休息一年多再拍劇，表示沒有不習慣，今次被劇本打動，角色很容易觸動人。問已經「4字頭」會否更容易代入中年危機角色？她笑說：「佢都中晒啦，今次角色理念同我好唔同，佢對個女學業好緊張，但係我都好易代入到，角色好貼地。」
無綫藝員田蕊妮、曹永廉、李思捷、羅天宇、余思霆、林宣妤等在將軍澳電視城為新劇《她。她。她的少女時代》試造型。
田蕊妮與曹永廉飾演兩夫妻，劇集以中年危機為題材，她取笑曹永廉有尿滲問題，當曹永廉玩健身球時表現吃力時再被田蕊妮寸：「你條腰唔係好掂。」
而曹永廉則指田蕊妮的角色複雜矛盾，指有她才能應付：「我之前講過一定要喺走之前同阿田合作一次，估唔到依家有第二次。」講到54歲的曹永廉首次當「男一」，他笑說：「唔係男一，呢套係女仔戲，我同思捷都係圍繞住阿田，都幾鍾意做小男人角色，希望唔好連累阿田啦。」田蕊妮笑說：「你太謙喇話係女仔戲，你都唔少戲。」曹永廉說：「實際係老女人戲！」
(on.cc)
富豪劉鑾雄於96年成立的劉鑾雄慈善基金，多年來默默幫助很多貧困家庭，大劉已向基金捐款超過40億元，未來會繼續投放資源和金錢。之前在深水埗又以媽媽為名開了劉葉淑婉紀念自修中心，第二間自修中心最近在石硤尾亦已經開張！
甘比早前就帶一班小朋友到迪士尼樂園遊玩兼聚餐，佢話：「昨天好開心，能夠和一班自修室中心的小朋友及家長們到迪士尼吃自助早餐及傾偈。他們個個也很乖很生性，懂得孝順父母，感恩別人的幫忙，正能量滿滿的～最開心是他們自從到了中心免費補習後，個個成績突飛猛進～其中一個九歲男孩更告訴我『以前我所有科目的成績只有20-30分，現在最低是93分』好鼓舞，好開心。」
其中有幾位係應屆考生，甘比叮囑大家努力：「甘比姐姐睇好你們的，記住告訴我你們的好消息。」
近兩年來，大劉都將慈善基金交給老婆甘比去打理，昨日甘比又代表慈善基金去到長沙灣的喜樂餐飲教室Holy Cafe用餐。
喜樂餐飲教室官網在Facebook貼相，並留言：「今朝一大清早，劉太百忙之中特地抽空去咗喜樂探訪宋太（老闆娘）同Flora，非常有心之餘，更非常細心體貼，特地揀選左一隻Flora最喜歡嘅Winnie the Pooh，送給Flora作見面禮，Flora十分開心喜歡！宋太和Flora亦親手送上心口印上［喜］、［樂］二字既企鵝給劉太。」
劉太臨走更寫左：「 加油！努力！去鼓勵支持宋太。」
甘比說：「我好支持宋太咁有愛心搞呢類型餐廳，不過依家佢間餐位置較為隔涉，所以幫襯嘅人唔多，加上現時餐廳太細只能請三個員工，我提議宋太搵個大啲地方，到時可以幫多幾個患者，我哋基金會盡能力提供協助。老公經常同我講，依家我哋有能力，可以幫得幾多人就盡量幫手，幫到人係一件開心事。」
由於這間教室老闆娘宋太的女兒Flora有輕度弱智兼自閉症，所以宋太特別關注這類患者，她開餐廳就是為了請這類患者做侍應生，非常有愛心，當甘比知道後非常欽佩宋太，同時又因為她知道餐廳生意不足，所以之前就請了自修中心20多個家庭去餐廳食飯，又幫他們買飯券、訂到會送給老人院，盡量給她們生意，希望餐廳能夠繼續營運下去。
(Apple daily)
天后容祖兒今日在社交網發出聲明。
她表示有人以她的身份，在網上向義工呼籲捐錢，聲明中表示：
「近日我們發現有不法分子假冒藝人容祖兒身份，在網上私訊義工及提供假戶口呼籲捐款。
在此聲明：《容祖兒慈善基金》有關捐款詳情及捐款方法，只會在藝人容祖兒及《容祖兒慈善基金》官方社交平台公開發佈。我們嚴重譴責有關不法分子，理（利）用別人善心作出詐騙！就此事已向法律機構提供資料，並作出跟進。
在此再次呼籲大家，若有任何人士收到不明人士偽冒藝人身份私訊呼籲捐款，請提高警覺以防受騙！」
網上騙案手法層出不窮。所以Joey都留言話：「大家務必小心」
(on.cc)
名模樂基兒（Gaile）結婚一年多終於傳出喜訊，承認懷孕嘅佢，今日喺社交網再度分享喜悅！
佢PO咗張身穿寫住「Baby Coming Soon」嘅衫，正式宣佈就嚟做媽媽，BB將會來臨喇！
佗住B嘅Gaile嘟起個嘴仔，面同手都冇乜水腫，不過就唔見肚，佢以英文留言話多謝大家關心：「Can’t say how excited I am, a magical journey to come. Thank You for all the love and support. Big kisses and hope to see you at the event tomorrow #mommytobe」（一個奇妙嘅旅程，唔識點講我有幾興奮！多謝大家嘅愛同支持，送一個大大香吻畀大家，明日活動見！）
(on.cc)
娛樂圈年尾喜事連連，藝人輪流結婚生B，結婚就有阿嬌同賴弘國、林師傑同歐陽巧瑩！
佢哋早前已經分別入紙排期，好快就舉行婚禮！
除咗呢兩對之外，入紙排期註冊結婚嘅仲有佢哋！
江若琳與男友「生煎王」蕭潤邦（Oscar）正忙於籌備下月在港舉行的婚禮，今個月頭二人正式在港入紙排期註冊結婚，「擬結婚通知書」正式曝光。當中蕭潤邦職業報稱Director，而江若琳（原名:江玲）報稱居住筲箕灣，而男友的住址則在馬鞍山區。
早前已經過咗大禮，Oscar對未婚妻真係如珠如寶咁～非常恩愛！
江若琳與蕭潤邦同是2007年出道的歌手，相識十年一直都是好朋友，惟江若琳去年四月突然喺社交網宣布同Oscar拍拖，自此二人愛得如膠似漆、形影不離，更不時外出旅行並在社交網放閃。
下個月23日便會在港結婚並舉行婚宴，有情人終成眷屬！
(on.cc)
近日去了泰國華欣度假，更上載一家四口開心玩水，穿泳衣的背影照。其中一張全家福幸福照，老公雙手捧住她圓渾渾的孕肚，原來陀上第三胎。
恭喜！ 混血名模Cara G. 和老公Jesper 育有兩個女兒，今日佢喺IG宣布懷上第三胎。
熱愛大自然的Gara G ，近日去了泰國華欣度假，更上載一家四口開心玩水，穿泳衣的背影照。其中一張全家福幸福照，老公雙手捧住她圓渾渾的孕肚，原來陀上第三胎。
佢留言話：「Beautiful memories made and food eaten, now off to our next adventure（留下美好回憶，品嚐了美食，現在向我們下一個歷程出發。）」溫馨快樂之餘，宣佈將於下年再添新成員。
Cara G. 在2014 年3月誕下長女India，2015年再自然分娩誕下二女Frejia。
(綜合報道)
現年44歲嘅森美最近又拍劇喇，連日都為新劇《過街英雄》開工嘅佢尋晚就喺中環拍攝，仲拎住盒牛腩飯自拍，佢話：「有咁嘅背景 真係食景都值回票價！」
點知大家都將重點放咗喺佢個樣到，事關年過40嘅佢皮光肉滑，皺紋都唔多條，連「豹嫂」胡蓓蔚都好葡萄，留言問佢：「請問用咩護膚品？」
仲有好多網民話佢：「多咗啦」、「請問用咩美肌軟件」、「P圖過度喎😝😝」被網友洗版「圍攻」嘅佢，忍唔住反擊話：「你睇咗啲牛腩咁多紋都知我冇p圖啦！」
而今朝佢喺電台開咪時都話畀豹嫂問一問，自己都驚一驚，睇吓啲牛腩有冇紋先！
(on.cc)
歌手鄧紫棋（G.E.M.）前日喺美國太空總署（NASA）出席「科學突破獎」頒獎典禮，仲壓軸獻唱中文歌。
今日G.E.M.又喺IG晒相，而且係佢首次公開晒同男友Mark嘅合照，仲留言寫住︰「最後一張～Styled by @markymark.23 #lastbutnotleast（最後但同樣重要的人）」
佢男友係幫佢執形象嘅造型師Mark Ngai，穿上黑西裝同G.E.M.白色長裙禮服，一黑一白頗相襯。而G.E.M.喺下面註明「lastbutnotleast」，講明最後但唔係唔重要。
獲女友親證地位嘅Mark亦不斷上載「男友視角」片段隔空傳情，網民都紛紛送上祝福，又叫Mark要好好照顧G.E.M.呀！而「鄧紫棋首晒男友」更登上微博熱搜第一位添！
其實G.E.M.於2016年已經同Mark傳緋聞，之後又被拍到兩人同遊日本，今年更多次拍到二人出雙入對，但G.E.M.一直未有承認，睇嚟G.E.M.今次正式公開二人嘅情侶關係。
(綜合報道)
「記錄番我懷孕頭三個月，其實磅數一直沒有怎樣增加，反而減少了2-3磅，這是因為有害喜反應和吃不下東西。」
藝人張珮汶（Grace）現時懷有5個多月身孕，佢經常喺社交網分享懷孕大小事。
佢之前講過連街都唔出得，原來係為咗BB可以健健康康出世：「BB最近真係大咗好多呀，胎水也愈來愈多，所以宮頸壓力也相對重咗！為了BB足月出世，未來五個月我要聽話乖乖在家好好休息了，大部分時間都要躺着或坐着，如果一定要出街也只能點到點。老公影低我這個樣子安慰我説：『你這樣好看，懷孕媽媽真美⋯⋯』我對老公說：『其實懷孕真的很累呢，但這是我們的孩子，我一定要堅持下去的』」
呢日佢就喺社交網上載一張露肚皮嘅相，留言話自己暫時重咗11磅。
Grace表示：「每星期都會磅重一次，check住自己嘅重量。看著（着）體重不斷增加，真的只能大喊媽媽好偉大，犧牲了美好的身材， 再安慰自己說：為了寶寶吸收足夠的營養，生完再想法子收身吧！其實一般寶寶出生的時候大概是3-4kg， 加上胎盤0.5kg，羊水0.5-1kg，其餘的體重增加很大部分都落在媽媽身上呢⋯⋯ 我目標到生產時增加體重不超過30磅就好了。）」
之後佢仲分享懷孕唔同週數嘅體重變化：「記錄番我懷孕頭三個月，其實磅數一直沒有怎樣增加，反而減少了2-3磅，這是因為有害喜反應和吃不下東西。不過到四個月後，胎兒開始長得快，體重便隨著（着）增多咗，大概是每週2磅左右啦。直到現在，快踏入23週了，我比孕前一共重了剛好11磅，距離目標還有19磅，為了我心愛的寶寶，加油加油」
另外，有啲媽媽會因為懷孕而棄養貓貓，相中仲見到Grace身後有貓貓嘅玩具同貓糧，冇受坊間一啲關於貓隻會影響BB健康嘅謬誤影響！有愛心又Smart，難怪愈佗愈靚啦！
(on.cc)
藝人江美儀早前宣佈與吳君如弟弟吳君祥已經在兩年前分手，11年情告終。後來更爆出，分手變離婚。。。
雖然依家過住單身生活嘅佢忙於拍攝新劇《殺手》，仲去咗台灣拍攝外景。
呢日佢就喺社交網甫出與同劇演員嘅合照，大家齊齊擦日本嘢，相中見到黎耀祥、陳豪、李佳芯同高海寧都喺度，大家都好enjoy餐飯。
美儀仲話：「行完山一齊食飯，好好味，好好笑！ #江美人 #好好善待自己 #台北 #殺手」大家都話睇呢個陣容，已經好期待套劇喇！不過似乎相中個個都有哂伴侶，得返美儀係單身，希望美儀快啲搵到佢嘅Mr. Right啦！
