藝人鄭嘉穎與陳凱琳（Grace）婚後依然恩愛，仲成日形影不離。自從鄭嘉穎開咗IG之後就開始放閃，真係愈嚟愈Sweet啊！

之前嘉穎一面尷尬，畀老婆「逼」同偶像合照，另類放閃！「沒錯，我就是喜歡他，但他的fans要我抓著（着）他拍照，我就真的有點…（加咗個滴汗表情公仔）。」真係甜到漏！

昨日鄭嘉穎出席活動。

知道嘉穎最近開咗IG，佢就笑得勁冧咁話係老婆陳凱琳嘅主意：「無辦法啦，自己希望想做成功嘅男人，所以要聽老婆話，會放啲無聊嘢上去，但唔會放啲食飯相上去，唔想每次食飯都等等，影相。」

問到會唔會同Grace一齊開live，佢話：「我識開live，不過未咁做，我不嬲都有進入網絡世界，之前已經開咗微博。」

其實係唔係老婆游說好耐先開IG？佢就表示自己好聽話：「以前比較固執唔多分享私下生活，依家老婆叫到，投哂降啦！」

另外，嘉穎透露12月會宣傳《葉問外傳：張天志》：「聽黃百鳴講12月檔期就上映。」提到造型似古惑仔，佢說：「當時要做《風雲》，唔能夠剪頭髮，導演八爺（袁和平）話Ok。」

苟芸慧（苟姑娘）與陸漢洋上月在加拿大秘密註冊「完婚」，二人日前在上水雙魚河鄉村會補擺兩場婚宴。

新婚無耐嘅陸太苟芸慧，今日神采飛揚現身灣仔出席護膚品發佈會，同埸現身嘉賓有王迪詩及馬詩慧。

苟姑娘仍然享受新婚喜悦，開始習慣俾人嗌「陸太」，問到改口叫丈夫做老公未？佢話：「慣咗叫『豬豬』，佢都係叫我做『豬豬』，未改到口住。」er………

婚禮當晚發生蝦碌趣事，兩夫婦返回酒店房休息，突然收到電話，指會場仍有紙皮箱同盒等垃圾未清，苟姑娘話：「我就敷住mask落去執垃圾。」豈不是虛度春宵，她甜笑：「都幾浪漫同窩心，佢都有落嚟幫手。平時佢都係少爺仔，好少做呢啲嘢，之後執到凌晨四點幾，好攰，一返房上床就瞓咗喇。」

新婚生活，苟姑娘未有下廚，但有為老公沖泡養生茶。至於何時度蜜月，她指夫婦兩人年尾都忙，所以之前到歐洲影婚紗相時便當預支蜜月。

婚禮後數天再舉行派對，邀請未能出席朋友們出席，她說：「佢哋好sweet，招呼自己朋友之餘，仲會照顧我啲朋友。」老公是否值100分？「101分，好細心。」

對於有報道指苟姑娘收千萬家用，她聽聞便笑說：「唔知喎，等我check下先，邊有呀，笑下就算。」講到平時會否有家用，佢話：「平時想買乜嘢，佢會畀張卡我買，不過我自己都有賺錢，財政獨立，亦都會投資。」

至於造人大計，苟姑娘稱：「老公暫時未準備好，想過多陣二人世界先，所以我哋會互相尊重對方。」

(Apple daily)