「佢唔單止唔會同你聯絡，你真喺唔知佢咩時間先會出嚟，你只有心急同期待……再期待..講完。」
歌手梁漢文最近要去北上演出，不過日前飛去廣州時就發生件事，令到要喺機場呆等幾個鐘！佢喺社交網貼出一張喺機場嘅自拍照，話自己人已到埗……
但行李竟然無上到機，佢留言：「我今朝坐第一班機由北京飛廣州，準備今晚喺肇慶嘅演出，我人就到咗廣州，可惜我個行李無（冇）上機……點搞」相中見佢個樣勁慘，真係好苦惱！
咁都未算最灰，事關佢要喺機場「接篋機」等，而接篋同接人唔同，唔可以同對方聯絡，又唔知確實時間，所以佢亦只可以又再呆等。
不過皇天不負有心人，佢前後等咗5個鐘，終於等到！Edmond話「終於可等到一生中最愛」，令佢好興奮咁表示：「我大佬出嚟喇，依家仲要飛兩個幾鐘車先到肇慶，趕呀趕呀……」
(梁漢文ig / on.cc)
廚房抹布長期用來擦拭油漬，髒污難以去除，家庭主婦經常煩惱不堪！近日網路上流傳幾種常見的清潔法，包括蛋殼煮抹布清洗法、食用鹼清洗法、檸檬汁煮抹布清潔法，以及自製清潔劑清洗法，究竟哪種方法最省時省力又有效？央視節目「生活圈」整理了網友實際試驗的各式清潔法程序和效果。
優點：取材方便、廢物利用
缺點：去除油膩效果普通，適合一般清灰塵的抹布，不適合油污的抹布。
缺點：清潔效果不顯著，浪費食材。
優點：取材方便，去污效果好。
缺點：每天煮耗費時間。
做法：1.將肥皂切成粉末（10克），將肥皂末放入瓶中，加入10克澱粉、100毫升的水，搖晃均勻即可使用。
優點：取材方便、省時省力、去污效果是四種裏面最好。
(元氣網)
由名模榮升模媽嘅熊黛林（Lynn），於剛剛的10日與家人一起度過自己38歲的生日。
她在社交網上載一家四口全家福合照，還感性表示要約定兩個囡囡Kaylor和Lyvia，每年都要陪伴媽咪過生日。
明天就是兩個囡囡半歲大的日子，今天Lynn在社交網上載一條BB片，令網民瘋狂比like！
姐姐Kaylor坐在學行車不斷跳，非常活潑！她手執一條白色手巾仔。
媽咪Lynn叫她把手巾仔放到頭上，半嵗Kaylor好叻做到！
Lynn即時超開心，大讚個女好靚，還要求她多做一次。
然後Lynn再讚囡囡，Kaylor笑得好開心！網民都大讚Kaylor好叻女呀！
至於細孖Lyvia雖然沒有出鏡，但片中同時錄有另一把間斷BB「呀呀」聲音，可能是來自妹妹Lyvia的。之前Lynn都上載過Kaylor片段，非常精靈！（相關新聞：https://goo.gl/L8nJ21）
（綜合報道 / ig / apple daily）
由陳貝兒主持的無綫節目《嫁到這世界邊端2》，感動了不少網民，而經歷過婚姻失敗的貝兒，因為感受極深而集集喊。而今晚即將播出的主角為法羅群島人妻、曾任空姐的Belle。
法羅群島位於挪威海和北大西洋之間，是鄰近冰島的一個人口僅僅五萬的隱世小島，在這樣一個小島，有一個年輕香港空姐，從九龍半島嫁到法羅群島，嫁給俊朗律師的浪漫愛情故事。
今集主角Belle
節目中貝兒對Belle感覺是：「佢本身係一個空姐，好斯文好nice，今年28歲，而同樣28歲的老公Rani，好似法羅群島白馬王子咁，好純情，好怕醜！二人相識係於Belle大學時候，大家做交流生，兩人就喺宿舍邂逅。係Rani對Belle一見傾心，當時Belle都好多人追，不過佢就對Rani情有獨鍾，因為喺佢身上搵到一種久違的單純。」
「二人相識始於2011年嘅大學生交流生計劃，交流生涯完畢，各自返回家鄉，但久久未能忘記對方，想不到7年前的相遇令愛火久久不滅。終於喺三年前，愛火重燃，兩人展開超遙遠嘅異地戀，每次要見面探對方，就要飛足三程飛機。每次見得一星期，離開時好痛苦，掙扎過後，最終Belle為Rani放棄香港一切，今年6月，終於喺法羅群島正式注冊結婚。」
婚後生活，Belle稱：「喺呢度感覺真係好似時光倒流一百年咁，呢度生活還原基本步，遠離現代社會嘅商業文化及繁華、夜店、消遣場所，都一律欠奉，整個國度，竟然只得一間商場！喺首都搭巴士係免費㗎，每日準時五點，老公放工坐嗰班車就會駛到、老婆就上車、大家再搭多一個站就可以去附近超市買餸喇，一間普通超市，就已經係全國最大型超市！」
原來Rani係譚詠麟（校長）歌迷，當貝兒向校長提及時，校長亦拍片祝福二人新婚快樂，片中校長大讚Rani有眼光，除了娶得香港女子為老婆，更識得揀偶像。Rani看到此片，亦甜絲絲微笑，其妻Belle亦呷醋謂：「未見過佢望住第二個人會笑得咁甜！」
大合照！
(綜合報道 / on.cc)
藝人陳家樂早前宣佈與拍拖三年的女友余香凝分手，兩人曾共患難，一同經歷事業低潮，及後兩人終於捱出頭來，女方獲金像獎提名，現在還有發展唱歌路，而男方則慿《逆緣》飾演爺爺一角爆紅。
余香凝當時被指有第三者才與陳家樂分手，但兩人交代否認，陳家樂更開腔護舊愛，直言余香凝是「我最親的親人」二人雖然已經分手，但相信仍是一對會互相鼓勵的朋友。
最近「爺爺」陳家樂出席東方表行沙田錦標「時尚煲呔賽馬日」，他透露近期非常忙碌，時間很緊湊：「同時拍緊電影同電視劇，試過撞時間，一連拍咗38小時。（怕唔怕捱殘？）還好，趁後生搏吓。」
不知道繼《逆緣》之後，他會拍什麽電視劇呢？
問到會否覺得打煲呔是紳士象徵？
他表示：「係呀，喺我心目中打煲呔係襯喜慶日子，嚟緊我屋企都有喜事，就係妹妹結婚，我幫緊爸爸物色禮服，佢成世人冇乜着過靚西裝，想搵套Fit身啲畀佢，交由我負責。（咩風格？）冇咩特別，貼身就得，因為佢比較矮小。」恭喜家樂呀！
（綜合報道 / on.cc）
佢表示：「呢套劇我豁出去，監製搵我果時話個角色係王君馨死黨，樣子騎呢，我話我唔介意，橫掂都係，我做得騎呢啲！好期待套劇出街，好有挑戰性，其實我忙做主持之外，都好鍾意做演員。」
Fanny回想拍攝劇集時，當時粗身大細，佗緊BB五個幾月，都驚大住肚拍會影響角色，但劇組上上下下都對佢好好。
藝人李漫芬（Fanny）有份演出即將播出嘅台慶劇《是咁的，法官閣下》，戲中Fanny飾演一名律師，係王君馨好朋友。
同香香合照
Fanny話：「監製搵我，我話大肚喎，會影響角色嗎？佢話唔會，因為律師都可以大肚嘛。劇組好照顧我，未埋位時，就叫我坐低同換平底鞋。」
佢仲自爆拍攝時嘅趣事：「有一套西裝要連戲，我第一次拍係扣到鈕，點知補拍時已經扣唔到，要用扣針扣，哈哈。另一次係公司盆菜宴當日要拍攝，我就早啲返去化呢個妝，再去食盆菜，在場啲人唔認得我，呢個造型仲帶畀我好運，我抽中獎，好開心。」
最後都能夠順利拍攝，而家Fanny應該過緊一家三口幸福生活添！
（綜合報道 / on.cc）
資深藝人岳華一向是圈中公認的好好先生，令不少女士為他着迷，他與著名作家亦舒的一段情更成一時熱話。
據知亦舒被岳華的「好男人」性格吸引，早年曾撰文大讚岳華為好男人：「世界上罕見的例子。」她寫道：「有一張好人的臉，好人的性格，他是那種會使別人自然去佔他便宜的好人。因為誰都知道，佔了岳華的便宜，不會有後顧之憂。岳華不抽煙不賭錢，不去舞廳，不亂花錢，是一個孝順的兒子，是一個努力的演員，是個不錯的男朋友。」、「岳華可以演那種青年導師，指引飛仔飛女改邪歸正。有時候他空，就坐在梳化上講解古文，講得很不錯。
他是一個很正常的人，健康而快樂。不要說是電影界罕見的例子，也是這世界上罕見的例子。」最後女追男成功。當時因為「小生配才女」而令戀情哄動一時，最終二人未能開花結果，而一向低調的岳華亦未有多提這段戀情，只在時隔多年回港拍劇時，他坦認亦舒脾氣差，並指分開後多年都沒有再見面。
當年亦舒曾因呷醋，於盛怒之下將其西裝、領呔通通剪破，而岳華就透露亦舒最激一次，用刀插向他瞓嗰張床：「佢模擬我瞓喺張床度咁，喺我心口位置插落去，我睇佢插落床度嘅痕迹。」
岳華坦白說著名作家亦舒（右）脾氣差，曾剪坡自己的衣服與領呔。
岳華演藝事業成功，感情路上卻不平坦，亦曾結過兩次婚。早於1966年岳華夥拍女星鄭佩佩合演《大醉俠》迅即走紅，有指二人更因此電影擦出愛火花，他與鄭佩佩拍拖5年離離合合。
《大醉俠》令兩人燃起愛火花，這段情糾纏了足足五年。
而他跟陳鴻烈、鄭佩佩發展一段三角關係，亦成一時佳話。
與此同時，亦舒替邵氏《香港影畫》做記者，兩人十分談得來。二人相約一起玩，岳華開車，鄭佩佩坐車，亦舒也經常做座上客。後來鄭佩佩曾表示，到家後亦舒常說自己有夜盲症，一定要岳華送她上樓。
岳華最終情歸邵氏影星恬妮，二人於1975年拉埋天窗，並誕下女兒梁曉暉，更於80年代毅然放下事業，為太太移居到溫哥華生活，確實是模範好老公。但在恬妮之前，岳華曾跟一名意大利女子有過一段短暫婚姻。
一代大俠最終情歸邵氏影星恬妮
亦舒其後移民到加國，他們曾在超級市場碰過面。她已經再婚了，他亦有自己家庭了。
相關新聞：
【姐夫岳華逝世】恬妞今忍痛拍攝喜劇 https://goo.gl/zK4bYy
【大爆太太恬妮曾逼婚】岳華甘願爲家庭放棄事業 https://goo.gl/TX2cUC
【妻女念佛12小時送別岳華】陳凱琳：拍完之後仲會嗌我阿女 https://goo.gl/vf9rBn
【岳華離世】蔡少芬淚崩：我真係真係好唔捨得佢，好難過 https://goo.gl/mucPQ6
【上年八月暴瘦現身】縱橫演藝圈半個世紀 證實離世 https://goo.gl/g4KDfo
（綜合報道 / on.cc）
6月時大方向傳媒承認懷孕5個月，計落預產期應該係下個月到！
自宣佈懷孕以來，佢都不時都會於社交網更新近況。
呢日佢就上載出最新嘅大肚寫真，並透露現時已經懷孕滿37周，隨時準備生得：「包子足月37週啦！隨時等待發動，迎接你的來臨！爸爸媽媽心情既期待又緊張，你要順利平安健康地出世～」
相中見藝人李悅彤（Liddy）着住喱士婚紗裙，若隱若現咁透出巨肚，網民都大讚好靚好性感！
今次仲透露BB性別添，其中一張相Liddy老公拎住「Baby Boy」嘅牌，正式宣佈今胎係囝囝！
呢批相好似當時佢哋影結婚相咁，睇嚟Liddy好鍾意喱士紗裙系列喎！
(綜合報道 / ig / on.cc)
藝人森美出席活動，小時候患有專注力失調和過度活躍的他，希望用自身經歷為有問題的學生打氣，他表示：「之前都有去啲學校探訪，有一、兩個學生聽完我分享都感動落淚，我同佢哋講要相信自己，我細個讀唔到書嘅一段時間都辛苦，補習老師教到要搣我，阿媽都打我，成日都唔合格，我連功課都做唔好。」
問到仔女可有他這個問題？他笑言：「好在我太太冇，揀一個好嘅另一半好重要。」講到仔女生性讀書又叻，他表示：「讀書叻唔叻只係排第二，最重要係畀佢哋搵到鍾意做嘅嘢同埋有成功感，佢哋細個想學乜都畀佢哋試。」
講到他思想開明，可會畀仔女拍拖？他表示：「佢哋5、6年班時，我已經有問佢哋有冇鍾意嘅人，愛情嘅感覺係控制唔到，如果你成日話唔好，佢就會講都唔講你聽，有時愛錯、唔識拍拖、唔識愛人，感覺係好差，愛一個人係要學識點相處。」隨即笑言：「所以我會畀佢鍾意人，但唔會畀佢咁快拍拖。」他又自爆14歲的仔仔在5、6年班時，有個很好的女仔朋友：「我就約嗰家人一齊食飯，到依家都會約出嚟玩，個仔話佢哋唔係拍拖，但逢放假我都會叫佢哋去街。（咁快見「未來新抱」？）如果係咪早啲見，唔係咪係朋友，教佢鍾意一個女仔可以同佢相處多啲，係咪拍拖就遲啲先算。」
(on.cc)
天王嫂方媛（Moka）雖然早前傳出再度有喜。
不過之後佢就喺網上指自己體重激輕，似乎想借啲意否認傳聞。
呢日Moka又更新社交網，仲喺社交網分享自拍片，片中見佢大玩手機APP，自拍靚樣唔同角度，似乎心情好靚喎！
一班網民都大讚佢係「零死角」美女，仲搞笑話佢戴住嘅珍珠耳環好大粒，唔知係咪老公送，搞到佢哋都好「葡萄」咁話！
(ig / on.cc)
