世界盃四年先一次，咁開心嘅盛事，去埋現場睇就最好不過！「千億新抱」徐子淇就同埋丈夫李家誠、爸爸媽媽同埋妹妹去到俄羅斯睇波，佢哋仲舉埋法國國旗撐到底，李家誠仲孭起老婆添，畫面相當有愛！
徐子淇以英文留言話，第一次睇世界盃係14歲時，當時係同爸爸妹妹一齊睇，仲話過將來一齊去世盃決賽，21年後佢哋一家人終於做到喇，相當溫馨！
(on.cc東網)
【王子秘密抵港】鄧麗欣護舊愛：佢此地冇銀啫
鄧麗欣（Stephy）噚日公開承認戀上前棒棒堂成員邱勝翊（王子），發展姊弟戀，今日Stephy再出動。
有愛情滋潤真係唔同啲，Stephy着咗條喱士短裙，仲疑似真空，問到男友知唔知佢真空上陣？會唔會投訴佢太性感？佢表示暫時未有，而佢自己嘅底線確係比以往低咗，因為近排佢鍾意着呢類透視裝，而且自己嘅接受能力好高，問到使唔使畀男友過目？佢話︰「唔使，OK嘅。」
提到唔少fans話佢哋好合襯，戥佢哋嘅戀情開心，Stephy話︰「多謝大家，都希望大家開心，多謝大家的祝福。」會唔會視王子為結婚對象？佢就話呢方面暫時唔講住。
至於Stephy嘅舊愛方力申，噚日被fans問佢有冇女朋友時，小方用手掩臉話：「別提了！」唔知係咪小方知道Stephy有新戀情先冇眼睇呢？對此Stephy都好維護舊愛話︰「佢搞笑啫！佢都唔係答呢個問題。」
而噚晚小方同朋友睇世界盃時拍片貼上網，片中有個女仔誤入鏡頭，小方即刻喺片中澄清話︰「佢唔係我女朋友。」聽到小方咁樣，Stephy揶揄小方︰「佢此地冇銀啫，不過我冇睇條片，佢嘅事問番佢啦。」而小方亦有祝福佢，Stephy都好多謝對方亦祝福小方，睇嚟佢哋再見亦是朋友。
講到噚日認愛之後，有冇同王子傾番，Stephy話︰「冇特別去傾，自己都冇留意番啲新聞，但有好多朋友send訊息祝福我哋，始終唔想將感情放得太高，想專注工作，唔好影響大家嘅工作。」
另一方面，王子噚晚約9半由台灣抵港，一個人冇助手陪住出閘，戴口罩、黑白直間衫，同噚日佢喺ig story嘅打扮一樣。之後佢一個人行咗去停車場，撳咗10分鐘電話先有七人車嚟接，呢部七人車疑似係Uber，直駛到去銅鑼灣富豪酒店。
王子今日現身桃園機場（讀者提供圖片）
不過抵埗後，王子唔係入酒店check in，而係上咗另一部一早喺酒店附近等緊佢嘅七人車，盡麈而去。翻查之下，呢部七人車原來仲係噚日Stephy出席活動時坐過個部七人車，目的地係邊，唔使講到明喇啩？
大約等咗十分鐘左右有一架七人車來接 （讀者提供圖片）
（apple daily）
【囡囡幼稚園畢業後直接…】蔣麗莎真係超犀利！
藝人陳浩民太太蔣麗莎育有3女1仔，相信家長們都知道湊一個已經好頭痕，但蔣麗莎經常一拖四帶小朋友周圍去都游刃有餘，就知佢教子有方！
昨日蔣麗莎喺社交平台上載咗大女嘅畢業照，並留言話囡囡9月就入讀小三，仲話有一種即將送囡囡出國留學嘅不捨。
有心水清嘅網民發現大女年僅七歲，喺正常情況下應該嚟緊係入讀小一！蔣麗莎就回應網民囡囡係跳咗兩級，認真犀利呀！
睇嚟陳家嘅小朋友唔只易湊，仲好聰明！相信好多家長都好想知道佢哋屋企係點教，可以培育出咁叻嘅細路呀！
(on.cc東網)
【獎門人將過檔？】ViuTV 望跟曾志偉合作
ViuTV舉行《跑多步》記者會，公佈在免費電視平台直播的多場世界盃賽事，累積吸引逾400萬觀眾人次收看；決賽法國對克羅地亞平均收視24.4點，最高收視高達26.6點，成績驕人！
ViuTV製作副總裁金廣誠避談公司是否豪擲1.5億購入世界盃版權，及能否收支平衡，只謂賺到的不止錢，最重要是精神，喜見有更多觀眾及餐廳因世界盃而追看99台。他又自認貪心，本來與同事輸賭有28點收視，但目前成績已感鼓舞。
問到會否繼續買入大型體育賽事，包括奧運？他即笑意盈盈指研究中 ，希望在港再掀起運動熱潮。笑問是否因大台解散體育組而有所啟發？他澄清與大台無關，Viu一向製作不少與體育有關的自家節目，望大家「跑多步」；亦坦言想跟曾志偉合作，說：「世界是圓的，去哪個台也沒所謂，最緊要觀眾重新愛上睇電視。」
（singtao）
【小花突然停工】醫生：腦袋有血栓，心臟衰弱
被醫生告知體質愈來愈弱，她謂：「不僅後腦袋有血栓，心臟衰弱，而且身上好幾處骨頭都有傷，肝經瘀堵需要活血等等，所以我意識到了自己身體的重要性，聽完醫生的話，突然感覺明明自己很年輕，但是現在身體卻像個老太太，所以她打算休息調整了。」更立定決心不再乖乖聽話，並為自己定下了拍戲與生活的準則。
趙麗穎更立定決心唔再乖乖聽話。
近年忙得不可開交的內地女星趙麗穎，兩個月前終宣布要放一個假期，給自己好好充電，而她早前接受訪問時，則剖白為何突然休息，透露源頭來自當年拍攝劇集《宮鎖沉香》，期間發生意外導致腰背受傷，惟當時沒有在意自己的腰傷，等到在意時已經形成了老傷，再加上事後多年來一直辛苦拍戲，所以有此決定。
(on.cc)
【互摸對方個肚相視而笑】李亞男鍾嘉欣兩人終於在一起
藝人李亞男與王祖藍結婚三年後，近日終於宣布造人成功，真係恭喜晒！日前亞男就返咗加拿大探親，順便探吓同樣身處當地養胎嘅好姊妹鍾嘉欣。
李亞男（左）開始見肚，但手腳仲係纖幼。
李亞男（左）與鍾嘉欣肚頂肚。
今日，亞男喺社交網分享咗3張同嘉欣嘅合照，仲留言：「It’s such a blessing that I can be pregnant with my dearest friend 鍾嘉欣 Linda Chung. Thank you for sharing your experiences with me and walking with me 💕 you are a super mom and wife！I can’t wait to meet your little one. Love you！能夠和我最親愛的朋友Linda一起大著（着）肚子，我真的很感恩。謝謝你一直陪著（着）我成長，並與我分享了這麼多寶貴的經驗。你真的是一個很好的媽媽和妻子。十分期待你第二位小生命的來臨，愛你。❤」
相中見肚凸凸嘅佢同現時懷孕接近八個月嘅嘉欣齊齊着上平底鞋、肚頂肚影合照，仲互相摸住對方個肚相視而笑，畫面溫情爆燈！另外，嘉欣仲手指指研究姊妹個肚，十分搞笑！
講到肚嘅Size，一定係佗B接近八個月嘅鍾嘉欣（右）大啲啦！
據知李亞男現時已經返咗香港安胎，仲曾接受電台訪問添。
(on.cc)
【懷著最沉重的心情】最後的愛人都逝世了…
「懷著最沉重的心情……但願你美麗的靈魂安息，你閃耀的人生仍然存留。」生前最後一位愛人，於7月12日上周四離世，享年81歲。
於官方Twitter公佈消息：「懷著最沉重的心情，我們向我們的董事會成員、導師與朋友Robert Wolders致敬。但願你美麗的靈魂安息，你閃耀的人生仍然存留。」Robert於紐約的戲劇學院畢業，並在60至70年代活躍於視壇。80年代他開始與柯德莉夏萍拍拖，一直與她行善幫助兒童，並於1993年柯德莉逝世時伴在身旁。
胡達斯係柯德莉最後一個男人。柯德莉夏萍兒童基金會於官方Twitter公佈消息，他已經離世。
柯德莉夏萍於1989年訪問中曾形容胡達斯係好男人，二人有好多共通點，好照顧她。
著名荷里活影星柯德莉夏萍（Audrey Hepburn）
（apple daily）
【繼Stephy認愛之後】借世界盃公開戀情！
早前有傳佢力追同公司小師妹，今日佢就突然借世界盃冠軍戰法國對克羅地亞呢場波公開戀情！
佢於社交網話力撐克羅地亞，仲話克羅地亞輸波，佢會上載性感照找數，結果克羅地亞以2比4輸畀法國，Dominic亦講得出做得出，今日上載張半裸相仲不避嫌Tag對方名表示：「［找數］我呢一世都會好憎克羅地亞，okay你贏 @nataliefongg」除此之外，最後仲Hashtag「我輸咗俾（畀）我女朋友」！而相中嘅佢耳仔戴住朵花，但就怕醜用樹葉遮住重要部位！
何浩文（Dominic） （資料圖片）
曾與麥明詩拍劇合演情侶 （資料圖片）
何浩文同方敏婷留言互動！
佢留言：「法國贏了！！！！我贏啦！」Dominic就回覆：「你好嘢！！！我飲！！！😢」而之前Dominic都經常喺女友貼文留言「想念你」、「太靚女」、「哥哥不行鳥😈預備受死吧」，睇嚟已經呼之欲出，網友都相信Dominic所指嘅女朋友就係方敏婷！
撻着小師妹方敏婷！
（on.cc）
【逐漸增強】天文台考慮今晚至明早發一號戒備信號
天文台會在今晚至明早考慮發出一號戒備信號。按照現時預測路徑，本港風力會在明日稍後逐漸增強，海有湧浪，市民應提高警覺。
一股達強風程度的偏東氣流正影響廣東沿岸。而一道廣闊低壓槽為該區帶來驟雨。位於呂宋附近的低壓區已增強為熱帶低氣壓。在下午三時，該熱帶低氣壓集結在馬尼拉之東北偏北約530公里，預料向西移動，時速約38公里，橫過呂宋海峽一帶並進入南海。
天文台考慮今晚至明早發一號戒備信號。
按照該熱帶低氣壓的移動路徑，它將於今晚闖入本港800公里警戒範圍，並於明日約中午時份進入本港400公里警戒範圍，之後一直向西面的海南島移動。本港地區今日天氣預測大致多雲，初時間中有驟雨。日間短暫時間有陽光，最高氣溫約30度。吹和緩至清勁偏東風，初時離岸及高地吹強風。展望：未來一兩日部分時間有陽光。
(apple daily)
【未婚夫Oscar都好失落】江若琳：好灰…
江若琳立即話：「好灰，但我係好鋤強扶弱，咁係一個傳奇，希望佢哋下次努力，可以再捲土重來。」
江若琳同未婚夫Oscar （資料圖片）
2018世界盃噚晚冠軍戰，法國VS克羅地亞，4比2，法國20年後再捧走大力神盃，克羅地亞雖敗猶榮，英格蘭今年係「梗頸四」，比利時成為季軍，英格蘭忠粉江若琳同未婚夫蕭潤邦（Oscar）噚晚決賽，佢哋一齊變節改撐克羅地亞，兩人都着住克羅地亞球衣喺銅鑼灣，同父母友人睇直播，同場仲有上巿公司主席袁彌明同老公林雨陽，佢兩公婆都係捧克羅地亞。
Oscar賽前估波膽係2比2，克羅地亞12碼贏，江苦琳克羅地亞3比2贏法國，Oscar爹哋就捧法國，兩父子竟唔同一陣勢。法國最初先入一球，Oscar同江若琳都睇到咬牙切齒，但當克羅地亞追到1比1，佢哋同全場觀眾都站立歡呼，大聲叫好，可惜上半場法國依然以2比1領先克羅地亞。
本身着住克羅地亞球衣嘅江若琳主動要換咗球衣，佢話：「我怕燈死佢哋呀。」不過法國運氣好，越打越順，克羅地亞雖然好努力追，但最終都輸波。江若琳立即哭波喪，佢話：「好灰，雖然克羅地亞贏咗英格蘭令佢四強止步，但我係好鋤強扶弱，好想佢哋未捧過盃嘅隊伍捧盃，咁係一個傳奇，克羅地亞雖輸波，但佢哋踢得好好，希望佢哋下屆努力，可以再捲土重來。」Oscar話睇咗一個月世盃，咁快完咗：「呢排習慣幾乎每晚都睇，咁快完好失落。」佢哋已計劃四年後去卡塔爾睇世界盃。
(apple daily)