佘詩曼為人有義氣，又飲得又玩得，異性緣旺亦屬正常。以前阿佘仲以香港為發展重心嗰陣，緋聞的確係堅多，除咗有曾經係男友、依家變成人夫嘅陳浩民外，緋聞男友／好友名單仲有鄭嘉穎、張智霖、陳豪、馬德鐘、吳卓羲、苗僑偉、謝天華、洪天明等，真係同佢合作過嘅，都無一幸免。
最近，阿佘就上咗大陸一個，由台灣藝人蔡康永主持嘅男女思維解謎節目《恕我直言》，節目中阿佘一直被蔡康永追問依家嘅感情生活問題。
喺節目中自認喺享受愛情嘅阿佘，當被蔡康永問到佢上一次拍拖係幾耐之前時，阿佘先講笑話係「噚日」，之後先再補充係「一段時間」；之後蔡康永又問：「我聽講你感情生活好豐富。」處變不驚嘅阿佘，竟然反問：「是嗎？太好了」蔡康永即反問：「你的前任有冇超過10個？」
呢刻阿佘唔知係咪要計數，諗咗6秒左右，就承認地話：「大概。」然後蔡又問佢一齊得比較耐嘅有冇超過一年，阿佘即話：「當然啦，有！（最長時間有幾長？）我不告訴你，幾年、有幾年，超過三年。」
再問到阿佘嘅另一半係咪都是圈中人時，阿佘就話：「有圈外有圈內嘅，都有。」蔡康永聽完即話：「所以如果有日你結婚，係咪會有一枱係俾前度？」阿佘聽完即笑咗笑，然後就話：「將佢哋分開吧。」更表示會請前度去飲之餘，仲自爆去過前度男友嘅婚禮，原因就係「替他們開心，找到幸福的另一半」，蔡康永聞言一臉驚訝，阿佘即反問：「依家係乜年代喇？」
阿佘咁大愛又大方，唔怪得個個都鍾意佢啦！
(Apple daily)
今年終於得償所願超幸福，對囡囡自然就錫到燶啦~
