【女神封盤】大晒婚戒宣佈訂婚了！

2018-07-25

今日宣佈與拍拖六年男友已經訂婚，報道指男方於數星期前已經向佢求婚成功。消息傳出後，女方立即於社交網大晒婚戒，又公開喺海邊親吻男友嘅照片，並留言：「我愛你多於用語言形容，Josh，你是我最好的朋友及靈魂伴侶，我急不及待要與你永遠一起。我願意一百萬次。」

大曬婚戒！

25歲美國名模Karlie Kloss 與相戀六年男友Joshua Kushner自2012年開始交往，Joshua Kushner係美國總統特朗普女婿庫什納（Jared Kushner）嘅富商細佬，「第一女兒」伊萬卡（Ivanka Trump）亦有留言恭喜Karlie Kloss與Joshua。

「第一女兒」伊萬卡（Ivanka Trump）

Karlie甚少與庫什納同「第一女兒」伊萬卡夫婦（左）出席公開活動。

Karlie一向唔公開談及自己嘅政治取向，但據指2016年美國總統大選時，Karlie一票係投咗畀希拉莉（Hillary Clinton）。

Karlie係全球著名人氣嘅內衣品牌Victoria’s Secret女模，亦都係唔少人心目中嘅女神，今次女神宣佈封盤，必定會令好多男粉絲失望！

（apple daily）

【用盡了畢生演技】吳若希：我的人生好像所有時序都是錯的

2018-07-25

26歲人妻吳若希（Jinny）同澳門才俊老公何兆鴻（Alex）去年10月10日奉女成婚，小公主Giselle現已1歲大。

今日Jinny在社交網晒閃爆鑽戒相，寫道：「我的人生，好像所有時序都是錯的，生完孩子，補結婚。結婚後快一年，我又突然收到了求婚戒指和驚喜派對。還好，時間錯的，人是對的，謝謝你，希望能拿餘生報答你的愛。」

原來Alex咁鬼馬，度條驚喜橋冧老婆，仲大手筆送巨鑽，夾埋朋友同家人開派對製造驚喜，難怪Jinny要擺上社交網晒命：「聽說戒指是老公和PN一起設計的，我的朋友真的用盡了畢生演技，還有突然現身的家人，傻眼到一個點。」

網民都送祝福兼羨慕留言：「係時候報答一個細佬俾何生」、「Alex好sweet！好幸福」、「羨慕，好好服侍老公啦！」

(蘋果日報)

【預產期竟然喺…】親自報喜宣佈懷第二胎

2018-07-25

結婚四年，今日佢親自報喜，宣佈正為圈中人丈夫懷第二胎。

兩夫妻不時在社交網晒幸福。（ig）

二人婚後相當恩愛，並育有快滿三歲嘅可愛囡囡平和，她去年來港宣傳及開演唱會，老公都有抱埋囡囡撐老婆。

出席香港活動（資料圖片）

上年年尾來港開演唱會（資料圖片）

AI的老公Hiro密密在Instagram分享與囡囡在港照片。（資料圖片）

去年來港開騷嘅日本實力派女歌手AI，丈夫是組合KAIKI GESSHOKU隊長HIRO。今日，AI透過Instagram上載一家三口近照，見佢已經見肚，平和就摸住媽咪肚皮，AI自言將有家庭新成員加入，並已進入穩定期才向大家公佈大肚消息。
據知其預產期將會係大除夕，換句話講，上年偕渡邊直美出席《紅白歌唱大賽》嘅AI今年無緣參與盛會。

(apple daily)

【連踩兩日靚住出嫁】阿Sa：估唔到接完阿嬌個花球之後…

2018-07-25

阿Sa就喺社交網PO咗張婚紗相，仲留言話估唔到接完阿嬌個花球之後。。。

女星蔡卓妍（阿Sa）早前到美國參加好姊妹鍾欣潼（阿嬌）嘅婚禮，阿嬌仲喺婚禮派對上親手將花球交畀佢，阿Sa唔使搶已經成功獲得花球，證明大家都好想佢快啲同麻雀館太子爺男友石恆聰拉埋天窗！

阿Sa就喺社交網PO咗張婚紗相。

原來係阿Sa相當有義氣！雖然工作檔期密到插針都插唔入，但為力撐好友兼電影製作人錢小蕙（Amy）開拍新戲《再見UFO》，寧願捱眼瞓連拍，事前更親自打給經理人公司老闆度期，令人大感窩心。

戲內阿Sa扮演徐天佑及黃又南兒時好友，文雪兒及章國明則飾演她雙親，眾人合作愉快。日前台前幕後於沙田租用某間酒店拍攝重頭結婚戲，一身裙掛打扮現身的阿Sa鏡頭前專業演出，鏡頭後則與一眾拍檔狂Chok影合照，但原來這場戲連拍兩天，認真犀利。

阿Sa仲留言話：「又嚟？！！😅😅😅😅
#估唔到接完阿嬌個花球之後
#連續兩套戲都要着婚紗 👰🏻
#仲要⋯😣
#好彩係拍戲啫
#多謝阿嬌 😂😂😂😂」

阿嬌見到張相之後就留言話：「。。。。。我好無奈！」

完成當晚戲份後，文雪兒及章國明已完成所有拍攝。這對「活寶貝」與劇組年輕一群打成一遍，「臨別秋波」發言後，現場掌聲雷動以表支持。二人事後於社交網站晒出當天照片，文雪兒更寫道﹕「很高興認識了一班很用心工作和對電影非常有熱誠的台前幕後，我們一定會再見㗎！」

(on.cc東網)

【病重入院】郭嘉文好擔心：不要相信一切有下次

2018-07-25

15年港姐季軍郭嘉文（Karmen）自從被「小小超」李澤楷私有化，升呢做「楷女郎」嘅佢離開大台後唔使做，隨時候命陪男友去旅行，生活開心逍遙。

不過，噚晚Karmen喺ig限時動態張貼身體監測器相，為病重入院嘅婆婆禱告：「這些數字每分每秒都揪着我的心，更甚的是面對生命的脆弱，那種無力感才是最最可怕，為婆婆禱告，愛一個字也需要及時，不要相信一切有下次。」

Karmen出身小康之家，入行前與家人居於馬鞍山，有「城大校花」之稱嘅Karmen，在城市大學主修工商管理學，畢業後在父母支持下參選香港小姐，輸畀十優港姐麥明詩屈居季軍，跟大台簽下8年長約，主持《東張西望》節目，又有機會同陳展鵬、唐詩詠拍劇集《廉政行動2016》。

惟自搭上小小超後飛上枝頭變鳳凰，去年離開大台後，被爆一炮過購入過億九龍塘豪宅。早前小小超被影到與長腿女到半島酒店撐枱腳，更安排助手專車護送離去，本報向小小超查詢，佢未有交代與長腿女關係，但就罕有高調開腔向Karman派定心丸，指與Karmen感情好好，兩人更剛蜜遊泰國。今次婆婆病重入院，相信Karmen有能力安排老人家得到最好照顧。

（蘋果日報）

【賴弘國阿嬌結婚】前妻Ivy再PO長文表示：不提我的心還不會揪一下

2018-07-25

女神鍾欣潼（阿嬌）同台灣「醫界王陽明」賴弘國有情人終成眷屬，兩人將於年底擺酒。而賴弘國前妻趙筱葳（Ivy）早前曾發表仇恨論，證明自己「活得比你好」，而今日佢又再發長文講之前嘅傷痛，不過似乎已經放低，仲話「讓自己變得更好對下一個他才公平」、「愛自己吧」！

Ivy喺Instagram上載獨照，佢話有人問佢：「你總是問我，怎麼走過那樣的傷痛？」佢話唔提起都好哋哋「不提我的心還不會揪一下」！佢覺得「成為一個活在當下的人　有些傷可以遺忘、有些痛讓你成長，有些疤了無痕、有些恨隨風飄。」

點樣可以忘記以前嘅悲傷過去，唯一方法就係「愛自己」。「當你夠愛自己，你捨不得一個青春年華夜夜哭泣；當你夠愛自己，你不會放一個心地善良留在怨裏。」「當你發現這個世界除了愛別人也可以愛自己時，對自己好是天經地義，讓自己變得更好對下一個他才公平。」

最後佢就以「那個誰傷了誰已經不重要了」嚟總結呢篇「成長論」。

(on.cc東網)

【7月中首次檢查確認懷孕】陳凱琳被爆媽咪陪同去做產檢

2018-07-25

48歲鄭嘉穎同27歲港姐女友陳凱琳（Grace），最近被傳雙喜臨門，婚期定於下月12日，並於峇里舉行一個小型婚禮。

Grace父母噚日喺屋企門外接受傳媒訪問，被問係咪就嚟抱孫時，笑容滿面，心情好靚呀！
另此，最近亦收到消息稱，Grace已經懷孕5至6周。另今日讀者黃先生向傳媒爆料，指目擊今朝8點幾，見到Grace由媽咪陪住去一間私家醫院做產檢，當時唔算多人，讀者仲話Grace表現有啲緊張。

陳凱琳家人感情好好(ig圖片)

據知Grace覺得有啲唔舒服，故一臉擔心，亦詢問過醫生自己係咪適合搭飛機。睇完醫生之後，毋須留院，由母親陪返家休息。

讀者爆料話陳媽媽陪Grace去睇婦科(ig圖片)

消息稱Grace 7月中首次檢查時，確認懷孕，對上天呢份禮物大感愕然。而今日再去做檢查，暫仍未見嘉穎。

（apple daily）

【曾志偉唔覺意爆響口】58歲再做爸爸！

2018-07-25

未知曾志偉是否興奮過頭，突然拉佢到鏡頭前面，唔覺意「爆響口」：「恭喜啱啱生咗個BB，個幾月大。」其他人隨即起哄恭賀，佢連聲道謝默認生B！

現年58歲的藝人李子雄於2010年娶足足細廿歲現年39歲的內地藝人嫩妻王雅琦，二人結婚7年都未有仔女，不過日前突然被宣布添丁！

早前李子雄參與ViuTV的世界盃決賽直播錄影，眾人都顯得興高彩烈，未知曾志偉是否興奮過頭，突然拉李子雄到鏡頭前面，唔覺意「爆響口」：「恭喜子雄啱啱生咗個BB，個幾月大。」其他人隨即起哄恭賀，李子雄連聲道謝默認生B！

因為早年於經典電影《英雄本色》中飾演大哥成而開始廣為人識的李子雄原本已與前妻方曉虹育有一子，現年已經23歲，相信佢自己都冇諗過會事隔多年再做老竇！

據知李子雄已默認自己添咗隻「狗仔」（是年生肖），58歲高齡依然有心有力，認真可喜可賀！

李子雄老婆王雅琦回族名法提麥·雅琦，今年38歲中國女演員，係解放軍藝術學院戲劇系本科畢業。被內地媒體譽為「回族第一美女」，16歲就開始擔正拍內地電視劇，相信最為香港人熟悉嘅係喺《少年包青天》第一部中與周杰搭戲飾演啞妹！

有深邃嘅輪廓，係標準嘅美人胚子，仲同同樣係有回族血統嘅賈曉晨（JJ）勁似!

當年同年紀同樣大佢好多嘅《還珠格格》「皇阿瑪」張鐵林傳出緋聞曾經轟動一時，睇嚟王雅琦對成熟男士情有獨鍾！

後來2010年下嫁李子雄之後開始減產，夫婦二人對私人生活都好低調，最近仲「被」宣布生咗囝囝，相信有女神優良遺傳，B仔一定好靚！

(on.cc東網)

【疑佗第二胎】方媛肚凸凸出巡

2018-07-25

去年3月份，天王郭富城和小22歲女友方媛在香港注冊結婚，4月份在香港半島酒店舉行婚宴，婚後不久，郭富城宣佈升級當爸爸，方媛誕下女兒Chant。郭富城對女兒寵愛有加，每每接受採訪提到女兒都是滿臉幸福。

方媛也在產下女兒後不久宣佈復工，復工後的她身材恢復迅速，一點都不像剛生過孩子。

日前，方媛和女友人一起現身銅鑼灣購物被記者拍到，當天方媛小腹凸起明顯，格外搶鏡，疑似懷二胎，郭富城這是要追生子的節奏？

當天方媛和女友人一起現身銅鑼灣購物，兩人先是來到一家服裝店，為女友人選購衣服，方媛還親自上手為女友人指導，最後女友人選購了一件大紅色的上衣，兩人便離開服裝店。

離開服裝店後，方媛又帶著女友人逛超市，方媛選購了一些蔬菜和水果，路過賣榴蓮的攤位時，方媛躊躇了許久，最後還是沒有買，可能是怕榴蓮有味道會影響到郭富城，才放棄購買。

當天的方媛身穿黑白相間的緊身連衣裙大show完美好身材，正面照中方媛的小蠻腰非常吸睛，搭配黑色橫紋相間的緊身連衣裙，顯得身材高挑纖瘦，在人群中非常的出眾，難怪郭富城會對她情有獨鍾。

不過，在方媛和友人一起購買嬰兒用品時，被記者拍到了側面照，原本盡顯S型身材的她卻被小腹凸起搶了鏡，這是吃的太飽？還是又懷孕了？

方媛凸肚明顯，像極了懷孕數月，方媛也曾在早前接受採訪訪時透露很樂意為郭富城再生孩子，被問道短期內會不會再生，方媛直言：「天注定。（不設防？）有小朋友就更好，我們會有計劃，但要先照顧好寶寶。我們都喜歡男嬰，生多少個要看老天，但不一定要追到男嬰。」

當天方媛和友人逛完後，便在附近的咖啡店聊天，女友人全程都顯得非常的拘謹、小心，早已經適應了香港生活方式的方媛則表現的非常輕鬆，期間不時甜笑，心情非常的不錯，兩人逗留了大概一個小時左右便離開咖啡店回家。

（騰訊）

【疑日久生情爆姐弟戀】胡定欣：佢係好男仔

2018-07-25

36歲大台視后胡定欣情路坎坷，入行16年先後與吳浩康、馬國明、沈栢淳、音樂人陳明道（Terry）拍拖，可惜每段情都敵不過3年魔咒，前年定欣同Terry分手後，與陳展鵬拍劇傳擦出愛火花，但最後卻跑出真命天女單文柔，感情空虛嘅定欣惟有寄情工作。

胡定欣與陳明道喺2016年分手後，一直寄情工作。（資料圖片）

陳展鵬拍劇傳擦出愛火花，但最後卻跑出真命天女單文柔（資料圖片）

正當大家都以為佢冇拖拍，有讀者爆料定欣同備受大台力捧嘅張振朗（Owen）疑暗撻姐弟戀！去年憑劇集《踩過界》上位嘅張振朗，現備受大台力捧，今年接拍新劇《包青天再起風雲》同定欣合作，3月兩人與同劇藝員姚子羚、曹永廉等到橫店及新彊拍外景，朝夕相對兩個月，疑似日久生情！上個禮拜五係張振朗31歲牛一，佢喺社交網晒「展昭」造型生日蛋糕相，捧着蛋糕興奮留言：「佢個頭比我更堅挺」有眼利網民踢爆：「呢個蛋糕牌子係定欣鍾意，而且年年生日都用，係佢送的？」