藝人羅霖早前向法院入稟追討近七位數的髮型產品代言費及股份，而日前有人公開指摘羅霖無中生有、講一套做一套。羅霖認為有關指摘會影響其工作及形象，揚言與律師研究後，會發聲明解釋一切。
今日羅霖委託律師事務所發出「嚴正聲明」，指自己由2017年8月後一直被拖欠代言費，並將之訴諸法律並獲得勝訴，希望以正視聽，對有關失實及誹謗性的指控，她會保留所有法律上的權利。
（資料圖片）
(on.cc)
【講一套做一套】羅霖發出嚴正聲明
【傳鄧麗欣同王子戀情逐漸浮面】方力申咁樣答…
方力申與弟弟方圓明出席畫展，對於舊愛鄧麗欣與台灣棒棒堂前成員邱勝翊（王子）傳拍拖……
鄧麗欣與邱勝翊（王子）
方力申說：「你問佢啦！（不開心？）如果佢拍拖同邊個都好，我會戥佢高興，相信我拍拖，佢會戥我高興，但佢同邊個拍拖就問返佢。」當笑問他是否不想鄧麗欣拍拖？他笑言如果自己不想鄧麗欣拍拖就不會戥對方高興，又指曾經見過王子打過招呼。問到可覺兩人合襯？他說：「假設性問題不答。總之拍拖是開心事，佢哋兩人的事，旁觀者不要參與。」
(singtao)
【行到一半突然…】黃翠如：我咒罵了她一半時間
近來越來越多人喜愛行山，相約幾個閨蜜走遍山頭。但現時天氣相當炎熱，所以行山都要注意身體！避免中暑！
翠如在社交網留言︰「遺忘了自己的低血糖，行山行到一半頭暈了很久。
每次想放棄都有這位超級教練在鞭策着，整個山路，我咒罵了她一半時間。
然後，流了一年的汗，好爽！」她又hashtag了「也給蚊咬了20口」、「 我身邊有位運動強人」、「她背起我所有的東西」。
黃翠如就與好友吳天瑜行山時，行到一半突然頭暈，幸好最後沒有大礙。
（singtao）
【產後首現身】JC：鍾意大家庭，所以可能再生多__個
名模Jessica C.（JC）早前為老公安志杰誕下囝囝Elvis，再次做人母！
今日她產後首次現身活動，見她身材依然弗爆。問到再為人母，感受如何？她表示好開心：「我覺得今次生嘅過程，好過第一次，因為生得更快更易，不過都有啲攰。」
問到老公有否奬勵？她說：「佢係一個超級Sweet嘅人，成日都送驚喜或者禮物畀我，同埋佢亦都係Super Daddy ，好照顧我同一對仔女Tessa、Elvis。」問到會否再追下一胎？她笑言要休息一會：「可能幾年後先，以前我成日講要4個小朋友，但依家已經覺得2個都好好。不過我都鍾意大家庭，所以可能再生多1個，因為我覺得小朋友要用好多時間陪伴佢哋，如果太多小朋友可能唔能夠專注到佢哋每一個。」
至於家中多了一位成員，囡囡Tessa會否呷醋？JC說：「都有少少，因為佢之前覺得自己係第一位，我哋集中專注晒佢，但佢都係一個Sweet Girl ，有時我哋抱緊BB時，佢就會拎佢隻毛公仔話『我都有一個BB』。（囡囡係咪好家姐？）絕對係。」
（on.cc）
【大肚老婆現身捧衛蘭場】台上深情表白：傳畀我即將嚟緊嘅BB囡
孖衛蘭（Janice）於灣仔會展開音樂會，台上搭起小屋及天橋裝飾，身穿藍色西裝褸配淺藍色裇衫的他，與穿黑白灰色裙、少露香肩配搶眼螢光色高踭鞋的Janice分別於台兩邊現身，唱出《Overture》、《Teenage Dream》揭開序幕。
之後二人演繹對方的歌，Janice先唱出歌手陳柏宇（Jason）的《親愛的仇人》，Janice笑話：「呢個組合好特別，發現我哋係差唔多出道咗十幾年，但正式合作就係今年年頭。」她又講到可以互唱歌曲感覺好好，之後就轉向Jason話：「我啱啱唱都好緊張，知你聽住我唱，咁我唱你首歌好唔好聽？」Jason即刻笑話：「唔好玩啦！梗係唱得好啦！」令全場爆笑！二人續話今晚演繹的歌曲都有重新編排過，有不一樣的感受，說畢就輪到Jason唱出Janice的金曲《就算世界無童話》，仲得戚叫對方「睇表演」添！
輪到Jason講「夢想」，他趁機情深向未出世的B囡表白：「雖然我唔係喺傳統家庭中長大，但呢個世界好多人畀愛我，我夢想就係希望將呢份愛傳開去，傳開去呢個世界嘅每個人，傳畀我即將嚟緊嘅BB囡。」說畢便連出唱《沒有你 我甚麼都不是》、《別來無恙》。
Jason又講到太太符曉薇有專程嚟棒場：「上次聽完《生涯規劃》就愛上，所以都想嚟聽，佢依家狀況OK，只係有時腰會累啲，唔知佢記唔記得戴腰封。」
（on.cc）
【馬上教你做】孕媽咪適度運動令產後更容易修身
懷了小寶寶後，多數孕媽咪擔心會動了胎氣，刻意減少活動量。但其實適度運動不僅能改善孕期不適、助於順產，產後更容易恢復身材！當孕媽咪規律運動，亦有助刺激胎兒發育，葉海健醫師指出：「由於提高血液中的含氧濃度，胎兒間接獲得充分的氧氣與養分，有助於寶寶發育。」
運動會運用骨盆肌群的力量，讓孕媽咪的肌肉較具彈性，避免自然生產造成嚴重的撕裂傷。除此，彭艾薇老師分析：「若再特別加強骨盆核心肌群的訓練，包括大腿內外側、前後面等下半身肌肉，可助於自然生產正確使力。」
原則上，每天運動量以30分鐘為主。葉海健醫師指出：「並非一開始就以30分鐘為目標，而是開始運動那週先以5分鐘為原則，下週再增加5分鐘，循序漸進延長運動時間。」
選擇通風、安全的運動環境
如果時間允許，彭老師建議利用傍晚時間從事戶外運動，不會太熱又伴隨徐徐涼風吹來，讓人感到舒服。
穿著寬鬆、吸汗的衣物
懷孕中期後肚子逐漸變大、變重，運動時建議使用托腹帶支撐腹部，以免造成肌肉、韌帶過度拉扯，產生下墜不適的感覺。
運動前將膀胱排空
飯前飯後1小時內避免從事運動。而在從事運動前，先將膀胱排空，避免憋尿。
運動前、中、後多補充水分
夏天氣候炎熱，運動時別忘記適時補充水分，不妨在運動前喝點開水，運動中間利用小歇片刻喝些水，運動完畢再補充水分。
避免運動過度
雖然運動可以消耗多餘的熱量，但也不能因而運動過度，當身體過熱時，葉醫師說明：「一方面水分大量流失；再者，當身體的體溫過高，可能危害胎兒的成長。」
身體不適 立即停止
發生陰道出血、頭暈、呼吸急促、胸悶、頭痛、肌肉無力、子宮收縮、胎動減少、破水等狀況，不建議繼續運動，應就醫檢查為宜。另外，若身體不適，例如：發燒、感冒、腹瀉等，亦不建議運動，以免加重體力的負擔。
親友在旁陪伴
運動前最好找親友在旁陪伴，若運動期間發生任何狀況，亦能有人協助、確保自身安全。另外，有些孕婦會自行在家觀賞教學影片做運動，彭艾薇老師提醒：「每個人的孕期狀況不盡相同，教學影片的動作不見得適合每位孕媽咪，最好在專業教練的指導下從事運動較妥。」
【第三次挑戰10級痛楚】陳倩揚小千金出世喇！
恭喜晒！前港姐陳倩揚為老公陳浩然，今日誕下8磅千金，母女平安。
囡囡一出世就O晒嘴，勁可愛
已是兩子之母嘅倩揚，今次第三次懷孕，仍難免有啲緊張，因為醫生早排話倩揚今胎非常足磅，七月頭已經隨時生得。但早幾日佢老公同大仔去日本參加交流活動，倩揚就叫咗媽咪嚟屋企相伴，又拜托經理人隨時候命接電話，一有任何作動情況，要立刻支援。
抱住小公主，倩揚笑到四萬咁樣
同時，倩揚也不斷叫腹中囡囡，等爸爸星期一晚回來先至好出世。果然呢位老公嘅｢前世情人｣非常聽話，等到爸爸返咗香港，仲等爸爸休息一晚先至出生，真係乖寶寶喇！有老公陪伴同打氣，生B過程非常安心同順利。
老公陳浩然趕得及返港陪產
陳倩揚之前與老公影的大肚寫真。
今次倩揚同樣選擇順產，雖然有兩次經驗，但再次面對十級痛嘅挑戰，臨門一刻仍不免緊張。幸好今次陣痛連生產時間唔算太長，加上醫護團隊非常有能量嘅鼓勵，同時老公喺身邊支持，順利誕下女兒。
倩揚兩個囝囝
(apple daily)
【李澤楷被爆孖新女友撐枱腳 】郭嘉文疑失寵地位不保！
坐擁逾300億身家嘅「小小超」李澤楷，被爆日前跟長腿新女友到半島酒店撐枱腳，在李澤楷身邊兩年的「楷女郎」郭嘉文（Karmen）地位疑似不保！而上月30日，李澤楷又被影到跟索女蜜遊泰國，由於該索女戴了黑超遮樣，報道指她疑似是郭嘉文，不知李澤楷是否左右逢源呢！
有傳媒向李澤楷求證是否同郭嘉文已分手？李澤楷以短訊回覆：「Karmen and I are doing just fine,thank you. Need to head back to work.Have a gd day!」問到上月尾同遊泰國女子是否郭嘉文？還是半島酒店嘅長腿新女？李澤楷確認郭嘉文冇失寵：「v v last answer:it was Karmen in Bangkok.」至於半島酒店女子是朋友還是工作關係？李澤楷就沒有回覆。
（資料圖片）
今年4月，李澤楷被讀者影到孖郭嘉文蜜遊華欣，當時被問會否公開戀情？李澤楷首次承認郭嘉文地位：「We are fine, thank you.」而今次被爆與長腿新女撐枱腳，李澤楷雖然冇透露對方身份，但就再次公開肯定郭嘉文「楷女郎」地位，向女友大派定心丸。
郭嘉文獲李楷澤賜「楷女郎」地位穩如泰山（Ig圖片）
(apple daily)
【原來三四十年前已經…】81嵗余慕蓮絕密婚紗照流出！
今年已81歲的余慕蓮（余毛），入行演戲60多年，多年來不斷在電視及電影中飾演相貌醜陋的女子，令她的醜女形象深入人心。但其實余毛年輕時，亦是美女一名，更曾有不少追求者，惜她因成長於單親家庭，受童年陰影影響，令她成為不婚主意者，始終謝絕戀愛。
劇集截圖
余毛一生人雖然沒有結婚，但近日有一輯她的絕密婚紗照流出，相中的她芳華正茂，還展現罕有的甜美笑容，只是獨欠男主角！
相中的余毛展現罕有的甜美笑容，但獨欠男主角。(《東周刊》圖片)
余慕蓮的感情生活相當神秘，她曾說一生從未嘗過愛情，查實年輕時，她也有不少追求者，甚至有影迷寄相片給她，希望與她交往，但都遭她撕爛照片掉入垃圾筒。
雖然余毛自稱沒有感情生活，但近日有一輯絕密婚紗照被流出，相中的她展現難得一見的柔情和甜美笑容，當中有多款索爆造型，還有一款晚裝扮公主，十足動畫《冰雪奇緣》女主角的Elsa一樣，每個鏡頭都拍得她份外明艷照人，但照片中就未有新郎哥或男性出現。
但為甚麼會拍下這些婚照呢？余毛解釋：「當年我同『芝柏』老闆娘好熟，當時我話我又未結過婚，又冇婚紗相，跟住佢叫我影，輯相都30、40年前影啦！佢都移咗民去溫哥華。我當時自己一個人去，冇搵人陪！其實，我都唔係第一次着婚紗，拍戲時都有着過，亦唔需要突登搵個男model陪我影！」
（singtao）
【疑公開戀情？】TVB小花晒合照 網民即問…
早前傳被富豪追求，不時四出遊埠，事業發展又不俗，近期備受TVB力捧，密密拍劇。
近日又去咗日本旅遊喇，仲喺社交網分享多張旅遊照，見到佢去咗唔同地方遊覽，又去神社同酒館留倩影，着上吊帶裙嘅佢，散發仙氣，相片極為唯美！有張相頗爲神秘，藝人張曦雯 (Kelly)同一個男人搭住曬，網民都被佢嚇一嚇，唔通係同男友去旅行，想公開戀情？
其中一張佢仲大晒同弟弟嘅背面相，佢搭着弟弟，二人一齊望住遠處嘅風景，相信此行佢哋玩得不亦樂乎，難怪Kelly都留言：「Full day of temple-hopping in Kyoto with the baby bro #japan #familytrip .（整天同弟弟行京都，家庭旅行。）」原來係弟弟嚟嘅！佢搭着弟弟，二人一齊望住遠處嘅風景，相信此行佢哋玩得不亦樂乎！
去咗日本玩。
好多網民都問啲相影得咁靚，係咪由弟弟操刀呢？不過有啲網民就搞笑話初期未睇字，以為Kelly搭住嗰個係男友添，大家真係諗多咗喇！
藝人張曦雯 (Kelly) （資料圖片）
(on.cc)