【藍潔瑛近年正努力重新抓緊生命軌跡】街坊惋惜：前排見到佢個肚好大

2018-11-04

藍潔瑛生前居於赤柱馬坑邨五樓一個單位，一班街坊得悉其死訊感到惋惜，良馬樓互委會主席古先生表示：「以前佢清晨5點幾就會喺單位大嗌，嗌得好緊要，朝早七點幾佢就出門口，上巴士、小巴都會大叫，總之中午又嗌，夜晚又嗌。前排見到佢個肚好大，大到以為佢有咗，之後又突然唔見咗佢幾個月，到見番佢變咗另一個人，面色好咗。」

藍潔瑛五年前與友人到赤柱逛街。

古先生又稱讚她有禮貌：「近呢兩年街坊對佢改觀咗，佢冇再嘈，仲好有禮貌，見到街坊會打招呼，見到小朋友會同佢哋玩。」

對上一次見藍潔瑛已經是十多日前：「當日佢買咗一支大樽裝水因為開唔到，所以落樓下向保安求助，但保安又開唔到，我幫佢開咗，佢好禮貌唔該我。」

藍潔瑛先後經歷雙親離世、破產，又曾經自殺，晚年依靠朋友接濟和領取綜援度日，生活頗爲潦倒。但從街坊口中得知這位歷盡滄桑、曾在垂死邊緣掙扎的人，近年正努力重新抓緊生命的軌跡，心理健康慢慢漸入佳境，惜最後紅顔薄命，難逃死神的召喚。

問到藍潔瑛近期精神如何？古先生憶述：「幾好，睇佢面色比以前好好多。有好多影迷會煲埋飯畀佢食，有時有朋友嚟搵佢傾吓偈。其實都好淒涼，一個有名望嘅人，好似突然喺廿幾樓跌咗落街乜都冇晒，做成佢精神出現問題，依家走咗可能係解脫。」

相關新聞：

【情敵藍潔瑛逝世】鄺美雲首開腔回應 https://goo.gl/JV2rsK

【一直孤身一人藍潔瑛身後事成焦點】古天樂：一定會全力協助 https://goo.gl/7vfhc4

【秒登微博熱搜第一位曾國祥點讚藍潔瑛死訊引網民瘋狂討論】https://goo.gl/2yssrM

【曾有「靚絕五台山」美譽藍潔瑛猝死馬坑邨住所】https://goo.gl/MXuj6c

【一生情路坎坷藍潔瑛曾爆遭影壇大哥性侵】https://goo.gl/H31iez

【性侵事件】藍潔瑛手稿曝光吐18字真言！https://goo.gl/X4JEjF

【藍潔瑛逝世吳啟華：佢後生時性格比較執着偏激】https://goo.gl/5BqQga

（綜合報道 / on.cc）

【同家姐反面⋯】黃又南為父還債：月還8至9萬元

2018-11-03

組合Shine成員黃又南曾為父親背上接近700萬巨債，年紀輕輕就經歷重重難關。近日他接受梁泰來訪問，大談當年為父還債的辛酸，更透露曾因父親患病而需送護理院的事與姊姊反面。

又南從商的父親生意失敗而欠下巨債，他當時堅決為父還債：「記得還債的頭4年，須月還8至9萬元，我每月最多有2,500元使用，最少只有1,700至1,800元，日花少於100元，我每次去弄髮型時只能乘坐地鐵，根本不可能坐的士！這4年間，除了工作的時候，我多數會留在家中。」被問及有否後悔代父還債，又南表示：「我沒有後悔過！如果可以重來，我都會決定為父還債！」

又南花了6年時間欠款還清，可是近年其父患上腦退化症，坦言亦曾因此事最初更與姊姊反面：「因為姊姊已在2至3年前搬走，而我一直與家人同住，我覺得她根本不會當這是一回事，我都不想再跟她說下去。」對於最後還是把父親送去護理院，黃又南解釋：「因爲母親對父親患病的事感到無比壓力，她更因一次丈夫走失而內疚至今，所以最後我還是忍痛叫了姊姊去處理把父親送到護理院的事。」

(on.cc)

【小王子超錫弟弟】葉翠翠：添加嘅精神壓力會好大

2018-11-03

葉翠翠昨日喺灣仔接受何基佑主持嘅ViuTV節目《超級奶爸2》訪問，分享湊B心得，佢話：「我都要學吓點教小朋友，有好多小朋友野蠻同百厭，都想知道有冇方法教，唔需要打同鬧。」做咗全職家庭主婦，翠翠話每日都睇住小朋友成長，仲話大仔開始喜歡探索，鍾意走嚟走去，問到囝囝有冇蝦媽咪？翠翠話：「蝦就冇，不過成日叫我陪佢玩，有時我好攰想瞓吓，但佢會捉我出去，坐喺佢叫我坐個位，只係望住佢玩，日日都係咁，好搞笑。」

翠翠仲話1歲半哥哥好照顧4個月大嘅細佬，玩具都畀晒細佬玩，唔會呷醋。

提到會唔會追個公主？翠翠堅決封肚，原因係佢有好大精神壓力，佢話：「因為每日都要分享，如果再懷孕，添加嘅精神壓力會好大，依家有好多人睇，變成佢哋嘅寄托，唔可以5日唔update，自己每日分享一次，希望幫到大家。」

(Apple daily)

【恭喜恭喜】曬婚照溫馨又浪漫！

2018-11-03

低調宣布再婚，婚照終於曝光，穿上品牌度身訂造的喱士婚紗，高貴大方，與新郎入場時更冧笑Sweet到爆，而相中更有。。。

奧斯卡影后桂莉芙白德露（Gwyneth Paltrow）上月與電視監製Brad Falchuk於紐約寓所舉行婚禮，一直將婚禮收得好密的她近日終於在自家生活網站與粉絲開心Share婚禮點滴，更一口氣公開50張靚相！

46歲的桂莉芙當日穿上品牌度身訂造的喱士婚紗，高貴大方，與Brad入場時笑容冧爆，而相中更有她與好姊妹金美倫戴雅絲（Cameron Diaz）化妝準備的場面，又有好友「鐵甲奇俠」羅拔唐尼（Robert Downey Jr.）Chok爆留影及為她致詞的一幕，場面Warm爆！

婚禮約有70名親友出席，現場有不少鮮花點綴，一向識飲識食的桂莉芙搵來名廚Mario Carbone主理精緻食物，而她晚上就換上另一老友設計師品牌的服飾出席結婚派對，即場與老公起舞，好不浪漫！

桂莉芙的前夫Chris Martin雖然未有到場，但二人所生的囝囝就有見證媽媽再婚，她亦有公開與囝囝深情抱抱一刻，相當Sweet！

此外，桂莉芙日前另於生活網為自爆有更年期早期徵狀，包括多汗與暴躁等，認為「更年期」一詞被標籤得好負面，應被重新包裝，玩自爆同時宣傳生活網的保健產品，認真瞓身。

(on.cc)

【山頂影婚照】宣布18號正式拉埋天窗！

2018-11-03

決定咗喺本月18號正式拉埋天窗！恭喜恭喜～日前兩公婆就去到山頂影婚紗相，短短兩個鐘就完成，認真犀利！

中、德混血名模貝安琪（Ankie）即將喺本月18號同加拿大籍男友Simon van Damme拉埋天窗，喺香港舉行婚禮兼註冊，日前兩公婆就去到山頂影婚紗相，Ankie點名由攝影師Ali Ghorbani操刀拍攝，用咗短短兩個鐘就完成，捕捉日落前嘅magic hour，拍攝出自然唯美一面。

早前透露會在香港影婚紗相的她表示要保密，其唯美婚紗造型終於曝光，上身以碎花加喱士為主呈現裸背效果，端莊亦不失性感，與筆挺西裝的未婚夫鼻貼鼻流露一臉幸福。婚照中即將兩歲的兒子亦有現身，見他在草地上踢足球，Ankie與未婚夫望着兒子，一家三口滿載溫馨。

Ankie去年2月誕下囝囝Sebastian（小龍），婚紗相除咗兩公婆，緊係唔少得小龍一份，喺車度瞓晏覺叉足電後，小龍出現嘞！但係近排特別黐身嘅佢唔係搵爸爸就係要搵媽媽，搞到大家喊笑不得，不過熱愛足球嘅小龍一見到足球心情好快就平靜落嚟，仲同父母玩到癲晒，乖乖完成一家三口合照。Ankie話：「加埋小龍，特別有意思，3個一齊特別開心，小朋友係好活潑。」

仲有兩星期就真正成為人妻，Ankie話：「好開心，就嚟到、就嚟完成，其實一路籌備都唔太辛苦，但最後係因為家人同朋友嘅意見就辛苦少少，不過我依家都唔係好理，我哋兩個先最重要，媽咪話我係太西方嘅諗法，我始終喺德國長大，但都好尊重中國傳統文化，一定會擺酒嘅，18號會係好細嘅party，先註冊，我哋決定明年再搞一次中式同一次自己嘅婚宴，中式嘅媽咪全權搞晒，咁樣個個都開心。」

(Apple daily/on.cc)

【14歲女孩被迫接客198次】梁靖琪心痛到喊

2018-11-03

藝人梁靖琪（Toby）出席醫學美容活動，剛與男友Jon從柬埔寨探訪返港的她一臉倦容，透露於當地逗留一星期，除了為居民油漆，還與小朋友互動。

面對一名僅小女孩被迫「賣初夜」，令她大感難受，她謂：「啲媽咪見係女仔出世就會好開心，因為可以賣出去，其中一個14歲女仔畀媽咪賣畀人，佢喺酒店陪同一個客人3日，出嚟之後因為已經冇價值，結果賣畀妓寨之前，個女仔向慈善機構求助，但等待嗰22日，一共被迫接客198次，即係每日畀9個唔同嘅人強姦，真係聽到我毛管戙。」說罷Toby更心痛得眼紅紅。

Toby坦言看見一眾女孩受如此遭遇，即致電母親及家姐，建議稍後帶同姨甥女一起到當地體驗，問到會否再去？她謂：「會，都想一年去一次。」

(on.cc)

【似足媽媽咁靚女】眼仔睩睩超可愛！

2018-11-03

初時被爆拍拖戀情不被看好，但最後佢哋仍然堅守呢段感情，2015年排除萬難拉埋天窗！婚後兩年更成功造人，去年誕下囡囡升呢做爸爸媽媽！

雖然幾經波折，但最後都修成正果。

之後佢哋喺囡囡半歲時公開「小飯兜」正面，唔少網民大讚B囡似足媽咪咁靚女！

真係超可愛～

依家「小飯兜」就嚟一歲啦，身為媽咪嘅賈曉晨（JJ）自然既興奮又激動，佢喺微博PO咗兩張囡囡嘅近照，綁上頭巾嘅「小飯兜」眼仔睩睩超可愛！佢留言話：「寶貝小飯兜，你快一歲了，媽媽好激動」。

網民都留言大讚B囡係「小美人」、「基因太強大」，又話覺得個鼻似爸爸樊少皇，細細個就咁靚，大個仲得了？果然有其母必有其女呀！你哋又覺得小飯兜似媽媽定爸爸多啲？

(綜合報道/weibo)

【老公拖實恩愛現身】徐子淇三個仔女中哂招都堅持：唔覺得大問題

2018-11-03

徐子淇與李家誠於2006年拉埋天窗，二人婚後育有兩子兩女，有仔又有女，生活幸福美滿！

徐子淇噚晚喺尖沙嘴以智行基金會親善大使身份出席慈善籌款晚會，老公李家誠亦有到場支持，同場仲有鄺文珣、汪詩詩、汪圓圓。

活動中，徐子淇代表智行基金會接受一張88萬元嘅支票。

李家誠拖實太太徐子淇恩愛現身

一直對慈善工作不遺餘力嘅徐子淇，憶述10年前到安徽探訪一個家庭：「好貧窮，耕田都唔可以養活一家人，於是爸爸去賣血，但因為咁而感染愛滋病，成條村都怕咗佢，爸爸受唔住就自殺，留低嘅媽媽又有重病，兩姊弟當年只有10、11歲，今日見番佢哋，我好開心，細佬讀書成績幾好，就嚟考大學，佢希望讀法律，姐姐有咗自己家庭，佢3歲嘅囡囡又係叫子琪，同我好有緣。」徐子淇希望外界唔好對愛滋病有誤解：「有次帶小朋友去參觀一間大學，諗住去canteen食午飯，當時有學生知道佢哋係受愛滋病影響嘅小朋友，跟住就趕佢哋走，但係校長就話唔好趕佢哋走，不過就轉咗用即棄餐具，呢啲都係有少少誤解，其實正常生活係唔會受感染。」徐子淇指屋企有4個小朋友，自己就好似大秘書，安頓好子女同家庭，就會盡量抽時間做慈善工作。

對於早前帶埋3個子女去柬埔寨探訪，由於當地衛生環境欠佳，佢哋返香港之後，都分別感染沙門氏菌及手足口病，徐子淇話：「係呀，當地係比較污糟，因為佢哋排泄，所有嘢都喺同一條河，佢哋又住喺嗰條河，所以係有好多細菌，但係去呢啲地方又唔想呢樣唔掂嗰樣唔掂，你咁樣唔係真係體驗到佢哋嘅生活，所以我又唔覺得大問題，小朋友病吓，返到嚟休息吓，食吓藥都ok，呢個經驗好寶貴，世界上好多嘢，佢哋都未見過，我希望佢哋能夠曠闊視野，其實今晚佢哋都嚟咗幫手做義賣，最細嗰個都有嚟，希望佢唔好搗亂，我叫姐姐拖實佢，希望佢哋由細開始做起，為慈善出分力。」

(apple daily)

【藍潔瑛逝世】曾國祥點讚引網民瘋狂討論

2018-11-03

藍潔瑛今晨被發現倒斃寓所，網民卻發現曾志偉兒子曾國祥按讚相關新聞，雖然曾國祥事後已取消點讚，但引來網民瘋狂討論事件。

有網民說曾國祥可能是錯手點讚，亦有網友說：「難道在你們心中，點讚就是落井下石的意思？」、「給別人去世的微博點讚，不管是誰，說起來都不好聽」、「網友的惡意滿滿啊，又有多少人是真的悼念而不是發洩呢」、「人家兒子點讚可能是悼念可能手滑，但關注這件事情是真的」。

而曾國祥點讚藍潔瑛死訊，一度秒登上微博熱搜第一名，藍潔瑛第二名。

2013年，曾流出一段影片，藍潔瑛親述自己早年曾遭兩位「影壇大哥」強姦，其中一位是在新加坡拍戲時被對方偷闖入房強暴，但當中提及名字卻被消音。今年一月，有大陸傳媒人卓偉突然公開一段聲稱是當年未經剪接的影片，「消失的名字」重現。之後大陸「模特兒教母」韓穎華公開點名，事件涉及曾志偉，在兩岸掀起輿論譁然。

曾志偉覺有損名聲，即發聲明否認與事件有涉，並開記者招待會，親自交代：「針對網絡流傳『曾志偉性侵藍潔瑛』呢個報道，我可以同大家講，係完全捏造。尊重女性係我堅持原則，我願意配合任何形式嘅調查，亦都堅決用法律手段維護自己聲譽。對於個位韓（穎華）女士喺新浪微博不實嘅指控，已經採取法律行動起訴佢。」

當時兒子曾國祥都在場。

曾志偉表示，就網上針對他的不實報道，指控嚴重，影響其個人聲譽，且影響他身邊朋友、摯愛家人及子女，以及明星足球隊。為免他們受不必要的傷害，故他覺得必須回應，並遁法律追究責任，隨後更入稟控告韓穎華誹謗。

另曾志偉好友譚詠麟當時亦有受訪，稱：「睇咗報道，我有打畀佢，佢係咁喺度笑，『點會係真？』我見佢咁開心都唔使擔心。佢哋好friend。」問到係咪指藍潔瑛同志偉好朋友？校長話：「係呀，點會發生咁嘅事！其實久不久呢，我嗰陣時仲喺演藝人協會嗰時，我有時都會聽到有啲委員，甚至係志偉，提出話：『好似話佢（指藍潔瑛）有事喎，我哋關心下佢吖！』都會咁。大家係好朋友。即係咁，呢啲事，事有蹊蹺！」

【講到囡囡⋯】郭羨妮：好大壓力

2018-11-03

前港姐郭羨妮（Sonija）與中國大陸動作導演朱少傑於2011年低調結婚，婚後育有一女Kylie。

結婚咁多年一直都咁恩愛！之前Sonija話過想再追多個B，不過因為老公工作好忙，搞到冇時間造人。

郭羨妮呢日為慈善跑主持起步禮，她透露該活動是受加拿大人Terry Fox的啟發而創立的籌款活動，她說：「原來Terry Fox都係同我讀同一間大學，算係我師兄。」

Sonija指以前有跑步，但自從生完囡囡就未有再跑：「膝頭好易受傷，唔知係咪因為鈣質流失。我有做瑜伽，囡囡都有同我一齊做。囡囡有學Jazz同體操，佢好有跳舞細胞、跳得好犀利，我只係做觀眾，有時佢會迫我哋跳，但我哋個個好老態咁坐喺度。佢以前會掛住跳舞，唔願做功課，依家升上小一就好啲，不過我每日都會幫佢睇功課，睇吓有乜甩漏，好大壓力、好似我讀番小一咁。（安排囡囡好似你咁去加拿大讀書？）有咁嘅計劃，但等大學先。（再去參加選美？）又唔一定要。」

考慮再拍劇

Sonija稱除湊女外亦不時出席活動，問到會否再拍劇？她坦言有戲癮，但要待女兒可以自己處理功課才考慮：「佢剛剛小一，等多幾年，等佢可以自己做功課先。都有人搵過我拍劇，但我推咗，有啲角色都幾好，可惜時間太長。」

對藍潔瑛逝世感到愕然

對於藍潔瑛逝世，Sonija稱未有合作過，亦不認識對方：「我以前都有睇佢拍嘅劇，覺得佢古裝造型好靚，我一直好希望佢出番嚟工作。（覺得可惜？）好愕然，所以身體健康好重要。」

(on.cc)