【傳陳茵媺再有喜】陳豪：啲人恭喜我

2018-10-27

藝人陳豪今日出發到台灣為無綫劇集《殺手》拍外景，他表示今次會在當地逗留三星期，家中小朋友適逢有幾天學校假期，所以太太陳茵媺稍後會帶三個小朋友到台灣會合他。

昨晚Aimee PO相，原來佢哋一家五口已提早慶祝萬聖節，齊齊着上牛仔打扮，陳豪話：「因為會所有派對。提早都好，我可以一齊參加。個打扮當然係我聰明又有智慧嘅太太諗出嚟，我太忙搞唔到，啲衫好靚，佢搵到五件一模一樣嘅衫。」

另外，有傳茵媺再懷孕，陳豪否認：「啲人恭喜我，我自己都未知。多謝大家，但係大家心急咗。唔會排除再生嘅可能性，但唔會咁快，雖然太太好鍾意小朋友，但依家已經好忙去湊同去教，要遲啲先再生。」

至於有指古天樂及蕭定一公司曾向陳豪招手，他笑言：「唔知有人向我招手，有嘅話好開心。但我已經同無綫續咗約。我同TVB合作關係好好，合作模式好開心，見唔到有轉換環境嘅需要。（公司畀好好條件你？）一直以來好開心。（畀好高自由度接工作？）開心囉！」

陳豪為劇集而要操肌，問他到台灣拍劇美食當前也要忍口，他自言已經習慣：「我唔會視為忍口，無論係為健康定精神狀態，我又鍾意健身，我唔係當短期嘅減肥，而係當長跑咁。」

他笑指自己雖然不用像同劇的黎耀祥一樣除衫騷肌，但自己比對方更有難度：「除衫見肌肉唔難，我要隔住件衫都見到肌肉，咁先難呀！」

(on.cc)

【去年曾小產】宣布再佗B：謝謝你，歡迎你

2018-10-27

當時佢著住黑色衣服，肚就明顯隆起，目測肯定已經懷孕。之後佢曬出一張近照，留言：「謝謝你，歡迎你。」正式向大家宣布太太再佗B嘅喜訊！

有報道指佢今年一直飲中藥調理身體，6月證實懷孕，一直喺屋企養胎，等情況穩定先出門。

其實佢之前喺17年曾傳懷孕，但因為健康問題要忍痛放棄，當時佢暗示留唔住BB，故今次二人造人成功，身邊人都替佢兩公婆開心！

有指其經理人已將老婆有BB消息開心同工作人員分享。

49歲台灣歌手陶喆同細佢16年嘅五金行千金江姵蓉（Penny）喺2014年再婚，結婚4年終於造人成功！今年5月Penny傳出懷孕，但陶喆否認，到7月再傳懷孕，佢依舊否認。

根據《台灣蘋果日報》報道，有讀者爆料昨日晏晝見到Penny同友人去整蛋糕，當時佢著住黑色衣服，肚就明顯隆起，目測就肯定已經懷孕。又據台灣雜誌報道，陶喆經理人已將Penny有BB消息開心同工作人員分享。

上年太太被傳小產，當時陶喆更憑新歌《Mars Baby》寄意，歌詞中提到「Baby告訴我到底要怎麼留你在身邊」，暗示留唔住BB。

陶喆之後更新社交網，佢晒出一張近照，相中除咗有刻上佢同太太英文名字嘅杯之外，仲有一個奶樽，佢留言：「謝謝你，歡迎你。」正式向大家宣布太太再佗B嘅喜訊。

(綜合報道)

【恭喜】阿嬌宣佈婚期！

2018-10-26

阿嬌同「醫界王陽明」賴弘國，今年五月喺美國舉行浪漫婚前派對，至於婚禮，阿嬌曾講過今年12月，地點係香港。

依家已經十月底喇，係時候要plan好婚禮細節，兩人日前亦已正式入紙，排期註冊。擬結婚通知書上，阿嬌用本名「鍾嘉勵」，兩人申報嘅地址，男嘅填台灣，女嘅填香港。

阿嬌同賴弘國爆出戀情之初，曾傳女方係大過男嘅四年，亦有傳係九年。擬結婚通知書就提供清晰答案，阿嬌大過賴弘國八年多。賴弘國係1989年5月28日出生，阿嬌就係1981年1月21號。

擬結婚通知書曝光，阿嬌終於鬆一口氣，可以同大家宣佈婚期——分兩日搞呀！佢話：「好開心終於入咗紙，終於可以公佈幾時簽紙，會喺12月18日，咁12月20日就擺酒，好開心終於可以講出嚟。依家婚禮準備得如火如荼，請緊人，其實大部份朋友都會嚟，亦好開心，可以同朋友親戚一齊慶祝重要嘅一日，現在好開心呀，多謝大家！」

賴弘國同阿嬌之前舉行婚前派對時，曾同賴生有一段短暫婚姻嘅「華航林依晨」趙筱葳都有「發功」——晒幸福，貼下同小朋友去英國旅行嘅相；之前爆出賴弘國向阿嬌求婚成功時，趙筱葳都有「贈慶」寫道「幸福會循環，悲傷也會循環，當我們想要自己愛的人快樂平安幸福時，就要在幸福的循環中盡一點心力。」

又真係咁啱得咁橋，呢頭賴生同阿嬌入紙結婚，趙筱葳亦有喺IG貼一輯攝於夏威夷嘅泳衣照，盡現豐滿上圍。

賴弘國同趙筱葳曾喺節目《康熙來了》放閃，二人拍拖2年，於2016年4月結婚，同年10月宣佈離婚。

(Apple daily)

【被爆後日結婚】好姊妹楊冪：唔去

2018-10-26

其實四年前楊冪同劉愷威喺峇里結婚時，佢係唯一一個伴娘，當時楊冪仲親手將手上花束送畀對方，希望好姊妹快出嫁，但今次。。。

據大陸傳媒爆料指，楊冪已經收到佢哋嘅結婚邀請，但佢因為工作關係，去唔到維也納見證姊妹結婚。

今年8月嚟香港同梁朝偉出席《歐洲攻略》首映。

大陸女星唐嫣同大陸小生羅晉，日前已飛抵維也納，為後日（28日）舉行嘅婚禮做準備，婚禮場地日前亦曝光。唐嫣結婚好姊妹楊冪會唔會去呢？答案係︰唔去。

其實四年前楊冪同劉愷威喺峇里結婚時，好姊妹唐嫣係唯一一個伴娘，當時楊冪仲親手將手上花束送畀對方，希望好姊妹快出嫁。

楊冪同唐嫣早於09年因拍《仙劍奇俠傳3》而成為好友，2013年唐嫣被爆同邱澤分手，楊冪仲喺微博發文暗寸男方，一腳踏兩船；楊冪仲喺自己婚禮上，將花束交畀對方，兩人仲被封為「中國好閨密」。

不過呢對「中國好閨密」早前盛傳不和，去年被網民發現兩人互動減少；今次好姊姐出閣，楊冪唔出席，難免令人聯想。有心水清嘅網民話，楊冪話有工作在身只不過係借口，如果係好閨密，就算幾山長水遠，都可以排除萬去赴會。

其實楊冪鮮有出席圈中好友婚禮，甚至可以話係冇——除咗去年出席合作咗十五年嘅經理人趙若堯婚禮之外。呢個已是公開的秘密。霍建華、劉詩詩、安以軒嘅婚禮，楊冪都係「禮到人不到」。外間估計原因有幾個，一個係楊冪太忙，一個係楊冪唔想搶風頭，另一個係——楊冪根本冇乜朋友。

依家就連唐嫣婚禮都唔去，真係忙成咁？

不過，話說回來，趙麗穎同馮紹峰已註冊結婚，有傳年底舉行婚禮。有傳媒問馮紹峰前女友——即係楊冪：你回去參加趙麗穎的婚禮嗎？楊冪答：「時間允許的話，一定會去。」

(Apple daily)

【網民覺得超誇張】吳彥祖曬童年照仲話…

2018-10-26

影星吳彥祖（Daniel）係圈中公認嘅男神，唔止靚仔，仲有好才華！

▲吳彥祖建築實力驚人。（圖／翻攝自hk01）早前親手砌「蒙古草原圖書館」，靚到入圍建築界奧斯卡獎！

佢同中法美三國混血老婆Lisa S.於2010年步入禮堂，兩人育有一女「Raven」。

之前激罕曬囡囡！今次佢同大家分享咗張童年照，震驚一眾網友！

事關佢細個嗰陣一樣咁型，令網友大嗌點解可以由細到大都咁靚仔？真係超誇張！

吳彥祖錫囡囡錫到燶！

Daniel留言：「found this in my Dad’s wallet. I must be about 16? I wish I had all that hair back.（喺我爸爸銀包搵到呢張相。當時我應該係16歲左右？我想我啲頭髮可以好似當時咁。）」

睇嚟Daniel自覺髮量大不如前，唔通男神都有脫髮煩惱？

(綜合報道/on.cc)

【Fit到似30歲】50歲馬德鐘：Keep住食咗八個月一直冇病過

2018-10-26

藝人馬德鐘接受電台訪問，成功減掉20磅的他表示現時跟30歲時狀態一樣，但未算最弗，還需要時間鍛煉肌肉，他指因瘦身而造成不少話題：「有人問我係咪有病，有人話我整容，因為冇咗水腫，個雙眼皮深咗，呢個好難，整容醫生都整唔到。」

他大方分享減肥方法：「我係食最佳營養嘅化學膳食，我唔食肉，食豆同種子，我已經Keep咗八個月，一直冇病過，皮膚同呼吸道過敏問題都改善咗。」

開餐廳冇咗生活

他坦言之前因經營食肆難免應酬，因而肥了10磅，但自從食肆結束後，體重已下降。問他是否不會再投資食店？他坦言：「唔會，因為開餐廳令我冇咗生活，而且出面嘅嘢食太多反式脂肪。不過我都有出去同朋友打邊爐，我會揀啲清湯同菇類，都食得好開心。（唔會間中想放縱吓食肉？）身體好叻，吸收咗足夠營養就唔會想食其他。」

早前馬神50歲生日太太超Sweet送花。

唔強求個人獎項

另外，講到由他主演的劇集《跳躍生命線》口碑不俗，他自言知道身邊很多人觀看，大感開心：「其實初時冇諗過會有咁好口碑，我只係盡力拍，冇諗過收視點、係咪台慶劇或者獎項。」他認為有好成績是整個團體配合，並謂將會有慶功宴。該劇有好成績，會否覺得自己更有勝算獲視帝？他笑言：「大家都係咁講，我經歷咗咁多年，有就錦上添花，冇就安守本份，反而希望監製成以承接上一個劇咁攞獎，個人獎項唔會太強求，可能有人覺得我做得好，有人話唔好，但套劇好先係基礎。」

未曾被對手無視

提到佘詩曼爆試過因爭獎而被其他花旦無視，馬德鐘直言未試過：「唔同人有唔同反應，對個對手同對方係咩心態，當然有啲人好想攞，但最終都係睇公司同坊間反應，不過男同女唔同，男仔就算個心好想攞都唔會表現出嚟。」

自嘲未得過大獎

對於《TVB馬來西亞星光薈萃頒獎禮》及《星和無綫電視大獎》不再在星馬舉行，改為在無綫台慶當日在港頒發，他笑言自己從未得過這些大獎，不清楚詳情亦不知道具體如何運作，又認為香港人對本地頒獎禮的重視感會較強。

(on.cc)

【除咗阿嬌賴弘國】仲有佢哋同期入紙結婚！

2018-10-26

藝人鍾欣潼（阿嬌）同台灣「醫界男神」賴弘國今年5月，喺美國舉行百萬浪漫婚禮。

而佢哋都會於12月再喺香港擺酒，邀請之前冇去美國出席婚宴嘅賓客，到時一定星光熠熠！

二人日前正式入紙排期註冊，其擬結婚通知書亦終於曝光。

見到阿嬌用本名鍾嘉勵入紙，賴弘國報稱嘅地址係喺台灣，而阿嬌就係用香港住所地址，唔知佢哋婚後仲使唔使遠距離戀愛呢？

最好笑係阿嬌老公都唔知自己微博名。

另外入紙排期註冊嘅，仲有歌手林師傑同女友歐陽巧瑩！

佢哋拍拖四年，將會喺11月23日正式拉埋天窗。

二人申報嘅地址一樣，已經過緊同居生活。

(on.cc)

【牙痛、頭痛…】唔想食藥嘅話可以試下~

2018-10-26

當身體上出現牙痛、頭痛、經痛等疼痛症狀時，如果不想吃止痛藥來止痛，不妨嘗試使用一些天然的止痛食物。

營養師王婷貞說，當惱人的疼痛出現時，除了吃止痛藥止痛之外，其實有一些食物是有止痛的效果。有些食物中的成分，的確具有鎮痛、消炎的效果，因此對於不想吃止痛藥的人來說，不失為另一種選擇。王婷貞推薦以下4種天然的止痛食物：

洋蔥

洋蔥是廚房裡不可缺少的食材，而它的汁液可以緩解牙痛。擠出洋蔥的汁液，滴在疼痛的牙齒，就能減緩牙痛。

薑

薑是廚房必備的辛香料，也是天然的止吐劑、抗暈藥，還能幫助消化、驅風寒、預防感冒、減緩關節炎的疼痛等。薑可塗擦患部、直接吃、煮水喝，或是吃薑粉，對於紓緩疼痛有明顯的效果。

咖啡

咖啡中的咖啡因能使細胞接受不到疼痛的訊號，使頭痛減緩。當出現頭痛時，喝一杯咖啡試試看，就能因此減少頭痛感。

鹽

當牙痛時，用鹽水漱口，或是把鹽塗抹在疼痛的牙齒，就能緩解牙痛的不適。

(綜合報道)

【阿嬌竟然冇揀佢…】賴弘國嬲爆：難道還有下一次嗎？

2018-10-26

阿嬌鍾欣潼同賴弘國參與拍攝嘅大陸真人騷《爸媽學前班》。

今集喺測試遊戲中，兩人需要選擇人生中對自己最重要嘅人，阿嬌揀咗爺爺、媽咪、細妹、表姐、拍檔阿Sa，同未婚夫賴弘國。如果只可以揀一個人留低，咁會點揀呢？阿嬌揀咗同佢一齊大嘅表姐，賴弘國就揀咗阿嬌。

揀表姐唔揀老公（未來）留低，阿嬌話因為同表姐一齊長大，同甘共苦，經歷過好多：「父母沒有過多的照顧過我們，就只有我們兩個人相互照應。」

阿嬌竟然係揀表姐而唔係揀賴弘國！

賴弘國唔揀屋企人而揀老婆（未來），佢嘅解釋係：「我非常愛我的父母和兄弟，而老婆會是那個和我過一輩子，攜手一生的愛人。」即係阿嬌先係最重要。

最好笑係阿嬌老公都唔知自己微博名。

雖然賴弘國做咗一件咁令人感動嘅事、又講出呢啲咁動人嘅說話，但喺決定留低邊個之前，阿嬌同佢講：「不是我沒關係，我留下的也不是你。」賴弘國即刻話：「沒有，是你，我最後留的是你。」

之後嘅「共建安全島」實驗，心理學家要求阿嬌拎一件令自己有安全感嘅物件，阿嬌揀咗單車，仲邊講邊喊：「以前在爺爺家，在偏遠的地方學自行車，找到小時候的感覺，非常懷念。長大後因為工作繁忙，沒有花太多的時間陪伴爺爺，這是自己心裡的遺憾。」

實驗結果，心理學家話阿嬌係一個對自己要求太高、甚至對自己有啲苛刻嘅人，應該要學習放鬆。都幾中喎！

最後賴弘國講到二人相遇嘅經過，「她自己一個人，我的工作也是自己一個人，常常飛來飛去的，遇到的時候就是互相瞭解彼此的孤獨感，後來才慢慢的走在一起。不管我們兩個的原生家庭怎麼樣，接下來最重要的就是我們自己組成一個好的原生家庭，讓小孩子成長。」至於阿嬌冇揀最後留下佢，賴弘國說：「最後留下誰，我留下我老婆，你最後留下的是你表姐，了解彼此的孤獨感…我覺得，就是互相分享彼此的孤獨。」