趁BB出世之前好好享受二人世界！喺IG PO靚相，仲留言冧爆老公！
人緣好好，有好多圈中好姊妹～
不少懷孕媽咪都唔敢著高跟鞋同搭飛機，但佢為咗出席好姊妹陳凱琳婚禮而大住肚搭飛機到峇里。
佗B已經超過七個月，不過仍然行動依舊靈活。
之前着上鬆身衫及大衣遮肚嘅佢，一啲都唔似有BB，而且塊面勁V及四肢纖幼，完全零孕味，認真得天獨厚！
不過就算露出全身但個肚仲係好平坦。
陳嘉寶五日前喺維也納打過卡，相中嘅佢終於見肚啦~
佢哋最新一站去到瑞士，Anjaylia唔單止喺社交網甫出喺靚景前同老公嘅合照，仲好識做咁留言發表冧爆宣言，多謝老公帶佢去探索呢個世界、成日拖住佢周圍去、照顧及愛護佢，仲話老公由得佢做自己，最後仲多謝老公做嘅一切，真係sweet到爆！
(綜合報道/on.cc)
結婚將近40年，兩夫妻經歷不少風風雨雨，為了養家，鮑起靜不惜由花旦降格甘草，甚至為了保住工作而忍痛打掉孩子。。。
平日見鮑姐溫婉嫻淑，想不到她為了愛情竟然義無反顧。
19歲時邂逅依家嘅老公方平，但就唔係一見鍾情，識咗十幾年先升呢做戀人。
不過呢段愛情最初不被睇好，皆因靚仔方平曾揚言自己有過百個女朋友。當兩人關係再進一步，準備結婚嘅時候，鮑姐身邊嘅親戚朋友都反對。
而鮑姐選擇忠於自己嘅感覺：「我好愛佢！就算十年後分開都不枉此生。」
結婚多年歷盡風雨，甚至一度為咗養家由花旦降呢做甘草，為咗保住份工而忍痛打掉孩子，但佢哋依然堅守呢份愛情！
結婚初期，女兒出生了，但他們同時與電影公司解約，經濟十分拮据，為了養家，她轉投麗的(亞視前身)拍電影劇，甘願由花旦降格甘草，但薪酬就比電影公司多三倍，由三千多塊加到萬多元。當時發現懷第二胎，鮑姐為了保住份工，忍痛打掉孩子。她皺眉憶述︰「我好幸運，老爺奶奶比老公更好，佢哋雖然係潮州人，但好開通、錫我，其實生完囡囡後，我曾經再懷孕，但因為當時啱啱轉拍電視劇，經濟壓力大，份工好緊要，最後都冇要個BB。我奶奶仲安慰我︰『一個女好好照顧就夠。』」至於轉做甘草，她很快就跨過了︰「記得第二部劇，已經做劉永媽咪，當時我只得30歲，呢種急速轉變係好大嘅成長動力。我好幸運，好快就越過心理關口，唔再當自己花旦，樂於做甘草！」
一講到老公，鮑姐就好似變返少女咁：「佢當年太靚仔，好多女朋友㗎，個個都好靚女，但佢對我好好，喺片場請我食燕窩。我成日諗，如果我哋一嚟就拍拖反而唔會長。就因為識咗十幾年，佢覺得我最啱佢。當年結婚，好多長輩都勸我，叫我唔好貪靚仔，當時我有擔心、猶豫，但真係好愛佢，就算十年後分開都不枉此生。」
方平是潮州怒漢，有大男人脾氣，但也有死穴，就是極度貪靚，鮑姐爆老公每天做一百下sit up，睡前及起床後各50下，風雨不改。每當老公發脾氣，她會出絕招︰「佢一發嬲我就會話︰『嗲哋！唔好咁啫！你一發嬲鬧人就唔靚仔！』佢聽到即刻收火。」
鮑姐一家三口很幸福，現在還多了孫仔，人生又踏進另一階段，她說孫兒出生後更疼女兒，不過，她一生最愛還是老公方平，最近她拍完台灣電影《生生》，演一個癌症末期的老太太，很大感觸，對生死有另一番體會︰「拍完《生生》，我有個好大轉變，對生死坦然啲，冇咁驚！因為試過喺戲裏面倒數生命。我好鍾意喺醫院同個女告別嗰場，奶奶喺女兒面前毫無保留表露佢嘅軟弱，好人性化，感人！」
現實生活中，鮑姐留給女兒最後的叮嚀，就是︰「囡囡，如果嗲哋走先，媽咪沒問題，妳唔使擔心，但如果媽咪走先，剩番嗲哋，你一定要照顧佢，因為嗲哋自小就係個驕傲嘅人，你千祈唔可以掟咗佢去老人院……幾時我都為佢諗多啲……」
鮑姐電影訓練班出來就當女主角，在《白髮魔女傳》、《屈原》等電影中，古裝扮相十分清麗，不過她坦言真正懂得演戲，還是拍電視劇以後︰「以前電影係菲林拍，做成點要上映至睇到。嗰時喺熒幕見到自己，至知自己做得唔好，直至入ATV拍《大地恩情》，第一次睇playback，感覺真係好震憾。即刻睇番就知道有咩缺點，好似拍電影係後期配音，所以我冇留意自己原來聲線咁細，後來拍電視，至開始調教自己把聲。」入行以來，鮑姐只要拍到好的劇本就心滿意足，她說當演員很幸福，不白活。
(Apple daily)
太陽娛樂揸弗人周焯華（洗米華）同Mandy Lieu爆出婚外情仲有埋兩女一子。
正印陳慧玲（Heidi）幾乎要同佢離婚，不過最後洗米嫂就大以大局為重，二人關係都明顯緩和咗好多。。。
佢哋一家不時都會合體去旅行，好似8月就成家人去咗俄羅斯同大仔周柏豪慶祝生日。
今次就係去日本！
昨日係洗米嫂38歲生日，佢喺IG PO咗張捧住蛋糕嘅慶生相，仲PO咗唔少喺日本玩嘅相，當然唔少得嘅就係細女周善潼嘟哂嘴嘅得意相！
原來洗米華都有份去呢個Trip！
日前(10月26日)佢哋喺東京成田機場被捕獲，當時有洗米華兩公婆啦、大女周梓潼同細女周善潼，仲有周爸爸，還有一名女士等同一行7人。
洗米華就一身運動打扮戴咗黑超，而洗米嫂就一身黑裝短褲打扮，讀者鄭小姐表示：「當時大概晏晝兩點半喺入境大堂見到佢哋，見到洗米嫂就帶住細女過關，當時未見洗米華，去到拎行李位見到佢，佢哋一行人喺澳門搭飛機嚟東京。」
眾人喺行李處聚埋一齊時，鄭小姐就留意洗米華兩公婆有交流傾偈，仲話：「佢哋細女全程活潑，揹住背囊跳跳紮周圍走，大聲講嘢，好興奮。」
洗米華既有正印Heidi，又有為佢生咗兩女一子嘅情人Mandy Lieu。
每逢過年過節都要分身慶祝，不時要去倫敦探Mandy Lieu幾母子，又要陪屋企人去旅行，真係好忙！
(Apple daily)
尿液沒那麼黃的B群代表吸收較好？B群一定要每天吃且劑量越高越好？關於B群的二三事讓藥師告訴你！過量攝取非但對健康無益，還可能使皮膚過敏、血糖飆升等狀況，得不償失！
近年市售某些標榜EX的B群產品，銷售時常出現「尿尿不變黃代表吸收較好」字樣以吸引消費者購買，對此，學理上維生素B群中的B2（核黃素）帶有黃綠色螢光，因此含B2產品真會使尿液呈現黃色，而不含B2的EX產品，色澤則不會有太大變化。
至於B群一定要每天吃且劑量越高越好的迷思，衛福部針對B群家族有設定每日建議劑量與每日最高劑量，因B群在體內作用為輔助內分泌系統作用，但無法取代營養素提供熱量之功能，因此建議長期吃素、年長者、孕婦、長期飲酒與作息不正常者才要每日補充，適度攝取可協助改善疲勞與提神；一般人則建議每日均衡飲食即可，若偶爾須熬夜等狀況才要額外補充。
傳統長輩皆認為B群含量越高越好，但最新研究發現，過量的B6會造成失眠等神經失常現象；過量的B3（菸鹼酸）會導致皮膚潮紅過敏，且長期大劑量會使血糖升高，使高血脂患者血壓更加提升，故不建議大量食用。
針對市售B群產品劑量參差不齊，近年來有食品大廠推出特殊B群複方產品，僅補充每日飲食所不足之B群，而不超量給予，企圖改變消費者數大便是美的觀念。
(ETtoday)
當年係TVB當家花旦嘅黎姿（GiGi）毅然放棄演藝事業，之後與富商馬廷強於08年結婚，二人婚後育有3名囡囡，分別係8歲孖女家蔚（Patricia）、家鎂（Gianna）同5歲細女Pegella。
佢同老公馬廷強花咗好多心力照顧細佬黎嬰同打理醫學美容公司，將公司發展到上市真係一啲都唔簡單。
身為事業女強人，GiGi就梗係好忙啦，但忙極都要見朋友嘅。早前佢就被捕獲同朋友喺銅鑼灣飯聚，同一時間約埋老公一齊，見老友又可以陪老公，一舉兩得。
當日下晝1時許GiGi同2女1男去到銅鑼灣皇冠假日酒店午飯，大約5分鐘之後老公馬廷強獨自到餐廳匯合。
呢一餐飯食得好悠閒，一直食到3點半GiGi先同3名友入離開。佢哋徒步行去禮頓中心方向，沿途GiGi同兩位女性友人依然傾得好開懷，雖然係3名小朋友母親，但係GiGi不減少女氣色，難怪可以成為公司嘅生招牌。
黎姿老公離開時，仲好霸氣咁橫跨禮頓道來回線。佢喺GiGi離開5分鐘之後先走，佢上咗泊係門口嘅七人車。
馬廷強七人車橫切雙白駛離酒店。
仲要橫越電車軌。
七人車橫距禮頓道，要閘停來回線汽車。
一般安全做法是左轉駛離酒店。
原本由酒店駛走，一般駕駛方法都係左轉入禮頓道，再左轉入黃泥涌道離開較安全。不過馬廷強嘅司機選擇由酒店右轉入禮頓道，霸氣橫越來回行車線，切過雙白線，再閘停一輛電車，往天后方向駛出，果然係快靚正「捷徑」一條。
(綜合報道/Apple daily)
身材嬌小的小儀樣子完全不似47歲，精靈活潑，96年加入商台做DJ，一份工至今做了22年，工作上搵到了長期飯碗，但愛情上仍然尋尋覓覓！
如果轉行，想做甚麼呢？小儀笑說：「梗係想做家庭主婦啦，哈哈哈！如果轉行嘅話，我希望可以做同動物有關，如果唔諗錢，做義工開心嘅，冇壓力，我好知足，比上不足比下有餘，同森美、林海峰比梗係唔得，但我一個屋邨妹，有依家生活已經好滿足。」
雖然想做家庭主婦，但小儀認為女人不一定要結婚：「女人最緊要有個伴，身份唔一定係老公，年紀越大發現老公不忠，離婚手續好繁複，如果係伴侶隨時拍下籮柚走，唔使畀筆錢律師賺，係相愛嘅話唔需要婚書，當然呢樣我要教育屋企，因為爸爸媽媽好傳統，覺得女人要有頭家才安穩，但我覺得有個伴緊要過老公。」
47歲的小儀仍未放棄愛情：「我努力中，仲有一口氣唔會放棄，因為身邊好多單身女仔選擇放棄，覺得自己40幾歲，自己唔係被揀之列，但我覺得唔好咁灰心，首先好多弟弟鍾意姐姐仔，失婚男士都唔差，有經歷反而為對方着想。身邊男人同我差唔多年紀，佢哋想識20幾歲，但真係追到原來唔開心，每日都擔驚受怕，因為知道女仔身邊有其他人追，而其他人後生過自己，成日猜度懷疑，最終都係散，所以搵差唔多年紀係舒服啲，人生去到埋尾階段都係希望風平浪靜，滑浪嗰啲都係後生時候玩。我唔係嫁唔出，未嫁啫，唔代表人生失敗，近年多咗獨立女性，安於自己歲數活得快樂，魅力先會出現。」
最後小儀畫出心目中的白馬王子：「塊面有好多鬚根，男人有好多毛髮好吸引，我唔要佢好似猩猩咁多心口毛手毛，但剃完鬚塊面有少少嚡嚡哋，感覺好有安全感，呢啲先係男人，如果滑過我，搵個女人都得啦，我幾鍾意有少少大男人性格，女人要有一個好man好強好多主見男人，先畀我有小鳥依人感覺，佢要生活上智慧叻，我係小富婆，唔使佢辛苦賺錢，最緊要氹到姐姐我開心，哈哈！」
(Apple daily)
終於到佢哋嘅大喜日子喇，新郎先喺半山一間酒店接新娘，之後就去到西港城設宴，筵開21圍！
麥美恩、伍家謙、吳家樂、湯洛雯、劉穎鏇、范振鋒、阿Sa蔡卓妍、阿嬌鍾欣潼同未婚夫賴弘國都有去到，兩個大方合照。
不過訪問嘅時候，老公就冇企埋一齊，問到阿嬌送咗咩，佢就話：「現金就最實際，佢哋兩個都識咗好耐，之前阿感求婚我都有幫手。當時喺小豬嘅演唱會，嗰時小豬都有幫手求婚。」
問到阿嬌嘅婚禮點，佢就話：「搞緊，依家定咗12月18號簽紙，20號就擺酒，好多細節嘢未搞，婚紗、回禮、簽紙場地都未搞掂，但依家有好多姊妹幫手，香港仲有公司同事幫手。」講到有冇同老公鬧交，阿嬌就話上次搞嘅時候已經鬧咗喇。
黎國輝（阿感）同台灣舞蹈員連佳優（YoYo）喺兩年前光棍節結婚，不過因為YoYo太忙關係，兩人一直未有時間擺酒。等咗兩年，呢日終於係佢哋大喜日子喇，昨日阿感先喺半山一間酒店接新娘，之後就去到西港城設宴，筵開21圍。
阿感着上黑色Lace袖西裝襯YoYo露背暗紅長裙，阿感先解釋太太之前忙住做巡迴演出，做完小豬羅志祥，再接力幫阿妹張惠妹，要到呢個時間先得閒：「呢個婚宴，我十個月前一路plan，太太兩個月前先加入，執手尾修改。」
有一班圈中好友做兄弟姊妹！
阿Sa就七點半左右到，佢就話送禮金最實際，佢仲話：「我同阿感識於微時，未入行拍Y2K已經識，佢係一個好好嘅人，睇住佢成家立室好開心。」問到幾時到佢結婚？佢就話：「唔好講呢啲啦！到時係就話你知，總之依家兩個人開心。（下年結？）吓！下年咁突然？總之到時話你知啦！依家未囉！（等男友提出？）呢啲時機到就到，依家未到，留番下回分解！」
(綜合報道)
藝人黃翠如出席活動，提到她之前去芬蘭但看不到極光，她表示希望下年有機會再去看：「本身諗住上年年尾去，但結果去咗澳洲，聽人講上年芬蘭基本上係日日都睇到極光，但之前拍旅遊節目咁啱冇。」
問到可是想與男友蕭正楠一齊去？
她表示：「梗係想！不過唔知佢得唔得閒，我哋去任何地方旅行都係我計劃晒所有嘢。（咁慘？）佢係一個好叻嘅團友，所以我負責晒所有嘢，佢冇嘢做。（佢咁依賴你，有冇畀晒啲錢你？）我哋經濟係分開。（咁你咪蝕？）呢個時代嘅女性要有能力照顧自己。（佢唔Plan行程要付出多啲？）可能機票佢畀，酒店我畀，其實都冇乜所謂。（已經撈亂使？）講真我用佢多啲，細數我畀，大數佢畀。」
(on.cc)
上周日係郭富城53歲生日，城城成班好友一齊為佢慶生。
城城同經理人小美分別都有post大合照，其中一張見到城嫂方媛（Moka）企喺佢身邊。
而方媛激罕喺IG PO咗一張佢蹺實城城嘅二人合照放閃，立即吸咗唔少Like！
佢仲首次PO一家三口溫馨合照，網民見到之後都送上祝福！
另一張就係Moka同狼人嘅合照，呢張相就明顯睇到Moka着住對「斗零㬹」，輕輕扶住狼人隻手，不過會唔會嚇親肚入面個BB㗎？
(綜合報道)
今日在港補擺酒，新娘子早在社交網上載靚靚自拍。兄弟團有翟威廉、羅天宇及弟弟胡㻗、周志文及周志康等，玩新郎環節的時候還玩網上直播！
新娘已經準備好喇！就等待玩新郎環節~
一班兄弟同新郎齊齊頭笠絲襪，之後還要飲苦茶。
戴上胸圍，然後鬥快除~
而最後阿感就要Rap「愛的宣言」向老婆示愛，過五關斬六將終於抱得美人歸！
雖然一對新人已經早於台灣註冊，但新郎哥阿感仍感非常緊張！他又向新娘跪地獻花。
兩人錫到拗腰，這個吻果然深情！
38歲藝人黎國輝（阿感）與台灣老婆YoYo今日在港補擺婚宴。
阿感接受傳媒訪問時表示過程好輕鬆，因為有「最Hea」兄弟團！
講到開門利是，他說其實準備了兩封，可是姊妹們就選了一封只有10元港幣的利是，他早知道姊妹團不會輕易放過自己，所以阿感後來就補上另一封台幣大利是！
至於金器，阿感就透露媽媽送了兩對金手鈪和兩隻金豬給新抱仔！
（ig / 綜合報道）
