男星宋仲基和女星宋慧喬於韓劇《太陽的後裔》成功撻著。
於去年7月兩人突然認戀兼宣佈婚訊。
之後於去年10月31日舉行盛大婚禮，消息震驚亞洲。
婚後雙宋享受新婚之樂，不時結伴旅行周圍去，非常幸福。
不過上月雙宋已分別投入新劇拍攝，當中喬妹就孖朴寶劍拍攝tvN新劇《男朋友》，而宋仲基亦與《太陽》舊拍檔金智媛拍攝tvN新劇《阿斯達編年史》，兩公婆因為各有各忙，最近就少咗時間見面，不過粉絲就戥佢哋心急，趁雙宋結婚一周年這個大日子，就祝福雙宋早點生個愛情結晶品，寶寶一定會遺傳兩人的美貌和帥氣。
（綜合報道 / apple daily）
應采兒與陳小春是圈中模範夫婦，十分恩愛。二人婚後育有一子Jasper。自從節目《爸爸去哪兒5》播出後，Jasper跟爸爸陳小春的互動引起網民熱議。
而應采兒跟陳小春最近參與拍攝《妻子的浪漫旅行》，兩人平時相處看似吵吵鬧鬧，但實際上都是把對彼此的愛放在心裡。應采兒曾提及過當年陳小春向她求婚的故事。
節目接近尾聲，當年的求婚片段終於曝光！
陳小春拿著戒指雙膝跪地，既緊張又害羞地傻笑，正當他準備開口時，應爸爸衝出來說了一句：「小春，我願意嫁給你！」令人哭笑不得。
之後陳小春再度開口：「我不知道講什麼東西。」一邊講一邊落淚，最後終於鼓起勇氣舉起鑽戒：「你知道我講什麼。」他終於說出最關鍵的那句話：「嫁給我！」
應采兒好感動咁攬住佢獻吻，場面感人溫馨！而當時他臉上堅定卻又有些害怕的表情，感動不少網民：「這是一個男人最帥的表情！」
應采兒與陳小春重溫影片時亦眼泛淚光，小春緊緊牽住對方的手，小小細節流露出對老婆的滿滿愛意。
網民都表示：「媽呀真的被感動到哭」、「頭一回見男的求婚把自己求的號啕大哭的」、「山雞哥雙膝跪地也是絕了，真愛沒錯了」。
應采兒最後喊到停唔到，邊拭淚邊說：「就這樣被騙掉了！」，今日應采兒發微博笑自己「哭得比求婚當天還慘」。
節目中兩人亦透露希望能再為Jasper添多個小妹妹，網民紛紛表示十分期待，一定會好似Jasper咁可愛！
(綜合報道)
藝人張衞健回巢孭飛的無綫劇《大帥哥》本為台慶劇之一，但臨時慘被抽起，令觀衆感失望。
而有份參演的藝人洪永城（Tony）早前就指劇集將會在12月推出，不過一直都沒有確實的日期。
今日藝人徐榮就於社交網分享多張同《大帥哥》的演員合照，並且宣佈劇集將會在12月3日首播。
相中見到主角「大帥哥」張衞健、洪永城（Tony）、楊秀惠、蔡思貝等出席。
適逢今天是萬聖節，他們用手機App扮鬼嚇，非常應節！
看到他們開心約飯局，相信他們和觀衆一樣，對新劇終於有期播出都十分開心，且非常期待。
(綜合報道)
原來佢哋同樣都係十月生日，所以呢日佢哋特意約出嚟齊齊過生日！仲約埋好姊妹蔡少芬（Ada）一齊，不過就獨缺。。。
生日牌寫晒佢個四個壽星女嘅英文名，有Monica（陳法蓉）、Athena（朱茵）、Catherine（洪欣）同一位圈外友人Nicola。
相中四人笑得好開心，Ada更素顏上陣，場面溫馨又熱鬧！但就唔見壽星之一洪欣。
陳法蓉喺微博到PO相，仲留言話：「我的好友們～粒粒十月壽星生日快樂～永遠相親相愛～」佢哋真係姊妹情深！
最有趣嘅係，原來佢哋上年差唔多時間都係一齊慶祝生日，仲去同一個地方慶祝、食埋同一款蛋糕，認真「專一」！
不過上年Ada老公張晉、洪欣同佢老公張丹峰都有出席，今年佢哋就冇影，唔知佢哋之後仲會唔會約出嚟補祝番呢？
(on.cc)
無綫晚上熱播劇《跳躍生命線》自播映以來，都獲得不少好評。最深刻印象的是每集最後的演員獨白，令不少觀衆產生共鳴，反思生命的價值。
御用奸人鄭子誠成功洗底 (https://goo.gl/Bq385b)
早前播出兩位休班救護員一起幫一位媽媽接生，場面溫馨感人！（電視截圖）
而最近劇集焦點就落在張文慈（Pinky）身上！在劇中飾演「麥在田」馬德鐘姐姐「麥愛花」，於網上當KOL （key opinion leader），爲求賺錢甚是博命。
而昨晚就講述被弟弟馬德鐘發現一輯她的性感床照，姐姐張文慈被誤會，内心其實有苦衷，終於忍不住哭出來，演技大爆發！
被質問的時候已經眼紅紅，但仍保持鎮定，跟弟弟解析床照事件。
這裏情緒開始逐步爆發，向弟弟反駁這樣做就是「為人氣、為hit rate」、「我唔做啲嘢會畀人淘汰㗎！」
終於忍不住要缺堤，卻不敢大哭，淚流滿面，講對白的時候仍然十分清楚，應有的表情與對白之間拿捏得很自然，又到位。
整場戲有適當的感情起伏，令網民看得投入，紛紛說感動，對這位從亞視出身的演員更是刮目相看！更有網民哭了出來……
由亞視過檔無綫後有不少演出機會，最初是參演《老表，畢業喇！》，近期就有《宮心計2深宮計》，有一場獨腳戲一鳴驚人 (https://goo.gl/RB9Zno)
一年一度的頒獎禮臨近，現在還有網民推舉她成爲今年的飛躍女演員，可見她備受觀衆喜愛。而Pinky都十分感動，在社交網留言：「謝謝這套劇的台前幕後所有工作人員和演員朋友，很開心可以和大家合作！辛苦大家！下套劇再見！」
（ig / facebook）
上年3月28號，車婉婉中澳混血兒老公Jonathon誕下囝囝BBQ。
BBQ出世之後，婉婉簡直係「B不離手」，錫到仔仔燶。
但其實BBQ得來不易，婉婉透露過前幾年曾去做身體檢查，醫生講嘅數據令佢打定輸數冇乜機會生到B。而佢自己亦一早已經打定輸數。
但估唔到嘅係43歲婉婉最後竟然可以自然懷孕，佢指BBQ絕對係上天送畀自己同老公嘅禮物！
高齡佗B自然唔容易，婉婉抱著又緊張又期待嘅心情去迎接BBQ。
昨晚佢出席基督教音樂會，罕有分享初入行時嘅事。
佢指剛入行嗰陣曾有相士批佢冇可能結婚生子，講講下仲激動落淚。
後來機緣巧合之下改變信仰、戒煙，又識到依家嘅老公、驚喜懷孕誕下BBQ，一家三口幸福美滿~
婉婉又提到新劇《是咁的，法官閣下》反應唔錯，雖然自己嘅戲分唔算多，但就拍得好開心。
佢話︰「當時BBQ得5個月大，我抱住佢去見監製。囝囝依家見到我喺電視出現非常興奮，要工人姐姐抱佢入電視機搵媽媽。」
(綜合報道)
今日是一年一度萬聖節，不少藝人都把仔女打扮成不同形象，當中有可愛也有驚嚇！
張繼聰替囡囡張靖（Karina）打扮成小女巫，拿著一個小南瓜袋仔，看來誓要取大量糖果！
Karina還對著鏡頭笑瞇瞇，好可愛！
而哥哥張瞻就做美國隊長，好有型呀！
兩個仔女都很可愛，但爸爸張繼聰明顯不走可愛或型格風，大家要有心理準備啊！
一身清代官服打扮，加上目無表情，相片殘舊到完全脫離現代，部分網民被這張相嚇到了，不過大部分就覺得好搞笑，笑言果然是張繼聰風格！
阿聰留言：「妺妹哥哥準備好👌爸爸直頭係蓄勢待發😏我依身打扮殺落LKF（蘭桂坊） 一定係#中環我至猛 #全部人借歪 #萬聖節走中國風」
名模Jessica C.（JC）囡囡Tessa本身就是美女一名，實行扮hit爆迪士尼《魔雪奇緣》Elsa公主。
甜笑擺「牙痛」pose 好可愛呀！
鄭希怡寶貝女梁浸浸就破格少少，扮煎蛋，更拿著一碟煎蛋，相當可愛！
（facebook / ig）
訂婚四年，為百億男友誕下兩子一女，但仍然未正式入門。
至今仍未榮升做「紀太」，但就獲男友同未來奶奶密密獎賞，送禮從不手軟，由當初拍拖嘅10卡定情鑽戒、過百萬卡地亞美洲豹腕錶、到四億豪宅、與未來奶奶一同戴的Anna Hu公主版與皇后版母女戒等，上年生日更收2500萬10.4卡、DIF的Bvlgari鑽石戒指，早就印證她地位超然。
紀曉波唔係第一次被傳偷食，當年吳佩慈懷孕期間，紀被爆孖女星蜜遊澳洲，其後又傳大陸女星穎兒貼二人密照，疑似向吳佩慈「逼宮」。而吳佩慈收到嘅鑽戒都愈嚟愈大粒。。。
最新爆紀曉波疑似新歡係大陸女星林允。
今日有台灣傳媒引述消息人士稱，林允以女友身份陪紀曉波到澳門出席宴會，紀更曾帶林允來港蜜會、上年9、10月二人同遊美國塞班島。
22歲林允憑周星馳電影《美人魚》上位，成新一代「星女郎」。佢之前曾跟馮紹峰十指緊扣傳緋聞，馮紹峰早前認娶趙麗穎，而去年4月林允告單身。
被爆料指撻著紀曉波，令吳佩慈嘅未婚妻地位受動搖。
對於男友偷食嘅傳聞，吳佩慈回應台灣《蘋果》：「希望無良媒體不要再亂寫新聞，人家才22歲，才成年沒幾年，不要隨便傷害別人的名譽。」霸氣宣示主權！
紀曉波用四個字回應：「不認識她（指林允）。」林允經理人亦話林允唔識紀曉波。
(綜合報道/Apple daily)
武俠小説泰斗查良鏞（金庸）昨日下午於香港養和醫院辭世，享年94嵗。
衆所周知，金庸與倪匡、蔡瀾、黃霑為香港四大才子，和李純恩、陶傑也是知己，他們感情深厚，不時相約聚首，聊天聊地，無所不談。
惟晚年金庸因為患上認知障礙症，有時會認不到人，或者發小脾氣，像個老頑童，倪匡太太身體亦欠安，故大家也就少了見面。傳聞金庸晚年不太認得人，只認得太太，他的記憶較深刻的也是好久以前的事情，故查太要獨力照顧丈夫，也頗吃力。
曾歷三段婚姻，現任太太林樂怡，與金庸相差30載。
金庸生前與李純恩感情要好，李純恩接受傳媒訪問時就說：「我都搵唔到佢屋企人，我都聽講。」又被問及最近有否與金庸先生見面？他說：「呢啲唔好講住，唔知佢屋企人鍾唔鍾意講。」
李純恩心目中的金庸是怎麽樣，他說：「佢係好朋友、一個好長輩。」
（綜合報道 / apple daily）
提到仔仔霆鋒依家仲紅啲，謝賢覺得好驕傲：「冇錯，呢個應該！如果佢唔紅得過我，我就兜巴星佢，哈哈哈！」
不過，兩父子都經歷過婚姻失敗，四哥忍唔住嘆氣：「唉！呢啲咪天意囉，我哋都唔想失敗，婚姻呢兩個字真係要改，我諗唔出要畀乜名詞佢，但好似我哋咁嘅人，就算婚姻失敗，但我哋唔會hurt對方，呢樣我同我個仔講，好多人都失敗，有啲失敗你斬我一刀，我斬你一刀，我哋唔係，就算分開都好關心佢哋，有乜嘢事可以滿足佢哋。」
四哥同拉姑簽紙離婚時相擁道別，兩人再見亦是朋友；相反當年霆鋒同張栢芝鬧離婚，栢芝卻公開數臭霆鋒，而霆鋒亦發聲明指跟栢芝「不知如何走下去」！對於自己比霆鋒處理得更好，四哥坦言：「時勢唔同啫，佢哋關係點樣呢，仲比我大，呢樣冇得講！」會唔會想霆鋒再結婚？四哥笑說：「關我鬼事咩，我從來做老竇，唔會做呢啲權力去講嘢，如果佢有鍾意嘅人咪一齊，唔鍾意咪拜拜，呢個唔啱咪換第二個。」
提到霆鋒好鍾意王菲，兩人世紀復合，四哥說：「呢樣唔好問我，我恭喜佢就得嘞，哈哈哈！」問到霆鋒有冇帶過王菲見你？四哥就答：「真係未見過，從來未見過，因為佢嘅私事，都唔想經過老竇，唔通我去搵個女朋友，又問佢正唔正喎，shot shot哋，唔係自由度，唔可以超越嘅範圍，老竇同仔係平等。」
一提到兩個孫仔Lucas同Quintus，四哥立即笑笑口咁話：「孫就梗係錫，證明我嘅家可以一路傳落去。」記者讚大孫好靚仔，四哥繼續大讚：「細孫大咗都ok，個新抱都好，好孝順，嗰陣佢哋未分開，我哋成日一齊食飯，總之栢芝係我一個好錫嘅人，佢對兩個細路仔幾好，好難㗎，佢教得好好，有時我睇到佢，我都有啲眼淚。」
栢芝超錫一對仔仔，為咗幫仔仔準備開學凌晨就起身Get Ready，親自接送佢哋返學放學！
而Lucas都好錫媽媽，見到栢芝攰到瞓著，佢就超溫柔勁細心咁攞支牙籤幫佢撩牙！仲拎咗隻公仔墊喺後面等栢芝可以瞓得舒服啲。
細仔Quintus更曾喺節目上當眾向栢芝表白：「媽咪我愛你，即使別人都不愛你，我也是愛你的。」真係超感動！！
有傳栢芝好少讓兩老見孫仔，四哥即代為平反：「有時兩個禮拜，有時一個禮拜見下，佢唔會唔畀兩個仔去霆鋒度，我都係去霆鋒度睇佢哋，孫喺佢張床度，三個人攬住傾下偈，我等佢玩完出嚟，到我嘞，總之兩個孫去霆鋒度，司機就會同我講。」
講到仔仔霆鋒同自己一樣未讀完書就入行，謝賢話：「大學畢業唔係一定會出人頭地，佢依家做得咁好，我好開心好滿足，我都諗唔到我個仔依家咁好，所以我對佢冇乜要求。」
四哥又坦言同霆鋒冇代溝：「我同仔女都冇代溝，真係好開心，佢後生好反叛，自從入咗行之後，成個人變晒，佢讀書都好少，但入行之後更加識做人，我今日睇電視見到佢，衰仔，做得幾好喎！舊時佢幾靚仔，依家我唔敢批評，哈哈！」
講到呢幾十年嘅生活，謝賢就話：「由細到大都精采，好滿足自己呢一生，我書又讀得少，屋企又照顧得好，兄弟姐妹又好尊重我，朋友更加愛我，仔女孝順到不得了，有時間就打畀我陪食飯，我個仔就幾加好啦，依家養我咁滯！我做人，話我唔識做又好，乜都好，總之我冇乜所謂，唔好對我唔住就得，未試過有人對我唔住，我亦都冇對人唔住，一生人無愧於心。」
(綜合報道/Apple daily)
