48歲藝人鄭嘉穎和下月將於海外結婚。有傳二人急於秘密結婚，是因為Grace懷孕，但BB未夠3個月，所以選擇秘婚。昨日傳媒才問兩人是否奉子成婚，當時二人均否認，但及後再轉口風，承認與陳凱琳……

鄭嘉穎（資料圖片）

對於有傳下月峇里行禮，鄭嘉穎表示，明白大家的關心，「但不要比我們更加心急，亦希望給我們一點空間，總之結婚就會給大家交代。我現在還在內地工作，八月亦已安排好一連串工作，當中包括電影的內地及香港宣傳，當然會現身北京、香港首映禮！」

（資料圖片）

而曾表示就這個結婚話題，應承嘉穎「狗咬都唔講」的林子善，回覆傳媒稱：「你問番佢哋啦！」

而與嘉穎感情要好的馬國明亦稱：「我真係唔知，問番佢本人啦！我最近都好忙，冇見過嘉穎！」
林子善和馬國明一律封口，林子善更曾承諾鄭嘉穎「狗咬都唔講」。（資料圖片）

（on.cc）

48歲嘅鄭嘉穎同27歲陳凱琳(Grace)拍拖三年，近日被爆下月結婚，咁突然，令外間都有唔少揣測。據《蘋果》收到嘅消息，陳凱琳同嘉穎結婚結得咁急，係因為Grace有咗BB，據聞未夠3個月，所以唔可以講得住。今日大台搞咗個大型活動，全公司藝員出席，但偏偏就唔見陳凱琳出現。另外，原本今個月陳凱琳要返大陸幫無綫拍嘢，但竟取消晒，呢段時間佢停止晒所有工作，似乎因為BB未夠3個月，所以呢段時間要專心安胎。

唔單止咁，嘉穎有份主演嘅電影《L風暴》，原本下個月排好晒好多宣傳工作，但嘉穎突然要攞期結婚，所以打亂咗宣傳工作，而佢點解突然咁急攞期結婚，唔等完成晒手頭工作結婚，亦因為女友有咗BB關係。

據知，嘉穎同陳凱琳婚禮喺下月中喺峇里一間海邊酒店舉行，過往好多藝人都選擇峇里舉行婚禮，貪當地碧海藍天環境又靚又浪漫，最重要係夠晒私隱，好似林心如同霍建華、陳敏之同老公William、許志安同鄭秀文、劉愷威同楊冪、鍾鎮濤同范姜、侯佩岑同老公黃伯俊、關心妍同老公楊長智等等。

（資料圖片）

《蘋果》都有向當時人求證，問係咪奉子成婚？嘉穎都係一貫答法﹕「我都想，但唔係囉。」而Grace回覆傳媒時就話﹕「我唔知邊個咁有創意，不過唔係真，真係唔想再回應，呢一刻真係需要私隱同空間。」

（apple daily）

藝人陳松伶現身書展，自認喜歡實體書，現時床頭都必擺有書籍：「唔習慣睇電子書。（鍾意睇咩書？）天文地理、愛情等咩都睇，老公（張鐸）依家拍緊電影，成日都會同佢討論拍攝手法。」陳松伶更笑言人愈大，求知欲愈像小學生：「有好多嘢都唔識，好水皮，咩都想學多。（會上短期課程？）都願意，特別係管理課程，例如人緣，同埋時間最重要。」

此時，陳松伶不忘大讚老公是一個值得學習的對象，更大爆對方精力旺盛，令她要「嗌停」……

「佢有好多嘢都超乎我年齡想像，好老成、自學、勤奮，佢可以拍完12個鐘戲，都仲可以去跑2個鐘跑，我成日都叫佢唔好咁博，佢再瘦啲就顯得我好肥，但佢自理能力真係好好。」

（on.cc）

視帝王浩信與陳自瑤（Yoyo）結婚7年，早前傳出女方主動提出離婚，並已分居一段日子，但為了6歲的女兒王靖喬，二人的關係已好轉。早前兩公婆一齊出席女兒的幼稚園畢業活動，回復一家三口的溫馨生活。

日前下午，Yoyo到馬鞍山出席新劇宣傳活動，離開時獲十多名男女粉絲上前索簽名兼影合照。心情大靚的她來者不拒，有求必應，全程笑容滿面，態度親切。

其後她乘閨蜜唐詩詠的座駕前往九龍塘搵食，泊好車後，雙雙步往附近一間西餐廳醫肚。

二人發現記者時，即笑笑口打招呼，而Yoyo更笑到見牙唔見眼，狀甚風騷。她們逗留個多小時便埋單走人，沿途被不少途人認出兼眼望望，但她們一於少理，繼續邊行邊傾往停車場。

之後Yoyo繼續坐詩詠順風車返將軍澳寓所，臨上車前不忘向記者揮手道別。

（on.cc）