得唔得？」
今日，翠翠接受東網電話訪問指當時親眼目擊成個過程：「我個仔捉住佢隻手，同佢玩，咁工人唔想我仔捉住佢隻手，咁嗰刻我望到，個感覺係佢搣我個仔嘅鼻仔，搣到我個仔痛，咁我個仔就會放手，唔係好得意搣吓塊面仔嗰隻，所以我好唔開心！佢唔係同你玩吓嗰種Feel，如果係梗係冇問題，但唔係嗰啲，係我親眼睇住，咁咪好唔開心囉！原來坐月期間唔開心，係會又暈又嘔嘅！」
翠翠又指平時家傭工作態度沒有甚麼問題：「平時工人喺我面前冇乜嘢，之前試過有一次我開緊直播嗰短短三十鐘，我行咗入房見到佢拎個電話出嚟畀我個仔睇，跟住我個仔就行嚟行去，當時仲未企得定，仲撞親落張枱度，搞到塊面有一條瘀咗嘅痕。咁我就知道佢人前人後係兩個樣，而我見到佢個動作都好純熟，知道應該唔係第一次。」
(on.cc東網)
「婚禮就要自己搞，但所有嘢都OK嘅。（婚禮咩主題？）浪漫少少，會係西式。（揀咗衫？）未呀，依家淨係定咗攝影同拍片，但我唔會喺教堂行禮，喺酒店擺酒。」
仁濟醫院前主席嚴玉麟女兒嚴紀雯（Carmen）現身時尚平台活動，身為投資者之一的她表示：「冇投資好多錢，我唔係主要投資者，不過呢一個係好好嘅平台，多元化啲，又可以shopping。」講到Carmen今年2月接受男友求婚，如今又要搞生意和婚禮，問會否很忙碌？她說：「都OK，有其他人幫手，婚禮就要自己搞，但所有嘢都OK嘅。（定好咗日子未？）定咗出年6月14同15日，一日行禮，一日wedding。（婚禮咩主題？）浪漫少少，會係西式。（揀咗衫？）未呀，依家淨係定咗攝影同拍片，但我唔會喺教堂行禮，喺酒店擺酒。」
想度一年蜜月
Carmen坦言心情緊張：「因為有好多嘢要搞，同埋會跟足傳統嘅禮節，但同未來老公冇嗌交，佢都幾好，媽媽同未來奶奶都有畀意見我。（咁會唔會有造人嘅壓力？）媽咪有講過，但未來奶奶就冇，我自己就想過一年Honey Moon先至生。」
(on.cc東網)
當中報道指爆料指已秘戀三年。據報道指二人早於該劇開拍前已拍拖，兩人嘅友人指佢哋三年來好努力維持呢段感情，亦刻意保密，身邊好友都唔知情，拍拖時就好似007占士邦執行緊任務一樣。
韓國29歲男星朴敘俊同32歲女星朴敏英合作嘅tvN人氣韓劇《金秘書為何那樣》，噚晚迎來大結局，雙朴喺劇中有情人終成眷屬，上演一場浪漫婚禮，不過噚晚一集《金秘書》就未能創收視佳績，結局收視有8.602。
當「雙朴」喺劇中大團圓結局之際，粉絲都希望二人由戲中戀到戲外，點知今日凌晨韓國報紙《Sports DongA》原本周末才刊登嘅娛樂新聞就被外洩，當中報道指爆料指雙朴已秘戀三年。據報道指二人早於《金秘書》開拍前已拍拖，兩人嘅友人指雙朴三年來好努力維持呢段感情，亦刻意保密，身邊好友都唔知情，拍拖時就好似007占士邦執行緊任務一樣。
而網民亦即抽絲剝繭去二人嘅Instagram搜尋證據，發現有唔少共通點，好似前年9月雙朴都喺加州、前年12月就喺香港、去年3月就同時喺日本旅行，網民又發現兩人有疑似情侶手環，以及有疑似到訪過對方屋企嘅證據。
對於爆出戀情，由於冇圖冇真相，兩人就例牌否認，朴敘俊方面就喺報道出街後一小時後就透過事務所否認，強調二人只是友好嘅同事，拍拖傳聞毫無根據，而朴敏英方面亦強調與朴敘俊只係親近嘅前後輩關係，大家只係同事關係。
但網民同韓媒都似乎唔多相信，外界一眾認為兩人相戀模式似足雙宋，由死口不認戀情，到去年7月初突然認戀兼宣佈婚期，震驚外界。據了解雙朴拍《金秘書》時嘅互動十分有愛，令唔少記者都猜測佢哋係唔係拍拖，加上雙朴同雙宋一樣都係姊弟戀，令外界都覺得雙朴戀愛嘅足迹似足雙宋，亦估計二人亦會步雙宋後塵突然宣佈結婚喜訊。
(蘋果日報)
「這一年來365天，每天24小時，這個小生命和我相依為命，沒有靠任何人，沒有私人時間，完全不離不棄沒有走開過半步，現在身材走樣也都沒關係。。。」
現年34歲嘅「雷神」雷凱欣呢，00年參加香港有線電視YMC台的VJ選舉獲得亞軍後成為VJ，因為擁有36F巨咪，性感上位，佢最為觀眾難忘之作係10年參演港產賣座三級片《3D肉蒲團之極樂寶鑑》。
該片令雷凱欣上位，12年被爆出戀上擁有近200架的士嘅車行太子爺陳智聰（Jack），自此絕跡娛樂圈。今年2月鄭希怡（Yumiko）一家三口遊東京，卻撞見雷凱欣，佢都係一家三口，原來雷凱欣低調生B，升呢幸福人妻。
雷凱欣退出娛圈後，雖然喺社交網都好活躍，但一直未見過佢貼出BB照片，今日佢突然喺Ig放閃，貼出親子互動照片，仲有得意B正面相，好精靈。雷凱欣仲留言分享為人母心聲：「要知道我從小的志願是當個家庭主婦，只知道想做個幸福人妻煮飯顧家，但是沒有想過當媽媽的辛苦，照顧一個家不容易，要照顧一個生命，一個完全100%依賴你的小生命，真的更不容易。」
「這一年來365天，每天24小時，這個小生命和我相依為命，沒有靠任何人，沒有私人時間，完全不離不棄沒有走開過半步，你要知道媽媽以前曾被稱作性感女神，現在身材走樣也都沒關係，雖然浮誇點都算是靠着一臉童顏。但我一點也不弱，除了心理成熟了也有一雙強壯的臂彎，現在就算你有多重，我也不會計較辛苦，把你背在身上和我一起去看世界，帶你走我走的路一起闖蕩江湖，我會一直陪伴你過每分每秒。我可能並不是一個好媽媽，自問學歷也很差，不知道應該怎樣去教導你，但是我會盡力和你一起開心快活，陪伴你一起去學習，我不需要你和別人比較，我只要你有個輕鬆的童年，我也會好好的保護你。」
雷凱欣嘅言語中估計BB剛1歲，所以佢樂意分享：「謝謝你一天一天的成長，謝謝你每天開心快樂的笑，謝謝你每天讓我感受到你是如此的需要我，謝謝你跟我合作愉快，謝謝你有點小聰明，謝謝你肥肥白白，謝謝你每天媽媽媽媽的叫，What would I do without you？容許我加入炫娃行列嗎？」網友紛紛送上祝福。
近年雷凱欣嘅Ig放咗好多旅遊相同食好西，佢雖帶着BB同行，但一直未肯曝光BB正面相及承認，今日雷神有感而發放閃彈。
(蘋果日報)
大仔前年確診患上胃癌，夫妻倆即放下手上一切工作，專心陪伴兒子治療，幸好已經康復。昨日再傳來好消息，佢哋細女已經出世…
加拿大歌手Michael Buble與阿根廷女星Luisana Lopilato嘅五歲囝囝Noah，前年確診患上胃癌，夫妻倆即放下手上一切工作，專心陪伴兒子治療，幸好Noah已經康復。
昨日再傳來好消息，佢哋細女已經出世，Luisana透過Instagram公開囡囡手仔照片，BB手帶可見寫住「Baby Girl」，佢亦感謝上天恩賜嘅禮物。呢胎係佢哋第三個小朋友，除咗5歲大仔Noah，佢哋仲育有一名2歲囝囝Elias。
(蘋果日報)
佘詩曼最近有份主演嘅大陸劇《延禧攻略》，上星期喺大陸播出，短短5日瀏覽量已破3億，反應相當唔錯，雖然阿佘喺劇中演嘅嫻妃只係配角，但就相當突出，首先佢個角色設定係23歲，畀阿佘實際年齡細足20年，但唔少網民都覺得阿佘駕馭到，做番廿幾歲都仲得，而阿佘個角色會愈演愈奸，對視后嚟講當然係一大挑戰。
今日《蘋果》收到可靠消息，阿佘因為《延禧攻略》令佢好似打咗支強心針，好想自己試吓做埋製作人搞一部類似《延禧攻略》嘅網劇，結果古天樂方面好有興趣投資，同阿佘傾過之後，決定簽埋阿佘做旗下藝人，幫阿佘接工作之餘，仲投資埋阿佘擔正做主角及兼做製作人嘅古裝網劇，據知日前阿佘已經秘密同古仔公司天下一簽約，準備喺演藝工作大展拳腳，同林峯、宣萱繼無綫之後再做同事。
由於古仔公司有好多做幕後嘅人材，阿佘有佢哋帶住去做製作，自然安心好多！阿佘97年當選港姐季軍入行，由初初畀人話雞仔聲做到兩屆視后，先後喺06年《鳳凰四重奏》同14年憑《使徒行者》兩奪無綫《萬千星輝頒獎典禮》視后，演技愈嚟愈掂。
至於阿佘當年出道之後一直做無綫親生女，11年離開無綫兩年之後，再簽畀無綫嘅合資公司TVBC，直至16年阿佘約滿後回復自由身，o依家佢簽畀古仔，佢同古仔、宣萱呢個組合，正正係《刑事偵緝檔案IV》合體！
《蘋果》今日聯絡阿佘，向佢求證簽約古仔公司一事，但暫時未有回覆。
(蘋果日報)
