電台DJ兼歌手葉文輝（啤梨）去年12月與拍拖4年的圈外女友Michelle結婚，二人一直表現恩愛。下個月就是結婚一周年的日子！
但日前忽然被傳葉太疑似「出軌」，爆料者提供了一張Michelle被一男士搭住膊頭兼頭貼頭的合照。
事後，啤梨解釋相中男士是太太的加拿大同學而已，所謂爆料只當笑料一則。
昨日啤梨喺社交網上載一張車內照片。
佢留言話：「我很快樂，我很幸運；但更希望身邊的人快樂和幸運。#感恩 #知足 #心態決定命運 #thankful #mindset #goodvibes。」
不過網民話啤梨神情呆滯未見歡容，仲見到佢雙眼通紅似有淚光，心情未見開朗咁話。而啤梨表示：「冇嘢，呢張眼濕濕相，較靚仔！」
(綜合報道/on.cc)
去年5月獲男友向她求婚，8年愛情長跑修成正果，10月二人舉行盛大婚禮，霍啟剛郭晶晶夫婦等人見證了幸福甜蜜時刻。
今年7月宣布懷孕：「讓我們一起期待新生命的到來！」
只在中秋曬過一次孕肚。
不過昨日佢喺微博上載多張大肚寫真照，除有着住白色唯美嘅相，仲有着住中式旗袍同埋晚裝等示人。
而講到吳敏霞貴為跳水界精英，出水能游嘅佢就特別潛入水底影相，對佢嚟講真係駕輕就熟。
佢仲留言話好想快啲同BB見面：「拍攝這組照片的過程很開心，感謝大家的照顧，也辛苦誠哥〜迫不及待和我們的小寶寶見面啦，想摸摸你的小臉，看看你的樣子，呼喚你的名字」
而未有公布BB性別嘅佢，肚皮上面畫咗個BB仔樣，唔通暗示佗B仔？
(綜合報道)
兩人結婚三十年經歷不少風雨，但仍情比金堅，亦是圈中「愛妻號」之一。更有傳他月花10萬元為太太醫病，兼且全天候照顧，梁潔華曾讚他：「佢試過朝早飛去第二度做嘢，夜晚嚟醫院問我有冇事，然後先返屋企！我見到佢好辛苦，我好感動！冇咗佢都唔知點算！」
57歲黃日華在演藝作品中多數飾演敦厚情深的角色，現實中的他一樣是「愛妻號」，與同是無綫藝員訓練班出身、現年58歲的太太梁潔華結婚30年，育有28歲女兒黃芷晴，多年來一直夫妻恩愛，家庭和睦。
好景不常，梁潔華於2013年底驗出患有壞血病，黃日華其後承認太太病情，透露已接受治療控制病情，有傳他月花10萬元為太太醫病，兼且全天候照顧，當時梁潔華曾讚他：「佢試過朝早飛去第二度做嘢，夜晚嚟醫院問我有冇事，然後先返屋企！我見到佢好辛苦，我好感動！冇咗佢都唔知點算！」
承認觀察中：抵抗力低啲
經過五次化療，梁潔華病情趨穩定，一年後再度現身公開活動，病愈後對粵劇更添興趣，跟隨粵劇名伶文千歲及梁少芯夫婦學戲，將精神寄託在粵劇上，獲家人全力支持。年中時，她曾透露10月會演出劇目，但最後卻不了了之，連文千歲在上月舉行自傳記者會，她亦未有出席，代她撐場的黃日華當時說：「人多嘅地方佢唔方便出席。」
最近，有傳梁潔華舊病復發，有讀者目擊黃日華多次陪太太出入醫院，據知他近月亦推掉手頭上所有工作及登台，再度貼身照顧太太。連日來，記者守候在黃日華的大埔寓所，一直未見夫妻出現。直至昨午約4時，他隻身由大埔駕車到沙田商場，並拎着一大袋物件落車。
戴上口罩的他仍難掩倦容，被問到有傳太太病情反覆要住院，他平靜地回應：「其實都成日入醫院覆診，指數係升升哋，觀察中！冇嘢嘅，放心。（依家太太喺醫院定屋企？）屋企休養緊，抵抗力係比正常人低啲。」問到女兒有否花很多時間陪媽咪？黃日華笑了笑說：「我啫！佢今日都要開工。」說罷即轉身離開。
女兒有仔陪 愁眉不展
至於女兒黃芷晴心情亦大受影響，日前下午約1時多被發現與男友在九龍區午膳，其後手拖手到附近行街睇男裝。芷晴全程愁眉不展，男友雖不時撩傾偈，但她亦未有展露笑容。
不過，她沒有在社交網表露心迹，反而上載在瑞士及荷蘭遊玩照片，希望沖淡憂愁。
(on.cc)
藍潔瑛猝逝，網民卻發現曾志偉兒子曾國祥按讚相關新聞(相關新聞: https://goo.gl/2yssrM)，雖然曾國祥事後已取消點讚，但引來網民瘋狂討論事件。曾志偉一直未有回應，亦未有理會大批網民湧入其微博洗版式謾罵。
但原來正身處風眼中的曾志偉，昨晚現身台灣，出席導演朱延平長子的婚禮，女兒曾寶儀作伴，同場嘉賓還有張小燕、甄珍、藍心湄、邱瓈寬、李烈、洪偉明等，非常熱鬧。
台灣導演朱延平昨晚為大兒子娶媳，在香格里拉遠東國際大飯店筵開25席，由邱瓈寬負責統籌策劃，好友曾志偉專程來台，與曾寶儀一同到賀。席間邱瓈寬開金口獻唱《菊花台》，藍心湄也上台高歌《高山青》，曾志偉也上台助興，與張小燕致辭，打趣謂這是一場「豬牛聯姻」，全場大笑。
「豬牛聯姻」其實有個小故事，朱延平的大兒子名叫羅元庭，在英國留學並在當地就業，在英國認識來自大陸的同學牛曉白。朱延平稱當年答應岳父，第一個孩子無論男女皆從母姓「羅」，否則兒子和媳婦的組合就是「豬牛配」。
朱導演還在社交平台分享婚宴合照，相中曾志偉似乎十分投入，未見異樣。
67歲的導演朱延平，與曾志偉合作過《大頭兵》等多部電影，相識多年，交情頗深。早前曾被捲入「女模教母」韓穎華是非之中，朱延平在社交網以六字「打死我都不信」回應。
(Apple daily)
藍潔瑛早於2013年左右曾執筆撰文寫自傳，可是文章一直未能結集成書，她的精神亦時好時壞，最後不了了之。
今日有周刊將藍潔瑛這些手稿重新出土，裡面除了提及雙親，還有一些圈中朋友——包括成龍和曾華倩。
談到前者——成龍，藍潔瑛憶述，兩人曾合作慈善騷，藍稱：「他規勸大家千祈唔好同人嘈，這便是他的智慧」。
至於曾華倩，兩人屬同期訓練班同學，藍潔瑛出事後，華倩往醫院探望，有傳亦曾挺身相助解困。藍潔瑛在手稿中，憶述當年兩人讀藝訓班趣事，大爆華倩喜歡為老師改花名：「這個也是華倩的優點，她愛說輕巧、無傷大雅的笑，和起一些無損害性的別名，也不會作是非、害朋友……」
藍潔瑛離世後，華倩未有受訪。之前藍潔瑛影迷會微博版主因為聯絡不上藍的胞姊，故透過短訊，希望華倩等圈中好友能為藍潔瑛籌辦後事。
華倩一直守口如瓶，只在社交網寫道：「突然….心痛….可惜！願藍小姐在另外一個空間，找到真正的快樂和心靈健康！做得你朋友就要尊重你，從不喜歡朋友在背後，說起你的一點一滴。我尊重你，所以，你安心走吧！永遠懷念你的我，你我在心中！一路好走！」
(Apple daily)
早前透露因為發現患癌，故停工專心治病，戰勝病魔後即時返回工作崗位。佢曾經喺節目多謝過好多圈中朋友，答謝大家喺佢病嘅時候送上溫暖，其中一位就係劉德華喇！
Vani在節目中亦有重點多謝一直以「阿哥」相稱的張學友：「要多謝呢個冇血緣嘅阿哥，我知道你唔鍾意上網，但係都不斷上網幫我搵醫學資料，就算幾忙都keep住為我打氣，上個月又安排全家人去澳門睇演唱會，作為我康復嘅禮物。」
噚日佢仲喺Ig貼咗一張用「女友視角」手法拍攝、同華仔手拖手嘅相片。
原來華仔噚日去咗電台做錄音訪問，Vani留言話：「今天見到華仔，談起我們之前各自的經歷，我就哭了出來！謝謝華仔在我的節目毫無保留的各種分享，再告訴大家播放日期！今天身體有點不適，但有華仔在，很快就恢復元氣了！」
商台DJ雲妮（Vani）今年3月向電台請假，「暫別」主持節目《雲妮鍾情》，至月前才復工。Vani透露因為發現患癌，故停工專心治病，戰勝病魔後即時返回工作崗位。
Vani接受訪問時話華仔個訪問會喺本月22、23號播。問佢同華仔傾咗乜嘢令到佢感動流淚？Vani話：「佢乜都講呀！我們都在同一間醫院度過一個難關，講講吓我啲眼淚就係咁流，當日我做完手術，一開眼就見到他送的花果籃。」佢又透露華仔講咗好多屋企人，有提當年跳落台救fans，同埋怎面對生離死別。
(Apple daily)
雨僑與羅力威於今年3月結婚，七年愛情長跑修成正果，婚前婚後一樣咁恩愛~
噚晚雨僑、鄧兆尊、胡杏兒、盧海鵬等喺灣仔出席「飲食天王頒獎典禮」，杏兒擔任頒獎嘉賓，做咗人妻之後，間唔中都會落廚，佢話：「中餐西餐都有拿手菜，反而最鍾意向難度挑戰，家常小菜冇乜難度，煮得好有成功感，會畀老公試食，老公唔會隱瞞，好唔好食都會直接表達，無論咩意見我都接受。」
同場嘅兆尊話三、四個月前，開始同朋友一齊做茶餐廳生意，而自己對食係冇乜嘢要求，周街搵食。問到佢幾位紅顏知己識唔識煮嘢食？兆尊笑稱：「實不相瞞，佢哋每個人只係煮過一餐，因為煮嘢食好辛苦。啲街坊好好人，去買餸時畀好多份量我哋，所以都係寧願出街食。我都會煮，都係一年一餐一齊食。」
講到之前有報道話，鄧家喺西貢一幅地申請更改建築用途，兆尊話：「我唔清楚，通常細佬兆榮負責，冇所謂，只係畀多個選擇人哋，都唔係咩大件事。」
而雨僑就話最近訓練老公羅力威煮嘢食：「o依家佢識煲粥、炒菜，平時我哋會喺屋企做音樂，好多時喺屋企整嘢食，老公本身係唔識煮。」
係咪想訓練老公成為「黃面公」？雨僑一聽就笑：「唔係，其實我想訓練佢做陪月。」咁講，唔通有咗？「未呀！之前結婚時佢負責搞婚禮，fans形容佢為力威wedding planner，fans叫我訓練佢做陪月，變成『力威月子中心』，等佢接手做到陪月，我至生B，互相照顧。」真係好有planning喎！
(Apple daily)
50歲再做爸爸，31歲太太為佢誕下BB女，仲改咗個乳名叫「豆豆」！
50歲荷李活影星「魁隆」佐斯布連（Josh Brolin）再做爸爸！
其31歲太太Kathryn Brolin為佢誕下BB女，仲改咗個乳名叫「豆豆」（Bean），而真名則為Westlyn Reign Brolin。佐斯布連於社交網寫道：「多謝大家的祝福，好感謝大家於呢段懷孕時期嘅愛同支持。」
而Kathryn仲貼出囡囡甜笑嘅片，非常可愛。
佐斯曾與前妻Alice Adair生下一對仔女，大仔Trevor已經29歲，而囡囡Eden亦已24歲。
(綜合報道/Apple daily)
台灣女星陳妍希喺2016年與內地男星陳曉結婚，同年誕下仔仔小星星。
近日有網民爆料，指喺馬爾代夫偶遇到佢哋兩公婆，仲曬相為證！
相中，陳曉着上白色西裝坐喺海邊台上，而陳妍希就着上白色簡約婚紗，甜蜜靠喺老公膊頭，疑去咗重影婚照。
見到做開幕前嘅佢哋，擺起甫士上嚟十分純熟，期間陳妍希仲不時用手輕撫老公塊面，Sweet到爆！
陳妍希喺2015年受訪時曾講過，自己理想中嘅婚禮係喺海邊，但隔年結婚時卻揀喺北京雁栖湖島搞，如今佢哋兩公婆結婚已有兩年，今次去海邊影相，網友都估係要完成陳妍希嘅心願！
網民紛紛留言：「好羨慕呀」、「是愛情呀」、「王子與公主」、「結婚兩年，孩子都快兩歲了，還肯再去補拍婚紗照」、「真是絕種好男人！」
(on.cc)
天王嫂方媛（Moka）早前盛傳再度有喜，早前萬聖節佢就去咗中環湊熱鬧後，當晚佢着住條蓬蓬裙遮住個肚。
雖然傳佢再度有喜，但相中嘅佢，手腳仲係好纖瘦。
仲睇到Moka着住對「斗零㬹」，搞到成班網民都叫佢要小心啲！
昨晚佢又上載新短片喺社交網。片中佢應該坐緊電車，夜遊港島，坐喺上層將半個頭伸出車外睇風景，佢仲喺片中送吻派心心，睇嚟心情好好！
不過網民就叫佢小心啲！城嫂留言︰「每次做（坐）叮叮車都覺得超浪漫喔。」
見到方媛戴住頂咁靚嘅帽，唔係知咪佳人有約呢？不過網民就話佢老公郭富城有咁多部名貴跑車，佢都選擇乘搭「兩個六」一程嘅公共交通工具外出，真係夠晒貼地同平實，果然係知慳識儉又環保，係個好太太同好媽媽呀。
(綜合報道)
