懷孕六個月的她出席其創立的同芯慈善會活動，在戶外曝曬的她獲該會的香港主席雷震東買雪糕給她解暑，她呆一呆即接過雪糕食，並說：「咁好味嘅？係熱嘅！我喺屋企冇得食，冇食幾個月，今日咁有意義佢獎我食雪糕！」此時到場的藝人黃婉曼見狀即搶走雪糕：「以前自己佗BB唔緊張，依家見人佗B就緊張過人，我成日提住佢休息。」
黃婉曼的囡囡Kyra快將一歲，她已計劃生第二胎：「Kyra好乖好易湊，但擔心佢太過文靜，佢係觀察型，去Playgroup觀察完，人哋已經玩完走。」
(on.cc)
64歲謝雪心在無綫熱播劇集《宮心計2深宮計》飾演章尚宮，獲得不少觀眾喜愛。她接受商台《1圈圈 星光背後》 節目訪問，談到11歲獲任劍輝（任姐）及白雪仙（仙姐）賞識，成為他們的門徒及加入雛鳳鳴劇團。不過她其後因結婚組織家庭退出雛鳳，傷透「任白」的心。
謝雪心自知愧對「任白」 用心的栽培：「那時我從沒掙扎，我覺得我是要退出的，因為那個年代真的是有事業便沒有家庭，所以就專心做家庭主婦。那個年代的粉絲並不會希望自己（偶像）結婚、拍拖，所以我算是逆水而行，是困難的，但我覺得無理由結了婚就不能做戲，到結了婚，我又會想生小孩的事。所以經過6年的時間，做完我那個階段該做的事，我就再出來工作了。我回來時第一時間跟任姐、仙姐說『我會再出來演出了』，然後任姐看著仙姐，既不是說『Yes』，亦不是說『No』，而是說『我們的心願也總算了結了』，當時我真的不知怎算好，原來自己毅然退出都傷害得她們挺深。雖然她們栽培得我不算是成材，但起碼是有起色，外面的觀眾也是受落，所以她們會覺得可惜。」
曾獲得最佳女配角殊榮
任姐於1989年病逝，謝雪心表示任姐的離世對仙姐造成很大打擊：「任姐走了，仙姐一定會傷心，雖然當時我們的年紀都算輕，但都會明白。任姐以前經常唱《火網梵宮十四年》的一句『有今生唧，邊處重有來世吖，唉』，那時我只當這句是曲那樣練，但後來是深深體會到這一點。看到仙姐，我就知道哭不是最傷心，哭都哭不出來就能體會到撕心裂肺，這個狀況維持了真的很久，是你們想不到的那麼久。有時去仙姐家，她會在自己的房間裡獨自唱歌，我相信那種感覺就像是她與任姐在聊天一樣。她有慢慢好起來，但釋懷的時間並不短。」
11歲獲任劍輝（任姐）及白雪仙（仙姐）賞識
任姐的離世，對謝雪心亦是雙重打擊，因為她父親的離世只與任姐離世差一年。故此，她便決意轉當文武生，將傷痛投放在任姐的舞台藝術之中。
（mingpao）
孕期皮膚出現問題，要如何才能夠同時達成健康胎兒和Ｑ彈肌膚的目標呢？怎樣的保養方式，才最適合孕媽咪呢？孕媽咪以物理性保養為主，僅需把握住清潔、保濕及防曬三大原則就已足夠，若長痘痘則有別於平常治療方式，切勿使用A酸類產品；想嘗試醫美保養療程，也請產後再進行為佳。
由於懷孕期間荷爾蒙劇烈改變，要加強基礎保養，懷孕初期最好選擇中性肥皂不刺激為原則，如果夏天一天可以洗3至4次臉，冬天則以2次為限，因為冬天比較不容易出油，若過度清潔會導致無法保濕；其他肌膚清潔用品選擇上，要注意內含成分，若含水楊酸、甘醇酸、果酸，敏感性皮膚可能造成刺激，且大量使用水楊酸，可能造成懷孕初期出血、胎盤剝離，懷孕後期可能造成動脈導管阻塞。
懷孕期間，保養儘量以物理性簡單保養為主，可以使用台灣最便宜、好用又天然的「絲瓜水」，不用特別挑選價格高昂的產品，因為保濕重點在於頻率，早中晚各使用一次，可用化妝棉輕拍肌膚或直接使用噴頭式的，若在辦公室長期吹冷氣，也會導致肌膚保濕度變差。
懷孕期間的孕媽咪，皮膚對紫外線比較敏感，無論有沒有使用化妝品或保養品，千萬別漏掉防曬的步驟，即便是處在秋冬的季節也一樣，不然此時因為孕媽咪動情激素分泌的緣故，會使體內黑色素細胞更為活躍，容易造成黑色素沉澱而產生孕斑，所以務必加強防曬。
為了避免造成肌膚負擔，防曬產品也要選擇無刺激性的，並最好選擇質地清爽的SPF30物理性防曬品即可，若超過SPF30以上的防曬產品，黏著度高、難清洗；另外，可以搭配使用帽子或遮陽傘等防曬用品，才能確實避免紫外線進入肌膚。
詳情：Cancer Council Australia 兒童防曬乳 (SPF50+)
選擇保養品務必注意成分對胎兒的影響，若長痘痘時，平常皮膚科醫師可能會開立口服A酸給患者治療，但懷孕時若吃到A酸，恐造成胎兒畸形，而外用A酸目前雖然並未有證據顯示對胎兒有影響，但仍然建議能避免就儘量避免。
因此，懷孕期間看皮膚科醫師，務必告知已經懷孕，並再三確認藥物及藥膏是否內含A酸、杜鵑花酸或其他酸類；孕媽咪治療痘痘，可以選用天然茶樹，來抑制細菌生長，想美白則可挑選左旋C成分，若不清楚產品內容物，則可以帶去給皮膚科醫師鑑定是否可以使用。
詳情：100% 天然純正茶樹油
若在懷孕期間打雷射、脈衝光、肉毒桿菌或做電波拉皮，通常都無法達到預期效果，加上孕期不能施打麻醉藥，若直接做醫美療程，在施打過程中所造成的疼痛，恐引發血壓上升或子宮收縮，而導致不正常出血。與其擔心害怕醫美療程對胎兒有影響，不如等產後2至3個月再加入醫美行列，再一口氣來修復懷孕期間產生的孕斑以及妊娠紋。
(媽媽寶寶雜誌)
藝人陸永同太太Reina婚後生咗兩個可愛囡囡陸一穎（Hannah）同細女陸一心（Simsim），陸永出外搵食養家，而兩個女就由Reina照顧，有人話做全職媽媽慘過返工，廿四小時On Call之餘仲要冇假放。
阿媽都係人點都要娛樂，所以呢日Reina就暫時放低兩個女去旅行，多得有Reina媽咪幫手睇住頭家。Reina上載同老公陸永喺機艙嘅合照，留言：「我阿媽批準（准）我放幾日假先，返嚟再陪兩個囡過暑假… #皇恩浩蕩 #謝主隆恩」網民就留言叫陸永努力造人，兩個去三個返咁話。
陸永一家四口
（on.cc）
黃曉明係圈中出名孝順仔之一，今日曉明喺微博分享多張家庭照，為90歲婆婆慶祝生日，黃家上下，包括曉明父母、親戚、祖孫四代同堂，場面好溫馨。
但就偏偏唔見老婆楊穎（Angelababy）現身，搞到好多網民狂問：「Baby去哪兒？」，甚至直罵無禮貌:「再忙，總感覺怪怪的，畢竟一家人又是公眾人物，從頭到尾沒見baby微博有過祝福。」仲有人話曉明同Baby好耐都冇喺微博互動晒恩愛，推斷佢哋感情有問題，疑似婚變。
不過亦有網民為Baby護航：「出現了肯家有人說她為了私事不務正業…在黑粉眼裡她做甚麼也是錯的。」
現場氣氛一片喜慶，婆婆個樣好後生喎！一啲都唔似90歲，曉明仲為婆婆披上紅色絲巾。
數一數張大合照，總共有拍合照，總共19人，人強馬壯，除咗唔見baby，連小海綿都唔喺相中出現。而曉明就喺微博留言祝婆婆生日快樂，永遠年輕開心，仲話婆婆外表唔似90歲，秘訣係鍾意「笑」，婆婆曾經同佢講：「我的爸爸告訴我，也就是你老姥爺說，一定要堅持行善，不求回報！」
而曉明就一直堅守住婆婆嘅教導，佢話：「我堅信我們的今天也是姥姥的善因留下來的果，會記住姥姥給我們留下的家訓，誠實、勤奮、寬容、守法，姥姥是我們一家人的驕傲。」
(apple daily)
杜汶澤突然留言話暫停出糧，直到另行通知。原來佢將成副身家…
世界盃16強開波，第一日就有兩大球王阿根廷美斯同葡萄牙C朗分別作賽，開波前相信好多人都會諗，點都會有一位球王殺入8強啩！點知世事無絕對，兩位球王齊齊出局，可以join埋一齊搭飛機離開俄羅斯。唔少鍾意睇波嘅明星都話勁失望，當中最爆嘅要數杜汶澤，佢喺社交網話當年好支持阿根廷，自從馬納當拿退役佢都冇乜點樣再睇波，點知尋晚飲大咗將成副身家（即係公司所有伙計嘅成個月人工）買咗阿根廷贏，結果當然係輸咗啦！
杜汶澤（資料圖片）
佢仲宣佈暫停出糧直到另行通知，講到咁佢真係輸好多喎！不過唔出糧屬犯法行為，相信杜汶澤都係講吓笑啫。
（on.cc）
天王郭富城（城城）結婚同榮升爸爸後，每次提起老婆同個女都冧滋滋，同以往對私事絕口不提嘅態度嚟一個180度大轉變。
日前網上流傳一批城城返內地擺酒嘅相，相中見城城滿場飛，而老婆方媛就做佢背後嘅女人。城城周圍見人就敬酒，見到賓客舉機影相仲笑晒口擺Pose，一啲天王架子都冇，仲表現得好興奮！
其中一張相仲見到城城由老婆傍住抱BB，賓客都上前圍觀，父愛滲晒出嚟呀！
不過就未知今次城城係為囡囡Chant補擺滿月酒定係補擺結婚酒，淨係見社交網嘅地標係內地嘅蕪湖市，即係城嫂方媛嘅家鄉。唔少粉絲見到係真身城城，仲出Post呼朋喚友前去集郵，天王魅力可見一斑！
(ON.CC)
無綫資深演員陳榮峻將於七月十日迎娶拍拖三年的藝人女友吳香倫，這對兜兜轉轉黃昏戀的確令人非常期待！
經歷過失婚失戀，於今年元旦終於搵到真愛，對方比他年輕近廿年、任職銀行，拍拖數月因甚為投緣，決定閃婚，好日子已定於今年十月六日。他自爆是未來老婆反追，才有勇氣再入閘做老襯！
現年53歲的藝人韋家雄早於20歲時結過一次婚，他曾表示是一時衝動，後來因性格不合而離婚。至2012年他遇到第二春，在橫店拍無綫劇《金枝慾孽貳》外景而與同劇飾演「春琳嬤嬤」的陳嘉嘉擦出愛火，當時有指女方是有夫之婦，關係搞不清下，仍交往了三年，最後因女方家長嫌他年長而遭拆散，感情路上再一次失敗，他一度心灰意冷！但估不到六年後，出現了「銀行之花」鄧楚雅（Keynes），正當人人以為他憑其冧女功贏取芳心，實情是女方使出「親手造禮物」一招，以真誠反溝家雄，成功將愛情之火處於死灰狀態的他重新燃亮起來。
家雄與Keynes結識後相處不足大半年，便認定對方，他不時在社交平台放閃，並定於十月結婚，現正籌備婚禮。而與他合作無間，感情要好的康華，當然要重槌出擊，準備豪花五位數字買金飾作賀禮。日前他們現身金飾店，見康華如兄弟般向家雄搭晒膊頭跑去揀金飾，但亦不及其後到場的Keynes搶鏡，一對新人一見面便Sweet爆手拖手，猶如剛拍拖的戀人般熱情，「三人行」出巡商場，逛完商場便到餐廳醫肚，家雄細心為女友揀美食，期間吸引不少Fans駐足觀看及邀請合照，場面熱鬧。
見當日家雄能夠左擁Keynes右抱康華，足證他在兩個女人心目中的位置。他雖然曾以搞Gag冧掂不少女生，身邊不少共事的同事都讚賞他是一名「暖男」，又愛說笑話氹身邊人，人緣極好。
但他昨日受訪時謙稱：「其實我冇乜氹女秘技，只係做番自己，真誠對朋友！」又稱沒有用冧功氹未來老婆，反之Keynes無限愛心，親手縫製銀包、皮帶和造生日蛋糕送贈，所謂「幸福親手造」，其真誠再燃起家雄對愛情的希望：「佢係一個不拘小節嘅人，我哋性格好夾，相處開心，咪一齊囉！佢好有心思，親手造好多嘢送畀我，呢份心思先最珍貴，我好感動！」
家雄與第一任妻子所生的兒子韋庭鋒，現年27歲，他稱兒子衷心送上祝福，並與「未來媽媽」相處融洽，相當感恩。問兒子與Keynes夾得嚟？他說：「佢兩個都好夾，我哋一齊飲啤酒，我個仔又帶埋佢女友出嚟，我哋一家四口一齊食飯好開心，今次再婚，我個仔都好支持，仲祝福我添！」
（on.cc）
現年34歲嘅鍾嘉欣喺2015年做咗幸福人妻，秘嫁比佢年長13年嘅脊醫老公Jeremy，生咗得意囡囡Kelly後，今年3月再宣布懷有第二胎，「處女黨」班姊妹都話要向佢取生仔經。
處女黨成員 （資料圖片）
懷有7個月身孕嘅嘉欣現正喺溫哥華專心養胎，日前讀者胡小姐直擊嘉欣喺溫哥華嘅生活實況。胡小姐透露喺上月底喺Richmond區見到嘉欣揸車湊囡囡放學，素顏戴住眼鏡嘅嘉欣穿上一條白色連身鬆身裙，大騷長腿。
雖然腹大便便，但一啲都唔錫身，一手抱住囡囡上車，盡現母愛。胡小姐話﹕「當日大約下午三點幾，佢一個人去接囡囡放學，見佢囡囡都好乖，冇扭計跟實媽咪。嘉欣亦係慈母型，成日接囡囡返學放學，有時就兩公婆一齊接送。」
據聞嘉欣同老公為未夠兩歲嘅囡囡Kelly選讀當地一間私人開辦嘅幼稚園，由於係小班教學，每班只有6至7位小朋友，但就有三名老師照顧，所以學費都唔平，每月大約要1,600加幣，約9,600港元。由於加拿大人一向好少請工人姐姐，所以接囡囡返學放學，同做屋企家頭細務都係由嘉欣負責，真係做足賢內助本份。
(apple daily)
現年36歲的葉翠翠，15年嫁拍拖十個月、建築公司副董事周曉東（Raymond）成為幸福人妻。
去年4月，翠翠一索得男，為老公誕下7磅半「小王子」周津羲（Jake），今年1月再度宣佈有喜，預產期在六月。
今晚9點半，翠翠喺社交網貼咗幾張一家四口嘅相，宣佈「小小王子」已經出世，重9磅。
翠翠留言：「感謝大家的愛護，小小王子來到我們的家庭了！9磅，非常健康！生產過程順利，聽到小小王子的嘩嘩哭聲真的好感動。入到產房非常緊張，一直抖震，好緊張，一心想住小王子和小小王子，時間好快便過去。現在可以好好休息了。」
傳媒聯絡啱啱生完嘅翠翠，問佢再生囝囝係咪好開心？佢話：「好開心呀，無諗到BB有9磅重，有帶埋小王子去醫院，一做完手術上到房就見到佢喇！」
今次都係開刀生嘅翠翠話，今次生B過程好緊張，佢話：「醫生都好好，叫我唔駛咁緊張，老公都有喺身邊陪住我。今次緊張過第一胎，因為第一胎早咗出世，都嚟唔切緊張，又唔知會發生乜事，今次就知道晒發生乜事，所以會緊張，同埋易忟憎啲。」
哥哥見到細佬有乜反應？佢話：「佢見到小小王子喊，佢又喊，佢應該唔知做乜。之前無同佢講，因為佢應該未明白。」
會唔會再追囡囡？翠翠話真係未諗，因為湊一個陀一個都辛苦，如湊住兩個應頂唔順。
升任大哥的小王子，亦第一時間由爸爸帶著到醫院探望媽咪同細佬，最搞笑係一歲多嘅小王子唔知呢位新成員係乜水，唔知佢係細佬，即係亦唔知自己做咗大哥，見到BB喊，哥哥小王子竟然又跟住喊，可想而知場面幾咁惹笑。不過小王子多咗個伴，夠曬熱鬧。
（apple daily）
