噚晚仲喺Ig Story上載去朋友生日party嘅片，但今日凌晨時分再更新，就已經喺醫院，仲影住醫院房嘅片，今朝再更新社交網，寫到：「都係等唔到順產。。。」
林芊妤（Coffee)臨盆在即，預產期在本月底嘅佢，一直希望順產生B，但之前發現有胎盤前置問題，醫生已預告極有可能需要開刀。
不過，Coffee陀B以來一直保持活躍，噚晚仲喺Ig Story上載去朋友生日party嘅片，但今日凌晨時分再更新，就已經喺醫院，仲影住醫院房嘅片，再留言話：「今晚要喺度瞓。」
今朝Coffee再更新社交網，寫到：「都係等唔到順產，胎盤仲係前置，依家仲差2cm先夠位可以順產。本來諗住等下等下胎盤有機會會升上去，但因胎盤依家出血，應該要開刀。唔緊要BB健康出世就好，加油！我哋都要安安全全，呢幾日都要喺醫院瞓啦。」
(蘋果日報)
「處女黨」最後一個成員35歲苟芸慧原來上月18日已經靜雞雞做咗人妻，跟老公陸漢洋（William）在加拿大舉行神秘婚禮，只邀請新娘在多倫多嘅家人同舊同學參加，場面溫馨又驚喜，令苟姑娘十分感動，本周五（19日），一對新人在香港補擺喜酒。
(apple daily / on.cc)
而其他好友包括Sammi(鄭秀文）、張繼聰等，都有送上祝福，Stephy留言：「感謝大家的祝福！我都收到了。」
藝人鄧麗欣（Stephy）昨日35歲生日，亦係佢同男友邱勝翊（王子）拍拖首次過嘅生日，王子當然要為女友花盡心思先得啦！
壽星女Stephy喺社交網就上載咗一張非常精緻嘅蛋糕，蛋糕上放滿朱古力馬卡龍，簡直靚到爆！Stephy仲留言：「感謝大家的祝福！我都收到了！感謝一切的安排，開心感動生日，蛋糕很美，蠟燭很特別。」
而王子則喺網上晒出一個透明氣球入面有個「S」字代表「Stephy」，並留言：「Hope you like all these arrangements！Happy birthday to you（希望你鍾意呢個安排，生日快樂！）」雖然佢哋冇晒出合照，不過網民就話喺Stephy張蛋糕照片中，捧着蛋糕嗰個一定係王子，仲話唔知道王子送上咩驚喜畀佢呢？
至於好姊妹Miki（楊愛瑾）同Angela(區文詩），亦都有同Stephy慶祝，佢哋三個都不約而同穿上白色衫，而Miki喺ig貼上三姊妹嘅相，仲留言話大家彼此認識咗多年，總記得大家一齊度過嘅時光，好似工作、聚會同埋佢哋一齊生活嗰幾年，佢好珍惜呢段日子，多謝Stephy成為佢回憶中嘅一部分!仲祝最親愛嘅Stephy生日快樂。
(on.cc東網)
懷孕7個多月的前港姐張名雅帶埋老公，到中環出席陳展鵬及單文柔（Phoebe）的新婚派對，她表示本身有預買禮物，但又想折現畀人情，因此會後補。
另外到場的尚有王君馨、黃心穎、鄭俊弘與女友何雁詩、楊詩敏（蝦頭）、馬貫東、蘇韻姿、伍樂怡、鄺潔楹及跟Phoebe認識的港姐及美女學徒，似乎撐場的多數是女方的朋友。
王君馨
馬貫東、蘇韻姿
「蝦頭」楊詩敏
張名雅講到懷孕情況，她說：「依家7個幾月，預產期12月……
「（仔定女？）都係仔，都好開心，哥哥有個細佬，兩兄弟可以互相陪住。（追多個女？）唔諗住，想復工先，都好多人話我依家好Fit，唔似7個月，我希望生完盡快調理好身子就復工。（順產定開刀？）都係想順產，復原得快啲。」
希望名雅順順利利呀！
(on.cc)
半隻腳踏上娛樂圈最高舞台、卻退下來赴美讀書，後來更留在加州發展，時常回想起這個決定，她認為所有事都是緣份，當初考進美國大學也是一個緣份，最後落戶美國，生兒育女，能夠讓孩子在美國接受教育，對於這位媽媽是最重要的事，至於未來子女長大，她會否回流拍劇，她笑言「這也要看緣份吧」。
在溜冰場上，身穿藍色溜冰服的Michelle在冰上跳躍飛翔，場外拿著DV的她著緊地拍下女兒的英姿，這個畫面每個月都會上演。
1987年香港小姐季軍林穎嫻（Wing），一出道憑可愛小虎牙爆紅，曾擔任多部電視劇一線女主角。
後來事業高峰時急流勇退，到洛杉磯讀書嫁人，育有三個可愛的孩子，《蘋果》在洛杉磯一探這位幸福媽媽的日常生活。
「我有三個仔女，分別14歲﹑12歲、10歲，他們都非常熱愛溜冰，所以我就做了溜冰媽咪，帶著他們周圍練習比賽。」移民美國20多年的林穎嫻，1999年嫁給美藉丈夫Tom Dupont，2004年誕下大兒子Teddy、2006年誕下大女兒Michelle及2008年誕下小女兒Julie，在洛杉磯過著相夫教子的幸福生活。
幸福少奶奶不只是閒時購物，吃下午茶，林穎嫻笑言，要照顧三個子女相當忙碌，每天趕著輪流接送，放學後練習溜冰比賽，「返到屋企要即刻做功課，有時未做完，會一邊食飯一邊做功課。」她自覺不是虎媽，很多時候都會與子女講道理﹑有商有量。子女熱愛溜冰，林穎嫻要求他們「科科攞A」才可以繼續，否則就要轉去補習班。
溜冰不是一個便宜的興趣，林穎嫻指，每月單是花在溜冰場上的費用就已經近5,000美元。她計算過，如果子女不溜冰，省出來的錢竟足夠多買三間渡假屋，「如果讓他們揀溜冰或渡假屋，他們會揀溜冰，不要渡假屋。」用三間渡假屋換取子女的溜冰夢，林穎嫻覺得，只要子女過得開心便已經值得，也沒有期望他們要成為下一個溜冰皇后關穎珊（Michelle Kwan）或參加奧運，「最重要是有自己的嗜好」。
幾年前林穎嫻回港出版育兒書時，三個子女年齡尚小，在鏡頭前鬧情緒；如今，兒子已經開始預備升學，12歲女兒Michelle長得亭亭玉立，混血加上遺傳媽媽美人胚子，非常上鏡。林穎嫻說，女兒的「閏蜜」也是來自模特兒家族，曾招過Michelle當模特兒，女兒對出鏡也感興趣，有機會承繼媽媽衣砵加入娛樂圈。
半隻腳踏上娛樂圈最高舞台、卻退下來赴美讀書，後來更留在加州發展，林穎嫻時常回想起這個決定。她認為，所有事都是緣份，當初考進美國大學也是一個緣份，最後落戶美國，生兒育女，能夠讓孩子在美國接受教育，對於這位媽媽是最重要的事，至於未來子女長大，她會否回流拍劇，她笑言「這也要看緣份吧」。
(蘋果日報)
真係十六號！恭喜兩位！
早前曾傳出她8月是已經懷有身孕，更被指其實早在七月中已經停工，而她的經理人又爆出她好事近。
有眼利網民發現，今日是她的生日，她在自己的生日宣佈結婚真是雙喜臨門，而發微博的時間10時07分更是男方生日日期，新任馮太認真有心思，而老公馮紹峰就喺微博稱呼趙麗穎做老婆，好冧咁話：「老婆，生日快樂」。
好冧咁話：「老婆，生日快樂」
40歲嘅馮紹峰同30歲嘅趙麗穎
趙麗穎與馮紹峰的緋聞已瘋傳多時，加上趙麗穎上星期宣佈與經紀人結束合作關係，當時其經理人因一句「邁入人生新階段」，引來網友猜測趙麗穎是否已懷孕。
晒出結婚證
而趙麗穎的閨蜜、歌手張碧晨凌晨就曬合照祝福，相中所見趙麗穎着黑衫，刻意企喺張碧晨身後，睇唔出係咪大肚。
（綜合報道 / on.cc / apple daily）
應采兒同陳小春嘅5歲囝囝Jasper精乖可愛，自從拍完大陸綜藝節目《爸爸去哪兒》第5季後人氣爆燈，噚日應采兒在社交網晒囝囝新相，踢爆囝囝被嫌棄嘅瘀事，留言：「被嫌棄的Jasper！尷尬而不失禮帽（貌）的微笑……」
應采兒抵死寫道：「居然在小朋友生日會碰到大概十年沒見的關穎～ 三個孩子的媽、真的是太偉大了！為你拍手鼓掌！P.S我知道Jasper不是你女兒喜歡的type，看看我兒子那尷尬而不失禮帽（貌）的微笑，哈哈哈哈哈！」
42歲台灣女星關穎於5年前嫁給香港CEO朱志威，育有3歲女兒CC、1歲兒子Phi Phi，現再添一個小寶寶，變了一家五口。
(蘋果日報)
《TVB 50+1周年再出發》節目開始的第一部分已擺出法庭布景，由汪明荃扮演法官，為劇集《是咁的，法官閣下》宣傳，而劇中演員逐一介紹角色，故鴻鈞則出場唱主題曲。
劇中演員逐一介紹角色。
每年舉行的亮燈儀式，大班台慶劇藝人紛紛出籠，齊集眾人先來個大合照，而每年亮燈儀式的藝人企位，亦顯示了其地位。
六年前排位
去年2017年的亮燈儀式上，TVB的大合照中，可以看到站在第一排最中間的，是多年來位置不變的TVB一姐汪明荃和鄭裕玲，鄭裕玲這一邊的則是馬國明、黃宗澤、岑麗香、李佳芯、王祖藍和黃心穎。
上年在汪明荃這一邊的，則是有陳豪、田蕊妮、王浩信、黃翠如、黃浩然、黃智雯、洪永城等小生、花旦。
昨晚的大合照企位，以「鎮台之寶」汪明荃坐陣最前中間位置，右邊起為視帝王浩信、視后田蕊妮、馬德鐘、楊明，較特別是當選港姐入行做主持便有不少迴響的麥明詩和馮盈盈，已被安排企在第一行靠邊站，而左邊起是蕭正楠、朱晨麗、黃智賢、張振朗和湯洛雯。
去年台慶頒獎禮奪得「最佳女配角」的朱晨麗，今年已「升呢」企第一行中間位，新花旦地位超然！
上年爆冷奪得最佳女配角
曾與袁偉豪合作拍劇
（on.cc）
41歲視帝陳展鵬前日迎娶28歲嘅16年落選港姐單文柔，佢哋出晒海開船P，又喺中環一間酒店設宴，不過由於當晚只係擺咗19圍，前晚婚禮，撞正金牌監製潘嘉德擺大壽，有啲賓客兩邊走，好似陳煒咁，去完鵬單婚禮，轉過頭就祝壽，所以一對新人早已話過會另外擇日再招呼朋友。
佢哋琴晚假中環一間餐廳舉行派對，喺晚上8時50分，陳展鵬拖住着紅色低胸裝嘅單文柔現身。
黃心穎單拖到場
兩人由落車後一直拖住手再過馬路，單文柔受訪時話只係話做咗一兩日陳太，未知住習唔習慣呢個稱呼，但陳展鵬就好大反應：「吓，一兩日？」唔通陳太開心得滯飲醉咗失憶？原來係單文柔快活不知時日過，記錯咗日子以為係噚日結婚。
單文柔話多咗一個身份，就要學做人妻，尤其係要照顧丈夫，佢話：「要諗下，學下再落力點照顧佢。」陳展鵬話大家都係尊重先叫佢哋陳生陳太，婚後兩人都係以英文名叫對方，佢又話試過老婆廚藝：「都OK，之前喺節目都試過，私下煮好多嘢我食，最多都係煲湯。」
琴晚就係台慶亮燈，咁今晚有咩人呢？單文柔唔知，而陳展鵬就話交晒俾人處理：「我哋有個名單，交晒俾啲management。今晚（琴晚）亮燈，同事又拍劇，今晚（琴晚）搞呢個party最好最casual，決定係明智，以前啲人話結婚，都好難答到人（會唔會出席），所以都明白。」
問到今晚係咪不醉無歸？陳展鵬話：「我唔係好飲得，都會試下嘅，好耐都冇醉過。同埋聽日佢（單文柔）要開工，都係點到即止。」佢又解釋前晚主要係請雙方家人：「家人想低調，今晚可以癲下，唔使咁拘束，唔使話擺低人情坐一陣就走。」佢又話胡杏兒俾友情價，所以揀咗胡杏兒老公間餐廳開party。
相關新聞：
【錫足15秒超級甜 陳展鵬單文柔今晚再擺酒！】https://goo.gl/MyUFGK
【單文柔爆喊 陳展鵬唱歌拍MV冧妻：呢個女主角係屬於你】https://goo.gl/tKyV5q
【陳太代佢拎住】新郎陳展鵬太緊張 出動大型貓紙宣誓 https://goo.gl/eYNddK
【陳展鵬單文柔換上婚紗及禮服】海上行禮 衆人見證成婚 https://goo.gl/ygpE4b
【新郎陳展鵬好細心】陳太單文柔差啲… https://goo.gl/DgSVAG
【笑到四萬咁口】視帝陳展鵬今迎娶28歲單文柔 https://goo.gl/SZSF7M
【今日出嫁】準新娘單文柔：我會努力做好陳太呢個角色 https://goo.gl/QM7rVo
(apple daily)
公開嘅婚照中，分別以唔同造型示人，除穿上套裝、以型格look示人外，佢亦換上貼身白色連身裙晒身材。另外準新郎又攬實佢，二人臉貼臉甜蜜放閃。。。
現年36歲嘅韓國女諧星洪賢熙，將於21日跟男友Jason結婚，二人今日就率先公開多張婚照晒恩愛。
公開嘅婚照中，洪賢熙以唔同造型示人，洪賢熙除穿上套裝、以型格look示人外，佢亦換上貼身白色連身裙晒身材。另外Jason又攬實洪賢熙，二人臉貼臉甜蜜放閃。
而洪賢熙嘅婚禮將於21日於首爾君悅酒店以非公開形式舉行，只邀請雙方親友出席，女星金英熙亦會出席。由於洪賢熙嘅工作行程，一對新人將於明年初先出發去蜜月旅行。
(蘋果日報)
