43歲萬人迷碧咸（David Beckham）同前辣妹（Spice Girls）成員Victoria擁有4個仔女，係個典型大家庭，外人眼中仲非常幸褔。
但最近碧咸接受訪問時，就談及維繫呢段婚姻原來一啲都唔容易。
二人結婚19年來，都傳過好多次婚變消息，雖然二人即刻否認，但碧咸就於訪問中承認呢段婚姻都有艱難時刻：「要好似我哋而家結婚咁耐，永遠都需要下苦功，其後又變得有啲複雜。」
又講到做爸爸亦唔容易：「有時好少嘅事會造成好大分別，我於自己嘅小朋友身上察覺到呢點。」
不少人即再次指二人情已逝！
雖然呢個只係訪問預告，但已經引起好多觀眾關注，碧咸仲話自己人生中只有一件事後悔，至於係乜就要等節目出街先揭曉喇。
Victoria就於少理傳聞，近日於社交網Instagram分享自己去到豪華水療中心度假的照片，只見她風騷晒靚景與靚樣，似乎心情靚爆！據了解該水療中心主打令人放鬆身心，當中有減肥與排毒套餐，分分鐘索價17,500英鎊（約17.9萬港元），未知Victoria有冇揼本氹自己開心？
(on.cc/apple daily)
再度合體，另外仲有好友傅明憲、吳君如、基仔老婆Lorraine、林峯、方中信同老婆莫可欣、鮑起靜同老公方平等等，竟然仲有。。。
無綫90年代「新五虎」古天樂、古巨基、吳家樂、劉愷威同何遠恒，今年5月喺基仔紅館個唱Re-U，仲合唱咗首《當年情》，反應極之熱烈。
古仔聽日48歲生日，大班好友噚晚同古仔慶祝，「新五虎」又再度合體，另外仲有古仔好友傅明憲、吳君如、基仔老婆Lorraine、林峯、方中信同老婆莫可欣、鮑起靜同老公方平等等，仲有一個，似乎係今年先見到佢喺古仔生日party出現，就係ViuTV總經理魯庭暉。
其實古仔近年成日同ViuTV合作，好似舊年古仔上ViuTV嘅《鮮浪潮語》，今年又支持《全民造星》，所以魯庭暉出現古仔生日P，真係一啲都唔出奇。只不過，就不期然令人諗起2年前古仔生日P，出席嘅容祖兒(Joey)玩facebook live，飲到半醉嘅古仔突然爆咗句話：「我希望ViuTV個乞兒呢……」現場嘩聲四起，一味儍笑嘅古仔隨即補鑊話：「係呢……係飛黃騰達嘅！」
不過，事後古仔出席活動，都有解釋番點解講「ViuTV個乞兒」，當日佢話：「個朋友話畀我知，接拍ViuTV一個節目，客串個角色，開頭佢同ViuTV講冇期，就唔啱時間，點知ViuTV就咗佢幾次都就到個期畀佢，我就問個朋友『乜個節目好重要嘅咩？個角色你做啲乜？』朋友就答我係做乞兒，我就話『咁你飛黃騰達啦，可以憑個角色上位。』我個朋友唔係圈中人，所以我冇開名講佢。乞兒係我朋友嘅角色。」
聽聞呢件事係千真萬確，古仔唔係鬧ViuTV，而係笑佢一個幫ViuTV客串嘅幕後朋友，如果唔係，近年ViuTV同古仔都唔會有咁多合作啦！
(Apple daily)
藝人葉璇早前告前男友小默先生的前女友呂小姐造謠，葉璇最終敗訴，更「意外」揭露葉璇與小默先生正式分手。根據當時判決書上指示，葉璇不僅需要停止在微博上的語言攻擊，還需要向呂小姐賠償相關費用等，惟葉璇至今仍未履行上述條件。呂小姐決定繼續追擊葉璇，上載了一張上海法院發出的限制消費令！
被禁旅遊
該「限制消費令」指希望大家對葉璇的消費進行監督，葉璇在執行法院命令前，被限制「高消費及非生活和工作必需的消費行為」，不能乘坐飛機、臥鋪，不能住星級以上的酒店，不能購房產、不能出去旅遊度假等。如葉璇因生活必需而進行以下被禁止的消費活動，應向上海人民法院本院申請，獲批准後方可進行。如違反限制消費令，葉璇或將被處以罰款、拘留，最嚴重係被依法追究刑事責任。
「奉勸她好好秀恩愛」
呂小姐在微博留言：「三年前，一位奮不顧身秀恩愛的女人，在微博上對我肆無忌憚的進行人身攻擊，為了彰顯自己，不惜置我於水火。我本孱弱，面對責難幾度絕望，加之經濟拮据，在她先發製（制）人訴我侵犯名譽權之時連聘請律師的費用都只能東拼西湊。還好，我咬牙挺了過來，還好，正義沒有缺席。事實證明這位打著（着）愛的旗號赴湯蹈火的女人連面對錯誤的勇氣都沒有，我只能讓法律告訴她什（甚）麼叫肆無忌憚的代價—請各位正義的朋友幫我監督葉璇女士嚴格履行👇《限制消費令》，奉勸她好好秀恩愛，畢竟旅遊度假星級酒店吃吃喝喝都在違法～」
今午《蘋果》向葉璇求證此事，佢以四字回應：「沒聽說過」。
至四點幾，葉璇再更新微博，貼咗幾張相，相中環境係一個叫做「CD Life」嘅活動。「CD Life」，即「卡多利亞」（Cadoria），簡稱CD，是小默先生創辦嘅醫學美容中心，總部位於上海。
葉璇貼出數張「CD Life」活動現場相同大合照，寫道：「CD Life，Best Life Style！」仲俾咗三朵花同三個心心，然後@小默先生。
依家葉璇被限制消費呢單新聞，已成微博熱搜no.1，風頭火勢葉璇仲高調明示與小默先生關係未斬纜，究竟佢心中有何盤算？
(綜合報道)
吳綺莉、王敏奕、林祖輝、楊淇同麥芷誼等，今日喺香港仔石排灣出席ViuTV新劇《理想國》開鏡拜神，故事以十三個單元組成，其中吳綺莉透露已經相隔七年無拍電視劇，今次夥拍林祖輝飾演夫婦，並有一個9歲兒子，佢話：「我接呢套劇係因為個故事好貼地現實，係講小朋友家長因為工作忙，掛住搵食大家缺乏溝通，導致個仔不幸地跳樓自殺，現實中實在有太多呢啲Case發生。」
吳綺莉又表示接拍呢套劇集另一原因係希望帶出凡事要溝通，同要設身處地為小朋友諗嘅訊息俾大家，希望珍惜生命，佢話：「我性格好直接同好急，有時啲嘢諗到就會講，我有社工朋友都叫我要學習下改變，唔好畀自己太大壓力。」
呢種心態轉變有冇改善到你同囡囡卓林嘅關係？佢話：「呢兩年呢每件發生嘅事我都學到好多嘢，正如我性格好急好快，依家要學識改變，凡事停一停諗一諗冷靜啲先至應對。」佢又舉例：「好似我前排拍咗個廣告 啲相出咗，唔知卓林喺邊度睇到啲相後Send Message同我講『You Look Well』，我答番佢『Thank You』。」
吳綺莉表示作為家長要學識同子女互相尊重，佢話：「佢永遠都係我呢一世最好嘅朋友，有時候我唔可以用依家個年紀去諗佢嘅行為，佢成20歲，你諗番自己20歲拍拖時做過嘅嘢，其實真係無得解釋，愛係無得講，所以要學識互相比空間大家。」
佢又表示有睇到報道指卓林喺網上開直播賺錢，佢話淨係睇到標題無深入去睇，對於卓林將自己嘅姓氏改為Zen，佢話：「Zen亦可以解作禪，不過呢啲好少事啫。」
不時都會有驚喜，早年就於事業高峰時期宣布讀書，告別好多人恨都恨唔到嘅機會。
而一向與富商低調拍拖嘅佢，月前又突然公布訂婚，令粉絲大為震驚，去到近日，佢再繼續玩驚喜，於社交網Instagram突擊上載婚紗相，公布連婚都結埋！
上載照片時僅以「10.18.2018❤️」留言，宣布6年愛情長跑修成正果，場面勁Sweet，吸引大批粉絲派心心及留言送祝福。有份觀禮的人表示：「個婚禮好甜蜜又好感動，一對新人好開心！」
人氣美國超模Karlie Kloss與富商喬舒亞（Joshua Kushner）低調拍拖六年，月前突然公布訂婚，令粉絲大為震驚，去到近日，佢再繼續玩驚喜，於社交網Instagram突擊上載婚紗相，公布連婚都結埋！
Karlie上載照片時僅以「10.18.2018❤️」留言，與拍拖6年的喬舒亞結束6年愛情長跑，場面勁Sweet，吸引大批粉絲派心心及留言送祝福，其發言人後來向美媒證實二人於周四下午在紐約舉行小型猶太婚禮，邀請約80位賓客到場，將於明年春天舉辦大型婚宴。有份觀禮的人表示：「個婚禮好甜蜜又好感動，一對新人好開心！」新娘子一襲喱士長袖婚紗就傳由國際名牌訂造，優雅又有貴氣，另有指早前與Karlie和好的天后Taylor Swift近日身處澳洲開騷，未有出席好姊妹婚禮！而喬舒亞為美國總統特朗普（Donald Trump）女婿庫斯納（Jared Kushner）的富商細佬，Karlie婚後將與特朗普成為疏堂親戚。
另一方面，Taylor同樣有驚喜，近日被外國雜誌驚傳與低調拍拖年多的影星Joe Alywn已經訂婚，有傳男方以復古風戒指求婚成功，女方希望於Joe的家鄉英國舉行婚禮，知情者更指：「Taylor想有自己版本嘅梅根皇家婚禮！」傳她想著上純白長拖尾婚紗，於古老教堂行禮，而且已經諗好想要12個姊妹，包括老友Selena Gomez，雜誌更指她與Joe已打算於30歲前生小朋友！
此外，Joe昨日於倫敦出席新作《爭寵》（The Favourite）首映禮，同場未見「未婚妻」Taylor，不過單拖上陣的他仍然心情不錯，笑容滿面。至於同場仲有女主角愛瑪史東（Emma Stone）及產後首現身的麗歌慧絲（Rachel Weisz）。
(on.cc)
65歲嘅鍾鎮濤入行45年，今年11月將會喺紅館舉行演唱會，近日B哥哥為演唱會四出宣傳，日前佢接受商台節目訪問，提到喺02年宣佈破產，喺嗰4年受盡人情冷暖。
B哥哥喺97年金融風暴後投資失利而欠下2億巨債，結果喺02年宣佈破產，B哥哥喺訪問話：「我覺得喺呢4年裡面，最自豪係應付人哋嘅白眼，尤其係圈內人跟紅頂白，有啲人喺你紅嗰陣對你好，但係失意嘅時候冷嘲熱諷，嗰陣唯一能夠做到嘅係跳出自己嘅身體，用第三者目光去分清楚邊個先係真正嘅朋友。」
經過呢段日子，B哥哥話o依家啲朋友全部都係真正朋友：「我覺得嗰啲曾經對我白眼嘅人係好傻，我又唔會問你借錢，又唔會求你俾嘢我做，後來當我走出低潮後，又有人會突然變臉，對我完全改變態度，我真係睇到好多嘢。」
B哥哥仲話喺最低潮嘅時候，曾經叫范姜返台灣：「嗰陣我知道自己嘅經濟狀況支持唔到，范姜拎私房錢出嚟支持我，但係唔係金錢上嘅問題，而係前路茫茫都唔知點樣行。」
結果喺破產前夕，B哥哥叫佢返台灣：「佢本身條件好好，冇必要同我一齊捱苦，不過佢死都唔肯走，可能係佢前世欠咗我。」
(蘋果日報)
若穿上厚大衣仍手凍腳凍，可能屬於「氣鬱」體質。註冊中醫師指出，「氣鬱」體質人士多缺乏運動及長期對電腦工作，是普遍港人生活模式及習慣，飲用花茶能改善身體狀況。不過，每人體質有異，應按照個人情況選擇合適花茶飲用，以免弄巧反拙。
註冊中醫師何慧潔說，人的體質大致可分為「氣虛」、「陽虛」、「氣鬱」及「血虛」四類；「氣虛」者多怕凍、容易感疲累、稍為多郁動便氣來氣喘，亦較容易患感冒，「陽虛」者除了出現上述情況外，精神更為萎靡及性慾低下，「血虛」者常常面青唇白、記性較差及容易頭暈等。
大多數市民屬於「氣鬱」，此類體質人士即使穿上保暖衣物仍手腳冰冷，常生暗瘡、痱滋及肝氣鬱結，與經常久坐不動，成為「低頭族」等惡習有關。入冬後，手腳冰冷更常見。女士因月經關係而耗血較多，手腳特別容易冰冷。不過，不只女士受影響，所謂「年過半百，腎氣自衰」，隨年紀增長，不少男士五十歲過後亦常見手腳冰冷。
飲溫性花茶，有助禦寒。玫瑰花茶味道甘苦，有理氣和血作用，建議女性於經期前飲用，更能紓緩肝氣鬱結的頭痛，胃、乳房脹痛。但玫瑰花有活血作用，經量較多的女士及孕婦皆不宜。合歡花為常見中藥材，亦適合作花茶飲用，味甘，有解鬱及寧神安眠之用，適合常失眠及容易鬱鬱寡歡的人飲用。何醫師亦建議應熱飲花茶，凍飲容易令致食欲不振及大便稀爛。
飲用哪種花茶需視乎個人體質，如屬「熱底」之人，忌選擇溫性花茶飲用。但若能搭配其他中藥材得宜，可安心飲用。菊花杞子茶乃是常見的搭配組合，杞子屬溫，「熱底」之人本不宜飲用，加上屬涼性的菊花，即變成不溫不燥的飲料。不過何醫師提醒，花茶只能作日常保健之用，若然身體不適應盡早求醫。
(on.cc東網)
34歲索爆人妻鍾嘉欣上月成功誕下第二胎Jared，三年抱兩！仲要係喺屋企自然分娩超犀利！
剛剛坐完月嘅佢喺社交網上載短片講下自己近況同些牙下湊仔經。
嘉欣生完無耐，但見佢面尖尖，似乎已經極速修身，佢話：「今次復元比上次快，更加掌握到坐月的準備，康復得好好。」仲提各位剛剛生完嘅媽媽記得食多啲蛋白質食物，蔬菜嘅話可以考慮扁豆、西蘭花、杏仁、豆腐、雞蛋、奇亞籽甚至藜麥白飯等等。佢仲表示好期待返港同大家講下在家自然分娩的經歷。
佢又提到而家最大挑戰唔係湊仔仔Jared，而係照顧大女KellyBB嘅心情，原來Kelly有時都會呷細佬醋！
嘉欣話：「Jared出世前，平時所有專注力都放在Kelly身上，她只是一個2歲的小朋友，突然多咗個弟弟，所有事情改變了，Kelly心靈會有少少不舒服，所以我要特別給予她多些關注，要她心理上接受到。現在Kelly都會好想錫錫弟弟、好想抱弟弟，又會幫弟弟抹口水，所以都算是順利。」
(綜合報道)
黃秋生千里尋父，結果得力於神通廣大的網民之下，總算團圓，還多了兩個哥哥。
之後突然爆出私生子一事，秋生隨即坦認有一名廿歲私生子William。
今年六月，黃秋生的第三個兒子William被曝光，其母為岑建勳外甥女Joyce。
黃秋生接受車淑梅節目《舊日的足跡》，問及這位當年已有家室之人，到底發生了甚麼事，他說，當年自己「病到七彩」，又和太太有點衝突。在那個時候，有一個女人對自己非常好，非常非常地好。
然後他嘆了句：「所以一定要小心超級好嘅女人，可能會超級地衰！」就如電視劇情那樣，「當時佢已經有咗BB，我要負責，亦都冇話俾太太知。」但事情很快就揭穿了。
「嗰個女人忽然抱住個仔，話要送番俾我。我抱BB返屋企，三分鐘之後佢又返轉頭要抱番個仔，仲打爆我副眼鏡。我見BB塊面有血，以為個仔出事，即刻將佢趕走，後來先發現係自己流血。」
事發之後，黃秋生告之一位女演員，她就是鄧萃雯。
當日黃秋生約了雯女，雯女知道出事後，也趕了過來，見證了當時的情景。
事已至此，面對兩個手抱嬰兒，一個是次子一個是私生子，黃秋生硬著頭皮，向太太坦然交代一切。他憶述，當時兩人差不多要分開了：「太太忍咗我好多年，為咗個仔，為咗下一代，做父母做戲都要做落去，一直做落去就會有好事發生。」但其實黃秋生有簽離婚書，證書一直放在夾萬。
被問到這輩子做得最對的是哪一件事，秋生斬釘截鐵地表示沒有離婚是最對的。秋生說：「太太經常嚇自己，說已經離了婚」，因離婚證書放了在夾萬，而秋生也的確已經簽了名，他笑言：「我真的不知自己有否離婚，我倆感情好似朋友，夫妻一起最重要就是『有偈傾』嘛！」
(綜合報道)
林芊妤（Coffee）星期二（16日）誕下7磅重咖啡仔，佢噚日上載咗啲一家三口溫馨相，但背後就有段辛酸…因為佢選擇餵人奶，要餵人奶就唔可以食止痛藥，令佢傷口劇痛。
呢位新手媽媽，今日再喺ig分享咗啱啱成為人母先明嘅故事，佢話聽說一般剖腹產子上奶慢，要4至6日先有初乳，但Coffee好想餵母乳，手術後即日就開始嘗試埋身餵B，理所當然唔成功，但一直有keep住同咖啡仔試。
同一時間，好友李蘊帶咗啲炒米茶俾佢、Coffee勤力按摩胸部，加上咖啡仔刺激乳頭、媽咪同醫院又準備咗營養餐，喺多方面協助之下，積聚咗唔少奶水。
Coffee話今日係生B後第3日，「胸脹得太厲害，像石頭一樣」，第一次用吸奶器，成功吸出初乳，護士都讚佢叻。而佢亦貼咗「製成品」嘅相上ig，足足有100ml。
全文如下：
我一直也是想餵母乳的
但聽說提早開刀上奶也會比較慢
聽朋友說要4-6日後才開始有初乳
但我手術後當日就開始嘗試埋身
當然是一點奶也沒有啦
不過想和寶寶好好互相練習
也可以讓他刺激我的乳頭
一定要感謝 @renee0727 😍😘
當晚專程帶炒米茶給我
然後我整晚再不停按摩胸部
到第二天就有奶了！是初乳👶🏻
接著不停喝炒米茶和媽媽煲的湯水
早午晚餐準時吃醫院的營養餐
不論夠不夠奶三小時就埋身餵寶寶
連姑娘要讚嘆我的毅力和耐性
之後的奶水也就越來越多了
今天第3日是第一次用吸奶器
因為胸脹得太利害像石頭一樣
吸完後護士都稱讚我叻叻
第一次吸就有那麼多的初乳
其實我還有很多可以弄出來的
不過護士說不要一次過吸太多
好有滿足感好開心
我人生的第一次吸奶經驗
要跟大家開心分享
(Apple Daily/IG)
