【囡囡好可愛】湯唯激罕晒一家三口全家福！

2018-10-18

影后湯唯演技精湛，而且相當有氣質，雖然得到好多電影提名且拿過影后殊榮，知名度相當高，但為人非常低調，因此很少有她的新聞出現。特別是自從4年前嫁給韓國導演金泰勇之後，她就專心在家相夫教子，享受幸福，幾乎令人感覺她淡出娛樂圈。

昨晚，湯唯罕見在社交網分享家庭生活，並寫道：「一朵花，兩父女，三人行！」原來一家三口到海邊度假，又曬出多張囡囡萌照，字裡行間難掩其幸福的心情。

從照片中看到她正坐在地上玩沙，穿著白色T恤，扎著朝天辮，戴著一朵粉色小花，肉嘟嘟的小臉，乖巧的樣子非常可愛，不知不覺湯唯女兒已經這麼大了。

還貼出父女倆溫馨互動畫面，囡囡騎在爸爸肩膊上看著壯闊的大海，那條辮子加上可愛的小臉蛋，令人覺得特別治愈。

而在湯唯視角下金泰勇面帶微笑，一臉幸福的樣子，畫面非常溫馨，擁有這樣幸福家庭，也能難怪湯唯會在家專心相夫教子了。

最後一張照片是一家三口在沙灘邊玩耍，拍下的三口大小腳合照，隔著屏幕都感覺到幸福滿溢。從畫面中能感受到湯唯很享受這份平淡的幸福，而這也恐怕是她這兩年低調復出之後，沒有選擇利用炒作提高的自己名氣原因吧。

網友看後紛紛留言「女神天天開心！」、「髮型太酷！」、「cute family！」。

(綜合報道)

【網民嘆終於「改邪歸正」】鄭子誠憑《跳躍生命線》成功洗底

2018-10-18

無綫台慶劇《跳躍生命線》已經播出咗幾集，觀眾評價都相當正面，而每集由劇中演員嘅結尾獨白，往往牽涉到對人生有深刻反思，令網民深受感動！

例如第一集就有Ali李佳芯飾演嘅章蕙芯話：「記得做學生嗰陣，老師問嘅每一個問題都會有一個答案，但到人大咗我先知道，有時問問題，對方唔一定會比答案。我哋唯有自己去尋求，憑住蛛絲馬跡去猜度、去推斷、去大膽假設，最後原來答案就喺眼前。但係有啲事無論你幾聰明、幾努力，你都係冇辦法知道答案。」

而由何廣沛飾演單親家庭長大嘅卓家傑，爸爸好賭成性，經常連累個仔，有次亦因爲要避債被收數佬襲擊，造成背脊深深嘅疤痕。果集卓家傑獨白：「啲人成日話時間會治療一切傷口，其實係錯。有啲傷口，即使時間過咗幾耐亦都冇辦法令佢復原。因為傷口並唔係喺自己度，而係喺在乎你嘅人身上。」

而喺今個星期一播出嗰集就由「陰謀情人」鄭子誠出口，佢溫柔又磁性嘅聲線，讀出發人深省嘅旁白，網民都大讚佢把靚聲真係冇得輸，好似聽緊收音機咁呀！
一直被稱御用奸角嘅鄭子誠，今次佢化身暖男教官邢Sir，又驚喜又充滿新鮮感，好多粉絲見到平日奸到出汁嘅佢原來都宜忠宜奸，戲路好廣；亦有人都稱讚鄭子誠演繹到位，不愧是老戲骨！

經常做開奸角嘅鄭子誠，見親佢出現都覺得有陰謀，但佢今次飾演嚴厲教官，角色十分正氣。

最近See See TVB facebook專頁就上載咗一段由佢配音嘅短片，佢大平反自己唔係「音樂情人」，亦都唔係「陰謀情人」，而係「救護情人」！

佢仲提起網民覺得旁白結尾似大結局：「有時候，你以為廿五集嘅戲可以慢慢追，但諗唔到竟然集集都係大結局！」佢仲話自己今次真係冇陰謀，而係正氣凜然：「有時候，你以為我係奸嘅同時，先發現我其實可以好正氣！」

成段片鄭子誠把聲都係勁正經，但網民都忍唔住笑！佢仲自封「救護情人」：「我係刑峰，又或者你可以叫我做，救護情人！」喺短片最後，鄭子誠擺出招牌眼神，網民始終都覺得佢真係相當有陰謀，超級爆笑呀！
超級靚聲再配上老氣骨演技，一方面令自己成功洗底，同時又可以令成套劇集更引人入勝！唔知大家有無好似我哋咁追看呢？

(綜合報道 / cctvb)

【連阿媽都追問「係咪有咗」】黃翠如疑似未婚懷孕！？

2018-10-18

黃翠如疑似未婚懷孕！？

藝人黃翠如在社交網玩直播，話第一次自己玩直播。

今次主要係分享女人唔補好易老，仲話之前飲過冬蟲水，但因太貴而冇繼續，最近則改為食滴雞精，但居然因此嚇親阿媽！

翠如話依家入秋、踏入易病季節，所以要打定底。之前叫過阿媽整雞精，整好之好放入雪櫃方便佢每日食用，但阿媽嫌麻煩、聽完就算。

最近經朋友介紹買滴雞精，試過覺得「好正氣」，又有原味同多種中藥口味，所以叫埋阿媽一齊食，點知阿媽見到就追問佢「係咪有咗」，話呢啲係大肚婆食㗎！

不過翠如澄清話飲滴雞精唔一定係因為有身孕先飲得，平時飲都對身體好有益。

至於直播地點，佢就話係朋友屋企間廚房，因為琴日約咗一大班朋友打邊爐，而最後男友蕭正楠為咗要翠如完結直播、快啲繼續打邊爐，索性入鏡同大家講拜拜添。

(on.cc)

【太緊張醫生要開瞓覺藥】剖腹誕7磅B仔：唉，佢似我老公呀！

2018-10-18

今年5宣佈佗B四個月，6月就同拍拖三年幾嘅圈外男友Weng結婚，一索得男嘅佢，噚日已經「卸貨」，剖腹誕下7磅重B仔喇。

休息咗一日，琴日終於喺社交網上載影住囝囝「咖啡仔」耳仔嘅短片，又指住囝囝耳仔話：「我隻耳仔喺度！」之後又接受訪問：「囝囝出世好健康呀！7磅重屬標準Size。」講到佢前晚先去朋友生日Party，但轉眼就入咗醫院，佢就解釋：「其實我本來佗B就已經37周幾，BB已經足月，我隨時都可以生，咁因為我有少少出血，雖然出血都係生之前常有嘅情況，但醫生都驚我因為有胎盤前置所以出血，咁我同老公都覺得既然都生得，就決定唔等順產喇！」

初為人母，29歲嘅林芊妤（Coffee）第一樣就要學餵母乳，佢話第一次餵母乳嘅感覺好特別：「有啲唔係好識，但好快都上手，其實要同BB互相配合，BB要學識啜乳頭，我又要學識令佢啜得舒服啲。不過因為初初啲乳腺未出到奶，要好大力㩒住自己個胸，不停用力㩒個胸等啲奶出嚟，我都好狠呀，好大力，唔理自己痛唔痛就出到奶，我都覺得幾盡責嘅，想佢飲多啲奶，人哋話初乳係最好吖嘛！」

問老公有冇入產房陪佢同埋剪臍帶？Coffee話醫生負責剪長嗰條，老公就剪短嗰條臍帶，佢又笑住話：「我老公好搞笑，佢話係硬硬哋嘅！」

至於囝囝個樣似邊個，Coffee就作狀好唔憤氣咁話：「唉，佢似我老公呀，隻耳仔似我嘅，其他都似我老公多啲，手長腳長，以37周半嚟講算大隻。」問Coffee同老公見到囝囝出世有冇喊？佢就話因為自己有啲緊張，所以醫生俾咗啲瞓覺藥佢，佢醒番BB已經出咗世，而老公就屬於冷靜型，但大家都好開心。

(林芊妤 Facebook / apple daily)

【垃圾飲品第一名】一杯奶茶=20包糖超危害健康！

2018-10-17

現在，很多年輕人都喜歡喝奶茶。奶茶店前面經常排長隊，但是你知道它的危害有多大嗎？真相會讓你震驚！

反式脂肪酸：一杯奶茶含量超標3倍

國內標準顯示，每天攝入反式脂肪酸不應超過2g，而部分奶茶中的反式脂肪酸含量超標，最高的一杯達6.2g，遠超標準。

反式脂肪酸超標危害：

1. 引發心血管疾病

反式脂肪酸能升高LDL( 低密度脂蛋白膽固醇)，同時降低HDL(高密度脂蛋白膽固醇)。而科學研究發現，LDL正是引發血壓升高、動脈硬化等心血管疾病的元兇。

2. 損害記憶力

大量攝入反式脂肪酸會損害記憶力，增加老年時患阿爾茲海默症患病率。

3. 誘發糖尿病

過量攝入反式脂肪導致的肥胖，主要集中在「腹部」，內臟脂肪會增加很快，也就是說，這樣的人特別容易「長肚子」！眾所周知，腹部肥胖會增加患高血壓、糖尿病等慢性疾病的風險。

4. 影響生育

反式脂肪酸會減少男性荷爾蒙分泌，中斷精子在身體內的生成。胎兒通過胎盤、新生嬰兒通過母乳均可以吸收反式脂肪酸，這會影響對必需脂肪酸的吸收。

反式脂肪酸還會對青少年的中樞神經系統的生長發育造成不良影響，抑制攝護腺素的合成。

咖啡因：一杯奶茶=4杯咖啡

根據調查，一杯奶茶中咖啡因的平均含量達270mg，最高的含量為428mg，約等於4杯咖啡，並未對含有咖啡因做任何提示。

咖啡因過多危害：

1. 焦慮失眠

專家表示，人們如果快速大量攝取咖啡因，會引起身體與生理不良反應，如出現神經過敏、易怒、焦慮、失眠等。

對於傾向焦慮失調的人而言，咖啡因會導致手心冒汗、心悸等症狀惡化。

2. 消化道潰瘍

長期大量攝入咖啡因會對消化系統產生影響，刺激消化系統內壁引發炎症，甚至產生消化道潰瘍。

3. 骨質疏鬆

長時間攝入過量咖啡因易造成骨質流失，對骨量保存有不利影響，對於婦女來說，可能會增加患骨質疏鬆的風險。

脂肪：一杯奶茶=6包薯片

奶茶中的脂肪含量也不容小覷！奶茶被檢測脂肪含量達到7.8g/100ml，也就是說，總含量竟高達58.5g，比日常食用油一兩還多！

要知道，一包凈含量為70克的薯片，脂肪含量為10克左右……

攝入脂肪過多危害：

1. 導致肥胖

高脂肪的攝取最直觀的感受就是身體肥胖或超重，據世界癌症研究基金會報告，有充足證據表明：過度肥胖會增加10種癌症風險，包括大腸癌、食管癌、胰腺癌、腎臟癌、子宮癌等。

2. 易導致腸癌

多年臨床顯示，高脂飲食是誘發大腸癌的主要原因之一，甚至被稱為大腸癌的「催化劑」。目前，大多數專家認為，主要是高脂飲食誘發肥胖，進而導致腸癌發生。

3. 易導致脂肪肝

長期食用過量的甜食和油炸食物，缺乏運動會讓身體日積月累留下過量的內臟脂肪，而內臟脂肪超標最常見的問題就是脂肪肝。幾乎只要是查出脂肪肝的人都是內臟脂肪超標。

4. 誘發糖尿病

據英國《每日電訊報》，美國科學家發現，高脂肪食物會讓身體內一個能誘發糖尿病的遺傳開關犯錯，讓人罹患糖尿病。

5. 讓骨頭變脆

有研究發現，連續7個月的高脂肪飲食會讓機體骨骼中的礦物質大量流失，從而出現骨質疏鬆症的表現。

糖：一杯奶茶=20包糖

含糖量是奶茶的另一個弊端!

曾有試驗顯示，正常甜度的奶茶，含糖量介於每杯11~62g之間，平均含糖量為每杯34g，都超過了《中國居民膳食指南(2016)》(以下稱《指南》)中建議的25g以下。

近日受測的奶茶中，最高的糖含量達到13.2g/100mL！也就是一杯750ml的奶茶中，最高的含99g糖分，以平常餐飲店裡一小包5g白砂糖換算，相當於近20包糖！！

很多奶茶品牌以「不加糖」作為賣點和噱頭。然而，真相是「不加糖」的奶茶，含糖量也在2.2~7.9 g/100mL之間。

高糖的危害：

1. 患癌風險高

吃糖會導致胰島素大量分泌，使胰島功能受到損傷，而這是引起胰腺癌的潛在因素之一。除了胰腺癌，研究顯示，較高的空腹及餐後血糖水平還可以明顯增加人類患乳腺癌、子宮內膜癌和黑色素瘤的風險。

2. 老得快

糖分會與皮膚中的膠原蛋白結合，削弱膠原蛋白對皮膚的修復和再生功能，導致皮膚過早出現皺紋和變得鬆弛。研究表明，50~70歲的人如果血糖水平增高，會讓他們看上去老了5~7個月。

3. 骨質疏鬆

多吃糖會影響鈣質的吸收，間接地導致骨質疏鬆症。

4. 變笨

甜食吃得多會影響人的智力。日本、美國的動物實驗均顯示，長期高果糖飲食會使大鼠大腦遲鈍、學習記憶能力下降。

營養專家曾表示：如果推薦垃圾飲品，必定首選是奶茶。這種由奶精、茶精調合而成的飲品，你真的應該少喝點了！

(kknews)

【自爆保養秘訣】52歲溫碧霞：都感染到囝囝

2018-10-17

藝人溫碧霞身穿低胸Tube Dress到將軍澳出席品牌記者會。
講到工作計劃，她透露其工作室會投資一部電影講述少女成長的故事：「係關於調景嶺，呢個地方好特別，以前好多軍人住，我爹哋都係軍人，本身家底好好，但打仗所以嚟香港，咩都冇晒。我細個好窮，有好多難忘事，例如屋企打風嘅情況，又好難得先有雞食，但捱過先至識珍惜。（算係半自傳形式？）都唔係，係好多身邊朋友嘅真人真事。」

問到保養心得？她直言17歲已開始做Gym，多年來沒有間斷，最多只是婚後有一小段時間偷懶：「我細個鍾意做好多運動，踩單車、打乒乓波、打籃球，覺得出一身汗後個人充滿活力。（老公都鍾意運動？）都叻㗎！踢波同打高爾夫球都好叻，都感染到囝囝，多做運動、唔使死讀書，我自己近排仲做埋瑜伽，發覺瞓得好咗，因為以前工作完有好多畫面抽離唔到、會瞓唔到。（每日都做瑜珈？）係呀！會早一個鐘頭起身，甚至幾個鐘，我都係辛苦命，一直要搵嘢做，唔可以做少奶奶。」

(on.cc)

【一直愛得低調】陳庭欣男友突上載合照

2018-10-17

藝人陳庭欣（Toby）同男友楊振源（Benny）自拍拖以來都愛得低調，早前二人齊齊飛到希臘旅遊，Toby仲話喺當地欣賞日落非常浪漫，相信一定有個難忘之旅。

今日Benny就喺社交網分享二人嘅旅遊照，見到佢哋以白色情侶裝上陣，仲戴上墨鏡，齊齊Chok甫，簡直型爆！一班網民都叫Toby同男友分享多啲靚相，仲話睇見都想去埋一份呀！

（on.cc）

【Interview係六親不認】陳豪：藝人都冇情講，會自己排隊

2018-10-17

藝人陳豪到將軍澳出席品牌記者會，講起屋企三個寶貝仔女，他即眉飛色舞，笑言每日都很開心。

但大爆仔女開始黐身，每次兩公婆想二人世界外出，他們都會爆喊：「要解釋好耐，話媽咪都要放假，下次先帶佢哋出街，要當佢哋大人咁解釋，同埋一早慢慢講定，否則半個鐘頭都出唔到門口！」他又透露一家人會每星期一起同床瞓覺一次增進感情，笑言雖然很開心，但睡眠質素欠佳，一個人郁動就會全部人醒晒。

問到大仔有否幫手湊細佬妹？

陳豪笑說：「都係432（子女歲數）咋喎！大仔嚟緊忙功課、課外活動，我都有排唔得閒，不過校長都話眨下眼就畢業，遲啲又要忙細佬妹見學校interview，我會自己排隊，藝人都冇情講，呢啲六親不認㗎！」

(on.cc)

【無被邀請定自己唔去？】胡定欣無出席陳展鵬單文柔婚禮

2018-10-17

藝人胡定欣到將軍澳出席品牌記者會。講到定欣早前跟好友姚子羚、蕭正楠（阿蕭）及曹永廉到瑞士拍攝節目《兄弟姊妹去旅行》，全程夾計整蠱曹永廉：「佢做咗我哋箭靶，有好多趣事。（怕唔怕佢再發脾氣？）所以都要小心，阿蕭知佢底線！其實我上年去過一次瑞士，今次公司請我哋去咗一啲新嘅地方，去咗15、16日，開心到唔捨得走，不過都幾攰，一早起身，又要上雪山，坐咗幾次纜車，但個雪山景真係好靚，我哋有玩掟雪，仲睇埋日出日落，下次會帶埋媽咪去，因為我同細佬都去過，佢見到啲相都流晒口水！」