藝人陳家樂早前宣佈與拍拖三年的女友余香凝分手，兩人曾共患難，一同經歷事業低潮，及後兩人終於捱出頭來，女方獲金像獎提名，現在還有發展唱歌路，而男方則慿《逆緣》飾演爺爺一角爆紅。
余香凝當時被指有第三者才與陳家樂分手，但兩人交代否認，陳家樂更開腔護舊愛，直言余香凝是「我最親的親人」二人雖然已經分手，但相信仍是一對會互相鼓勵的朋友。
最近「爺爺」陳家樂出席東方表行沙田錦標「時尚煲呔賽馬日」，他透露近期非常忙碌，時間很緊湊：「同時拍緊電影同電視劇，試過撞時間，一連拍咗38小時。（怕唔怕捱殘？）還好，趁後生搏吓。」
不知道繼《逆緣》之後，他會拍什麽電視劇呢？
問到會否覺得打煲呔是紳士象徵？
他表示：「係呀，喺我心目中打煲呔係襯喜慶日子，嚟緊我屋企都有喜事，就係妹妹結婚，我幫緊爸爸物色禮服，佢成世人冇乜着過靚西裝，想搵套Fit身啲畀佢，交由我負責。（咩風格？）冇咩特別，貼身就得，因為佢比較矮小。」恭喜家樂呀！
（綜合報道 / on.cc）
佢表示：「呢套劇我豁出去，監製搵我果時話個角色係王君馨死黨，樣子騎呢，我話我唔介意，橫掂都係，我做得騎呢啲！好期待套劇出街，好有挑戰性，其實我忙做主持之外，都好鍾意做演員。」
Fanny回想拍攝劇集時，當時粗身大細，佗緊BB五個幾月，都驚大住肚拍會影響角色，但劇組上上下下都對佢好好。
藝人李漫芬（Fanny）有份演出即將播出嘅台慶劇《是咁的，法官閣下》，戲中Fanny飾演一名律師，係王君馨好朋友。
同香香合照
Fanny話：「監製搵我，我話大肚喎，會影響角色嗎？佢話唔會，因為律師都可以大肚嘛。劇組好照顧我，未埋位時，就叫我坐低同換平底鞋。」
佢仲自爆拍攝時嘅趣事：「有一套西裝要連戲，我第一次拍係扣到鈕，點知補拍時已經扣唔到，要用扣針扣，哈哈。另一次係公司盆菜宴當日要拍攝，我就早啲返去化呢個妝，再去食盆菜，在場啲人唔認得我，呢個造型仲帶畀我好運，我抽中獎，好開心。」
最後都能夠順利拍攝，而家Fanny應該過緊一家三口幸福生活添！
（綜合報道 / on.cc）
資深藝人岳華一向是圈中公認的好好先生，令不少女士為他着迷，他與著名作家亦舒的一段情更成一時熱話。
據知亦舒被岳華的「好男人」性格吸引，早年曾撰文大讚岳華為好男人：「世界上罕見的例子。」她寫道：「有一張好人的臉，好人的性格，他是那種會使別人自然去佔他便宜的好人。因為誰都知道，佔了岳華的便宜，不會有後顧之憂。岳華不抽煙不賭錢，不去舞廳，不亂花錢，是一個孝順的兒子，是一個努力的演員，是個不錯的男朋友。」、「岳華可以演那種青年導師，指引飛仔飛女改邪歸正。有時候他空，就坐在梳化上講解古文，講得很不錯。
他是一個很正常的人，健康而快樂。不要說是電影界罕見的例子，也是這世界上罕見的例子。」最後女追男成功。當時因為「小生配才女」而令戀情哄動一時，最終二人未能開花結果，而一向低調的岳華亦未有多提這段戀情，只在時隔多年回港拍劇時，他坦認亦舒脾氣差，並指分開後多年都沒有再見面。
當年亦舒曾因呷醋，於盛怒之下將其西裝、領呔通通剪破，而岳華就透露亦舒最激一次，用刀插向他瞓嗰張床：「佢模擬我瞓喺張床度咁，喺我心口位置插落去，我睇佢插落床度嘅痕迹。」
岳華坦白說著名作家亦舒（右）脾氣差，曾剪坡自己的衣服與領呔。
岳華演藝事業成功，感情路上卻不平坦，亦曾結過兩次婚。早於1966年岳華夥拍女星鄭佩佩合演《大醉俠》迅即走紅，有指二人更因此電影擦出愛火花，他與鄭佩佩拍拖5年離離合合。
《大醉俠》令兩人燃起愛火花，這段情糾纏了足足五年。
而他跟陳鴻烈、鄭佩佩發展一段三角關係，亦成一時佳話。
與此同時，亦舒替邵氏《香港影畫》做記者，兩人十分談得來。二人相約一起玩，岳華開車，鄭佩佩坐車，亦舒也經常做座上客。後來鄭佩佩曾表示，到家後亦舒常說自己有夜盲症，一定要岳華送她上樓。
岳華最終情歸邵氏影星恬妮，二人於1975年拉埋天窗，並誕下女兒梁曉暉，更於80年代毅然放下事業，為太太移居到溫哥華生活，確實是模範好老公。但在恬妮之前，岳華曾跟一名意大利女子有過一段短暫婚姻。
一代大俠最終情歸邵氏影星恬妮
亦舒其後移民到加國，他們曾在超級市場碰過面。她已經再婚了，他亦有自己家庭了。
相關新聞：
【姐夫岳華逝世】恬妞今忍痛拍攝喜劇 https://goo.gl/zK4bYy
【大爆太太恬妮曾逼婚】岳華甘願爲家庭放棄事業 https://goo.gl/TX2cUC
【妻女念佛12小時送別岳華】陳凱琳：拍完之後仲會嗌我阿女 https://goo.gl/vf9rBn
【岳華離世】蔡少芬淚崩：我真係真係好唔捨得佢，好難過 https://goo.gl/mucPQ6
【上年八月暴瘦現身】縱橫演藝圈半個世紀 證實離世 https://goo.gl/g4KDfo
（綜合報道 / on.cc）
6月時大方向傳媒承認懷孕5個月，計落預產期應該係下個月到！
自宣佈懷孕以來，佢都不時都會於社交網更新近況。
呢日佢就上載出最新嘅大肚寫真，並透露現時已經懷孕滿37周，隨時準備生得：「包子足月37週啦！隨時等待發動，迎接你的來臨！爸爸媽媽心情既期待又緊張，你要順利平安健康地出世～」
相中見藝人李悅彤（Liddy）着住喱士婚紗裙，若隱若現咁透出巨肚，網民都大讚好靚好性感！
今次仲透露BB性別添，其中一張相Liddy老公拎住「Baby Boy」嘅牌，正式宣佈今胎係囝囝！
呢批相好似當時佢哋影結婚相咁，睇嚟Liddy好鍾意喱士紗裙系列喎！
(綜合報道 / ig / on.cc)
藝人森美出席活動，小時候患有專注力失調和過度活躍的他，希望用自身經歷為有問題的學生打氣，他表示：「之前都有去啲學校探訪，有一、兩個學生聽完我分享都感動落淚，我同佢哋講要相信自己，我細個讀唔到書嘅一段時間都辛苦，補習老師教到要搣我，阿媽都打我，成日都唔合格，我連功課都做唔好。」
問到仔女可有他這個問題？他笑言：「好在我太太冇，揀一個好嘅另一半好重要。」講到仔女生性讀書又叻，他表示：「讀書叻唔叻只係排第二，最重要係畀佢哋搵到鍾意做嘅嘢同埋有成功感，佢哋細個想學乜都畀佢哋試。」
講到他思想開明，可會畀仔女拍拖？他表示：「佢哋5、6年班時，我已經有問佢哋有冇鍾意嘅人，愛情嘅感覺係控制唔到，如果你成日話唔好，佢就會講都唔講你聽，有時愛錯、唔識拍拖、唔識愛人，感覺係好差，愛一個人係要學識點相處。」隨即笑言：「所以我會畀佢鍾意人，但唔會畀佢咁快拍拖。」他又自爆14歲的仔仔在5、6年班時，有個很好的女仔朋友：「我就約嗰家人一齊食飯，到依家都會約出嚟玩，個仔話佢哋唔係拍拖，但逢放假我都會叫佢哋去街。（咁快見「未來新抱」？）如果係咪早啲見，唔係咪係朋友，教佢鍾意一個女仔可以同佢相處多啲，係咪拍拖就遲啲先算。」
(on.cc)
天王嫂方媛（Moka）雖然早前傳出再度有喜。
不過之後佢就喺網上指自己體重激輕，似乎想借啲意否認傳聞。
呢日Moka又更新社交網，仲喺社交網分享自拍片，片中見佢大玩手機APP，自拍靚樣唔同角度，似乎心情好靚喎！
一班網民都大讚佢係「零死角」美女，仲搞笑話佢戴住嘅珍珠耳環好大粒，唔知係咪老公送，搞到佢哋都好「葡萄」咁話！
(ig / on.cc)
歌手鄭融等到山頂出席慈善步行活動，她表示有接受定期身體檢查：「以前唔習慣同朋友傾，近年開始接受咗，係生活嘅其中一部分，依家會同朋友交流心得，覺得呢個話題好健康。」
她又指很多朋友會接受婚前檢查，是很健康的事，與男友Martin感情穩定的她，問到可有齊齊去檢查？她笑言：「未去，聽吓朋友講都好呀。（計劃緊結婚？）每一刻都計劃緊，大家會傾吓，不過得個傾字！」
鄭融表示接受男、女醫生檢查亦不會尷尬：「長輩會講男醫生好啲，但事實好睇個人感覺，畀到女仔安全感同放心，男女都可以接受，唔係性別問題，可以試多幾個試到啱為止，總會搵到啱心水。我以前都以為搵啱呢世都跟呢個，但好多嘢都會變，醫生都會退休啦！只要搵個老公係一世就夠。」
（on.cc）
岳華太太恬妮的胞妹恬妞，剛在中環為林敏驄喜劇電影拍外景，恬妞姐強忍喪姊夫之痛拍喜劇，休息時在街上發呆，沒有笑容。雖然明知有大批傳媒欲採訪，但恬妞透過工作人員表示不接受任何訪問，相信仍未平復到姊夫離世之痛。
雖然這部是賀歲喜劇，但恬妞姐全程沒笑容，或許受姊夫離世打擊影 響心情！恬妞姐拍了六、七個shot都沒不耐煩，表現專業，休息時望着街邊發呆或閉目休息。
至於今日同場還有泰迪羅賓、林敏驄、張繼聰、Bob等演員，大家拍攝一場小巴戲，眾人坐在車內，張繼聰扮演司機，阿Bob拖住恬妞姐衝上車，之後被一班人用網球擲車。
導演林敏驄有否安慰恬妞姐？他表示：「會，恬妞姐好專業，表情交足戲，頭先喺van仔度休息緊，佢拍完呢幾個shot就冇，今日拍晒，聽朝就走。」
約3時08分，恬妞姐拍完所有戲份，隨即跳上停泊附近的七人車離開。
相關新聞：
【大爆太太恬妮曾逼婚】岳華甘願爲家庭放棄事業 https://goo.gl/TX2cUC
【妻女念佛12小時送別岳華】陳凱琳：拍完之後仲會嗌我阿女 https://goo.gl/vf9rBn
【岳華離世】蔡少芬淚崩：我真係真係好唔捨得佢，好難過 https://goo.gl/mucPQ6
【上年八月暴瘦現身】縱橫演藝圈半個世紀 證實離世 https://goo.gl/g4KDfo
(apple daily)
藝人陳嘉寶（Anjaylia）至今懷孕超過7個月。
最近趁住BB仲未出世，所以佢把握機會放鬆一下，仲先後去到英國、荷蘭及德國等地旅遊！佢連日喺社交網站放出不少靚相，見佢去咗巿集、睇荷蘭風車以及柏林嘅塗鴉。
着上鬆身衫及大衣遮肚嘅佢，一啲都唔似有BB，而且塊面勁V及四肢纖幼，完全零孕味，認真得天獨厚！
而其中一張相見佢着黑色衫坐喺度歎乳酪，難得冇遮肚，不過就算露出全身但個肚仲係好平坦。
有網民見到就好懷疑佢究竟係咪大肚…網民都留言：「你的肚子呢？」
又有網民叮囑叫佢懷孕去旅行要小心呀！
(ig / on.cc)
歌手張敬軒（軒仔）出席總決賽開幕禮。
軒仔稱也有打機，但遠不及詩雅專業：「佢會同公司嘅電競隊切磋，但我係入門級，我上網打機唔會畀人知，我會用化名，因為我打得好渣，我睇熱鬧多。」
問他不是做幕後功臣居多嗎？早前為BOYZ演唱會做顧問的他坦言：「做幕後有做幕後快樂，有時做得幕前耐，做幕後可以學到多啲嘢，而且做藝人有時會畀人湊慣咗。見到佢哋個演唱會咁成功，我好戥佢哋開心，希望佢哋快啲喺紅館開騷。（你到時再幫手？）睇時間，唔撞工作冇所謂。」
對於關智斌（Kenny）在台上指軒仔是好緊要的人。
軒仔笑言：「（好緊要的人）之一，演唱會每個工作人員都好緊要，重要已經好好，好滿足，唔一定要做「最」嗰個。（你會點形容佢？佢對你都好緊要？）緊要嘅，我都唔係咁輕易請得出山。呢個騷對佢哋好重要，佢哋個騷對香港樂壇好重要，因為係好多人嘅青春。我哋嘅存在價值係對某啲人某個時代，大家都係大家重要嘅人。」
(on.cc)
