有指二人就生小朋友嘅問題有重大分歧：「男方想有小朋友，但女方唔想……仲取消婚禮嘅計劃，男方都覺得好攰，佢哋兩個近月都相處得唔好。」
一度癲喪嘅美國女歌手Miley Cyrus，自從同「雷神」細佬廉安咸斯禾夫（Liam Hemsworth）復合之後就收心養性，二人更再次訂婚，不過近日就傳出Miley打算取消婚禮！
消息人士指，二人就生小朋友嘅問題有重大分歧：「廉安想有小朋友，但Miley唔想……廉安非常心傷。Miley取消婚禮嘅計劃，而廉安都覺得好攰，佢哋兩個近月都相處得唔好。」仲話結婚原來只係廉安單方面嘅意願：「Miley唔係真係好想結婚，但廉安嘅家人就好想佢哋結，而廉安都好信任Miley，而家佢只係覺得自己係個傻仔。」而上個禮拜，Miley更刪除晒IG所有相，睇嚟真係有事發生。
(蘋果日報)
阿嬌提到：「當你遇上對的人，幸福就會不知不覺間溜進你的生命當中。就如婚嫁系列金飾一樣，把家人的期待與祝福寄託之中，讓待嫁的新娘滿載幸福感。我亦很感謝親朋好友為我送上的祝福，才令我有如此難忘的婚禮。」
準新娘鍾欣潼（阿嬌）為英皇珠寶拍攝一輯「中式足金婚嫁珠寶系列」廣告，宣傳照中，阿嬌一臉幸福甜蜜似足影婚照，造型婉約動人，完美演繹中式足金婚嫁珠寶配搭出的時尚氣質。
拍攝過程中，阿嬌提到：「當你遇上對的人，幸福就會不知不覺間溜進你的生命當中。就如婚嫁系列金飾一樣，把家人的期待與祝福寄託之中，讓待嫁的新娘滿載幸福感。我亦很感謝親朋好友為我送上的祝福，才令我有如此難忘的婚禮。」
多款足金婚嫁珠寶系列中，阿嬌最愛不釋手的是幸福花嫁系列：「幸福花嫁系列把傳統金飾幻化成迷人的花卉，配襯起各款中式裙褂，令新娘子更顯優雅脫俗。」
(on.cc東網)
熊黛林(Lynn)自從今年4月為坐擁百億資產嘅老公郭可頌，誕下一對孖女後，就專心湊女，間唔中就會喺社交網更新下狀況，好似之前佢就晒同老公去跑步Keep fit嘅相。
今日索媽Lynn又放閃喇，佢喺微博同ig就貼咗3張相，見到阿Lynn拎住BB隻腳腳留言話：「多功能小豬脚，可供食用、按摩、挖鼻孔！」
冇錯，索媽Lynn真係忘我咁，用咗B女隻腳腳扮「撩」鼻屎超搞笑，咁都畀佢諗到真係掂！
有網民見到B女腳仔都已經大讚好可愛，亦有網民亦話：「你鼻孔邊有咁大呀？」、「哈哈哈小脚丫真萌，初為人母，滿臉的幸福」，而今次阿Lynn都係冇講到呢隻「豬腳仔」，究竟係大孖定細孖嘅，網民不妨估估，但估中冇獎。
(蘋果日報)
32歲吳雨霏（Kary）初為人母，於上月19日為網球王子老公洪立熙（Brian）誕下小王子Asher。
今日係小王子滿月之喜，Kary在社網首貼一家三口幸福合照，留言：「HAPPY ONE MONTH.we love you so so much」相中嘅Kary於產後首曝光，着了長袖衫防入風，做足保暖措施。
小王子由爸爸抱在懷裏憩睡，皮膚白裏透紅，頭髮長長，手仔長長，看來長大後跟爸爸一樣是網球好手，Brian同Kary笑容溫馨望着兒子，兩人嘅愛犬就趴在中間，Kary刻意讓愛犬跟他們影家庭合照，沒有因生B而棄養狗狗，值得嘉許。
而在限時動態中，Kary分享紅雞蛋同公公婆婆送上嘅「足金花生」禮物，足見小王子萬千寵愛在一身。
網友紛紛留言祝福：「Happy family. Blessed.」、「頭髮都好多」、「好有夫妻相」「狗狗都有份」。
今日Kary並向傳媒送上薑醋賀兒子滿月，寫上：「BABY ASHER HUNG」透露兒子於2018年6月19日出世，體重6磅10安士，身長50cm，還附有一張Asher嘅腳仔相，Kary同Brian各用一手捧着兒子小腳仔呵護，溫馨滿瀉。
(蘋果日報)
李佳芯(Ail)喺舊年憑住《踩過界》，成功躋身一線花旦行列，最近佢喺《BB來了》飾演嘅新手媽媽，得到唔少網民嘅讚賞，形象更加入屋。
話晒Ail都已經到咗適婚年齡，而且同男友陳炳銓(Danny)感情穩定，今日就有周刊報道話，Ail拍完呢套劇之後，勾起咗結婚嘅念頭，所以近排四出睇樓，計劃明年結婚。報道仲話本來Ail一直都係工作狂，但自從舊年佢發現喺卵巢附近有個10cm嘅囊腫，而要入院做手術。
經過呢件事之後，Ail體會到健康真係好重要，亦開始為將來做打算，計劃拍完《殺手》之後休息，專心籌備人生大事，o依家佢哋先喺西貢同將軍澳一帶物色三房單位。外間一直覺得Ail同Danny呢段關係係女尊男卑，但事實上Danny除咗係ViuTV嘅藝人外，本身都參與唔少幕後嘅工作，好似喺O依家播緊嘅《Plan B》，Danny演出之餘，仲兼任製作經理同戲劇指導，而且佢喺舞台劇嘅經驗都好豐富，所以喺Ail睇中係潛力股！
Ail今日回覆傳媒話：「我不在港，只能答你不是，其實之前訪問都答過好多次了，不是。」
(蘋果日報)
宣佈懷孕4個月：「老婆有咗兩個幾月先知，話說4月底時，我哋全家去韓國玩，囝囝上機前猛話好期待坐飛機，咁我諗用手機住拍低佢，叫佢講多次，佢突然改台詞話好期待有個妹妹。有次屋企食飯，囝囝又話就嚟有個親妹妹。。。」
37歲無綫前主持何基佑，16年約滿後離開，去年過檔為ViuTV主持兼監製幼兒教育真人騷《超級奶爸》，分享育兒心得。何基佑同太太有一名3歲多囝囝何清義（Nathaniel），今日凌晨佢哋一家三口喺網上拍片公佈家中再添新成員，片中何基佑老婆宣佈懷孕4個月，呢胎陀住B女，生埋湊作「好」字，就可以收工。
《蘋果》今日致電何基佑，佢話：「係呀，老婆有咗兩個幾月先知，話說4月底時，我哋全家去韓國玩，囝囝上機前猛話好期待坐飛機，咁我諗用手機住拍低佢，叫佢講多次，佢突然改台詞話好期待有個妹妹。我成家都不以為然，及後返到香港，有次屋企食飯，囝囝又話就嚟有個親妹妹。我哋都覺得囝囝點解咁講，係咪有上帝指引，咁啱老婆見未來經，於是就驗一驗，真係有咗。唔係囝囝預言，可能我哋仲矇盛盛，其實我哋一向有設防，今次失守咗。」
何基佑都覺係啱時間再有第二個小朋友，仲唔到仲係女，湊成「好」字，佢話：「兩個夠數啦。」何基佑離開無綫兩年，發展唔錯，問佢再生多個，擔子係咪重咗？佢答：「離開咗無綫兩年，可以做到自己想做嘅節目，就算過去喺無綫都唔係好忙，我仍然大部份時間同經理人去接司儀騷，但拍咗ViuTV節目，我反而多咗親子嘢，工作種類多咗。」
(蘋果日報)
藝人龔嘉欣（Katy）近年事業發展順利，工作接唔停手。演藝事業穩步上揚，大家都期待她更好的作品，希望她下一個獎項就是最佳女主角！但唔知係咪太忙冇時間休息，令身體響起警號！
今日佢喺社交網自爆患上俗稱「生蛇」嘅帶狀疱疹，暫時要停工休養一排，並為影響工作進度而致歉。為免大家擔心，佢續表示已經求醫，並上載咗自拍照同一堆藥物嘅相。
佢留言話：「對不起，因為身體狀況影響了拍攝，我已回到香港，看了醫生，確定是『生蛇』，醫生說需要靜靜休息一段時間。謝謝在我生病時候照顧我的同事，也希望大家都多注意自己身體，可以的睡多點，休息多點，放鬆一點。」
其實藝人曹永廉同陳志健亦試過開工期間患上「生蛇」，總之身體要緊，希望Katy早日康復！
龔嘉欣接受東網訪問，佢話：「謝謝關心，休息中，之後再傾，thank you！」
(on.cc東網)
係圈中模範夫妻，兩人喺2015年夏天一索得男，上月才被拍得一家三口享受天倫樂，爸爸抱住下月滿三歲嘅乖仔流露出慈父一面，原來當時女方已經懷孕，難怪佢笑得咁開心。。。
40歲日本女星菅野美穗今日傳來再度懷孕喜訊，有當地報道指佢正為44歲嘅堺雅人陀B逾五個月，趕得切今年內再做父母。
堺雅人同菅野美穗都算係圈中模範夫妻，兩人喺2015年夏天一索得男，上月才被拍得一家三口享受天倫樂，堺雅人抱住下月滿三歲嘅乖仔流露出慈父一面，原來當時菅野已珠胎暗結，難怪堺雅人笑得咁開心。
(蘋果日報)
葉璇去年與男友小默先生傳出情變，未幾被指復合又分手，關係撲朔迷離。惟早前突然傳出葉璇疑有喜，當事人一直未有否認。
昨日於微博甫了收樓的相片，於北京收到一幢别墅的她，令不少網友既羨慕又妒忌，又指她與男友好事近，可以嫁了。
葉璇於微博中留言謂:「終放收房大吉了，吉時剪彩，感謝你給我一個這麼漂亮温馨的家！」連表情都是結婚時用的穿婚紗小頭像，真是甜蜜。
如果真係結婚兼懷孕，就真係三喜臨門啦！
(on.cc東網)
38歲胡杏兒，15年尾嫁李乘德（Philip）成為人妻，去年10月誕下得意B仔李奕霆（Brendan），肥嘟嘟嘅李奕霆（Brendan）已經九個月大，杏兒同老公不時都會喺社交網上載佢嘅生活照，一家三口甜到漏。
今日杏兒就上載咗佢一家三口喺澳門大三巴牌坊前面影嘅相，原來今次係杏兒囝囝出生以來，首次衝出香港。佢同老公、囝囝齊齊戴Cap帽，杏兒就負責孭住囝囝，佢留言話：「奕霆拿到護照及身分證後第一次離開香港，帶著公公婆婆，爺爺嫲嫲一行人6大1小坐船過大海到了澳門，謝謝酒店管家姐姐照顧，兩晚行程一切順利，吃了我最愛的豬扒包，公公餵老虎機餵了$120，吃了米芝連點心、葡國菜，還到了很多很多人的大三巴留影。」
除此，杏兒又鬼馬留言：「後面的靚姐很搶鏡。希望下次來BB你會行路了，媽媽腰快斷了，因為你真的很重！」
(蘋果日報)
