大家有留意今天是廿四節氣中「霜降」嗎？它是秋季最後一個節氣，代表天氣漸見涼爽，愈來愈接近冬天。「霜降」意味著氣溫會愈來愈清涼，最新預測下周三(31日)萬聖節最低跌至19度，新買的外套、秋裝，有機會穿了！
天文台表示，隨着華南上空的高空反氣旋逐漸增強，未來兩三日該區漸轉天晴，預料一股東北季候風會在周六(27日)抵達華南沿岸，下周初至中期該區天晴及非常乾燥，早晚較涼，日夜溫差頗大。
最新九天天氣預報，明日(24日)大致多雲，初時有一兩陣雨，氣溫23至27度。周四(25日)及周五(26日)有陽光，日間相當溫暖，最高氣溫29度。周六(27日)起開始降溫，跌至最低22度，短暫時間有陽光，下周日(28日)則初時有一兩陣微雨，氣溫22至26度。
下周一(29日)至周四(11月1日)一連四日天晴乾燥，早上清涼，周二(30日)進一步降溫至最低20度，周三更低見1字頭，介乎19至25度。
（天文台 / 綜合報道 / on.cc）
陳智燊（Jason）與太太宋熙年（Sarah）8月誕下寶貝仔，兩公婆分工合作，Jason雖然選擇離開娘家TVB，疊埋心水做Youtuber，離巢後更不斷出席活動努力賺奶粉錢，而Sarah就負責湊B。
Sarah日前在Instagram宣佈囝囝的英文名，她說：「He’s the new man in my life Mr. Damon Chan. I can kiss him all day!#bossbaby #motherhood #iloveyou #my男神 #numerouno #爸爸幫他改的名字」原來兒子的英文名是爸爸Jason改的！
Sarah還寫上「my男神」，直接表明兒子Damon是她的男神，那麽……她的意思會否暗示老公Jason從今已經「無埞企」？
Sarah還分享了兩母子互動的照片，相中她輕吻囝囝的額頭，B囝則依靠在媽咪的胸膛，非常sweet！
相中不見爸爸Jason入鏡，可能這些相片都是他負責拍的，可是Jason一點都不呷醋，還回覆：「You guys are too cute」不過他卻在自己社交網中留言說：「I think he likes daddy huggles （“hug” and “cuddle”） more tho, but Sarah doesn’t know, pls don’t tell her。」十分大膽。
(ig / 綜合報道 / mingpao)
黎姿（GiGi）細佬黎嬰於2007年發生車禍，之後生活要與輪椅為伴，當年係TVB當家花旦嘅黎姿毅然放棄演藝事業，決定代弟打理醫學美容公司生意。
黎姿同老公馬廷強花咗好多心力照顧細佬黎嬰同打理公司，將公司發展到上市真係一啲都唔簡單。
今日仲有個好消息！原來黎嬰已經唔使輪椅、柺杖都企到起身！
黎姿喺IG post咗幾張相，佢蹺住細佬黎嬰，而黎嬰就輕倚公司嘅接待處，兩個都笑得好開心。
黎姿喺IG留言：「一路走來不算容易：從第一間店開始，得以增建了中環、尖沙嘴店，加上擴充銅鑼灣店的空間，今年公司總共裝修了18,000平方呎，踏上新的里程。
每次我感到疲憊的時候，都會感到有一股強大的力量在背後支持我、鼓勵我。我弟弟十多年來為生命而奮鬥，雖然他失去了自由行動的能力，但他依然擁有堅定的意志，積極的觀念，以及對生活的無限熱愛。每一次我在工作上遇到難關，他不屈不撓的精神總會重新燃點起我對工作、對醫學美容行業、對生命的熱誠。
今天，弟弟可以站起來與大家見面，我真的非常非常感動。他的堅毅精神是令我不斷進步的動力，我會繼續奮鬥下去。」
網民都紛紛留言恭喜佢哋，仲話佢哋姊弟情深超感動！
(綜合報道/IG/Apple Daily)
藝人陳貝兒主持嘅無綫節目《嫁到這世界邊端2》推出以來收視不錯，當中嘅愛情故事令唔少網民都覺得好感動。
節目終於嚟到尾聲，今個星期貝兒除走訪法羅群島外，更會見證希臘及波蘭兩段童話式戀愛。
來自香港的希臘人妻Stephanie與攝影師老公Konstantionos結婚9年，近兩年半返回希臘定居，不過親人都唔係身邊，佢有時都難免覺得孤寂。。。
貝兒表示：「佢今次想補辦一次希臘式婚禮，請咗我做伴娘之餘，畀我直擊成個婚禮過程，好遺憾係佢媽媽行動不便唔可以出席，兩母女靠video call傾咗一輪之後，新娘忍唔住爆喊！我知道佢哋呢啲遠嫁嘅人妻雖然搵到真愛，但根始終喺香港。（你接受遠距離戀愛？）其實都試過，仲唔止一次添，不過我拍拖會好掛住，日日都想見，所以首選都係香港男士。」
至於波蘭篇女主角嘉瑩與會計部主管老公Peter目前定居格丁尼亞。
原本任職空姐的嘉瑩往意大利工幹期間因一次意外邂逅就認識咗Peter，婚後誕下兩名可愛混血小男孩。
拍攝期間兩個萌爆小朋友常常黐住貝兒，難怪連佢都忍唔住笑笑口話：「我多咗兩個小男友，返到香港都好掛住佢哋，差啲要認埋佢哋做契仔添呀。」
(on.cc)
近日有唔少星媽先後「卸貨」誕B，有剛剛報喜嘅李美慧啦、仲有臨生前都密密去旅行嘅林芊妤（Coffee）等等，而同Coffee差唔多時間佗B嘅，仲有吳日言（Yan）。
日前Yan喺IG PO咗同啱啱坐完月嘅利嘉兒合照，留言話見到Lily收身同復原得好快，覺得佢超犀利！
佢仲講到見到好多朋友都相繼「卸貨」，而好快就輪到自己，心情開始緊張。
而Yan噚日就去咗一間新開嘅嬰兒用品店，已經佗B八個幾月嘅Yan好細心咁睇緊嬰兒用品，仲留言話：「我在幻想BB在床的時候，到底是甚麼感覺？」
Yan之前講過預產期喺12月，亦想順產，佢繼續話：「這刻我依然想自然分娩，比起開刀媽媽，我心情實在太忐忑，感覺如同等候行刑，所以望下BB產品，可以讓我放鬆點。」
同場原來仲有另一個準媽咪！而BB預產期都係喺12月，真係超有緣～
兩個肚都好大，Yan話：「我其實會早過Monie(董敏莉)生，不過佢擇咗日子，但我想順產，呢排見到咁多人生係有啲緊張，因為佢哋個個都開刀，但自己就好似冇一個日子咁，感覺就只有等，會諗吓幾時會陣痛呢咁。之前去做按摩，啲按摩師都話我有啲崩緊，呢排情緒都係波動咗嘅。」
Yan又講笑話：「我生日係11月25日，好多人都估BB會唔會同我同一日生日，但我要同BB溝通下，因為嗰日係星期日，最好唔好嗰日出世，因為紅日出世會好貴。」
Yan仲PO咗IG Story，見到呢兩位媽咪都冇忍口，邊食邊有傾有講，唔知佢哋肚入面個B出世後係咪都會似媽咪咁friend呢？
(綜合報道/Apple daily)
藝人黃秋生前日拍劇時向在場探班記者表示其母病危，透露母親有病入院，所以一度想辭演港台消防劇集《火速救兵IV》。說到母親情況，秋生表示：「都唔會冇乜事。媽媽身體唔係太好，噚晚收到醫院電話，連最後一場都拍唔到就要趕去醫院。」他又指母親多病痛：「好多病，我都唔知仲有乜，腎功能退化，唞唔到氣同去唔到水，我估只剩返聽覺同觸覺，睇唔到，講唔到，冇乜意識，其實係等緊時間。」
想不到事隔一日就傳來惡耗，黃秋生媽媽昨午安詳離世。秋生接受傳媒電話訪問時非常哀傷，沉重表示：「我咁啱喺醫院睇完佢離開，中途接到電話返轉頭，點知塞車，爭十分鐘見唔到佢最後一面，不過佢仲有神色，我有喺佢耳邊講咗啲嘢，內容就唔好講喇。」
剛巧完成了手頭上工作的秋生表示，會全力為媽媽籌備喪事，問到母親有甚麼遺願，他答：「佢生前已經講唔到嘢，得一隻眼睇到嘢，我幫佢搞啦，好彩我今午（昨午）都陪咗佢兩小時，算係咁喇。（阿仔喺外國讀書返嚟奔喪？）唔好搞佢哋喇，返緊學嘛。」
自爸爸離開後，秋生與媽媽兩人相依為命，連「黃秋生」這個名字都是由黃媽媽改的。（資料圖片）
（綜合報道 / on.cc /apple daily）
昨晚宣佈喜訊升呢做準媽咪，仲話愛犬係第一個知道，真係超Sweet啊！
佢上年三月同男友喺峇里舉行婚禮，更於晚宴期間安排煙花，兩人在璀璨煙花下錫錫，浪漫爆燈！
之後返港補辦婚酒，仲邀請咗一班港姐好姊妹出席，當中包括朱晨麗、林思韻及歐陽巧瑩，美女如雲！
港姐出身，曾參與拍攝《愛·回家之八時入席》、《殭》、《溏心風暴3》。
有「翻版張鈞甯」之稱。
婚後都不時喺社交網同老公放下閃，十分恩愛。
佢結婚嗰陣話過：「婚後會繼續工作，想過二人世界一陣先，生BB順其自然。」話咁快一年半之後就傳來好消息～
依家係無綫娛樂新聞台主播嘅林伊麗（Michelle）上載一張超聲波相，留言：
「First we had each other， then we had you。Now we have everything.（首先我們在一起，現在有了你，我現在擁有了一切。）我們要做Papa&Mama了，最先知道的肯定是Toffee（愛犬），因為它（牠）前陣子一直要躺在我的肚子上。收到很多朋友的祝福，謝謝你們，感覺你們真是神通廣大。」
恭喜哂Michelle呀！唔知係B仔定B女呢？
(IG/綜合報道)
自她在劇集宣傳活動承認懷孕以來，她一直都有更新社交網跟大家分享自己懷孕的軼事。四天前，她發文，字裏行間帶點憂心地說：「今天是預產期，但係BB似乎太舒服了，不肯出世，唯有靜靜咁等待……」有網友見狀即留言鼓勵她：「耐心等待都唔係一件壞事 加油 有d孕婦都遇過咁嘅情況 要對自己有信心 」。
到了今天，終於有好消息了！腹中的寶寶終於出世了~~她在社交網貼了一張一家三口的合照來公佈這個好消息！一衆網民都替她非常高興，期待以久的寶寶好可愛！
她留言說：「我們的小糖心」
前港姐李美慧與BB鼻子貼著鼻子，畫面非常溫馨！
這張就是富商爸爸曾文豪和媽媽李美慧頭貼頭一家三口的合照，兩人的目光和笑容都一致，一同甜笑望著剛出世的寶寶，但BB似乎有點疲倦要睡覺。
Vivi李美慧回覆了傳媒，順產誕下6磅幾重女兒，她又說BB女跟爸爸最似樣，現在已經帶了女兒回家，回家休息了！
31歲前港姐李美慧（Vivi）與年長25歲的百億富商曾文豪於今年7月結婚，同時宣佈佗B。
在劇集《深宮計》的宣傳活動上宣佈結婚和已經懷孕，獲在場演員同事祝福。
Vivi好友梁麗瑩得悉喜訊後，都立即前往探望，她說：「探下個新手傻媽同佢粒傻豆！好可愛，順便嚟瞓下幸福人妻人母張床，聽講瞓完就好快輪到我地幸福喇！」
好友梁麗瑩抱著BB，一臉幸福，好有母愛呀！
她躺在Vivi的床上也是不錯！希望幸福快降臨！
(李美慧IG / 綜合報道 / on.cc)
萬人迷木村拓哉的15歲細女光希（Koki），上周在媽咪工藤靜香陪同下，首度襲港3日兩夜宣傳。
光希返回日本後數日，昨日更新社交網上載新相，她趁秋高氣爽帶愛犬Étoile外出散步，臉上帶着甜笑。近日有網站透露光希對演戲有興趣，有望演出木村同門男星龜梨和也的劇集做女演員。
此外，媽咪靜香昨日亦公開由大女心美為她操刀拍攝的相片，相片靜香手執一串電燈泡，充滿藝術氣息，網友亦大讚心美好有心思，照片充滿視覺效果。心美一向熱愛音樂和攝影，正朝向藝術方面發展。
大家覺得媽咪靚定光希靚？
(ig / on.cc)
剛剛同老公及囡囡去完美國旅行嘅吳若希，已經急不及待開工喇！
本來去旅行係一件好開心嘅事，但佢今日喺社交網就上載咗一條片，由鎖骨到耳仔總共針咗12針，睇落幾得人驚。Jinny話原來係上呼吸道受感染，要休息下喇！
不過Jinny似乎唔多在意，針炙中途都好貪玩，將鼻翼兩邊嘅針揈吓揈吓咁，完全唔驚兩支針跌落嚟，如果真係失手，會唔會前功盡廢再針多幾針㗎！
入秋一個唔為意好易病，吳若希呢幾日就中咗招。大家都要小心身體，有病記得去睇醫生呀！
(綜合報道 / ig / apple daily)
