徐若瑄（Vivian）日前同童星吳至璿、導演莊絢維於台北出席新片《紅衣小女孩外傳：人面魚》宣傳活動。
Vivian戲中演一位患有精神病嘅失婚媽媽，佢話開工前要先同老公請假：「我為了全心投入角色，身心都要維持在瀕臨崩潰的狀態，拍攝期間跟他視訊或講電話時就會比較冷淡，所以事先有請老公要多多體諒。」Vivian笑言經過兩個月拍攝之後，老公開心大嗌：「我老婆終於要回來了！」問到老公有冇下令唔好再接恐怖片?佢笑話：「他最喜歡看恐怖片，當初我還在猶豫的時候反而是他支持我接演。」
戲中飾演黃雅惠嘅Vivian，有幕講佢被惡靈附身硬啃活生生嘅魚，仲要食到成口血，佢踢爆當初劇本只係寫咗「黃雅惠吃魚」幾字，Vivian笑話：「拍攝時我拿着生魚混蒟蒻吃，但我當下真的不覺得噁心，反而越演越興奮。」
（apple daily）
歌手關楚耀（Kelvin）出席美容中心開幕活動，媽咪亦有陪同到賀。Kelvin透露兩、三年前已和這間店有合作，坦言因為體毛多，所以都有脫腋毛，至於現在不用脫毛，但想護膚：「肌肉同顏值都要提升，依家好多小鮮肉，長江後浪推前浪，要保養吓，唔想做臘肉，點都要Keep。」
他又指事關明年1月於澳門開個唱，要做好準備。問到可會show肌？他說：「考慮吓先，因之前兩次開騷都騷過，想人留意番自己音樂，唔做脫星。」
提到日前他與張曦雯上節目《美女廚房》，兩人在節目中不時冧爆眉來眼去。
現時單身的Kelvin，當大家讚張曦雯OK時，他都好認同說：「真係超OK呀！（抄咗人牌未？）之前已經識佢，佢真係識煮喎。（對佢有再加分？）已經好高分。」
他坦言那天有好多回憶，承認被對方電親：「仲係行雷閃電嗰隻電。（追佢？）發完夢就算，真係Friend嚟咋，唔好亂嚟。」
（on.cc）
29歲嘅黃心穎與馬國明拍拖超過兩年，由了解中進化到了解咗，日前《蘋果》讀者李小姐提供咗一張心穎同馬明喺澳洲墨爾本街頭嘅合照，透露前日(20號)當地時間下午二時左右，見到一身牛仔look嘅馬明一個人揹住兩個袋，其中一個袋就應該係幫心穎BB拎嘅，真係又man又細心。
相片由讀者提供
大家姐黃心美今日亦喺ig story貼上一門五美，四姊妹加埋媽咪嘅合照，仲話﹕「噚晚我細妹上頭，我啲眼淚不自覺係咁流。」
四姊妹感情要好！
今朝有接新娘儀式，見心美穿上吊帶裙，拎住兩封「黃」家利是話﹕「我已經準備好細妹同妹夫斟茶俾我喇。」
佢哋仲預備咗wasabi牙膏，新郎哥同兄弟們真係有排受。
心美同心穎在香港時間四時許，亦有上載一對新人嘅婚紗相，心穎仲做姊妹，幫家姐拎裙尾，陪住家姐出嫁。
(ig / apple daily)
曾於來港發展事業的她2008年與台灣藝人陳子強結婚，可惜二人在2013年離婚收場，結束5年婚姻關係。
台灣女藝人傅天穎（奀妹）
現育有一名兒子「小天子」的她，日前疑不滿前夫陳子強與新歡舞蹈家陳以仁再婚，在社交網發長文，指有人當年破壞二人婚姻關係。
前日，陳子強在網上上載一封三頁紙的律師聲明還擊，指自己想接回小孩同住，與再婚一事無關。他表示無法容忍傅天穎日前的發言，又指內容有誤導大眾認為他「背棄小孩」的意思。他強調雙方已經離婚，不會再過問對方感情生活，希望對方不要再亂放話令兒子成為話題，生活被打擾。最後，他希望傅天穎停止再發放對他不當的言論，否則會訴諸法律。
陳子強
傅天穎曾經説過她後悔離婚。
（on.cc）
佢竟然對住鏡頭話：「呢個係我Baby，我要……」就一嘢咀咗落湯洛雯塊面度，靚湯個樣都有少許尷尬，不過應該礙於鏡頭影，所以都勉强嘟嘴回應，之後段片就完咗。
湯洛雯（靚湯）於社交網上載一條短片，大爆蔡思貝飲醉酒，面都紅晒，而明顯有醉意嘅思貝非常傻氣又鼓起泡腮扮Cute，靚湯及鄧佩儀就左右護法傍到實！
情到濃時就會發生呢啲事…
不過思貝「發酒瘋」原來係好cute！咁究竟邊個灌醉思貝呢？原來就係張振朗，佢畀靚湯審問：「你做咩灌醉佢呀？」點知振朗就講咗句「低能」，再飛隻臭襪去靚湯度，嚇到靚湯花容失色大叫！
其實思貝係因為拍劇飲醉酒，事後佢就話「嘔咗五次」！估唔到醉咗對鏡頭依然咁敏感，又識賣萌，真係專業呀！
蔡思貝好cute呀！
（ig / 綜合報道 / on.cc）
藝人袁文傑（游生）出席東方表行沙田錦標「時尚煲呔賽馬日」。
今天兩人難得同場，所以就合照留念，游生袁文傑說：「當時未入娛樂圈，做吓模特兒工作。入咗行後有粉絲認得，問我係咪影過呢個小說，相信當時嘅讀者依家已經做咗人爸爸、媽媽。」
袁文傑表示二十多年前應邀為愛情連續小說《愛上六呎一吋的男孩》擔任男主角，而葉蘊儀則擔任女主角，原來兩個二十多年前就認識，此刻再重遇非常難得！
兩人合照，可謂「最萌身高差」的照片！
根據資料，游生高度為189cm，其實他跟誰都會被比下來！平日連跟女友張潔蓮都會出現這個高度差！
(綜合報道 / on.cc)
「佢唔單止唔會同你聯絡，你真喺唔知佢咩時間先會出嚟，你只有心急同期待……再期待..講完。」
歌手梁漢文最近要去北上演出，不過日前飛去廣州時就發生件事，令到要喺機場呆等幾個鐘！佢喺社交網貼出一張喺機場嘅自拍照，話自己人已到埗……
但行李竟然無上到機，佢留言：「我今朝坐第一班機由北京飛廣州，準備今晚喺肇慶嘅演出，我人就到咗廣州，可惜我個行李無（冇）上機……點搞」相中見佢個樣勁慘，真係好苦惱！
咁都未算最灰，事關佢要喺機場「接篋機」等，而接篋同接人唔同，唔可以同對方聯絡，又唔知確實時間，所以佢亦只可以又再呆等。
不過皇天不負有心人，佢前後等咗5個鐘，終於等到！Edmond話「終於可等到一生中最愛」，令佢好興奮咁表示：「我大佬出嚟喇，依家仲要飛兩個幾鐘車先到肇慶，趕呀趕呀……」
(梁漢文ig / on.cc)
廚房抹布長期用來擦拭油漬，髒污難以去除，家庭主婦經常煩惱不堪！近日網路上流傳幾種常見的清潔法，包括蛋殼煮抹布清洗法、食用鹼清洗法、檸檬汁煮抹布清潔法，以及自製清潔劑清洗法，究竟哪種方法最省時省力又有效？央視節目「生活圈」整理了網友實際試驗的各式清潔法程序和效果。
優點：取材方便、廢物利用
缺點：去除油膩效果普通，適合一般清灰塵的抹布，不適合油污的抹布。
缺點：清潔效果不顯著，浪費食材。
優點：取材方便，去污效果好。
缺點：每天煮耗費時間。
做法：1.將肥皂切成粉末（10克），將肥皂末放入瓶中，加入10克澱粉、100毫升的水，搖晃均勻即可使用。
優點：取材方便、省時省力、去污效果是四種裏面最好。
(元氣網)
由名模榮升模媽嘅熊黛林（Lynn），於剛剛的10日與家人一起度過自己38歲的生日。
她在社交網上載一家四口全家福合照，還感性表示要約定兩個囡囡Kaylor和Lyvia，每年都要陪伴媽咪過生日。
明天就是兩個囡囡半歲大的日子，今天Lynn在社交網上載一條BB片，令網民瘋狂比like！
姐姐Kaylor坐在學行車不斷跳，非常活潑！她手執一條白色手巾仔。
媽咪Lynn叫她把手巾仔放到頭上，半嵗Kaylor好叻做到！
Lynn即時超開心，大讚個女好靚，還要求她多做一次。
然後Lynn再讚囡囡，Kaylor笑得好開心！網民都大讚Kaylor好叻女呀！
至於細孖Lyvia雖然沒有出鏡，但片中同時錄有另一把間斷BB「呀呀」聲音，可能是來自妹妹Lyvia的。之前Lynn都上載過Kaylor片段，非常精靈！（相關新聞：https://goo.gl/L8nJ21）
（綜合報道 / ig / apple daily）
由陳貝兒主持的無綫節目《嫁到這世界邊端2》，感動了不少網民，而經歷過婚姻失敗的貝兒，因為感受極深而集集喊。而今晚即將播出的主角為法羅群島人妻、曾任空姐的Belle。
法羅群島位於挪威海和北大西洋之間，是鄰近冰島的一個人口僅僅五萬的隱世小島，在這樣一個小島，有一個年輕香港空姐，從九龍半島嫁到法羅群島，嫁給俊朗律師的浪漫愛情故事。
今集主角Belle
節目中貝兒對Belle感覺是：「佢本身係一個空姐，好斯文好nice，今年28歲，而同樣28歲的老公Rani，好似法羅群島白馬王子咁，好純情，好怕醜！二人相識係於Belle大學時候，大家做交流生，兩人就喺宿舍邂逅。係Rani對Belle一見傾心，當時Belle都好多人追，不過佢就對Rani情有獨鍾，因為喺佢身上搵到一種久違的單純。」
「二人相識始於2011年嘅大學生交流生計劃，交流生涯完畢，各自返回家鄉，但久久未能忘記對方，想不到7年前的相遇令愛火久久不滅。終於喺三年前，愛火重燃，兩人展開超遙遠嘅異地戀，每次要見面探對方，就要飛足三程飛機。每次見得一星期，離開時好痛苦，掙扎過後，最終Belle為Rani放棄香港一切，今年6月，終於喺法羅群島正式注冊結婚。」
婚後生活，Belle稱：「喺呢度感覺真係好似時光倒流一百年咁，呢度生活還原基本步，遠離現代社會嘅商業文化及繁華、夜店、消遣場所，都一律欠奉，整個國度，竟然只得一間商場！喺首都搭巴士係免費㗎，每日準時五點，老公放工坐嗰班車就會駛到、老婆就上車、大家再搭多一個站就可以去附近超市買餸喇，一間普通超市，就已經係全國最大型超市！」
原來Rani係譚詠麟（校長）歌迷，當貝兒向校長提及時，校長亦拍片祝福二人新婚快樂，片中校長大讚Rani有眼光，除了娶得香港女子為老婆，更識得揀偶像。Rani看到此片，亦甜絲絲微笑，其妻Belle亦呷醋謂：「未見過佢望住第二個人會笑得咁甜！」
大合照！
(綜合報道 / on.cc)
