黎姿（現名馬黎珈而）最近忙於開Cosmax的分店，日前佢就喺fb貼咗喺新店入面，拎住大批圖則，似乎係為裝修事而苦惱。
忙完公事，黎姿前日就出發去外地，同普通媽媽一樣，與三個寶貝女放暑假差電。
噚晚佢就喺fb貼咗同孖女馬家蔚、馬家鎂慶祝生日嘅相，雖然全部都係食物相，同埋有好多花，相信呢個生日派對一定玩得好開心，佢留言話：「Happy birthday to my angels #三隻小豬是小天使。」
其實家蔚同家鎂正日生日係7月24日，唔知係咪女強人媽媽太忙，定係一早計劃咗去旅行先同孖女補祝生日呢！
(蘋果日報)
童星出身嘅藝人數之不盡，好似「十五樓嘅牛牛」嘅張繼聰、電影《縱橫四海》飾演鍾楚紅童年「紅豆妹」嘅唐寧、喺電影《行運一條龍》買蛋撻嘅「小芬女」黃美棋等等，大個咗後直情喺娛樂圈發展。
要數九十年代最紅嘅童星，當然係同無數天王巨星合作過嘅「小柏林」鄭柏林！
當年小柏林真係盡得民心，唔單止天真可愛，佢嘅冬菇頭同酒窩更加係標記，三歲就出道嘅佢，拍咗接近十年戲，為咗要應付學業而退出，大個咗後更投身警界，六年前更結埋婚！
「游生」袁文傑喺社交網上載一張同小柏林同埋小小柏林嘅合照，仲留言話：「肯定是我們香港人的集體回憶，不經不覺，已為人父，開心！」
小柏林近年已經榮升為爸爸級，唔少網民見到呢張大合照，紛紛留言：「嘩……小朋友同爸爸一模一樣！」、「餅印」、「真係仔大十八變啊！」同時更不忘向袁文傑催婚，叫佢快啲生個「小游生」咁話！
(on.cc東網)
藝人廖碧兒宣布分手！今年三月承認和富二代盧啟賢拍拖的廖碧兒，宣布戀情以來傳聞多多，不單止指男方另有原配女友，早前更傳出她早年秘嫁法國波爾多酒莊富豪Jean-Charles Cazes！
和盧啟賢的戀情公開未夠半年，今日她在社交網親自宣布分手！
以英語留言的她，說向來不想多談私人事，但因有見傳聞多多，故親自澄清從未結婚外，又指自己已回復單身，認為要維繫兩人關係困難，更指和盧啟賢曾有不少難忘的回憶，分手後仍是朋友，並感謝對方的關愛和支持。
長文如下：
Many of u know that I don’t really talk about my personal matters but seeing the news lately, I feel it’s time I said a few words… First of all, I am not married and have never been married.
Currently, I spend a good deal of my time alone. Relationships are difficult, I tried my best but as relationships are about two people, I was unable to make things work due to differences in expectations in a relationship. Hence, I have chosen my own adventures. We have had many great memories and will always remain close friends. I thank him for his care & support.
Thank u to all my fans, friends, management, & family for being by my side & loving me unconditionally. I trust and believe in God’s plan for me…
中文譯本如下：「你哋好多人都知道我唔會點講私人事，不過近期睇到啲新聞，我諗係時候講幾句，首先，我冇結到婚，而且從未結過婚。現時，我大部分時候都係一個人，拍拖係好困難嘅，我盡過力，但當關係關於兩個人，兩個人對關係嘅期許有唔同時，我冇能力令段關係可行，我哋有過好多美好回憶，而且永遠會係好朋友，我感激佢嘅關懷同支持。多謝我所有粉絲、朋友、經理人團隊同家人於我身邊，無條件愛我，我信任同相信神於我身上嘅計劃。」
(on.cc東網)
「阿媽」江美儀喺Instagram上載大合照，網民都大讚「靚女咗」、「大個咗，更有氣質」！睇番佢社交網嘅相，勁有女神Feel，又識擺甫士，果然天生食呢行飯！
大家仲記唔記得小演員熊子逸呢？佢就係喺無綫劇集《親親我好媽》飾演江美儀細女「嚴茜聰」嗰位喇！身世悲慘嘅佢拍完呢套劇就同哥哥去咗新西蘭升學，最近佢返咗香港，同「家人」團聚喇！
「阿媽」江美儀喺Instagram上載大合照，雖然短短一年多，但係14歲嘅子逸變咗好多，亭亭玉立，又識化妝，網民都大讚「Echo靚女咗」、「大個咗，更有氣質」！
睇番佢社交網嘅相，勁有女神Feel，又識擺甫士，果然天生食呢行飯！
不過聚會就唔見「嚴生」黃智賢，佢留言：「Echo 放假從新西蘭回來了，不見半年，高了但還是那麼可愛，相約嚴家其餘兩位嚴小姐一聚。當日拍攝《親親我好媽》的甜滴又再三回味，最可惜是嚴生都未能夠出席囉！」
(on.cc東網)
台灣女神陳妍希5年前一套內地劇《神鵰俠侶》與內地男星陳曉戲假情真，最後結婚生仔，有人爆料當年原本係搵Angelababy飾演小龍女一角。但由於陳曉金公司有份投資該部劇集，所以只好順陳曉意搵陳妍希做女主角。
陳妍希冇正面回應係咪真事，只係反問點解隔咗咁耐大家仲要深究。
由女神變成人母，養育方面，妍希就話想做虎媽，因為覺得小朋友係需要正確引導，反而老公陳曉就太錫囝囝。
至於讀書方面，妍希話小星星嘅快樂比分數更重要，佢鍾意做咩，就向嗰個方向發展。一歲半嘅囝囝小星星一直都係真人騷的邀請目標，不過畀唔畀囝囝曝光呢個問題，妍希就仲諗緊。
陳妍希仲講到有生第2胎嘅諗法，但兩公婆都各有各忙，好多時都只係靠電話視像維繫感情，最長仲試過7日冇見小星星，做人計劃只好暫緩。
(on.cc東網)
Reina返到屋企再上載兩個女「黑臉」合照，留言：「陸生唔知幾時答應啲囡。。。呢個表情係我對你哋三父女做先啱！」
藝人陸永兩個女唔只唔怕昆蟲，仲好鍾意添，大女Hannah仲話自己男朋友係千足蟲！呢日陸永嫂Reina就喺Instagram上載幾條片，見到兩個女對住啲甲蟲難掩喜悅，起勢咁摸，High到跳晒舞！
不過有人歡喜有人愁，Reina就似乎唔係好鍾意，陸永仲「靜雞雞」應承啲女畀佢哋養，搞到老婆話想搵屋搬添呀！
Reina返到屋企再上載兩個女「黑臉」合照，留言：「陸生唔知幾時答應啲囡（女），畀佢哋養甲蟲…今日果真帶咗兩隻揪形蟲返嚟養…呢個表情係我對你哋三父女做先啱！#如果話要養蜥蝪（蜴）我就要搵屋搬」
網民就叫佢忍耐吓，仲笑言「好彩佢哋唔係話要養阿強（曱甴）」，不過相信Reina都係講笑，咁錫兩個女點捨得走呀！
(on.cc東網)
兩個都係白羊座，佢好風騷，甜到漏咁講：「白羊座係衝動派，幾好呀，我應該冇揀錯未婚夫，因為大部份佢做，細節嘢佢同我安排好，算係開心去迎接婚禮。。。」
真係峰迴路轉。
卓韻芝前年8月在棟篤笑騷上忽然宣佈出櫃有女友，但去年11月卻又爆出同猛男拍拖，今年初阿芝出新書《峰迴路轉》中宣佈婚訊，當時佢接受本報訪問時話：「自己寫書嘅，都希望用一本書嚟話畀大家聽開心消息，未正式結同落實結婚日期，但就有人求咗婚，有人應承咗。」之後更直認閃婚：「我識咗佢3個月，但第一日佢就求婚喇。」未婚夫仲親自整求婚戒指，以表誠意。
阿芝雖用「閃電俠」暱稱未婚夫，但佢好快被起底叫梁子賢，任職電影美術，佢哋婚期訂咗今年9月15日，喺中環外國記者會舉行，婚後阿芝繼續同88歲、相依為命嘅婆婆一齊住，早前婆婆見暈入院，康復出院，準女婿陪阿芝接佢出院，三人行好有愛。
距離婚期仲有一個多月，阿芝同未婚夫開始籌備，佢哋近日仲入紙登記結婚，根據申請書上顯示，梁子賢報稱做art director，現年34歲，細過阿芝5年，兩個都係3月生日，同係白羊座，姊弟戀開花結果，佢哋報住地址係天后興發街（即阿芝寓所），原來已係同居關係。
今日《蘋果》打畀準新娘阿芝，問佢婚禮搞成點？佢好風騷，甜到漏咁講：「幾好呀，因為得到各位朋友、前輩鼎力支持下，婚禮搞得非常順利，依家籌備兩部份，有一晚擺酒招呼親戚，另一日同我哋啲後生朋友cocktail reception。」
阿芝話籌備過程好開心，笑言：「我應該冇揀錯未婚夫，因為大部份佢做，細節嘢佢同我安排好，算係開心去迎接婚禮。」原來阿芝同未婚夫都同係白羊座，阿芝話：「白羊座係衝動派，一意孤行，對生命好有熱情，好有魄力，幾似佢，幾似我。希望將來有乜嘢事、大家唔同意見時，一個衝動，一個唔好衝動啦，唔好咁白羊。其他時候衝動好喇！」但其實兩個白羊座結婚，已經係衝動啦………佢都認：「我哋一齊結婚，都幾衝動喎，暫時相處之道學到呢個階段。」婚禮阿芝話呢排籌備talk騷，所以未婚夫就趁空檔負責搞婚禮，「朋友都有幫手搞，搵頭紗，搞婚前派對，今次用一個婚禮，體驗到大家對我嘅關心同愛。」
（蘋果日報）
黎諾懿與高海寧出席劇集《BB來了》飯局。
對於這餐是盧宛茵俾錢，諾懿表明不敢跟對方爭埋單，他說：「珠姐（陳秀珠）又話要請，我同李佳芯（Ali）當然守尾門，我想大結局的時候邀請劇中飾演『允豬』的五個嬰兒小演員一齊慶功，感激他們父母借出嬰兒拍攝。」諾懿指最細的「允豬」只得15日大，現時已經半歲，最大都快一歲半。
至於會否帶囝囝小春雞出來結識女仔？諾懿說：「其實這幾次宣傳都好想帶他出來，但我又開緊另一個劇，加上帶他出來好大陣仗，老婆比較嚴謹，怕人多地方多病菌。（老婆好似劇中Ali咁緊張？）對，有時放工返去想抱個仔，她會叫我洗手消毒先，有時都覺得幾煩。」
諾懿講完即補鑊指太太緊張都是為囝囝好，有病只會辛苦到自己，絕對贊成太太的謹慎。
高海寧指最近無論她去睇牙、整指甲或者購物，人人都討論《BB來了》的劇情，大家都十分有共鳴，並預告她跟黃致豪（原名黃長興）有場激情戲。
(明報)
下月中就49歲嘅鄭嘉穎，同拍拖3年、細佢22歲嘅女友陳凱琳（Grace）終於結婚喇！兩人下月12號喺峇里結婚，噚日（26日）女方終於承認婚訊，恭喜恭喜！
本報讀者潘小姐今日就透過《蘋果》爆相爆片，直擊上月底、即6月30日喺香港機場見到呢對準夫妻，佢哋喺香港出發去布吉，未知是否預支蜜月啦！由潘小姐提供嘅圖片見到，嘉穎一身黑外套黑褲白波鞋打扮，戴上眼鏡，同有佢英文名短寫Kevin Cheng嘅「KC」字樣紅cap帽；而Grace就戴住黑超，著白色衛衣短褲打扮，身型纖瘦，搭住接駁巴士上飛機。
潘小姐稱，最初傍晚六點幾喺T2客運大樓Burger King見到佢哋兩個，當時Grace負責霸位，而嘉穎就負責排隊買嘢食：「明顯好多人都認到佢哋，佢哋都好nice，有同人打招呼。」
之後潘小姐去閘口搭接駁巴士去上機，再於巴士撞番佢哋，原來係搭同一班機，即係廉航HK Express去布吉：「因為我張boarding pass有問題，搞咗一輪，就要上差唔多最後一班接駁巴士，就聽到地勤喺度講，話有明星嚟緊，原來就係佢哋，佢哋等到最後先上巴士，我都估唔到佢哋搭廉航，我自己張機票就大概一千蚊。」Grace家底厚，屋企物業有成15億，估唔到佢同嘉穎搭廉航去旅行。佢哋上到接駁巴士，嘉穎就同Grace一齊坐，拖住傾偈；之後上到機，亦都有乘客認得佢哋。
抵達布吉機場，兩人都係手拖手排隊等過關：「可能，陳凱琳係拎外國passport，去到櫃位就有啲阻滯，要去填表格再排過隊，鄭嘉穎細心陪住佢。」
問到潘小姐有冇覺得Grace身型有變似大肚，佢就話：「完全唔覺，因為佢好瘦，我都係睇到新聞見到佢話結婚，就諗起上個月佢哋去布吉，即係預支蜜月旅行。」
(蘋果日報)
前年透過合作劇集而發展成情侶關係，兩人早已經同居，女方今年工作量明顯減少，月前更傳出兩人會在6月會拉埋天窗，當時男方在活動上終於大方承認戀情，但當時卻否認婚訊。據傳媒報道兩人已在前日的吉日註冊結婚，暫時未定何時補辦婚宴，桐谷美玲亦未有懷孕，婚後亦繼續工作。不過由於兩人都很喜歡夏威夷，日本傳媒估計佢哋有可能到夏威夷舉行浪漫婚禮，而三浦翔平預定下周三在東京出席宣傳活動，屆時將親自向外宣布結婚喜訊。
（資料圖片）
28歲日本人氣女星桐谷美玲同30嵗圈中型男三浦翔平約拍拖一年半，屢次傳婚訊，今日兩人終於透過雙方事務所發表結婚喜訊，聲明中提到：「我們擁有彼此所沒有的許多部分，希望可以互補雙方的不足之處相互扶持，一起度過今後可能會面臨的辛苦和困難，也期望建立充滿歡笑的家庭。」
(apple daily)
