世界盃四年舉辦一次，四年前德國贏咗冠軍，意義重大，原來四年前，對古巨基嚟講都有一件意義重大嘅事發生，就係佢同拍拖多年嘅助手女友Lorraine結婚，噚晚基仔就喺ig度罕有咁貼相晒幸福。
鮮有講感情事嘅基仔，噚晚喺ig度貼咗三張相，分別老公視角嘅拖手相、老婆Lorraine揸住玫瑰花嘅「影後」相，與及只見到老婆少少頭嘅合照，佢留言話：「四年前的七月份，是世界盃，也是我們的註冊日。很想知道收到玫瑰的感覺：）四週年快樂。#happyanniversary」
基仔罕有放閃，當然好吸睛，好多網民都留言大讚佢好sweet，同祝佢哋結婚周年快樂。
(蘋果日報)
造人三年終成功！藝人王祖藍及太太李亞男晒超聲波相報喜，宣布有喜。李亞男在社交網上載超聲波照，又加上「Love you」及心心圖案，明顯心情興奮，並寫道：「今天是我們拍拖9周年紀念日😍 很興奮感恩可以在這個特別的日子 宣布我和祖藍將迎接一個新生命嘅來臨 💕 so blessed to have a new life in our family ❤Happy 9th anniversary !」
叫人開盤買BB高度似邊個
對於結婚三年多終榮升爹哋，祖藍笑謂：「首先好感恩啦，可以喺拍拖九周年紀念日去宣布呢件事，我哋拍拖嗰時係2009年，咁啱9年後有個小朋友，咁希望所有嘢都可以長長久久啦。亦都好感謝上帝，幫我哋安排晒所有嘢都喺計劃入面進行，之前應承過Leanne（李亞男）搬出嚟二人世界之後，過兩年左右先有小朋友，依家真係實現到，真係好感恩。」祖藍又笑謂其公司十分旺丁：「我哋先後有兩個員工有咗，依家計埋我老婆就三個人，咁如果想生B，入嚟我公司做啦！」祖藍更叮囑大家幫忙「睇住」老婆，盡顯「暖藍」本色：「做媽媽真係好辛苦，佢為BB付出咗好多，又睇書啦、又改變自己飲食習慣啦，又好緊張去預備好多嘢啦，所以麻煩大家照顧吓佢。」祖藍亦不忘搞笑本色謂：「大家最近除咗睇法國定克羅地亞贏呢？我建議開多個盤，就係究意將來BB嘅高度係會似我定似阿媽呢？相信都幾啱用嚟打牙骹戰。」
為BB戒咖啡
向來十分喜歡小朋友的李亞男則表示：「好開心終於做媽媽喇，第一時間知道嗰陣真係好驚喜，同埋有啲唔敢相信。因為我哋雖然係Plan今年做爹哋媽咪，但冇諗過咁快就實現到，真係好感恩。其實仔定女我都冇所謂，因為我都會好鍾意。最緊要係BB嘅成長過程夠健康，同埋佢嘅成長夠開心快樂。」李亞男又謂已向「Amazing Esther」一眾好姊妹分享喜悅：「我有向Linda（鍾嘉欣）同宋熙年取經，問定佢哋有咩嘢唔食得，同埋可唔可以做運動，真係好多好多問題想問，始終自己冇經驗。」她又謂為了BB着想，已對十分喜歡的食物盡量Say no：「我食少咗好多甜品，同埋飲少咗好多咖啡，我以前可以一日飲幾杯！雖然呢啲都只係好小嘅事，但已令我體會到做媽媽係需要付出好多嘅愛。」李亞男又承諾現階段會好好Take care自己，多點休息，果然為升呢媽咪做足準備。
(on.cc東網)
41歲大S徐熙媛今年五月不幸小產，未幾已復工，雖然身體回復需時，但有老公汪小菲跟她一同面對，共度順逆。而兩人早前為大陸芒果台拍真人騷《幸福三重奏》，兩公婆嘅私下相處嘅情況展現晒喺觀眾前面，節目只係播到第2集，觀眾嘅迴響已經好大，大S慘遭網民攻擊，話佢喺節目入面愛哭又做作，身為老公嘅汪小菲，噚晚終於按奈不住喺微博發文護妻，話老婆只係做回自己也要被罵，佢反問：「到底是誰不正常！」
新嘅一集嘅節目入面，汪小菲教大S踩單車，開頭係汪小菲載住老婆，大S坐喺老公後面，但因為啲路有啲彎曲，單車上面又坐住兩個人，搞到汪小菲都有啲難以平衡，咁當時佢就諗住加速希望可以快啲咁騎到較為平坦嘅路，就係咁嚇親老婆，搞到大S大叫同喊咗出嚟，之後汪小菲就落車安慰佢，有網民見到大S爆喊，就話佢愛哭同做作！
汪小菲見到網民反應咁大，佢就喺微博貼文為老婆平反，睇到一啲留言，有啲女士為咗取悅男士，任何事情都會去做，就連向自己另一半撒嬌、哭都要被話，呢點係佢無法理解，佢再話：「好想想，到底是誰不正常，正常的男女關係，不就是應該讓自己的女人開心、撒嬌，偶爾被考驗一下嗎？口口聲聲探討男女平等的時候，清（請）先把自己擺在平等的位置上吧。」
他之後再補充：「如果在婚姻中她給你生了倆孩子，付出很多，但是還不許哭，還不許要老公讚美，還得做家務，還得硬著頭皮每天假笑，帶孩子，自己男人就應該在外面天天飯局，所謂的事業有成，這是什麼價值觀啊？」而大S嘅妹妹小S(徐熙娣)見到姐夫咁Man維護家姐，亦即時轉發佢嘅護妻文，更留言話：「小菲很男人，真正的男人！」
汪小菲解釋大S在節目顯得脆弱敏感，係因為剛歷經小產之痛，仲話：「這個節目讓我們迅速的從難過中走了出來，單獨相處去珍惜彼此的獨處時間。做女人不易，做媽媽更不易…做一個北京直男的老婆更不易。」但睇番報道，其實大S懷孕期間，除咗一直拍緊呢個《幸福三重奏》，同時亦擔任大陸另一綜藝節目《我要當女一》評審，之前台灣《蘋果》亦拍得大S兩公婆帶埋囝囝一齊拍《幸福三重奏》，當時大S腹部微隆，半個月後不幸小產。
(蘋果日報)
「獎門人」曾志偉向來是無綫「吉祥物」，一直流住三色血，可是有傳志偉近年跟無綫高層余詠珊交惡，更有指志偉已感到意興闌珊。世界盃打得如火如荼，ViuTV節目《Good Night Show 全民睇波派對》突然請到志偉倒戈做嘉賓，即惹來不少網民熱論此事。
志偉更連走兩場先到屯門參與該節目的戶外活動，然後再踩入柴灣直播室做節目，如此落力，問志偉與ViuTV是否會有進一步合作？他說：「總有機會嘅！ 」
13日ViuTV更邀請明星足球隊一眾成員，拉大隊前往俄羅斯欣賞世界盃決賽，當中的成員除了曾志偉、羅家英、許志安、梁漢文、劉浩龍和張兆輝等，而羅家英老婆汪明荃也會同行。
曾經在無綫《獎門人》系列節目中合作的林曉峰（阿Lo），也直言在節目開始才知志偉會出現，坦言很緊張，志偉還對他說：「最想唔到會喺呢度見面，仲一齊做世界盃，好ok呀！』
(on.cc東網)
現時懷孕約39周，預產期為7月17日，隨時生得，又時不時喺社交網晒巨肚，點知被爆呢件事，佢今日就喺社交網首次為此事發聲，透露早一個月前就知道件事，又表示會與老公一起面對，似乎願意原諒男方。。。
台灣紅極一時嘅「最索蛇姬」林采緹現臨盆在即，曾與老公胡睿兒共度患難，2016年二人在寓所吸食大麻被捉，更被指係「毒鴛鴦」！事後胡睿兒表示唔會再做不良影響，點知尋日（12日）就捲入疑執屍性侵案…
林采緹現時懷孕約39周，預產期為7月17日，隨時生得，又時不時喺社交網晒巨肚，點知昨日就有台灣媒體報道胡睿兒遭一名女子指控，上月17日在台灣地下室夜店，趁女方喝醉時「執屍」，並在樓梯間及未獲得事主同意下發生性關係。不過胡睿兒應訊辯稱，雙方是兩情相悅，又强調二人只有親嘴。
而林采緹今日就喺社交網首次為此事發聲，透露早一個月前就知道件事，又表示會與老公一起面對，似乎願意原諒男方。
(on.cc東網)
「要靠自己，每個人講嘢都聽唔入耳，收埋咗自己，又唔敢同人講，雖然冇睇醫生食藥，但有搵朋友傾訴，咁多年嚟母女關係最好就係嗰段時間，佢又會同我睇相傾偈，話畀我聽我愛你嘅人就喺你身邊，你唔可以咁樣做。」
莊端兒、寇鴻萍、羅蘭、黃允財今日喺中環出席新書《開心法術》發佈會，書本內容圍繞香薰治療情緒，並會為慈善出力籌款。
莊端兒兩年前經歷低谷，愛情事業失意，又患病割咗個膽，體重下降至100磅皮包骨，佢話：「最初諱疾忌醫，以為自己壓力大，後來病到一發不可收拾，當其時我以為會死。」莊端兒分享情緒低落時心情：「要靠自己，每個人講嘢都聽唔入耳，收埋咗自己，又唔敢同人講，雖然冇睇醫生食藥，但有搵朋友傾訴，嗰段時間幫到我最多係媽咪，佢本身喺澳洲居住，專登返咗嚟香港陪住我，驚我做儍事，咁多年嚟母女關係最好就係嗰段時間，佢又會同我睇相傾偈，話畀我聽我愛你嘅人就喺你身邊，你唔可以咁樣做。」現時佢堅強得多，回想一個經歷令佢成長咗，o依家面對一啲事情都會覺得好小事。
寇鴻萍喺97年經歷離婚時候情緒低落，將自己收埋半年唔見朋友，經過半年後才能走出陰霾，開始社交，勸喻遇到情緒問題嘅人一定要行出去搵人傾訴。
講到錢慧儀由老公證實下患情緒病，及有傳婚姻觸礁，寇鴻萍話：「同winnie相差一年選美，以前好friend，因為佢我先參加選美，大家一齊做model，仲問佢選美有冇黑幕。最近唔知道佢點，人生會經歷好多，有需要要尋求醫生，我都試下聯絡佢，但已經好多年冇見，知道佢嘅小朋友都大個，好多年前飲過嘢見面，希望佢冇事祝福佢。」
（蘋果日報）
有網民喺facebook貼文，以長文批評佢，認為佢呢番言論好有問題。貼文一出，其他網民隨即洶群而出，紛紛留言回應，直斥她言論甚至係「教壞細路」，有人更批評佢「完全冇內涵」。。。
正所謂禍從口出！港台DJ曾志豪早前喺主持嘅《瘋Show快活人》忘記閂咪，在節目休息時段，咪後一句「X你老味」，換來封咪11日懲罰。
不過，喺節目「口出狂言」又點只曾志豪一個？噚日喺J2播出嘅一集《兄弟幫》，主持林盛斌（Bob）同陳國峰，請咗主持兒童節目《Think Big天地》幾位主持鍾君揚、鍾晴、何依婷、鄧家禮上節目，叫佢哋講下啱啱加入娛樂圈嘅經歷，本來話題無乜特別，但其中一位兒童節目主持鍾晴，稱除咗龜以外，對一切動物都感到恐懼，佢講及當年拍街景時遇上佢最驚嘅狗隻，竟然用「工廠區嘅狗特別毛茸茸同污糟」、「即係…好乞人憎嗰啲啦吓」，鍾晴又舉例，試過搭lift見過啲狗好熱情，「朋友叫我扮唔好驚」、「因為狗見你驚就嚇你」、「都唔知佢（牠）咩心態」。結果辣㷫晒一班愛狗人士。
Facebook群組「支持領養！！救救可憐流浪動物！！」有網民喺facebook貼文，以長文批評鍾晴，篇文講明唔係唔尊重怕狗嘅人，但認為佢呢番言論好有問題。貼文一出，愛狗人士隨即洶群而出，紛紛留言回應，直斥她「無資格做兒童節目主持」，言論甚至係「教壞細路」，有人更批評佢「完全冇內涵」、「唔識愛護﹑尊重動物」、「如何化行個妝都遮掩不了內心的醜陋及冷血」，甚至提供埋表格話要集體向廣管局投訴。
唔少網友仲踩入鍾晴facebook，雖然鍾晴連日都無更新內容，最新一個貼文已經係上月27日，但網友分別喺佢唔同嘅舊貼文留言，鬧爆佢失言，其中有網友留言「鍾小姐！多謝你令我認識到你！但不是因為你的樣貌和表現。而是閣下的無知、冇腦、嚴重缺乏愛心的言論行為，而令我知道有你這種低級兒童節目主持人的存在！」
傳媒於事後搵過鍾晴，但未獲回覆。而鍾晴面對facebook洗版留言，就依然喺ig生活自在，喺ig story貼文上健身同飲食嘅相。
(蘋果日報)
下嫁逾百億身家的富商，誕下兩位千金，自小對她們極為保護，私生活相當低調，近年只於生日會一家人露面，見兩女初長成，亭亭玉立。至於在港升學的細女亦與母親感情要好，日前孖公仔現身中環名店。。。
現年63歲的林青霞下嫁逾百億身家的富商邢李㷧後，誕下兩位千金邢愛林和邢言愛，自小對她們極為保護，私生活相當低調，近年只於生日會一家人露面，見兩女初長成，亭亭玉立。而22歲大女兒愛林早前更秘密飛到意大利，現身《第20屆烏甸尼遠東電影節》開幕禮，賀獲頒「終身成就金桑獎」的母親，送上驚喜。至於在港升學的細女言愛亦與母親感情要好，日前孖公仔現身中環名店。
約下午5時許，戴Cap帽的青霞與細女言愛先去睇鞋及太陽眼鏡，同行有一名保鏢護駕。17歲的言愛打扮青春，身穿紅色貼身上衣及短裙，腳踏數千元的名牌波鞋，全程與母親密密斟問意見，兩母女如朋友般傾不停。逛完一輪，二人揀不合心水，之後轉去睇旅行篋，似為暑假外遊做準備。
由於款式眾多，她們選購時有商有量，言愛火速鎖定目標以實用為主，結果睇中一個多收納格數的軟篋，青霞即着店員拿一個新篋出來，之後親自驗貨，「師奶上身」逐條拉鏈試拉，完全沒有問題才扑槌買下，其後由保鏢負責提貨，青霞與女兒則到附近Cafe買一些西式糕點，再往下層由司機接載離開。
其實青霞對女兒疼愛有加，曾以1.15億元購入港島中半山豪宅The Mayfair一個二千呎單位作大女兒愛林21歲的生日禮物，而父親則送上公司股份。另外為慶祝結婚20周年，有指邢李㷧將在飛鵝山以1.3億元購入的一塊佔地三萬多方呎地皮，打造如「王宮」般的巨宅，送給青霞作禮物，並於2014年入住。巨宅內有多間套房外，還分別有兩個泳池、健身室、娛樂室等設施，而屋頂是一個天台農場，隨時可食到有機蔬菜，相當有心思！
(on.cc東網)
瑞典媽媽拉爾森（Anna Larsson）不是醫生，更不是兒科專家、健康營養學家或食品科學專家。只是，她家裡有個嗜吃甜食的小姑娘，一天竟因媽媽不給甜食大發脾氣，引起了她的關注。
那一次拉爾森真的覺得，自己受夠了女兒的壞脾氣。
儘管醫學界和營養學界的諸多研究已讓人們獲得常識：過量攝入精製糖對人的健康、活力、睡眠和認知功能等都有妨害，但許多父母在給孩子吃東西時，仍然會把合理的攝入量拋在腦後。
而拉爾森決定堅守原則，藉此幫助女兒擺脫對甜食的依賴——她從此讓女兒完全戒掉了甜食。做到之後，結果讓她吃驚：常常很情緒化的4歲小孩變得四平八穩起來，有女兒在身邊的日子也充滿了寧和喜悅。
發生變化幾天後的今年2月間，拉爾森在臉書發帖說明了自己為什麼禁止女兒吃甜食，以及孩子前後的變化。帖文迅速在網路瘋傳，獲得2,600多個讚、近1,700次分享。
拉爾森透露，女兒在適應沒有肉桂捲、加糖酸奶和冰淇淋的日子後，不再索要甜品，而欣然接受一週前還抗拒的健康食物；隨著飲食習慣的轉變，還發生了諸多積極的變化，包括睡眠變規律、專注力增強、專注時間延長等。
38歲的媽媽寫道：「這麼短時間她就變平靜了，晚上入睡非常快。而且她也不吵著要看電視了，更喜歡做事情。」小女孩可說是發生了180度的大轉變，無論從個人成長，還是從親子教育的角度說，都是非常可喜的飛躍。
目前關於兒童飲食減糖對其行為的影響，學界並未得出一致結論，但減糖對健康的益處是不爭的事實。攝入過多糖分會讓人頭痛、睡眠不佳、生蛀牙、患上早期糖尿病，還可能導致脫髮和皮膚病。吃含糖甜點往往也讓人對健康食物不感興趣，拉爾森的女兒就是一個例子。幫女兒戒掉甜食後，她更加意識到，孩子以前吃甜品已經上癮，每天翹首以盼的食物全都是「美味甜點」。這堪稱一場飲食革命——為了孩子好，媽媽很果決。
也有些網友留言表示，限糖即可收到效果，不必完全戒糖。不過對拉爾森來說，她自認作爲一個普通媽媽，戒糖的做法對女兒最好。
許多家長都覺得她的帖子富有啟發性，紛紛仿效，也收到了相似成效。儘管瑞典的青少年肥胖率和2型糖尿病患病率並不算高，但民眾仍在努力遏止他們觀察到的不良趨勢——國民普遍嗜甜，而今在發達國家相當常見。
或許拉爾森的經驗不是每個人都適用，但對這位有心的媽媽而言，事實證明這是個成功經驗。「她（女兒）的味覺就像是全新的。」她寫道。
(大紀元）
如果您3歲的寶貝在公共場合突然發飆大哭，身為家長，該如何是好？現在讓我們來深入討論如何運用之前提到的育兒原則，不用喊破喉嚨就搞定正在發脾氣的幼兒。
當一個人情緒激動的時候，是無法接受或聆聽其他人想表達的任何信息的，更何況是一個心智不成熟的幼兒。當幼兒大發脾氣的時候，對他說教或講道理，比如「玩水會感冒的」，孩子無法聽懂多少。
人們會生氣，大都是因為自己的想法無法得到別人的認同，幼兒也不例外。所以孩子哭鬧時，家長自己先不要動氣，應先認同他的想法或他想要的，讓他知道，媽媽其實是可以理解他為什麼不高興的。如果是2～4歲的孩子，可能表達能力欠佳，這時家長就要把自己的思維和語言能力，降低到孩子的水平，用簡單的「幼兒語言」來與他們溝通。
比如，孩子在玩具店想買一個玩具而不願妥協。對年齡大些的孩子，媽媽可以直接說「可以告訴媽媽你為什麼哭嗎？」「媽媽知道你想要買那個玩具」，「媽媽知道你買不到這個玩具會難過」等。
如果是年齡較小的幼兒，家長就要選擇簡單易懂的詞句，例如：想買這個？你要這個玩具嗎？你真的要嗎？而且家長在說的時候，最好對孩子表示出同理心，同時蹲下來，讓孩子看到你的臉和眼睛，和他做眼神交流。這時孩子大多會停止哭泣說「是，我要買。」且會對媽媽竟然認同他而心感喜悅。
當寶貝的大聲嚷嚷被以上方法安撫下來後，接下來我們就可以用轉移焦點的方法。
1. 把焦點轉移到別的事物上
例如家長回答說：「好，媽媽知道你要買，咦！那個公園好好像有更好玩的東西，我們趕快去看看。」「好，你真要買這個？想不想吃冰淇淋，我們趕快去。」這種方法適用於年紀小的幼兒。
2. 巧用轉移詞：但是、下一次、不過⋯⋯這類詞
例如「我知道你想買，但是我們家不是有玩具嗎？」「好，媽媽會買，下一次你數學考好我們再買？」「好，不過媽媽今天錢不夠，下一次好嗎？」
對更大的孩子，家長可以用正面方式說，「好，我知道你想買，但是媽媽知道你最懂事，我們只買我們需要的，不亂花錢。」切記要強調「好」字。
3. 給停止鬧脾氣的孩子讚許
如「某某好棒啊，不哭了」「你看，媽媽就知道你可以好好跟媽媽說話」「媽媽就知道你最懂事」等等。
很多時候，爸媽必須不斷地重複步驟一跟步驟二，才可以平息孩子的情緒。但也要切記，答應孩子的事就必須做到，如「下次買」等。因為「言而有信」，我們只有做孩子的好榜樣，方可得到尊重。
(大紀元）
