世界盃將於今日舉行決賽，早前曾志偉現身ViuTV講波令網民大感驚喜，前日佢仲跟隨ViuTV帶領明星足球隊到俄羅斯現場睇波，而無綫藝人汪明荃（汪阿姐）及馬海倫都有跟隊！汪明荃接受東網訪問時就表示會去紅場，傍晚就睇決賽，好開心。而且事前有向無綫報備，所以冇尷尬！

佢又喺社交網上載多張相，見佢不停同老公羅家英合照，又見到譚詠麟（阿倫）、梁漢文、劉浩龍、張兆輝、泰迪羅賓、孫耀威和陳美詩等，玩得非常開心，仲順道周圍遊覽。

買咗幾多嘢先？

無綫藝人馬海倫（左）都有去！

曾志偉

眾人又講到尋日比利時對英格蘭場季軍賽，其中阿倫更大讚家英醒目，因聽老婆（阿姐）話而贏了波膽，阿姐此時即話：「我叫你買2比1㗎！」家英哥補充指阿姐對英格蘭有情意結：「唔想佢哋輸得咁慘，但我就覺得贏就要贏到盡，所以買咗2比0，最後咪中咗波膽囉！」及後阿姐再講到今晚克羅地亞對法國冠軍大戰時，她則捧克羅地亞，但家英哥竟然夠膽反對，並說：「反對！我買法國贏！」此時剛有一位穿着克羅地亞球衣的外籍人士經過，他們就請對方埋嚟一齊講吓「心水」，最後，阿倫就表態：「我買2比1法國贏！」

（on.cc）

已6個半月身孕嘅佢，仍然活躍周圍飛，佢早前才飛美出席好友鍾欣潼婚禮，近日又飛去英國進修，佢報讀咗建築計與管理的碩士課程，佢要留喺倫敦一個月，老公就去咗美國公幹，兩公婆分道揚鑣。

大住肚嘅蔡一鳳勤力返學，今日周日休息，佢凌晨5點幾喺酒店好夢正濃，突然發生走火警，佢狼狽跑樓梯逃生，佢人安全逃到酒店門外，才貼facebook報平安，佢留言：「我穿上衣服，把保險櫃裏所有嘢掃入書包，抓着桌上的手提電腦、電話（還不忘充電器），就往外跑，因為打電話跟酒店確認了是火警，所以覺得真心可怕，親身經歷係倫敦凌晨5點走火警，還懂得帶一對韓國老夫妻走樓梯，折騰了成個鐘….最後虛驚一場。人生第一次經歷酒店真實走火警，我當時腦袋裏面想着甚麼呢？還好只是4樓。」

《蘋果》今日聯絡蔡一鳳，佢話剛平息了火警風波，酒店員工安排了住客們逐一返回房間，佢講番逃生一刻情況：「我瞓着咗，聽到火警警鐘響，我見響唔停就醒咗，仲打去接待問，佢叫我快啲離開，仲話所有住客都走咗落去，我就執嘢着番衫走，出到去見到有對韓國老夫婦準備坐電梯，我叫佢哋行樓梯，好彩我住四樓，如果好高十幾樓都唔知點算好。出到酒店外，見到好多住客都狼狽，佢哋有着住浴袍，有披住大毛巾，亦有幾架消防車嚟咗，最後發現係酒店廚房有嘢燒着咗，住唔係大問題，我哋就可以返番去房度。」

佗B蔡一鳳走警都好鎮定喎，問到BB當時肚中反應，佢話：「一聽到火警鐘，阿B喺個肚係咁錫，我行樓梯時又踢，直至安全出咗大門口，佢先冇踢得咁犀利，好有靈性。」蔡一鳳返房休息時，佢話心情仲有啲緊張，已經瞓唔番，佢就自拍咗張相向老公報平安。照片中睇到蔡一鳳個肚都開始大，諗番佢仲去樓梯逃生，真係好驚險。其實，根據資料顯示，蔡一鳳前年喺銅鑼灣hmv kafe食飯，餐廳突然發生響火警，佢都趕快離開，最後原來係誤鳴，蔡一鳳兩年走兩次火警，佢都自嘲好「惹火」。

(apple daily)

於2013年結婚，但兩人關係其後變差；不過他未承認也未否認兩人離婚的傳聞。上月中她兩度收到老公嘅離婚協議書。據媒體報道，據了解她已請律師擬定離婚協議書版本，日內寄給丈夫，離婚已成定局。

下月7日就係吳建豪40歲，但屆時吳建豪要去美國同英國拍《葉問4》。今午《台蘋》目擊佢現身信義路M Taipei低調同fans預祝生日，今次亦係兩人爆出離婚消息後，吳建豪首度公開亮相。
兩人結緍後不時傳出婚變。

現場逾百名fans，大部份都係師奶級，應該係由佢哋「做女嗰陣」（亦即係杉菜大S都係做女嗰陣）已追隨F4至今。由於場地比較細，擠得水洩不通，冷氣唔夠，所以一眾師奶fans都要猛撥扇。至於左手無名指婚戒，原來已經摘下。

戴住帽子同眼鏡搭配牛仔褲嘅吳建豪，身形似乎消瘦不少，fans嘅熱情為吳建豪帶來久違了的笑容。司儀問佢：「很久沒見到你，最近都在忙什麼？」吳建豪就答：「最近就在熬夜、看碟，休息一下，就在寫一些歌，大概有七至八首吧。」

會上吳建豪感謝大家嚟參加生日會，特別係特地返台嘅海外fans，隨後自彈自唱表演F4時期經典《流星雨》等歌，粉絲聽得如癡如醉。活動約莫5點鐘結束，吳建豪亦由秘道離開。

新加坡百億千金老婆石貞善（Arissa）

（apple daily）